الموقف اللي هحكيه يبان تافه اوي واللي هو في ايه يعم مش للدرجة دي، ومش عارف انا ساعات ابقى بارد وساعات ابقى حساس اوي المهم يعني اللي حصل اني كنت بكلم خدمة عملاء الخط بتاعي بقالي ساعتين حرفيا وحصل كام مشكلة وقرف المهم يعني كنت متعصب فشخ انا كلمتهم في الساعتين دول تلت مرات حد رد عليا، المرة الاخيرة كانت بنت هي اللي ردت عليا وكانت محلتش المشكلة بس يعني ادتني حل مؤقت وفي الاخر هي ملهاش ذنب في حاجة المهم انا من كتر العصبية وهي لسة بتقول مع السلامة مكملتش الجملة قفلت في وشها وضميري من ساعتها بيأنبني بطريقة مش طبيعية بفكر والله اكلمهم تاني ولو هي اللي ردت اعتذر بس في الاغلب حد مختلف اللي بيرد دا لو ردوا اصلا مش عارف بجد بس جالي كذا فكرة بردو بعد الموقف دا عاوز اشاركها منها اني حطيت نفسي مكانها وتخيلت بجد اني اكون بنت وبشتغل كول سنتر (متأكد ان دي من ابشع الشغلانات اللي ممكن بني ادم يشتغلها عموما) وقد ايه هي اكيد بتستحمل في اليوم ناس كتير متعصبة بقى وبتزعق ف اجي انا وازود عليها مكنتش احب انها تيجي مني خالص بجد، معلش لو مطول وعارف اني بجد مأڤور بس يعني يا رب حد يفهمني