هو انتي فكرك ان اي راجل متجوز او مرتبط وبيكلمك على البنت اللي ف حياته هيقولك انه بيحبها وبيموت فيها بس بيحبك انتي كمان؟ مش معقول اصلا. بصي، ممكن يكون صادق وممكن يكون كذاب، بس متقيسيش ابدا على افعاله انه بيحبك عشان كل ده ممكن يطلع تمثيل. عارفة لو كان سنجل حتى؟ كنت قلت طيب، بس ده واحد متجوز. طباعك وطباع اهلك غيره وغير اهله تماما، وفوقها متجوز، انتي حرفيا بترمي نفسك ف الجحيم بمزاجك. عموما استخيري بس ده رأيي. + كل ده حرام من اوله لآخره، ف هو جه ولا مجاش انتي لازم تقطعي علاقتك بيه لحد ما تبقوا لبعض على سنة الله ورسوله.

بصي انا صريحه حطي نفسك مكان مراته لقيتي زوجك بيكلم واحده تانيه وهيتجوزها هتعملي ايه ومش لازم تردي عليا هنا المهم تردي علي نفسك وتسألي نفسك وردي بصراحه وتاني حاجه انتي اصلا غلط من الاول طالما بندور قي الشرع وبتقول انه عادي الراجل يتجوز كذا مره كمان نكمل الشرع بقي ونشوف انه حرام اصلا انه يكون بينكم كلام حتي لو كلام عادي انا مش هذوق ليكي الكلام واقلك يا حبيبتي واصل واصل لا خليكي صريحه مع نفسك وصدقيني صعب جدا ان الشخص المتزوج اتنين انه يعدل

انا مستغربه اوي ان الناس بتقولك استخيري وكده يا جماعه بجد الموضوع حرام اصلا ومينفعش و هتلاقي الراجل ده كمان كام سنه لو اتجوزتوا هيبص لواحده تانيه كمان عشان اللي يبقى معاه واحده و يبص برا ده هيفضل كده حتى لو معاه ملكه جمال العالم

انا فهماكي جداً لاني للاسف كنت مكانك في فترة 🙂💔 بس زي ما انتي قولتي فوق هو ليكمل حاجة نقصاكي والحاجة دي انتي لازم تعوضيها بنفسك علشان تعرفي تشوفي الصورة اوضح ... روحي لثيرابست و اشرحيلها شكل علاقتكو و قولي لها انتي حاسة ب إيه و اعرفي الحاجة اللي هو بيعوضهالك و اعرفي ازاي تعوضيها بنفسك و بعدين لما تبقي مش محتاجاه قرري هتكملي ولا لأ لأن موضوع الزوجة الثانية دا صعب اوي و مش سهل تقبله نهائي

متحوليش لأسف الفكرة صعبة متفكريش في الموضوع ان هو يتم علي قد ما تشوفي حياتك هتبقي عاملة ازاي جربي تخيلي سيناريو لحياتك شهر معاه بعيدآ عن اول شهر تخيلي وهو بيتعامل مع اتنين في نفس الوقت مرانو الاولي وانتي مش هتفكري تغيري علية منها مرة تخيلي في مرة يفضل بعيد عنك فترة وهو معاها وانتي في ظرف هيحصل سيناريوهات كتير بالذات وقت ما تجيبي منوا بيبي وقتها الوضع هيبقي اصعب لو علي الراحة او الدماغ واخدة دة نصيب وهتلاقي لو مش في هيكون في غيروا

بصي انت دلوقتي للاسف بتفكري بمشاعرك مش ب عقلك ف انا هرد عليكي بصراحه و عايزاكي تفكري بجد اولا انت بتقولي انه كان قدامه مليون فرصه انه يتجوز تاني و هو اختار انه لا مين قال انه فعلا اختار لا ما يمكن جرب و الستات رفضتت و يمكن اصلا انت اول شخص يكلمه ثانيا هو انت متوقعه ان الشخص ال بعد لما اتجوز قرر يبص برا مره مش هيعمل كده تاني؟ انت بالذات مش هيكون ليكي حق تقولي حاجه بالذات انك متجوزاه و هو متجوز ف لو جه يتجوز تالت مش هيكون عندك ترفضي ثالثا هو اصلا هيقول لمراته انه هيتجوز التانيه ولا هيخبي عليها؟

فرق السن كان وانا هرد عليكي

يابنتييي انا بتكلم في حتت انك المفروض اول ما تعرفي انه متجوز لازم يبقى فيه حدود بينكوا حتى لو راجل مش كويس و بيكلم عادي بنات وهو متجوز انتي لازم يبقى عند المبدا ده و لو حصل انك اتكلمتى معاه وحبتيه انتي لازم تقولي لنفسك انه مينفعش وانا كده بخرب بيت واحده تانيه عشان انتي دلوقتي من غير جواز اسمك الواحده اللي هو بيخونها مع مراته انه بيكلمها وحست انه كويس و بتاع طول ما مراته مش عارفه انك بتكلميه دي اسمها خيانه عارفه ان كلامي مش متزوق بس فعلا في كلام كتير مقولتوش عشان مش عايزه ابقى قاسيه بس اي خد فاهم و عاقل و واعي هيقولك نفس كلامي

هو انتي ازاي اصلا تكلمي راجل متجوز حتى لو هو مش مصري وعادي بنسباله بس ازاي تعملي كده اصلا انتي لو متجوزه تقبلي ان جوزك يكلم واحده ؟؟؟؟ دي اسمها خيانهههه

عن تجربة في العيلة، فكرة الجواز من واحد غير مصري و متجوز قبل كده ح تدخل لك في مشاكل و هموم انتي في غنى عنها، القلب ما بيتقسمش على اتنين و لا أكتر صدقيني ، الحب في الحالة دي بيقابله حاجات تانية ، زي بيته، ولاده، اسرته و نظرتهم ليكي، أهلك و معارفك لو حد عرف، عموما فكري و استفتي قلبك و بالتوفيق

.

حطي نفسك مكان مراته دلوقتي التعدد عندهم عادي لكن انتي قلتي تعدد يعني جواز رسمي

انتي وحشه و وحشه جدا ازاي تقبلي ده ع مراته اصلا حتي لو عادي ف مجتمعهم يعني البنت اللي بتعمل زيك بيتقال عليها كلام بشع من مجتمعنا فكره انك تبصي للراجل المتجوز بصه زي دي او تفكري فيه كشريك ليكي ده مرض اي حد ف الكومنتات هيخفف عنك وطأه الذنب ده هو لو اتردله نفس الذنب مش هيتحمل و انتي شكله طفله او مراهقه متعرفيش حاجه اللي بيكلمك بيكلم غيرك ي ماما مفيش راجل من النوعيه دي محترم و اغلب النوعيه دي بتعرف تسايس كويس اوي ف فكك من احلام اليقظه اللي انتي فيها دي و فكري لو ابوكي كان بيكلم واحده عشان خواته كلهم متجوزين اتنين ده هينفي ذنب ابوكي و خيانته لمامتك ؟ ده اللي انتي بتعمليه حرفيا بتخربي بيت و حرام اصلا يتجوزك لو اتجوزك جوازكوا غالبا هيبقي باطل و الله اعلم لانك هتحرمي عليه لان سبب ف تخريب جوازته الاولي التعدد ليه شروط كتير اساسا و هي غالبا مش هتنطبق عليكي الا لو تقبلي ع نفسك بجواز باطل اسلوبي قاسي انا عارفه بس انتي محتاجه تفوقي