جماعة والنبي حد يساعدني جماعة انا حياتي اتدمرت بسبب التداول عمتا بدأً من البورصة المصرية و انتهاءً بالفوريكس ، بخسر بس .. و مهما كسبت المحصلة صفر .. خسارة ارقام مابفوقش غير و انا مضيعها .. 5 سنين كل جنية يبقى معايا او حد يشيله معايا او اعرف ان حد معاه فلوس اتداول بيها .. فلوس شغل ، امانة ، او حتى سرقة .. و كل دا على امل اني اعوض ، ٥ سنين كل املي بس اعوض و بغرز اكتر ، و في النهاية انتحرت بطريقة معينة وللاسف فشلت و ماموتش .. جماعة انا بين مليون نار ، نار الناس اللي ليها فلوس ، و نار الناس اللي شايلة معايا و متعرفش ان فلوسها اتبخرت و نار الفضيحة و نار حياتي اللي اتدمرت و مش عارف ارجعها زي الاول .. انا تعبت و مش عارف اطلع ماللي انا فيه ازاي ولا حتى ازاي اوقف نفسي عن القرف دا .. انا تعبت .. بالله عليكوا حد يساعدني حتى لو مر بدا طلع منه ازاي .. و للاسف انا مازلت طالب ، و عايش بمليون وش وسط الناس اللي مفكراني محترم و امين .. حتى اي شغل مستحيل يعوض الفلوس اللي الناس ليها عندي .. انا وصلت اني بدعي الله و مش عارف ربنا هيساعدني ازاي و لما يأست بقيت بدعي بالموت . • انا محتاج حد يساعدني *مش مساعدة مادية* انا محتاج حد يفهمني اطلع من دا ازاي انا تعبت والله . • انا ياجماعة اتدمرت .. فاشل و متأخر عن دفعتي ، بقيت خاين للامانة ، افكار انتحارية بشكل مفرط ناهيك عن المحاولات .. انا نفسي اطلع ماللي انا فيه و معرفش اعمل ايه .
نقدر نساعدك ازاي ؟ لأني متفق مع كومنت موزة وانت رديت قولت ده مش حل
حاول تشوف فرصة سفر و سدد
التداول ادمان زيه زي اي حاجه تانية وحقيقي ربنا يعافيك منه وتقدر تطلع منه على خير ، حاول تجيب فون صغير وتبعد عن اي حاجه ليها علاقه بالتداول وانزل جيم طلع طاقتك السلبية وعيش حياتك وافتكر ان دي حاجه حرام بردو ونتائجها هلاك ليك ولاهلك وفكر في حاجه تجيب منها فلوس بمصدر حلال بحيث يكون انشغالك انك تكسب فلوس من مصدر حلال وان شاء الله ربنا يكرمك طالما بعدت عن الحرام ، انت مش فاشل يا صديقي انت بس حاولت في الطريق الغلط ولما تدخل في سكة حلال ربنا هيباركلك واوعي تيأس من الدعاء لانه هيستجاب ليك في الوقت المناسب وربنا يوفقك في حياتك ويجبر بخاطرك ❤️
انت عارف مشكلتك انك بتدعي ربنا بس لكن ابدء يمعلم وحط رجلك اقفل باب التداول دا خالص الاول عشان تقوم تقف ع رجلك الموضوع بقي ادمان فنت اقفله نهائيا ومشي ف الطريق الطبيعي جدا وسعي ف انك ترد للناس فلوسها بالشي العادي جداا وهوا انك تنزل شغل وتدخل جميعات وادعي ربنا وربنا يرزقك ويديك من وسع بس امشي وخد الطريق دي نقطه تاني نقطه التداول يجدعان مش كد خالص والله ما بيجي بالعافيه ولا بكورسات ولا بالكلام دا انت لازم تكون دراس حرفيا الحاجه بشكل متشعب يعني المواد الخام و اي شي هياثر ع اللي بتداول فيه وتبدء تتابع و الموضوع مش بسهوله اللي بيروجولها كل واحد لابسلي بدله ومتصور جمب 20 باكو و ع كبوت عربيه نضيفه هيعمل فيها ترينر غير كده انت مثلا عندك الكريبتو ودا ع الاقل مبيبقاش فيه مخاطره وملموم و تقدر تتعلمه وتتابع كور تيم العمله و تشوف لو فيه عمليات حرق او تبني مشاريع او اي حاجه الموضوع ف الكريبتو مش متشعب وصعب زي التداول اللي مليان نصب و حاجه فيك
ياجماعة حد يرد عليا هتجنن بالله عليكوا
بجد روح مستشفى دا ادمان