نفسي

عامه دي مش مشكلة اوي بس بقالي فتره كدا ي مش بنام او لما بنام بتجيلي كوابيس واقوم بقي دماغي مفشوخه من الصداع مش عارفه دا معناه اي او اي سببه وكل حاجة حواليا مش كويسة اه بس كوابيس بشكل متكرر دا ليه معني لو حد يعرف

أنا بجد مستغربة ازاي القلب قادر يشيل الوجع ده كله بجد وازاي حاسة بالتقل الرهيب ده اللي مابيروحش نفسي بجد أنام مرة وقلبي بس مرتاح ومطمن مش هقول مبسوط بذكر الله وحاسة بوجوده والله دايما بس نفسي بجد أحس اني مرتاحة .. أنا محتاجة الدعاء تصبحوا على خير 🤍

انا شخص مريض اكتئاب حاد وباخود أدوية اكتئاب بس مش منتظم بلعلاج السلوكي لما بكون في البيت او مع الناس القريبه مني بلاقي كلام صعب زي انت مش شايف انك مكبر الموضوع او انت بتاخود أدوية يعني المفروض تخف او مش شويه ضغط تفهين وتقلب وشك او انت ليه مش بتقعد معانا حتي لما في مره عورت نفسي بلموس قالولي دي مبلغه منك انت بتبالغ الموضوع موصلش لكده انا اتخنقت جدا جدا هما هيشفو امتي ان الموضوع صعب لما يلاقوني ميت هيشفو ان الموضوع صعب ولا امتي

بفضل أسأل نفسي كتير ٠٠ امتى الفترة الصعبة دي هتعدي ٠٠ امتى هرجع زي زمان ٠٠ طب هو فيه أمل حياتي ترجع تتظبط تاني ٠٠ أصل إيه كم الأذى وكم الإبتلاءات دي ٠٠ الواحد والله عمره ما أذى حد ولا حتى سعى ان يأذي حد ٠٠ بالعكس ده الواحد ياما فضل الناس ومصالح الناس عليه ٠٠ اللهم لا إعتراض وأكيد فيه سبب عند ربنا كبير وفيه إجابة لكل أسئلتي ٠٠ بس انا تعبت من التفكير ٠٠ نفسي بس أتطمن لبكرة !!

نفسي ابطل ازعل علي حاجة مستاهلش يعني انا بقيت اتعلق بالناس ليه بجد والله مكنتش كدا بقيت ازعل علي حد ارتحت معاه ف الكلام ومشي او انا اللي مشيت وبقيت دايما بحس بعدم الراحه لو حد اتصل بيا. بس لما حد بيحتاج حاجة مهم بحب أقف مع اللي يستاهلو مش عاوز اكون راجل بتتحكم فيه مشاعره اعمل اي وفي نفس الوقت انا بحب اختار الوقت اللي مثلا نخرج او انزل القهوة او اروح لزمايلي ف الشغل القديم بحب اكون مرتاح كدا ف قراري بس الحوار ده عايد عليا ب اني باخد قرارات سريعة برضو انا مش فاهم حاجه من نفسي بس حاسس اني خرجت اللي في دماغي اكتر حاجة بتخليني اقل في نظر نفسي لما الشه9ة تعميني واريلاشن مع بنت شات ولا كول بنام واصحي اكني كنت مضروب علقة مع اني انا اللي بضرب وبهين والقرف ده بس بكون متضايق اوي بس حوار القعدة مع نفسي والله بالدنيا 😂

سؤال تاني ازاي ابطل نقد وكره واضطهاد كل حاجة في حياتي، بفضل انتقد الناس في دماغي وتصرفاتهم ببقى هفرقع منهم، وتصرفات عادية مفيهاش أي حاجة ممكن اكره حد بسبب حركة ايده بسبب نظرة عينه أي حاجة انا تعبت تاني

لاحظت حاجة كذا مرة إني لما اقول هنا ادعولي بحاجة معينة سبحان الله ربنا بيحققهالي شكرا لأي حد كان بيدعيلي عايزاكم بقى تدعولي اظبط حياتي عشان كل حاجة عندي متلغبطة الانتكاسة طولت أوي أوي مش عارفة احفظ قرآن و العبادة بقت تقيلة عليا مش عارفة أطور نفسي مش قادرة اصلا و معنديش طاقة ،أنا عايزة بس مش قادرة ، بفكر اختفي فترة من كل حتة و ابعد عن الموبايل لأن متأكدة إنه السبب ف ادعولي اظبط حياتي و ارجع شغفي ، وقولولي اي الحاجة اللي اعملها استعيد بيها تركيزي و طاقتي حاسة إنها ممكن مشكلة فيتامينات بس مبحبش اقول لأهلي عايزة اكشف على حاجة أو اقولهم تعبي وكده ف مش عارفة ممكن احل دي ازاي و كان حد قايلي على فيتامين دال من الصيدلية بينفع في الحاجات دي بس مش عارفة حد جربه أو ينفع من غير دكتور ولا لا لو حد عنده تجربة مع الحاجات دي يفيدني و شكرا

انا تعبت من كتر الخوف والقلق بقلق واخاف من اي حاجة حرفيا حاجة حصلت ولو بسيطة بخاف مرض بكبره في عقلي حتى لو شوية برد واوصله لحاجات مش حلوة بحاف من اي حاجة وكل حاجة وده مش باين عليا ده بيكون مع نفسي بس انا تعبت والله دايما عايش في خوف وقلق دايما باخد دوا عشان ضربات قلبي ونفسي ابطله بس مش هقدر لاني بخاف ابطله لو عدى ع الجرعة ربع ساعة بس وماخدتوش لو انا مش واخد بالي عادي اول م اخد بالي اخاف واقلق واتبرجل تعبت والله عارف ان مفيش إنسان معافى وكل واحد مبتلى بس انا بمسك ف اي حاجة بتحصلي حتى لو صغيرة اخر سنة دي اصعب سنة مرت عليا في حياتي ولحد دلوقتي خايف من بكرة مش عارف اعمل حاجة اتسند عليها او اسند اهلي عليها حاسس اني عالة على اهلي اكتر منا عالة على نفسي ، نفسي اعيش يوم واحد من غير قلق وخوف خصوصا من المرض نفسي اتقبل ان فكرة المرض عادية وكله بيمرض مش لازم اكبر الموضوع ، جماعة انا نفسي اعيش

أنا مش زعلانة إني خسرت شخص في يوم من الأيام، أنا زعلانة على النسخة اللي خسرتها من نفسي بعده. النسخة اللي كانت بتثق بسهولة، وبتحب من غير خوف، وبتدي فرص من غير ما تبقى مستنية الأذى. من وقتها وأنا بحاول أصلح اللي اتكسر، لكن الحقيقة إني تعبت. تعبت من إني كل ما أفكر أبدأ خطوة جديدة ألاقي قلبي بيرجع ألف خطوة لورا. وتعبت من إني شايفة عمري بيجري وأنا لسه واقفة عند نفس الجرح، مش قادرة أتجاوزه بالكامل ولا قادرة أعيش كأن حاجة محصلتش...يمكن محدش حاسس بحجم المعركة اللي جوايا، لكن بجد أنا مرهقة... مرهقة من الخوف، ومن الحذر، ومن إني كل مرة أحاول أقنع نفسي إن مش كل الناس شبه بعض، وأرجع ألاقي قلبي لسه واقف عند نفس الوجع....ويمكن أكتر حاجة كانت نفسي ألاقيها هي الأمان. كان نفسي ألاقي شخص يبقى مكان أرجع له لما الدنيا تضيق، حد أحس معاه إني مش لوحدي في مواجهة كل حاجة. كنت بدور على راحة، على طمأنينة، على إحساس إن فيه حد ثابت مهما اتقلبت الأيام. لكن للأسف الحياة علمتني درس مختلف. علمتني إني أرجع لنفسي قبل أي حد، وأعتمد على نفسي قبل أي حد، وأفهم إن الأمان الحقيقي مش سهل ألاقيه في البشر. وكل مرة كنت أفتكر إني لقيته، كنت باكتشف إنه كان مجرد شعور مؤقت. المشكلة إن الإنسان بطبعه محتاج ناس، محتاج احتواء ومشاركة وسند. ومهما حاولت أقنع نفسي إني أقدر أعيش لوحدي للأبد، جوايا جزء لسه بيتمنى يلاقي الشخص اللي يطمنه ويخفف عنه ثقل الأيام. ووسط الصراع ده، بين إني خايفة أقرب وبين إني محتاجة أقرب، بحس بإرهاق كبير جدًا. إرهاق من التفكير، ومن الحذر، ومن محاولة حماية قلبي طول الوقت

اعتقد اة لاني يعتبر عملت كل الي حباه كان نفسي ادخل هندسة ودخلتها وكان نفسي اكون مهندسة معمارية وحققت دة وحاجات كتير الناس والواقع بيرفضها فيا ولكن انا شايفة أني مرتاحة كدة ولكن يمكن كنت هغير شيلي للمسئولية الي شلتها في وقت انا المفروض ما شيلهاش فيه وكنت هعيش حياتي لنفسي شوية وافكر في نفسي شوية مش في الناس هتقول اية أو اهلي هيقولوا اية ولكن غير كدة انا راضية عن كل الاختيارات الي اخترتها لنفسي

مشكلتي مش إني مش بعرف أحب أنا لما بحب بحس بجد وبهتم بالتفاصيل، وبكون صادقة جدًا في مشاعري لدرجة ممكن تخلي اللي قدامي يحس إن أنا الأكثر اهتمامًا مع اني مش بكون اوفر يعني مش بفرض نفسي طول الوقت مش بتدخل في تفاصيل كثير مش بتكلم طول الوقت بس لما بتكلم باخد بالي وبهتم فعلا وبعرف احتوي بس انا بحس اني مع اني مش بفرض نفسي الا لمجرد اني مريحه المشاعر ناحيتي بتقل وده شئ بيوجعني مش بحس اني استحق ده في نفس الوقت، لما أحاول أختار بعقلي وأقول مثلا اختار حد كويس كا فكره الصالونات بحس إن المشاعر تقيلة عليا، وبحس بذنب، وبحس إني مش مرتاحة للحياة دي، وكأني بعيش حاجة مش شبه قلبي. وفي كل مرة بحاول أوازن بين الاتنين، ألاقي نفسي تايهه يا إما إحساس قوي مش بعرف أسيطر عليه، يا إما محاولة سيطرة بتخليني مش قادرة أكمل بحس ان انا مش نافعه في اي نوع من انواع الارتباط أنا مش عايزة أبقى زيادة عن اللزوم، ومش عايزة أبقى بارد أنا بس عايزة أفهم نفسي وأعيش مشاعري من غير ما أظلم نفسي أو أظلم حد معايا

انا عندي مشكله الناس ديما ديما بتسيء الظن فيه و بيفهموني غلط بيفسرو تسامحي علي انه ضعف و يفسرو كرمي علي انه سذاجه و بيفسرو تنازلاتي لي مره علي انها حق مكتسب باقي العمر في الواقع انا طبعتي كويسه ودي مش مشكله المشكله الحقيقيه في الي مش فاهمها

عارفين انا حلفت كدب تالت مرات... لما قولت مستحيل تيجي منهم "وجات".... ولما قولت والله مستحيل اعمل كده وابقي زيهم" وعملت وبقيت اوحش منهم"... ولما قولت الشخص ده بزات عمرنا ما هنسيب بعض " وسيبنا بعض".... ـــــ

بس بجد الحياة كده حلوة اووي، وانا مش مستنيه حاجه من حد ولا متعلقه بحد ويومي وحياتي كلها متعلقه بكلمه من حد، مش محتاجه اكتب برجراف طول بعرض عن كان قصدي ايه وعايزه اتعامل ازاي، ولا مستنيه اهتمام وكلام من حد ولا عايزه اصلا. الحياة لنفسي انا بس ولشغلي ودراستي واهلي واصحابي. الحياة جميلة كده

انا قاعد مخنوق اوي هقسم هأجل تالته السنه الجايه ومتضايق اوي لو حد حابب يتكلم او يحكي حاجه انا حابب اسمع يمكن اعرف احل لحد مشاكلته ربنا يريح قلوبكم ويسعدكم ويفرحكم يارب ويارب ما حد يعدي باللي عديت بيه ابدا ♥️♥️♥️

ليه دايما بينتهي بيا المطاف لوحدي؟ حاسس اني ببوظ أي حاجة بلمسها مع اني مش وحش ولله دايما بتمني الخير للكل حتى على حساب مصلحتي ، ساعات ببص في المرايا واسأل نفسي انا ليه كدا وهل عيب فيا ولا في ايه بالظبط تعبت جامد

بقالي فتره مش منتظمه خالص ف الصلاة للاسف و بفوتها خاصه الفجر كنت بظبط منبه بقوم اقفله وانان حتي لما بصلي بصلي من غير خشوع نهائي او بصلي غصب عني و ببقا سرحانه و استغفر الله حتي ممكن اصلي ركعتين بدل ٣ مثلا و اكسل اعيد الصلاه اقول مش مهم و مببقاش مركزة نهائي ربنا يسامحني بس بجد انا مكنتش كدا خالص ومدايقه من نفسي اوي

مش كل حاجة بتتقال تستاهل رد ومش كل موقف يستاهل معركة أنا اتعلمت أهدى وأفكر قبل ما أتكلم وأسيب الوقت يوضح الصورة لوحده اللي بينا كان مرحلة وعدت كان فيها حاجات حلوة وحاجات صعبة بس في النهاية انتهت مش محتاج أبرر نفسي ولا أفتح كلام تاني ولا أرجع لنقطة خلاص خرجت منها في ناس مع الوقت بتبان حقيقتها مش بالكلام لكن بالتصرفات وبالاختيارات وبالسكوت كمان وأنا اخترت أبعد عن أي حاجة ترجعني لنفسي القديمة اللي حصل انتهى واللي جاي أهم بكتير من إني أعيش في اللي فات

عندي مشكلة كبيرة جدا بتوجهني وهي اني شخص خيالي جدا يعني تقريباً عايش حياة تانيه في خيالي فيها بنت بنحب بعض وبتخيل اننا بنخرج وبنحب بعض وحقيقي نفسي جدا اخد خطوة في الخطوبة عشان احقق كل مهوا في خيالي من خروجات و وفسح بس حاسس ان حتا لو خطبت هتكون علاقة عادية جدا وهيبق صعب احقق 20/100من خيالي حتا نفسي ابطل اعيش الخيال بجد

لية ديما بعرف احل مشاكل الناس وبنصحهم واغلب الاوقات بتكون حلولى ونصايحى بتكون صح بس لما باجى على مشكله ليا بحس انى بتصرف غلط اكتر الاوقات بتكون غلط او بحس انى مقيد مش عارف احل المشاكل ونصايحى لنفسى 90 ٪ منها غلط

أنا تايه وماعنديش أي اهداف ولا عندي شغف للإستمرار , ومحبوس جوا دماغي ف آلية دفاع عاملها عقلي وهي الخوف من اي تجربة وده ناتج عن الفشخ النفسي اللي اتعرضتله ف بقى عقلي خايف من اي حاحة عشان يحميني من اي حاجة تضايقني وتضغطني ، حاسس اني ميت ، بحاول أصلح نفسي بس بجد بجد مش قادر ، ماعنديش ثفة ومش بحب الناس ومش بحب نفسي

انا اتخنقت اتخنقت من حاجات كتييير معنديش رغبة في الكلام مع حد لاني مش بجمع لكن الي عايزاه ان حد يضغط عليا بالكلام يطلع التروما الي جوايا يخليني اتكلم و بس مش لازم كلام مترتب او يحمل معنى عايزة اعيط عياط اطفال مفيش في ايدهم حاجه كنت دايما بحلم اني اكبر و احس اني كبرت و اهلي يبطلوا يتحكموا فيا زي ما كنت شايفة و قد كان بس المشاكل كترت من كذا ناحية كبرت و جربت حاجات مش حاباها كبرت و عرفت اني لوحدي بتكلم كتير مع ماما بس عمري بجد ما اتكلمت معاها في الي واجعني بجد مش عايزة اقول الي مضايقني كتابه بقالي سنين بعمل كده هنا نفسي حد يسمعني و يسمع الي بكتبه نفسي ابطل استخدم الاب ده الي اتحبست فيه سنين لمجرد احساس الامان الي حسيته هنا اني اقول الي عايزاه منغير خوف او تعليق منغير ما احس ان شكلي بقى وحش قدام حد نفسي اروح ثرابي بس لا ميزانية تسمح و لا اهل يسمحو انا بتاثر اوي باي حاجه و اكتر حاجه خنقاني اني سهل اعيط نفسي اكمل حوار. منغير ما اعيط نفسي الاقي ناس حقيقة من جوا نفسي اتنفس نفسي الاقي نصي الثاني عموما نفسي ابطل احب لوحدي نفسي ابطل احلم في خيالي نفسي اعيش الواقع حياتي تبان حلوه جدا بس والله انا تعبانة فيها بحاول اتبسط على فكرة مش معناه اني مش راضية بس والله تعبانة اوي مشاكل مشاكل مشاكل الفترة الاخيرة مفيش غير المشاكل و سوء الظن و عدم تقبل اي اراء معاكسة لاراء شخص معين انا بخاف من بابا رغم انه معايا انا و اخواتي كويس و بيهزر بس عمره ما جرب يدخل جوانا و يسمعنا و يسمع الي واجعنا و الاغلب من اهله و المشكلة انه شايف ان الجزء ده مينفعش ندخل فيه اصلا عارف احساس انك بتحب شخص خايف منه نفسك تقوله كلام بس خايف انا عايشة مع بابا بقالي ١٧ سنه. و تعامل بابا معايا كويس جدا الحمد لله بس في نقطة كده بخاف اقرب منها انا بخاف بخاف من الرجالة خايفك اتجوز حد ميسمعنيش ميعتذرش ميتقبلش فكرة انه غلط شايف اني مليش حق اقول الي مضايقني من اهله شايف انه صح على طول انا مش عايزة كده انا عايزة حد احسن من كده انا عايزة حد غير كده و عكس كده نفسي اشوف ولد مش بيفكر كده يبقى بالنسبة ليه البنت الي معايا دي ملكة مزعلهاش و اكيد هى لازم تبقى بنت اصول برضو بس هى بالنسبة ليه اولى من اي حد و اي حاجه بكره عيلة بابا انا بكرهم و بكره و جودهم و فكرة انهم قرايبي اصلا انا بكرهم انا قرفت منهم حرفيا

الواحد تعب بجد حاسس اني بظلم ناس كتير وحاسس اني وحش والناس هيا الصح لما اقول الصراحه بشوف الناس بتقول عليا اني الغلطان ليه الناس مش بتمشي بصدق انا تعبت من كتر الي حوليا وتعبت من نفسي قرفت عايز اهرب من الدنيا دي عايز اعيش في الصحرا واعمل بيت صغير ويكون في خضرا اعيش حياه معا نفسي احس اني عايش فعلا اصنع المجد لنفسي حتا لوكان حاجه صغير بس احس اني تعبت فيه ليه كل الناس بتصعب الأمور علي نفسها انا تعبت من البشريه الزباله دي حاسس اني هبقي زباله زي بقيت الناس الزباله حاسس اني وهتحول في يوم من الايام لظالم وهظلم

انا مش عاوزة اقول كدا بس مخنوقة من نفسي ومحتاجة حل بقالي فترة طويلة الصلاة تقيلة عليا بشكل مش طبيعي لدرجة بسمع الآذان ومش بقوم مع انى كنت بحافظ على الصلاة وبصلى الفجر بس كل دا راح مش عارفة اعمل اي واتصرف ازاي ممكن حد يديني نصايح

في مقوله بتقول يعذبني احيانا انني انا ياعني مفيش حاجه تعباني قد نفسي ممكن اكون في حاجات كتير كويسه بس هيا بتجبرني ابص على الوحش بس ديما افكار تحبط وتحاول تغيري فكرك للحاجات الكويسه تضحك عليك شويه بس بعد كده ترجع لنفس المشكله تاني أوقات كنت اتمني اني حاجه تانيه غير الإنسان طائر مثلا

موقف ممكن يبدو صغير بس ضايقني من نفسي . دخلنا مسجد نصلي قالتلي تعالي نصلي ركعتين تحيه المسجد الاول سرحت كدا لاني حسيت مستتقله موضوع جدا رغم انهم بساط جدا . لو كنت لوحدي مكنتش صليتهم بس اتشجعت علشان اتحرجت منها و اتصدمت في نفسي في نفس الوقت .منغير مقول عبدتي كانت ايه فالصلاه بس كانت افضل من كده و قلبي كمان ..💔

احكي واقول اي اقول إن مش عارف ان مالى أو اي المضايقني اقول إني مش عارف سبب إني مش قادر ارجع اشتغل زي الاول او اتعامل زي الاول طيب قولولي مين لسه زي الاول متغيريش الحبايب بقو أعداء والقرايب بقو أغراب حتي انا مش عارف نفسي حاسس إني ديما في حاجة غلط بس قادر افهم اي هيا

السلام عليكم سؤال بس من فضلكم هوا طبيعي ان اصحابك اللي انت بتاعملهم اكنهم اخواتك علشان متحسسهمش انهم اقل منك في حاجة انهم يستغلوك او يحاولو يطلعو من وراك باي مصلحة سواء كانت مادية او حاجة تانية ولا انا علشان بعاملهم كدة ساؤو فيهاا اصل مش طبيعي ان مهما كانت حالة صاحبك المادية كويسة تروح تطلب من موبايل ابل احدث اصدار وتقولو هبقي اسددك تمنو مع ان دا مش هيحصل او مثلا اللي بيطلب مبلغ مبالغ فيه حتي المبلغ دا لو طلبه من والده مش هيرضي يدهلو وامثلة من دا كتير انا والله بييجي عليا وقت وببقي عايز اقطع علاقتي بيهم كلهم بس بقول دول صحابي وممكن ربنا موسع علياا علشان بساعد ناس زيهم بمبالغ هما بيستلفوها ومش بيرجعوها بحجت انهم مزنوقين ومش عارف ايه بس انا مش شايف في الموضوع غير ان دا استغلال ف كنت عايز اعرف راي حضراتكم

انا اكتشفت ان اكتر ناس شبهي و نفسي اتكلم معاهم و اتعرف عليهم هما اكتر ناس بصدهم و بعمل حركات لا ارادية تخليهم ميكلمونيش حتى لو انا حاباهم انما لو ناس مش مهتمه بيهم او مش مهتمه اني اتعرف عليهم بلاقيني بتكلم معاهم حلو و بيبقو صحابي وانا مكنتش عايزه كده أصلا الموضوع غريب اوي مش فاهمه ليه بعمل كده... كمان عندي مشكله فالتجمعات مبعرفش اندمج و بيبان عليا اوي اني منعزلة و مش بتكلم كأني مستنيه حد يكلمني و حصل النهردة و بيحصل كل عيد بقعد في ركن و فين و فين لما حد يكلمني وانا بقفل الحوار مبقدرش اكمل

عاوز اتكلم في موضوع خنقني من زمان بس انا بقيت بكدب وخلاص بجد يعني بقيت اكدب بسبب ومنغير سبب بقيت بكدب في اي حاجة ومع اي حد وولاسف سعات بحلف كمان مش بكدب الي ببالغ لا بس انا فعلا حد بكره اوي حد يكدب عليا فبقيت انا الي كداب مع الوقت حد فهمني طيب

من العباده انك تظهر الفرح والسرور ف العيد حتي لو كنت مهموم وزعلان والدنيا مش مضبطه معاك ف كل حاجه. يارب يجعل ايامنا كلها عيد متحملش نفسك فوق طاقتك… انت مش مسؤول تصلح مشاكل العالم. انت مسكين، ولو عرفت تصلح حياتك و تعمل مسؤلياتك تبقي حلو جداً

بقالي حوالي سنه نفسي اقلع الحجاب، اعمل ستايلنج لشعري واوريه للناس زي باقي البنات، البس اللي انا عايزاه من غير ما حد يقولي حاجه..من رابعة ابتدائي وانا لابسة الحجاب، ملحقتش استمتع بإني اظهر نفسي، كبرت وابويا مخبيني عن الناس ومبيخلنيش اخرج في اي حتة.. حتى لما كنت بعوز دروس كان بيجيبلي مدرسين اونلاين عشان مخرجش برا البيت، كل الناس قالتلي ده بس خايف عليكي، لو هو خايف عليا هيخليني اعمل ابسط الحاجات من غير ما يحسسني اني بعمل مصيبة.. كل ما اقوله عايزة اخرج مع صحابي يقولي لا، ربنا شاهد اني ولا مره واحده في حياتي كلها خرجت مع صحابي، بيقولي احنا كده كده بنخرج ك عائلة مش لازم صحاب (مبنخرجش غير مرتين في السنه وأوقات مره واحده بدون مبالغة) ف انا تعبت وحاسه اني محبوسة ومش عايشة حياتي وكل حاجه مقفلة عليا وحتى الخاتم اللي هو ابسط حاجه ممكن البسها بيمنعني ويشك فيا ويقولي بتتزيني لمين ما تلبسيش اكسسوريز. جاسه اني مخنوقة لدرجة اني بقيت امسك وشي واغرس ضوافري فيه واقطعه من التعب اللي جوايا

من زمان وانا الناس بتقولي اني طيب جدا وكدا وانا كنت بسكت عادي مش بقول لا انا مش طيب بس انا من جوايا عارف اني عادي ومش طيب ولا حاجه، يعني ولا وحش ولا كويس انا في حالي وخلاص، بس مع الوقت ادركت ان انا فعلا طيب ومابيهونش عليا زعل اي حد واني طول الوقت كنت بمثل وبتظاهر اني مش فارقلي حد ولا حاجه وعادي يعني، لكن انا طلعت طيب بشكل مخليني قرفان من نفسي لأن بعد دا كله انا ماطلعتش بأي حاجه ولا استفدت اي حاجه ولا عرفت اخلي اي حد يحبني ويبقي عليا، دا بالعكس انا في ناس كتير واقرب الناس ليا الي ماليش غيرهم اصلا ولا اعرف حد غيرهم شايفني حد وحش وغير ناضج وعقلي صغير، حقيقي مش عارف الناس دي عبيطه ولا بيستعبطو، ليه بيشوفو الي هما عاوزين يشوفوه بس ليه مابيحسبوهاش صح ليه دايما شايفين ان هما الي صح وبيدو لنفسهم الاحقيه في كل حاجه ليه الناس سطحيه وانانيين وفكرهم محدود اوي كدا، عامة مشكله الواحد انه مهما حصل فيه مابيتعلمش ومش عارف يتغير ولا عارف يكره

مش طالبة حاجة غير أن الناس تسيبني فحالي بجد. تعبت من كتر الزعيق اللي بسبب ومنغير سبب نفسي بس اقعد ف اوضه تكون ليا لوحدي واجيب فيلم واكل حاجة بحبها ، نفسي فعلا فساعتين بس منغير زعيق أو توتر أو طلبات

يعني برغم كرهي للمكان هنا بس كوني موجوده دلوقتي يعني تعبانه وحاسه اني لوحدي وحتي تايهه عن نفسي ، مش انا دي خالص ، كان عنده حق لما قال اني مطفيه وغرقانه مش عارفه اقول حاجه تانيه بس بحب دايما اطلب ان ربنا يهديني

بالنسبة للقلب اللي بعت كومنت ع البوست اللي اتمسح منزله بوست برايفيت من 4 ساعات اتفضل/ي أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

السلام عليكم يا فواكه يارب يومكم يبقى لذيذ المهم بقى لو حد هنا طلع عمرة من فلوسه يقولي بقى عملها ازاي و ازاي احوش و كدا(عاطلة عن العمل اهلي بيصرفوا عليا)بس المهم الاصرار لاني نفسي اروح جدا جدا ف اقرب وقت و ربنا يرزقني و يرزقكم يارب

غالبا والدتي ست نرجسيه برضو مقدرش اجزم ١٠٠٪؜ بس انا بقيت بتاذي نفسيًا و جسديًا بسببها و مش عارفه اتعامل معاها ، انا بنت عندي ٢١ سنه و داخلة في ال٢٢ ان شاء الله مشاكلي مع والدتي كلها ليها علاقه بالمطبخ و شغل البيت مش عشان انا مش بعرف اعمل الحاجة لا لا خالص المشكله في الطريقه و انها عايزه كل حاجة تتعمل حالًا في نفس ذات اللحظه انا لما ببقي فاضيه بساعدها حقيقي بس انا ببقي مشغوله بدراستي لاني في سنه تالته علاج طبيعي و كمان جامعة خاصه و في منحة لازم اجيب سكور معين عشان افضل محافظه علي المنحة عندي اخ ٢ ثانوي و اخت ٤ ابتدائي مش هطول عليكم بمشاكلنا بس اقرب مشكله كانت اول امبارح ظبطت منبهي عشان اصحي قبل الجمعة اخلص محاضره و اكسب وقت لان المنهج كبير صحيت يادوبك صليت ركعتين لله و بسرح شعري لقيتها باعته اختي الصغيره تقولي اقوم اعمل معاها الفطار انا مش مشكلتي في المساعده قد ما مشكلتي في الوقت اني نايمه قليل عشان اصحي اذاكر و مسهرش كتير بليل لاني بفصل بعد ٢ بليل روحت المطبخ بكل هدوء بقولها يا ماما هو المساعده دي هتاخد وقت قد ايه؟ لقيتها بتزعق و بقولك ايه تقفي تساعديني ولا هتقرفيني لو كده امشي انا قولتلها انا بس بسال عشان انا المفروض صاحيه اذاكر لو كده كنت نمتهم افضل لاني صابح عندي امتحان لقيتها بتقولي طب اتق الله و ساعديني يمكن تاخدي دعوه فانا سكت كده قالتلي المساعده هتاخد ساعة اتنين عشرة تاخد اللي تاخده قولتلها منا اعمل الفطار و اصلي الضهر و اغسل المواعين و اعمل الشاي انا كده هبدا مذاكره علي ٢ الضهر لقيتها زعقت اكتر و غوري من وشي و قامت حدفتني بالشوكة اللي في ايديها في بطني من الجنب هي حاليًا سايبه اثر زي دايرتين كده ليها قشرة علي جلدي المهم اني دخلت اوضتي اعيط فضلت تقول انتي م.و.ت.ك اهون و اسكتي عشان م.و.ل.ع.ش فيكي فسكت و مفطرتش و قعدت اعيط في اوضتي كل اللي شاغل تفكيري اني خايفه ربنا يسحب مني التوفيق بسبب عدم رضاها روحت اعتذر مقبلتش اعتذاري و فضلت تقول نفس الكلام امي مقتنعة انها ام و معاها تصريح تعمل اي حاجة عمرها ما اعترفت بغلطها حتي في مشاكلها مع والدي دايما شايفه انها ام و مينفعش تعتذر ولا حتي تبين اتعا غلطت مع انه ده والله هيزيدها في عيني زي ما بابا بيعمل معايا امي شايفه اني عشان تعليمي اعلي منها فده بيخليني ارد عليها و ابجح زي ما بتقول مع اني والله مش بعمل ده ولا بيصدر مني ده مع الغربب حتي و كل الناس تحلف بادبي و اخلاقي حتي لما بتكلم معاها بعد ما المشكله تهدي بتقلبها خناق والدي يجي يكلمها تتخانق معاه هو شخصيًا و تقعد تقوله لازم نكسرها و كده مش هيبقي ليها كبير بس والله انا بكبر لابويا امي مش مقتنعة انه كلامها بيكسرني و مش عارفه ازاي اعبر عن نفسي معاها خالص رغم كل ده و اعتذاري مش بتكلمني برضو و حتي اتصلت بعد الامتحان زي ما متعوده مفكرتش حتي تسالني عملت ايه قالتلي طلبات البيت و قفلت في وشي و مسالتش عليا ولا علي امتحاني ده حقيقي موقف بسيط بيني و بينها انا معرفش المفروض اتصرف ازاي و اكيد يا جماعه ربنا مش بيرضي بالظلم ولا معني انها ام انها تكسر عيالها كده اكيد ربنا مش هيدي للامهات التصريح ده عشان يكسروا عليهم و اجي علي نفسي واراضي و اطبطب وانا مأذيه بسببها للعلم امي اخر ٦ سنين بطلت تصلي البيت كله كلمها و بتقول ادعولي بهدايه بتصلي غالبا الجمعة بس انا اعمل ايه محتاجة نصيحة لاني فعلا تعبت محدش يقولي اتجوزي عشان هي بترفض عرسان من بره بره و تقول لسه بدري لما تخلص كليتها و فاضل علي كليتي سنتين و سنه امتياز

بعد ما حكيت قصتي الطويلة اللي محدش عارفها معررفتش اكملها ..فضلت باصص للسما والسحاب و سرحان يا ترى كان ممكن يتم النصيحة ب ايه مش عارف ...بس خير انا بس نفسي ربنا يتمم على خير للموضوع ده لاني اتكسرت

نفس المكان بسرح وبفتكر زمان لو نسياه امشي وسيبي الذكريات امشي وسيبي ذكرياتي امشي وسبيلي ايامي لو كل الوقت اللي بينا مش فارقلك مش فارقلي حبك كان كدبه واذاني علمني محبش تاني واتعلمت احب نفسي عمر نفسي ما تنساني اهه وشوفت معاكي احلي ايامي سهرت ليالي بكتب سطور اول سطر حلو وياكي واخر سطر كاتبو بدموع ويمكن بكره اصحي وانساكي مش يمكن بكره اكون مبسوط ولو قولتيلي نرجععع تاني خلاص بعتبروو بااب مقفولل

ايتها التفاحة هناك مشكلة عندك، لا ادري ما هي رد ف الكونتس ربما نجد حلا معرفش بتكلم فصحي لي بصراحه أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

أُواسِي الجميعَ وأُخبِرُهُم أنَّ الأملَ لا يَزالُ مَوجودًا بينما في كلِّ ليلةٍ أَتَأمَّلُ خَيباتي وأَحلامي الضّائعه. أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

اهلا يا شباب مشكلة كدة وعايز ليها تفسير، هى مش عائق اوى لكنزلافضل لو تتحل هى إني عندى تركيز عالى فاى حاجة بعملها وفنفس الوقت الى بيحصل انى بتشتت بسرعة فأوقات كتير. والغريبة فنفس الوقت احيانا بعمل حاجاتين مع بعض بحسن ادارة، فأى التفسير لكدة

اختي دائما بتلعب دور الضحية و مبتعترفش بغلطها أبدا و لما واجهتها معترفتش و قالت إن انا ال كدا و دائما طريقة كلامها ..انا بردو ال كدا ؟؟.. يعني مثلا هي ال عملت الفعل و انا عملت رد الفعل مين الغلط هي لا هي مش شايفة دا نهائي و بتهاجم و انا بدأت اشك فنفسي حتي لو معايا حق بسبب طريقتها انا قرفت و مش عايزة عقلي يتلعب بيه

عندي مشكلة كبيرة مع احساس الذنب و العار ، اليوم ضاع مني مبلغ بسيط احساس الذنب راح يقتلني ، كي نروح للطبيب و إلا gym و إلا نشري snack نحس أنو تبذير، تعبت من الاحساس راه يقتل و بدا يأثر عليا بشكل سلبي لدرجة أنو خلاني نخاف تجرب أي حاجة خوف من الخسارة.

البوووست البرايفيت معنديش حاجه اقولها الحقيقه سو انا عامة شخص لذيذ يعني أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

ليه صعب عليا الاقي نفسي واصاحبها ولما بلاقي نفسي بتكون في المكان الغلط أقصد بكلامي اني يلاقيها مع الإنسان الغلط مش بعرف صاحب نفسي كده غير معاه ازاي اقدر أبطل الموضوع ده محتاجة اكتفي بنفسي واحتويني من غير ما اعبر ليا من خلاله

واحشني نفسي أوي وأنا طفلة على فكرة كنت طفلة لطيفة ومؤدبة وخجولة جدا وحساسة جدا فوق الوصف وكنت بحب اتدلع أوي وكنت شطورة أوي أوي وكنت بحب اللبس والتوك والشراب الأبيض والجزمة السودا ولبس العيد كنت بفرح بيه أوي وكنت بخاف من المراجيح واحشني أوي اللعب والعرايس كنت بحب العرايس أوي وبحب البلالين كمان وغزل البنات نفسي أقابل نفسي وأنا صغيرة وأحضنها كدة مش عارفة بكتب ليه يعني بس بكتب وخلاص Skip 🙈

هو ليه دايما احنا الجيل الوحش ليه ديما بيجو علينا وبيحسونا ان احنا موفهين مع ان احنا شايلين بجد احمال كبيرة قوي وتعبانين كلنا بجد تعبانين نفسيا الجيل ده كله تعبان نفسيا كلنا عندنا مشاكل مش بنحكيهالكو علشان انتو مش هتفهمونا في سنانا الصغير ده شوفنا حاجات كتيرة قوي ممكن تشيب الراس وماحكش يعرف اي حاجه من دي غيرنا بنفكر كتير قوي وبنتعب وبنتضايق وبنكتئب مش علشان كلنا فراخ كده خلاص الدنيا تمام يعني نفسي اهلينا حسو بينا شويه و يحسسونا اننا متشافين وموجودين يحسسو ان احنا بجد لينا قيمة

نفسي اوي ابطل حركة ال " احنا هناخد nap صغيرة ساعة مثلا و نصحى نعمل كذا " عشان واضح اوي انه جسمي مش بي identify كلمة nap ولا صغيرة، انا جسمي ميعرفش غير نومة اهل الكهف ومش فاهمة برضو ايه سر علاقة الحب الغربية الا بيني وبين الحب الفترة دي ( أكتر فترة مضغوطة وبخلص فيه مليون حاجه وبطفح حرفيا التخرج ) يارب أنت عالم بقي هونها قبل ما أنهار 😭😭😭😭😭😭😭😭🦆

معتقدش اني كنت عايزه ابقي كده بس معتقدش برده اني هستسلم للي وصلت ليه عشان مش ههدي لحد ما اكون راضيه عن نفسي وعن حياتي تاني واعيش حياه تستحق تتعاش بجد لان الصوره اللي بشوفها لنفسي اللي بجد كانت طول الوقت نضيفه وعلطول بتحاول تستحق تعيش حياة تليق بيها

تعبت من نفسي .. كمن يساق إلى الموت و هو مخمور غير خائف ولا يرتعد .. عقل في جسد صنم لا ينفع ولا يضر .. لازال يشاهد خيباته و الوقت يمر .. أظهر معاناته على المسرح للعامة من أجل التسقيف و التعاطف و ليس من أجل العلاج

مضايقه من نفسي وعجزها عن اني اتغير واكون انسانه جديده بعد العلاقه الاخيره اللي كنت فيها وبعد صداقه مهمه خسرتها وحاجات كتير خسرتها اخر فتره مش عارفه اقوم زي زمان كنت بقوم دايما بس حاليا حاسه بهزيمه وضعف وعجز رهيب

‏رزقك كامل 24 قيراط تاخذهم اثنين ثلاثة فلوس...علي أربعه خمس عيال وصحة ... أب وأم وعيلة.. علي شوية صحاب جدعه وقعده حلوة علي البحر ونفس بتاخذة من غير وجع... ضحكة من القلب .. سلام نفسي ورضا غير كدةملكش دعوه بال 24 التانين بتوع اللي جمبك ربك عادل بيديك اللي أنت محتاجه وبس أرضي بنصيبك.. وقول الحمد لله انت متعرفش ورا كل نعمه حصل ايه.

بعد ما قطعت علاقتي بالبنت بقيت بمتلك وقت اكتر لنفسي ولمستقبلي ولشغلي ودراستي احساس ان وقتك كله بقى لنفسك مش أنانية بس كل واحد محتاج وقت يبني ويخطط لنفسه ومستقبله بعدها يفكر في الارتباط والعلاقات وكدا مش قصدي ان البنت مش مناسبة لكن الوقت هو اللي مش مناسب لاي حاجة أدركت اني محتاج افكر واخطط لمستقبلي لأن دا اللي يستاهل كل الوقت اللي بضيعه بس في نفس الوقت فقدت إمكانية اني اتكلم مع شخص قريب مني

بحاول الفتره دي ع قد م اقدر اكون كويسه بس أنا جوايا مش كويس تعبانه نفسياً وجسدياً اووي اووي حاسه في شعورين جوايا عكس بعض شعور يقولي انتي قدها ومبتتكسريش من اي حاجه تحصل وانك مش لوحدك وشعور تاني لا انتي مش بخير وخدي وقتك ف الزعل وايه يعني ميبقاش عندك شغف ولا طاقه عادي مش لوحدك اللي كده وبجد قدمت ع فرصه شغل واتقبلت فيها بفضل ربنا عليا بس مكملتش اسبوع وسيبته بعدها بكام اسبوع قدمت ع شغل تاني واتقبلت فيه وامبارح كان اول يوم تدريب ليا بس بردو مش هكمل فيه مش قادره معنديش طاقه خالص اتعامل مع حد او ادخل ف جدالات مالهاش آخر عشان أنا حقيقي تعبانه اوي وبردو بقول لنفسي أنا لو متقبلتش ف الشغل ده هزعل اوي ولما أتقبل فيه لا مش عايزه اكمل مبقتش قادره احدد أنا عايزه ايه ولا أوصل لايه أنا ذات نفسي مش فاهماني عشان حد يفهمني بس حاولت كتير علي قد م اقدر اكون كويسه بس كل مره بفشل ف ده ولما بحس اني بدأت أتحسن في حاجه بتحصل بترجعني تاني لنقطه الصفر نقطه الصفر اللي لما برجعلها بحس اني ولا حاجه حقيقي مش عارفه اعمل ايه؟؟ عشان أنا مكنتش كده بالعكس أنا كنت بحط حاجات كتيره اوي في دماغي وبوصلها بس دلوقتي مبقتش عارفه حتي اني استمرّ في اي حاجه سواء مريحاني او لا

حقيقي معنديش مشكله بس زهقان ملان قرفان مخنوق تعبان عايز انزل و اخرج اطلع من البيت عموما بقا نفسي ارجع اعمل رياضه تاني او على الاقل اجري زي زمان نفسي ارجع اصلح الماضي كنت معمي أو مبسوط بزياده فمشوفتش حاجة أنا جيبت أخري

انا محنوق خنقه غريبة تعبان اقسم بالله حاسس. اني بنهار نفسي اصرخ مش عارف اعمل حاجه متكتف وحاسس اني فااااااشل او انا فعلا فاشل انا مش بطلب من حد يقولي اهدا ولا يقولي كلام ايجابي انا فعلا شخص فاشل في كل حاجه انا بس بكتب كلمتين جوايا نفسي اصرخ واقولهم 😓😓😓

انا مخنوقة جدا و داخلة انام بس عشان اليوم يخلص مقفولة من الشغل و من البيت و من كل حاجة و مقفولة من كمية النفاق و مصدومة في اغلب اللي حواليا نفسي اكون احسن في است وقت و اتخطي و ابقي مع نفسي عايزه مبقاش مستنيه اي حاجة من اي حد و يبقي عندي خطة ليومي مفيهاش اي بني ادم

المشكله مش مشكلتي هي مشكله صديقه ليا.......كل حاجه بدأت من تالتة اعدادي وكانت دحيحة ما شاء الله لحد ما ظهرت نتيجه الترم الاول ولقت ان جموعها كان قليل(مش قليل ان يأثر تدخل ثانوي ولالا بس اخوها من الاوائل في ثانوي عام فهي بتقارن نفسها) من يوم النتيجه وهي شايفه نفسها فاشله جدا ومع ان دخلت ثانوي بمجموع عالي بس لحد الان شايفه نفسها فاشله وبتكره المدرسه كره مرضي وبتعيط كل يوم ومتوتره بسبب او بدون سبب وده ماثر علي حياتها اليوميه لدرجه ان بقت مش بتحب تضحك او تخرج لان شايفه نفسها متستحقش ده وان هي فاشله وشكلها وحش وتخينه (انا بقولها العكس) ممكن الموضوع يبان تافه بس انا عشت معاها سنتين او اكتر ومريت بكل ده معاها وبفضل اكلمها يمكن للفجر عشان احيانا بحس ان هي وصلت لمرحه ان تعمل في نفسها حاجه لان علطول بتدعي بده...... مش عارفه اعمل معاها ايه ووضعها مزعلني جدا لان بدأ يأثر علي مستواها وهي هتدخل سنه تحديد مصير فمينفعش تفضل حاطه نفسها في الضغط النفس ده كتير

مش بعمم خالص بس حاسه دكاتره بيستمتعوا بوجعنا ليه حاجه ممكن تتعمل اكتر اتقان او اقل وجع و متتعملش انا كل مفتكر كميه الوجع و الد م بتخنق بجد و بزعل علنفسي ازاي بتهونوا علي نفسكم تجربه سيئه و ادعولي بظهر غيب

مش عارفه اعمل ايه احساس انك عانيت في كل إللي فات ومش شايف مستقبل ولا أمل في إللي جاي مش عارفه خايفه اوي مش فاهمه انا يعمل ايه ولا عايزه ايه مشاعر كتير متلغبطه نفسي الاقي حل حاولت كتير وبمعني تاني بقالي 10 سنين بحاول بس علي ايه علي ولا حاجه تهت اكتر ضعت اكتر انكسرت اكتر مبقتش بجد عارفه انا مين ولا إللي حواليا فاهمين اي حاجه كل واحد حاطط النموذج المثالي ليا مش عارفه مين قرر اني معصومه عن الخطأ مش عارفه بس مش قادره بجد حاسه اني خيبت امل ماما فيا معرفتش اكون كل حاجه ليها ومش عارفه حتي احاول معنديش طاقه بجد بقالي فتره بفكر في الإنتحار بس هو مش حل وأما مقتنعه بدا مش عارفه المفروض اعمل ايه هل لو رحت لدكتور نفسي دا ممكن يفرق فكرت كتير ومعظم المرات كنت بتراجع مش خوفا من اي حد بس هل دا هيساعدني افكار كتير ومش عارفه ارجع زي ما كونت في أي حاجه لا دراستي ولا هواياتي ولا حبي للخروج واني اجرب حجات جديده نفسي كل دا يكون كابوس واصحي منوا الاقي نفسي زي ما كونت من 10 سنين

اخواتى المفركشين والى عندهم اكتئاب والمرضى النفسيين ولا عذاء للمازوخيين 😂 اى اكتر حاجة ممكن تغير مودك للاحسن فى ظل الاوضاع البشعة الى بنمر بيها ياريت افكار برا الصندوق علشان جربت كل الحاجات المعروفة تقريبا

انا مشكلتي اني مش عارفة مشكلتي حاسة ان اهلي كانوا كويسين معايا و حياتنا المفروض انها الحمد لله كويسة اللهم بارك لكن مش عارفة انا ليه بعمل كده و ليه كل التفكير الغلط ده و ليه كل الحاجات ديه و ليه بعمل في نفسي كده

انا مثلا كنت بحب بنت فالجامعه ، البنت ده حبيتها كدا ، بيسموه حب حقيقي انك تحب شخص ومش عارف حبته ليه ومفيش سبب واضح لحبك ليه زي شكله حلو او شخصيته حلوه او لبسه ، لا مكنتش بفكر اني الاقي الحاجات ده فيها ، كان نفسي احميها اسعدها ونكون سوا ، بس حصل موقف وحش جدا ، كنت بصور الكلام بتاع الدكتور من عالسبوره ، ف هي جات فالصوره بالغلط ، حرفيا مكنش موجود فالصوره غير الجاكت بتاعها حتى الطرحه بتاعتهت مكانتش باينه عشان كانت سانده عالبينج وقتها ، حد قالها اني بصورها ، راحت للامن ، وده الصدمه ، كنت فاكر ان من نظراتي ليها المتكرره ومحاوله اني اكلمها واجر معاها كلام فالسكشن هتعرفها اني معجب بيها ، بس لما راحت للامن قالت ف حقي كلام وحش ، ثبت التهمه بدل ما تدافع وتقول اني مش هعمل كدا ، قالت اني مالاول اصلا وانا بتعرضلها وعايز اكلمها وهي بتصدني ... بس اتغيرت ووعيت لنفسي وعملت تغيير مدروس ف حياتي مش مجرد هنزل جيم عشان اطلع ماللي حصل دا وفتره وابطل ، لا كان تغيير ، بس الصدمه انها حتى مشافتش التغيير دا ، بس بالنسبالي مكنش صدمه ،لاني كنت بعمل التغيير دا لنفسي

انا عندى مشكلة عويصة وهيا انى باكل ومبحسش بنفسى انا وباكل لحد ما ب تتملى بطنى وبحس انى مش كويس وعايز اخس وهكذا كل يوم. اعمل ايه انا مخنوق من نفسى انى طفس وباكل كتير