السلام عليكم انا طالبة جامعية في خاص، من وانا صغيرة دايما مشاكل اسرية و اهانة بين بابا و ماما و كبرنا علي كدة و بابا مش بيجب يصرف علينا اخره كان بيجيب اكل للبيت و كبرت وانا شايفة ان ده طبيعي انه ميجبش لبس او يصرف علي تعليم او اي حاجة من دول او حتي نخرج ك عيلة سوا، من ساعة ما دخلت خاص وانا بعتمد علي نفسي، القرية الي انا عايشة فيها مفهاش شغل للبنات و لو لاقيت شغل بيكون المرتب الف جنيه بس و شغل 10 ساعات او 12،المهم انا دلوقتي الي معتمدة علي نفسي فيىكل حاجة سواء لبس، مصاريف جامعة رايح جاي و كل حاجة حرفياً، السنة كانت هتضيع عليا عشان مش، معايا المبلغ اني ادفع المصاريف و كنت منهارة بعيط و مدخلتش امتحانات الميد تيرم و ده كان في الترم الاول و نزلت في جروب الجامعة ان اي حد يعرف فاعل خير يبعتلي، المهم واحد معايا في الجامعة دفعلي العشرين الف كلهم عشان اقدر ادخل امتحاناتي، دلوقتي انا فالترم التاني و مش لاقية حد جمبي ولا عارفة اتصرف ازاي و كل ما اعيط لاهلي يقولوا سيبي الجامعة مش لازم تكملي وانا عندي حلم اكمل و اشتغل و اقدر اعيش شوية، مش لاقية حد جمبي ولا عارفة اعمل ايه و حاسة اني تايهة و مش عارفة اجيب الكتب، حتي لما حاولت اخد سكن جمب الجامعة عشان بيني و بينها 3 ساعات رايح و 3 جاي و كنت بتعب اهلي شتموني و قالوا الفاظ مش حلوة رغم اني كنت ناوية اشتغل حاجة حلوة بمرتب حلو هناك جمب الجامعة بس حتي اخويا قال عشان تروحي السكن و تيجي حامل، تعبت اوي و مش عايزة اخسر مستقبلي، اعمل ايه
انا عايز اقولك اني في علاج طبيعي خاص وانا بقولك ان الاجور بقت قليلة والمهنة مش هي اللي هتخليني محترم الفلوس هي اللي هتخليني محترم وعايز اقولك كمان ان كل كليات الطب والصيدلة والعلاج الطبيعي دي كلها طلعت وهم انا كنت بحب الكلية جدا بس المقابل اللي هاخده قدام مش زي اللي بديه دلوقتي في الكلية الاجور بقت قليلة جدا فأنا نصيحتي ليكي هي حاجة طويلة الامد بس ليها شغل بمرتب عالي اوي وهي انك لو اتعلمتي الماني مثلا مستوي B2 ليكي مرتب في اي شركة ميقلش عن 30 الف جنيه شيفت ليلي وانا حاليا شغال علي نفسي في الالماني الأنه هو اللي جاي ومرتباته كل مرة بيعلي عن اللي قبلها بالنسبة للكلية انتي شايفة انها حلمك اكيد بس والله مسيرك الاجور دلوقتي قليلة جدا مهما كانت كلية قمة وعلشان السفر دا كمان ليه مصاريف لوحدها دي نصيحتي
لا حول ولا قوه الا بالله ، ممكن تجربي تشتغلي اونلاين ف حاجه اسمها التسويق بالعموله وربنا كريم ، ابحثي عن تطبيقات بتبيع منتجات اونلاين محتاجه حد يسوقلها على النت هتلاقي فيديوهات فيها كل الشرح اللي هتحتاجيه ، انا بصراحه مجربتش المجال دا بس بسمع فلوسه كويسه عشان واحد صحبي فيه ، وربك كريم وحقك عليا عالكلام اللي اخوكي قالهولك حاجه دايقتني انا شخصيا والله
عندي فكره برده فيه حاجه اسمها فري لانسر ، تاخدي كورس مجامي خالص من اي مكان واي موقع عن كتابه المحتوى مثلا وتعملي حساب عالموقع دا مثلا ويجليك ناس يطلبوا منك كتابه موضوع عن فيديو معين هتكتبيه وتسلميه وتاخدي بالدولار ، مثلا 3 دولار 5 دولار وكل ما تطولي اكتر فلوسك هتزيد ، اي رأيك
فيه ناس بتشرح كويس وفيديوهات حديثه ده بس اللي اتفرجي عليها وحاولي تاني حتى لو للمره الاخيره
الحقيقه معرفش اقدر اساعد ازاي خصوصا اننا بنتكلم عام مش برايڤت
طب انتي دخلتي خاص من البدايه ليه لما دنيتك بايظه كدا
طب شوفي العريس ده الاول🤦🏻♂️😅
انا مش شايف راجل في اهلك بجد
طيب انتي مستعدة تتخطبي علشان تخلصي من أهلك
مش عارف بجد اقولك ايه ع القرف ده بس انتي ناويه تعملي ايه هتكملي؟
مخطوبة
حاسة ان مفيش حل و ده نصيبي في الحياة
لما اخوه حضرتك جدع كدا و خايف عليكي تروحي السكن ترجعي حامل طب يتكفل هو بمصاريف جامعتك. انا مش فاهم بجد ازاي قال كلمه زاي دي ازاي اصلا يفكر في اخته بالطريقه دي. ازاي اصلا اهلك بيعمله كدا معاكي بس لو عايزه حل عن تجربه انا كان شغلي في مدينه و مقيم في مدينه تانيا خالص اسعي و اشتغلي بس خارج قريتك بما انها مفيش فيها راتب كويس يساعد في مصاريف الجامعه و اعتمدي ع نفسك.
ربنا يعينك بجد دا ابتلاء أحتسبيه لوجه الله وحاولي مايسيطرش عليكي الحري ورا الفلوس او الخوف من كل الناس وربنا يعينك ظروفك صعبه الله المستعان حاسس بيكي عامتا
يعني ايه عشان تروحي السكن و تيجي حامل؟
هو فى كده بجد ازاى
انا اصلا لو هmوت مكانوش يدخلونى خاص حتى لبس لعيد ابويا مش بجيبهولى