منذ 8 ساعاتيشعر بـ حزين
انا مش عارفه ليه ماما دايما مهتمه بالدرجات بتاعتي اكتر مني اول ما اخلص اي امتحان بتسأل عليه بس لما صحابي يكلموا مامتهم مامتهم بتألهم عاملين ايه و بعد كده تشوف الامتحان و لما انقص درجه تقعد تقولي لو كنتي ركزتي شويه لاكن انا عملت اللي عليا و تقعد تقولي شوفي صحابك جايين كام المشكله ان انا بحل ب مجهودي لاكن هما بيغشوا من بعض انا مفسي ماما تهتم بيا بس شويه حتي لو شويه صغار المهم انها بتهتم اصلا
بجد ربنا يصبرك علي والدتك لانها مش قادره تستوعب اللي انت بتمري بيه
فهماكي انك خايفه تتكلمي معاها عشان امي زيها بالظبط بس حاولي تكسري حاجز صدقيني ع ضمانتي روحي احضنيها وكده
انتي مهمه عند ماما .ودا باين من كلامك لكن ماما مش شاطرة انها تبين الاهتمام دا . هي عايزاكي احسن واحدة بدليل انها بتسال علي درجاتك
بشوف ناس كتير بتدايق ان اهلها مش مهتميين ب مستقبلهم خصوصا البنات فانتي احمدي ربنا عالنقطه دي بس هي غلطانه ف حتت انها تقارن حاولي تتكلمي معاها ف النقطه دي
جربتي تتكلمي معاها ؟
هي بتعمل كدا عشان مصلحتك لو الام فعلا بتحب اولادها بتكون عايزه مصلحتهم بس في نفس الوقت اكيد مهم ان هي تهتم بصحتك ف انتي ممكن تتكلمي معاها تسأليها ليه بتعمل كدا في امهات تانيه مش بتهتم اصلا ولا بدرجات و لا بأي حاجه ف اكلمي معاها براحه و قوليلها انك بتعملي ال عليكي و زياده و عرفيها ال بيحصل
فهماكي عمتا انا امي بردو كده بس برد عليها بقولها ع اقل جيباها ب مجهودي و ف ناس مش عارفه توصل لمستوايا و غير كده هي مش عايزه غير مصلحتك و تبقي احسن حاجه ممكن تتكلمي معاها من اللي انتو بتدايقو من ايه من بعض و هتفتحو صفحه جديده ممكن تبقي خايفه عشان هتحسي انها ممكن تهينك او تزعلك او او او بس صدقيني جربي هيفرق معاكي
هي المفروض مامتك اكيد فيه وقت هي فاضيه فيه
لا هما دقيقتين تتكلم معاكي اظن مفيش ام مش فاضيه ال ٢٤ ساعه
قوليلها درجاتي مش هتعوض صحتي اللي بتروح علشان خاطر خايفه عليا
بصي لو لاقيتيها كده كل مره اعملي نفسك متعصبة وقوليلها ليه مهتميه بالدرجات اكتر مني
حاولي تفهميها أنها تهتم بيكي ولكن بالمحسوس يعني متخليهاش تاخد بالها انك محتاجه اهتمام اكتر من الدرجات