كنت فاكر إن العلاقات هتملالي الفراغ… كل مرة أدخل علاقة جديدة أحس إني أخيرًا لقيت نفسي، وبعدها أنهار أكتر من الأول… لحد ما بقيت مدمن شعور البدايات، مش الأشخاص. وصلت لمرحلة إني كنت تايه لدرجة إني كنت على وشك أنهي كل حاجة… بس في لحظة أخيرة قررت أطلب مساعدة، وروحت لثيرابي. هناك بدأت أفهم إن اللي جوايا مش دلع ولا ضعف… واتشخّصت باضطراب الشخصية الحدية واضطراب ما بعد الصدمة، وابتديت لأول مرة أشوف نفسي بوضوح… خطوة خطوة كنت بحاول أمسك في الحياة حتى لو بإيد مرتعشة. لكن فجأة… الثيرابي سابتني. اختفى الأمان الوحيد اللي كان لسه بيتبني، ورجعت تاني لنفس النقطة… يمكن أسوأ كمان، لأني المرة دي فاهم ألمي بس لوحدي. بقيت واقف بين إني أكمل وأنا مكسور، أو أستسلم وأنا تعبان… والسؤال اللي مش سايبني: أنا فعلًا رجعت لنقطة الصفر؟ ولا لسه في اي امل ارجع زي ما كنت طفل برئ ؟