من سنتين كان حالي متغير خالص كنت ضايعه ونفسيتي وحشه اوي ومش بعمل حاجه ف حياتي حرفيا وكل ايامي عياط ومش بطلع ولا بشوف حد وبسمع اغاني كتير اوي اوي بس الحمدلله فجاة ربنا هداني وحياتي اتحولت ١٨٠ درجه ونفسيتي بقت ف السما ومبقتش بتأثر ب اقل حاجه وبطلت اغاني ال كانت هي تقريبا السبب ف ال انا كنت فيه وادركت اد ايه هي مش حاجه بسيطه وان تاثيرها زي الادمان على المخ وبقالي كتير بقا بحاول اتعلم ديني واحفظ قرآن وبسمع بودكاست وبحاول احسن لبسي بس المشكله كلها ان انا مش عارفه بجد بابا ماله الايام دي بابا قبل كل دا كان دايما يتكلم معايا ف الدين ويقولي الدنيا دي ملهاش لازمه وكدا بس الفترة الاخيرة بقا صعب بجد وكنت بقوله اني عايزة البس دريسات على الاقل وبعدين اختمر ووريته صورة بنت لابسه دريس زعقلي وقالي انتي مش كل شويه هتجيبيلي صورة وتقوليلي عايزة دا ! مع ان انا مكنتش بوريه حاجه اصلا ووقت الفطار اختي كانت بتقول متشغلوش رامز البرنامج رخم اوي وكله صويت واغاني وقرف ف بابا قعد يتريق علينا مع ان انا متكلمتش ويقول دا احنا لسا هنشوف منكو كتير وبيقعد يبص للبنات ال شبه قالعه ال بتكون ف المسلسلات واوقات يجيب ماتشات بنات وانا ببقا هموت من القرف وكنت مره ف المطبخ ف سمعته برضو بيتريق عليا انا واختي ف بقوله ربنا يهديك بجد قالي ويهديكي ويهدي ال خلفوكي هو انتي فاكره نفسك بتجري علينا ومواقف كتير بقا زي كدا ولما بسمعه بيتكلم مع واحد صاحبه مثلا بلاقي لسا الراجل المتدين ال بيقعد يتكلم ف الدين واول ما يقفل المكالمه بيكون مين دا؟!! انا بجد مش فاهمه دا ليه وايه ال حصل وليه بقا لما يسمع حرام وحلال يتريق وازاي مش عايزني اغير لبسي وحاجات كتير وللتوضيح انه حنين عليا اوي ومش معنى اني قلت الحاجات ال بتزعلني منه يبقا هو دايما كدا لا دا كام موقف وسط حاجات كتير حلوه بس حقيقي انا متضايقه اوي منه وبقيت بتجنب الكلام معاه وبنام قبل الفطار عشان مفطرش معاهم والموضوع ماثر فيا