أسوأ حاجة عملتها الفترة دي إني قررت أطلب نصيحة أو أفضفض برا///يفت. كنت فاكرة إن الناس هتسمع وتساعد، لكن اتفاجئت إن في ناس استغلت ضعفي وزعلي كفرصة للتعارف، أو لمحاولات مش مريحة، أو لكلام خارج تمامًا عن سبب رسالتي. ولما أعمل بلوك، يرجعوا بحسابات تانية. بجد حاجة مرعبة ومزعجة. أنا مش داخلة أدور على تعارف، ولا ارتباط، ولا أي نوع من أنواع العلاقات. أنا بنت من حقي أطلب نصيحة، أو أتكلم عن اللي مضايقني، من غير ما أحس إني مستهدفة أو مضطرة أدافع عن نفسي كل شوية. المشكلة مش في إني اتكلمت، المشكلة في اللي بيستغل ضعف أي إنسان عشان يحقق مصلحة لنفسه. حسبي الله ونعم الوكيل في كل شخص شايف إن حزن الناس أو احتياجهم فرصة للاستغلال. هو إحساس الأمان بقى صعب للدرجة دي؟ وليه البنت تبقى مضطرة تخاف كل مرة تفتح فيها باب للكلام أو تطلب نصيحة؟ لحد إمتى هنفضل ساكتين عن النوع ده من التصرفات؟؟؟