عاوزه احكي حاجة وأفكاري متلغبطة شوية انا طول عمري عندي صحاب عادي بس ديما ببقى مبهورة بصحبتي اوي واقرب منها اوي لحد م اكتشف عيوبها اللي في شخصيتها يعني هي متكلمتش عليا ولا حاجة أو عملت أي حركة غدر قصدي عيوبها اللي في شخصيتها اللي هي مثلا طبعها انها بتعد تعيد وتزيد في الموضوع او مثلا عندها مامي ايشوز او مبتحبش الخروج أو بتحبه كتير اي حاجة عموما العيوب اللي هي تضايقني انا بس متضايقش حد تاني ف فجاه بعد م كنت منبهرة بيها وبشخصيتها ابدا انفر منها لدرجة اني ببقى مش قابلة اتكلم معاها حتى ومرتحش الا م انهي علاقتي بيها تماما حتى بعد فترة لو بنتقابل مثلا في حياتنا كتير برده لاء مش قادرة اتعامل معاها عادي مع انها معملتليش اي حاجة والموضوع فعلا بيبقى ضاغطني اوي وباجي على نفسي لحد م ببقى خلاص لازم انهي علاقتي بيها انا عارفة اني كده بظلمها بس ببقى مش عاوزه اظلم نفسي كنت طول عمري خايفة من الخطوبة والجواز بسبب الموضوع ده أن علاقاتي مع صحابي اللي مش يقابلهم على طول مش بتكلم سنه ونص اتنين بالكتير ف لما جه حد والموضوع ماشي تمام كنت خائفة من النقطة دي اني ازهق من طبيعته والحاجات اللي بيعملها بتلقائية ف قولت لاهلي اني هخلي الخطوبة سنتين عشان السنه التانية ديما هي اللي بتحدد انا هستحمل ولا لاء ولو هستحمل هستحمل قد ايه طبعا اهلي كلهم رفضوا وقالوا إن الخطوبة سنه واحده ومينفعش تزيد وحوارات كده وفعلا صممت على رايي كتير اوي لدرجة اني قولت خلاص انا مش هتخطب الا م تخلوها سنتين سواء للشخص ده او غيره وهما قالوا براحتك متتخطببش والجو ده ف واقفت على الشخص اللي جالي وانا طبعا معرفهوش والمفروض هعرفه في الخطوبة وكده بس انا حاسة اني انضغط غصب عني بحاول اطلع عيوبه قبل م اعرف مميزاته وانا كمان مش باخد على الناس بسرعة ومحتاجة فترة عشان اخد عليه والفترة دي طبيعي انا مش مرتاحة وانا قاعدة معاه لوحدنا وكده مش مضايقة بس مكسوفة مش عارفة افتح كلام وفي نفس الوقت بحاول غصب عني كل م يتكلم ادور على العيوب مش عارفة اشوف مميزات مهما كانت اعد اقارنها بالعيوب وكل ده لسة مكملناش شهر ونص خطوبة حاسة اني مش هعرف اعيش كده كل حد يجي بيبقى نفس الموضوع وصعب حد يستحملني كده انا بعد قعدة التعارف كنت عاملة قائمة كبيرة جدا فيها اسئلة فوق ٧٠ سؤال مثلا وهو استحمل ده وجاوبني على كل اسئلتي من غير م يضايق أو ممكن يكون اضايق بس حاول ميحسسنيش بكده ودي حاجة انا مقدراها جدا ليه بس برده مش عارفة اعمل ايه متلغبطة
لا توجد نصائح بعد
قدّم نصيحة