انا كنت مخطوبة وفركشت من سنتين وكنت وقتها متخرجة من الجامعة. وفركشت بعد تلات سنين حب للشخص دة واخلاص ومشاعر جميلة بس هو خان والموضوع خلص وخلاص المهم اني لما زعلت حبيت اثبت اني مش بتأثر بحاجة بقي واتجهدت وعملت دراسات عليا. و اشتغلت وعملت عيادة وكبرت من نفسي ونسيت خالص موضوع الحب دة واتقدملي خلال السنتين دول نااس كتيرة جدا بس انا مكانش في حد داخل قلبي مبقتش عارفة احب حد خاالص وقعدت سنتين برفض لحد ما بدأت سنة جديدة فالدراسات العليا وكان معايا شاب هو اسمراني شوية كدة المهم اني قعدت فترة شهرين مش متقبلاه وكل ما اشوفه اتريق عليه بيني وبين نفسي لحد ما لقيت نفسي ففترة كدة حبيته دة كان الوحيد اللي قلبي يحبه بس مكانش بارادتي ولا كنت عاوزة دة المهم اني من كتر ما حبيته انا روحت اعترفتله وقولتله اني بحبه بس هو رفضني وقال انه خارج من علاقة مؤذية وكدة المهم انا دلوقتي زعلانة من نفسي اوي ومستحقرة نفسي لاني روحت واعترفتله حزينة جدا جدا من ساعة ما عملت كدة وناس بعد كدة جت اتقدمت ورفضتها بردو بسبب اني مش عارفة احبهم انا عاوزة بس حد يفهمني الدنيا ماشية ازاي ولا اعمل ايه.
للاسف انتي بقي عندك تروما من الفقد لانك كنتي بتحبي ف سابك والمشكله منه ف انتي المره التانيه قولتي انتي اللي تاخدي المبادره عشان قلبك بيدور علي بديل ولو حتي ميظهرش علييكي بس دي حاجه طبيعيه ولا تستحقري نفسك ولا اي حاجه دي طبيعتنا ك بشر عادي خالص ولا تشيلي اي هم وشيلي الموضوع من دماغك وعاوزك تفرحي لانك كنتي صادقه في مشاعرك واحييكي علي ده وبس خليكي دايما كدا وربنا هيرزقك باللي يقدرك ويحبك بالطريقه اللي انتي عاوزاها
الجواز ده نصيب ولازم تبقي مرتاحه للي قدامك عشان تعرفي تتجوزيه الولد ده ممكن نفسك اغترت فربنا بس كان بيعلمك ان شكله مش بأيده وان هو بردو ممكن يشوفك حلوه او لا بعتذر لو كلامي وحش مقصدش والله بصي نصيبك مكتوب من قبل ما تولدي انتي بس متقفليش على قلبك وزي ما الولد ده في الاول كنتي رفضاه حبتيه جربي مع اي حد يخطبك تديله فرصه جربي مش هتخسري حاجه اول حد يجي من دلوقتي اقعدي ومتقفليش قلبك اديله فرصه واستخيري ربنا