فاهمك للاسف

انتى محتاجه تهدى شويه وتحسبيها صح نفسك اهم من اى حد وأهم من اى حاجه ودى مش أنانيه بالعكس والله ده الاستقرار النفسى

يعنى زى ما انتى بتدى اهتمام او حب لازم تاخدى تقدير وحب واهتمام زى ما بتضحى لازم يكون فى مقابل وتكون نفسك عزيزه وقلبك غالى

واوعى تعملى حاجه فى لحظه ضغط او تهور تندمى عليها باقى عمرك

متفكريش كتير اللى عاوز يوصلك هيوصلك واللى عاوز يطمنك هيطمنك واللى عاوز يعمل حاجه هيعملها انتى بس متفكريش كتير ومتديش الحاجه اكبر من حجمها وادى نفسك وضعها وقيمتها

والله يا بنتى انتى الوحيده اللى هتطلعى خسرانه فى الحرب دى والخسارة مش هتبقى صغيره علشان كده لازم تتعلمي ترحمى روحك شويه

يا عم اهدى كده ووحدى الله الامور والله سهله وبسيطه ربنا هيبدبرها بس انتى قولى يا رب وبالراحه على نفسك شويه