انا اخوكم في الله ، عندي ٢٤ سنه تقريباً ٩٠٪ من حياتي ماشية بشكل غلط بشتغل شغلانه مش حاببها خاطب واحده مش حاببها لسه مطورتش من نفسي عايز احسن اللغة عندي عشان انا ضايع فيها متخرج ومن كلية قمة و مش بشتغل بالشهادة بتاعتها عشان محتاجه فلوس في البداية واصرف عليها وانا لازم اشتغل عشان اكون نفسي بسرعه بعاني من كثرة التفكير انا على طول بفكر و بدي الأمور اكبر من حجمها نفسي اتطور بسرعه وانا عارف ان تقريبا مفيش تطور بيجي بسرعه عايز اوصل للفورمة اللي كنت عاملها ايام الجامعة عشان انا بوظتها و قصدت اني أزيد في الوزن عشان اخد اعفاء من الجيش و الحمدلله ربنا كرم بفضله الحمدلله و حصل و خت إعفاء بس معنديش الشغف اني ارجع تاني للفورمة مع اني من جوايا نفسي جدااااا حاجات كتير داخله في بعضها وانا مشتت جدا غير اني مليش صحاب كتير هما ٢ بس و اه صحيح انا في الماضي بتاعي عملت كوارث كتير و حاجات كتير تغضب ربنا الحمدلله اتخلصت منها كلها بس وجع قلبي و وجع ضميري مش سيبني في حالي و نفسي اتعافى من الحاجات اللي انتهت, الحمدلله دائما و أبدا
استمتع باللي انت فيه اكيد ربنا حاطك في كل ده لسبب عايز يعلمك حاجه عايزك تطور تفكيرك بشكل معين الانسانه اللي انت مش حاببها ممكن تكون فهماك اكتر من اللي حبيتها خدها نصيحه من حد مجرب الفهم اهم من الحب اشتغل ع نفسك بالمتاح وخليك عارف واعمل اللي عليك ع قد م تقدر عشان كل حاجه بتتغير بناءا علي رده فعلنا اتجاهها ثق في ربنا ترتيباته هتلاقي الدنيا اسهل مش لازم يكون عندك صحاب كتير 1 يقف معاك وقت الزنقه اجدع من مليون متفرج اتكلم مع ربنا وصلي وعيط واندم في الصلاه كأنك بتكلم صحبك في السجود وخلص وادعي باللي بتتمناه الدعاء بيغير الاقدار متخليش سقف توقعاتك عالي وف نفس الوقت متبطلش تحلم وتحاول وحاول تتصدق عشان ربنا يزيد رزقك ولو بجنيه هتفرق معاك جدا عن تجربه
العمر كله و انت فرحان و متهنى فى حياتك و بتنجح و بتحقق احلامك م عارفة بس حب م تعمل حتى تعمل ما تحب اوهم نفسك انك بتحب شغلك اقنع نفسك بـ دا بص للشغلانه بجانب ايجابي ع قد م تقدر لحد م تلاقي الاحسن و ابق اكرهها و سيبها و اعمل الل انت خابه بس د الموجود حاليا فـ حبه لحد م تخلص منه ليه خاطب واحده م حاببه مبحبش اخرب ع حد بس عموما انت م حاببها سيبها ولا تزعلها ولا تزعل نفسك وبعدين انك تسيبها احسن م مستقبلا تطلقها عادى انك تسيبها احسن الف مره لسه بتتنفس لسه عندك امل تطور و تنجح فى حياتك احيانا بنأجل حاجات لاجل حاجات يعني خاطب و مسئول عن شقة و عفش شايفه ان 24 صغير لسه عادى لو اجلت الجواز حاليا و تصرفه ع شغلك الل بشهادتك فكر بس فكر فى مستقبلك فكر و انت بتحقق حلمك و بتنجح و اسعى لـ د بص لنفسك فى المرايه هل انت مرضي عن نفسك كد اهه يبق اشطا لا يبق لازم غصب عنك تتحرك حالا و ترجع زى الاول و احسن عادى كلنا بنغلط الاهم نعرف غلطتنا و نتعلم منها و نتوب عن الغلط د و نحمد ربنا اننا لحقنا نتوب منه و اننا فوقنا قبل فوات الاوان