عندي مشكلة و هتفهموا من التجربة الي هحكيها اية هي المشكلة .. لسة قاري تجربة عن فار كان محبوس في صندوق و متوصل سلك كهربائي لمنطقة ف المخ اول ما بيروحلها كهربا بتفرز دوبامين أو هرمون السعادة .. المهم في زرار ف الصندوق أو القفص ده لما بيتضغط عليه بيدي جرعة كهربا لمخ الفار فيفرز دوبامين .. المهم الفار ميعرفش ده .. الفار بيحاول يخرج بأي طريقة من القفص لحد ما بالصدفة خبط ف الزرار ف خد جرعة طبعا الفار مفهمش اية الي حصل حاول يجري تاني ف خبط فيه تاني ف خد سعادة المهم الفار فهم اللعبة و بقا كل شوية يضغط على الزرار .. بعد فترة جابوا اكل رفض ياكل و فضل يدوس على الزرار .. جم فتحوله القفص رفض يخرج و فضل يدوس على الزرار .. جابوله فاره يتزاوج معاها بردو سابها و فضل يدوس على الزرار القصة انتهت بإن الفار مات من الجوع من غير ما يحس و كل الي كان شاغله ياخد سعادة من ضغطة الزرار