"انت ابتلاءك فى دماغك" جملة اتقالت لي و مش عارفة اتخطاها لان دي حقيقة بجد يمكن اكتر شئ صعب بمر بيه هو خوفي و تفكيري المفرط اللى لسة ملقتش ليه سبب او حل .. دايما حسة اني لازم أثبت اني شخص كويس اني استحق الصداقة عندي شك رهيب فى شخصيتي و دايما حسة ان قيمتي مرتبطة بأنا بقدم ايه و على أي درجة من الالتزام مش مهم امكانياتي ايه او مواهبي ايه دايما شايفاها مش كفاية لأنها مكنتش كفاية تعملي اصدقاء انا شخص اجتماعي جدا و عندى مهارات عالية فى الذكاء الاجتماعي لكن على المقابل شخص مش عارف يعني ايه اصدقاء و ازاي يكسبهم عارفة اني ببهر اللى قدامي و عندي مهارات بس مش عارفة ليه لما بقرب كل الانبهار بيروح واللى قدام ممكن يفقد اهتمامه هل انا كانسانة لا استحق الحب هل فيه خلل فيا انا ؟ و لا انا اللى بحاول اكون طرف مريح لللي حواليا ، لدرجة ان اللى حواليا مش حسين بوجودي متلخبطة و مش عارفة و دا عاملي خوف شوية من المستقبل انا نفسي تبقى علاقتي بصحباتي زي الناس اللي هناك نفسي اعرف اعبر معاهم ،بحس دايما بخوف وحواجز ، مش عارفة مين اللي حطاها و امتى وازاي بحس برضو اني مش احسن حد احيانا بحس اني منافقة ، بحكم شوية انه الظاهر اني حد ملتزم ، بس انا بقع و بتلخبط كتير بحس اني مش فاهماني و مكنش عندي الجرأة اقول كدا بس انا فعلا حد غريب و حد خايف مش عارفة حتى هل كلامي دا ليه معنى ، او حد ممكن يفهمني بس اتمنى بجد واحدة تفهمني و تقولي اني تمام و ان كل دا وهم و ان الدنيا ابسط من كدا مش عارفة عاوزة ايه بجد انا بس عاوزة اكون حد كويس عند ربنا و حد كويس للناس