انا ٢٣ سنة وتقريبا عمري ما جربت مشاعر الحب والرومانسيه كان في كام واحد مثلا في حياتي كان عندي فضول ناحيتهم مثلا من بعيد بس مش اكتر من كدا ومش بكمل شهور والفضول يختفي لوحده واصلا زمان كنت خجولة خالص من الذكور دلوقتي مع الكلية وكدا بقيت اعرف اتكلم عادي بس كلام في الحدود ووقت الحاجة في الغالب مش بهزر أو اتصاحب ومش بخرج من البيت تقريبا الا نادرا المهم كان أول تجربة ليا من يومين اول عريس صالونات ماشافنيش قبل كدا ولا انا شوفته وكنت حاسة بتوهان خصوصا محدش وقف جنبي أو اهتم زي ماما أو بابا كانوا مش مهتمين خالص ومعنديش اي فكرة ليه عموما عمري ما هنسى موقفهم طبعا هم رفضوه لأسباب انا شيفاها غبية زي كليته أو نوع شغله مع أنه شخص مجتهد وبيعرف يجيب فلوس بس عايزينه كلية قمة وموظف انا رفضته لسبب واحد حسيت بعدم اهتمام بعيدا عن التفاصيل وحكمت من المقابلة دي بس وحاسة اصلا بعدها اني مش عايزة أقابله تاني مع أن كان في قبول عادي يعني ماكرهتوش ايه رايكم في العبث ده