منذ 5 ساعاتيشعر بـ متعب
الموضوع مرهق اوي انا تعبت وقرفت من نفسي بفكر جديا انتحر لاني تعبت ومش لاقي حل ضغوط وخنقه والي خانقني حاليا اني كان معايا فلوس ضيعتهم علي اكس بت كان ممكن اهمل بيهم اي حاجه تانيه بس انا بجد بكرهني اوي وقرفان مني بطريقه بشعه بجد معنديش صحاب ولا حب ولا اهل حتي اشكيلهم او حد يفهمني مكسوف ارجع الشغل ومش عارف هطلب من امي فلوس تاني ازاي ونا بقيت اطول منها ولسه مخلصتش جامعخ وصحابي كلهم اتخرجو وانا بعيد وبعيد لحد مقرفت وبعيد عن ربي اوي مش قادر بجد انا عاوز انتحر بس خايف
اول حاحة شيل فكرة الانتحار من دماغك دي خالص كلنا بنغلط مفيش حد مننا معصوم من الغلط بس الشاطر بقى اللي يتعلم من غلطه حاول تقرب لربنا ادعي ربنا كتير اقرا قرآن اذكار قوم واقع محدش بيحاول بيجيب صفر حاول ترجع الشغل تاني منفعش شوف شغل غيره اهتم بالدراسة شوية خلي ديما ثقتك بالله كبيرة وربنا يعينك أن شاء الله ويفك كربك
الانتحار عمره ما كان حل مش عشان خسرت شوية فلوس تخسر اخرتك و تدخل النار ،،،، توب من اللي انت عملته و استغفر ربك على التفكير اللي جالك ده و اطلب منه المعونة على إنك تبطل الذنب ده و هو برحمته و كرمه مش هيسيبك والله حاشاه
هيلحقوك و بيبقى شكل الانسان بايخ جربت قبلك
متبقاش قاسي على نفسك ، عارفة أن في حاجات بتبقى مؤذية جدا لينا لكن لسه قدامك الحياة و عدد لا نهائي من المحاولات ، أبدأ خطوة بخطوة الفلوس اللي ضاعت خلاص متفكرش فيها بس تتعلم منها ازاي تدير فلوسك بعد كده ، المشاعر مهمة جدا مينفعش تخزنها جواك لأنها هتأثر عليك نفسيا و جسديا و ممكن تطلع بعد كده في صورة غضب أو توتر أو أسوأ ...حاول تكتب يومياتك في notes مثلا على الفون برقم سري علشان محدش يشوفها أهم حاجة تفرغها متخليهاش جواك ، الشغل لو أنت فعلا مش قادر تروح نفس المكان حاول تشوف مكان تاني عارفه أنه صعب بس حاول استعن بالله و خد بالأسباب و حاول تجتهد في دراستك و تجيب تقديرات كويسة و سيبك من الناس اللي اتخرجت....كان في حد قبل كده قال إن صحابه اتخرجوا و هو فضل في الكلية و لما اتخرج لقا فرصة شغل افضل منهم ....ف أنت شيل خالص فكرة الانتحار...لو غلطت في حاجة مسمهاش فشلت اسمها بتجرب بتتعلم مفيهاش حاجه يعني....أهم حاجة أنك متبطلش تحاول...قرب لربنا و استعن بيه و ثق فيه و أقرأ شويه قرٱن هيخلوك هادئ من جوا .....ربنا يعينك و يخفف عنك.