عندي سؤال بجد مضايقني هل طبيعي انه مافيش حد بيعجب بيا أو حد بيتقدم ليا الموضوع ده بدأ يضايقني جامد و بدأت اشك في نفسي خصوصا انه للاسف بدأت اقارن نفسي بصحابي هما ماشاء الله فعلا حلوين اوي و الناس بتبقى عايزة تتكلم معاهم حتى لما بنكون في مكان عام بنطلب اوردر لو انا اتكلمت ممكن فعلا مش بلاقي اللي قدامي مستمع ابدا ولا فيه انتباه فبنسحب و اخلي حد فيهم يطلب بلاقي ساعتها معاملة مختلفة تماماً فبزعل و بضايق و بحس اني مش حلوة أو مش متشافة مش بغير منهم والله بالعكس بحبهم جدا بس لما كل واحدة تحكي عن مواقف حد اتقدم أو حد معجب بيهم بشك في نفسي و مش بيبقى عندي حاجة احكيها انا طبيعية و عادية يعني انا شايفة نفسي حلوة و بحب ملامحي بس حاسة ان الناس هي اللي مش شايفة اني حلوة مش بحط ميك اب ولا حاجة و بعتمد اكتر على الاسكن كير بس فيه ايام عادي بكون تعبانة و مجهدة زي كل الناس مش لازم الانسان يكون حلو ديما و بيرفكت انا مش فاهمة حاجة هل تفكيري غلط ولازم ابذل مجهود اكتر من كدة عشان الناس تعجب بيا ولا ايه
لا هو الموضوع بيكون مجرد نصيب وتوقيت مش اكتر وكمان المقارنة مع صحابك هتتعبك اوي هو في ناس بيجيلهم الاهتمام بدري وناس تانية ف وقت تاني خالص وكلامك إنك شايفة نفسك حلوة وبتحبي ملامحك دا حاجه تحفه فمتخليش المواقف دي تهز ثقتك بنفسك وبعدين عدد الناس ال معجبه بيكي دا مش معيار انك حلوه أو لا وانتي ليكي نصيب مع شخص مناسب ليك هييجي في وقته من غير ما تحتاجي تبذلي مجهود عشان تلفتي نظر حد وانتي كدا تحفه بجد من غير حاجه ركزي على نفسك وحياتك وثقتك بنفسك والباقي بييجي في وقته ف متفكريش كتير
طيب الموضوع نسبي فولانة ممكن تلاقي معجبين. و متتجوزش غير علي سن 30/ 32 و فلانة ممكن ميجيلهاش معجبين بس تتجوز علي سن 25/23 الموضوع مش منافسة... فولان ممكن يكون بيلعب بفلانه و مش بتاع جواز بتاع اعجاب بس و التاني اتأخر شوي بس بتاع جواز... فهمة قصدي.. سيبيها علي الله... ولو لقيتي محدش منتبه لكلامك حاولي متتكلميش كتير.. خليكي هادية
خليكى على طبيعتك ومتبذليش مجهود زيادة بجد هتلاقى ال على طبيعته بردوا ويحبك ويختارك وسط الالاف المطصنعين
مفيش واحده مش حلوة بس هي أذواق والحب عمره ما كان شكل اللي بيحب حد بيشوفه احلي حد في الدنيا
الجواز ده نصيب قسما بالله انا اللي حولايه اللي كانوا جمال اوي اتجوزوا جوزات وحشه والعكس