السلام عليكم و رحمة الله و بركاته.. مشكلة.. بما ان المادة تاريخ، ف فيديونى بتثبتوا التواريخ ازاى ب الاحداث بتاعتها، خاصة ان فى تووووواريخ كتير جدا و خايفة لأن الحاجات دى معايا بيكون صعب جدا اثبتها لما تكون كتير، و خايفة كمان من الامتحان لأن ساعات كتير الدكاترة بتلعب فى التواريخ و انتم فاهمين ازاى، مثلا التاريخ ١٤٩٨ يجيلك اختيار مشابه له زي ١٤٨٩ و دى بصراحة اكتر حاجة بتخوفنى، لأن وقتها بتلخبط و بنسى، و بلاقيني بعلم على السؤال اكني معرفش اجابته اصلا و ده وقتها بيضايقني و يزعلني و يحبطني😪💔 عندى فكرة بس خايفة انها اصلا تلخبطنى أكتر، و هي ان اعمل خط مستقيم و ارتب عليه التواريخ ب الأحداث بالترتيب، بس خايفة اتلخبط اكتر من الطريقة دى، لأن طبعا التوايخ فى سرد الكتاب مش بتكون بالترتيب ف خايفة اوى💔🥹 البوست منه مشكلة و منى انى سجلت مخاوفى و طلعت كل الافكار السلبية اللى فى دماغى، لحد ما اطمن نفسي و اشوفلها حاجة ايجابية🥀
انا كنت بلعب لعبة بالتواريخ دي عشان تترسخ كنت بكتب اسماء الاحداث في ورق صغير كدا واطويه واخلطه اخلطه وبعد كدا كل ما اختار ورقة بقول تاريخ ايه واصحح لنفسي لحد ما بقت ممتعة وبقيت حافظاهم صم جربيها
كنت لسه هقترح عليكي الفكره بتاعتك اصلا اعمليهم كلهم في ورقه a4 واديها بصمجه ورينا يوفقك