منذ 2 أياميشعر بـ قلق
انا ثانويه عامه حاليا وكنت بزاكر كتير جدا وبدوس على نفسي رغم اني بكره المزاكره جدا عشان بس ارضى اهلي لاني اصلا مكنتش عايز ادخل ثانوي انا دخلتها عشان أراضيهم المهم رغم المزاكره الكتير دي اللا ان درجات في الشوامل وامتحانات الدروس كانت زفت خالص كنت بسال نفسي ازاي لان فعلا انا لو مكنتش مزاكر ودخلت الامتحان هجيب درجه احسن من كده بكتير فده تقريبا أثر في نفسيتي جامد وقفلني عن المزاكره نهائيا مبقتش قادر اقعد على الكتاب رغم ان باقي اقل من شهرين على الامتحانات لدرجه ان بيجي فبالي ان حد عاملي عمل عشان مزاكرتش انا لو استمريت كده لأسبوع كمان الدنيا هتبوظ مني جامد شوفولي حل
كنت زيك كدا لكن جبت مجموع كويس ودخلت كلية كويسة امتحانات الدروس مش مقياس هي معمولة عشان تغلط وتتعلم من كل غلط عشان تعرف ازاي تفكر في اي سؤال يواجهك في الامتحان وعلى فكرة انا جبت مجموع أعلى من ناس كانت بتقفل امتحانات الدروس دي
حط نفسك قدام الأمر الواقع الصعوبة في البداية استحملها حتى لو بالدموع بعد كدا هتلاقي نفسك بتنجز فهتتحمس وتخلص ربنا يعينك
بصي ياستي انا كنت ضايعة في المواد وعن تجربة دخلت المراجعات مع محمد صلاح فرقت معايا جداااا بينزل مراجعات على اليوتيوب مجانا وخالد صقر وعبد الجواد خدي مع الاتنين مراجعة وهيفرق معاكي بردو الانجليزي انا كنت بحل من كذا كتاب الأحياء احمد الجوهري ولازم تاخدي مع حد تاني لان احمد الجوهري بيضيع وقت كتير الفيزيا عبد المعبود بلا مقارنة بجد هيخليكي بتحلي مسائل عالية اوي دي الحاجات اللي كنت باخدها في المراجعات وفرقت معايا