أحل إزاي التسويف خصوصًا انه وصل لمرحلة كبيرة و من فترة مش قليله ، ازاي اتقدم و انا عندي إمكانية بس معدومة الاستمرارية انا بقيت بكره نفسي بسبب كده بقيت شخص بدون قيمة وده كله حصل معي بعد ما فقدت حلمي و الحياة وجهتني لطريق محبتهوش ، أنا مش عايزه اكون من غير فايده كده خصوصًا ان مفيش حد هيحارب عشاني او يسندني ، كنت ثانويه عامه و عملت كل الي عليا و مقصرتش في حق نفسي بس قدر الله و مدخلتش المجال الي كان شغفي فيه و دخلت مجال تاني ، على عكس اخويا الي كان عايش حياته و عمره ما تعب و مجبش مجموع و عيلتي دخلته خاص و كمان المجال الي انا كنت بحلم بيه مش كارهة لأخويا الخير و الله بس الإنسان بتصعب عليه نفسه مع ان الكل شاف اني تعبت و كمان كله كان شايف الشغف الي في عيوني و مع كده صمموا انه ينطفى ، و قالولي معلش كفايا علينا اخوك ، ومع ان المجال الي انا فيه سهل و سهل اني انجح فيه بس انا من افشل الناس فين عشان بسوف و مش بسعى خالص ، صعبانه عليا نفسي كنت من أشطر الناس و دلوقت فاشله في مجال مش احسن حاجة .
التسويف هوه مش حالة بتيجي ل شخص انا معترف انه مرض ل سبب وحيد اللي عايز يسوف هيسوف و اللي بيشجعك علي كدا هيه البيئة المحيطة بمعني لو مصاحب أشخاص كويسين هيشجعوك تذاكر و يحصل تنافس ما بينكم ولو لم ف هنا بقا الإنسان بيبص ل نفسه و الصحبة اللي م كويسة اللي معاه ف يسألهم هتروحوا الدرس او جامعة يقولوا لا ف هنا بيبدأ التسويف ف بداية تحسين التسويف هيه الصُحبة ثانيا مفيش حد بيبقا فرحان وهوه فاضي بيحب حاجه تشغله احيانا بيزهق من الموبايل يقوم يتمشي و ما إلي ذلك بس جرب بس فرحة انك تحل سؤال صح و دماغك حلوة ازاي و ازاي فكرت و. انت هتدمن المذاكرة عن تجربة بتوحشني المذاكرة والله
حبيبتي انت الطف والله وحد جميل ربنا يريح قلبك وبالك وتكوني في احسن حال
عايزه اقولك كمان انك مش لوحدك وربنا شيلك الخير والحاجه الي ضاعت منك فهي عند ربنا وانتي عارفه الي عند ربنا بيتعوض بالخير ازي واحسن حاجه متسنيش دعم من حد صلي واتكلمي مع ربنا وهوهيدعمك وهيمدك بالقوه واحنا كده كده اخوات ولو احتاجتي في اي وقت تكلمي انا هسمعك
بصي انا سمعت دحيح اتكلم في موضوع تسويف وكان بيقول انك تبدأ دالوقتي ومنستنش الوقت الي الي بابين عليه أن احنا هنبدا فيه والاحسن انك متحتيش في دماخك ميت حاجه عشان مش هتعملي حاجه حطي حاجه واحده ولما تلقي نفسك انجزتي هتعملي كلي الي عليكي وعلفكره انا كمان بشوف بس قرارت اني هبدا واديني بحاول مسوفش
انت مش ضعيفه انت تقدري تقوي نفسك بربنا وبنفسك علشان اللي اتخلوا عنك مسيرهم يعرفوا الندم
التسويف مشكلة كلنا نعاني منها ولو بنسبة قليلة حاولي تدوني و تعملي planner و تكتبي اشياء انتي عارفة ان لو عملتيها راح تقربي خطوة للنجاح و حاولي الدوام عليها و كل ما تتمكني من وحدة اعطي مكافئة لنفسك تجلب لك الراحة مثلا ترسمي او تسوي رياضة او تنمي مهاراتك او هواياتك او تروحي shopping المهم مكافئة لنفسك و بدي الطريقة ممكن هتعرفي ازاي تتصالحي مع نفسك و في الوقت نفسو تنمي ذاتك و ابحثي على podcasts مثل دوباميكافين او وعد او الدحيح يعني اي ثغرة فيك مليها بشيء انتي عارفة انه حا يصلحك ولو شوية
انت تقدري ترجعي تاني يا مون والله قوي نفسك بنفسك وطنشي اي كلام سلبي منهم لان انت اللي هتتعبي مش هما ولو علي اخوكي ابسط حاجه راقبيه من بعيد هل هيفلح ولا لا
عارف ان الواحد مننا بيفقد شغفه بعد ث.ع و دا شئ طبيعي بس هل انتي شايفة ان عيلتك كانت مقتدرة تدخلك انتي و اخوكي خاص و معملوش كدا ولا لا ؟