بصلها من ناحية تانية كان عمي دايما يقولي اللي مراحش عند الكعبة قبل كده مش هتلاقيه مشتاق اوي لكن اللي راح هتلاقيه بيسعى إنه يروحها كتير ف هي ممكن مراحتش قبل كده ف الشوق ليها مش مليون إنها تلغي الفرح عشانها أو يمكن هي شايفة إن العمرة سهلة هنروحوها في أي وقت تاني لكن الفرح بالنسبة لنا كبنات هو مرة واحدة يايتعمل يا لا الفستان الابيض مرة واحدة الهيصة و فرحة الناس بيها مرة واحدة ده بغض النظر عن إن كله ذنوب و انا مع إلغاؤه اصلا بس فكر بدماغها.هي و يمكن هي عايزة تعمله اسلامي او بدون ذنوب عموما اتناقش معاها في فكرتك و شوف رأيها

انا صراحه شايفه أن هو من حقها أن هي تعمل فرح دي فرحتها وهي من حقها تحدد هي عايزها ازاي و هي مش اقل من اي بنت يعني يكون عندها فرح وفستان هي من حقها تفرح وبعدين ليه يا فرح يا عمره ما تعملوا الاتنين و في دلوقتي افراح علي حسب شرع ربنا وبعدين الفرح بيجي مره واحده إنما العمره ممكن تعملوها في ايه وقت وبعدين انت ليه تحط مقارنه ما بين الفرح والعمره 😂

انا لما اتحطيت ف الموقف قولتله فرح و ان شاءالله هنعمل عمره سوا قريب

في ناس كده متقدرش تخرج من القطيع 😂

انا شايف براحتها دا ليلة العمر العمره تقدر تعملها في اي وقت انت الي بجد. غريب

هى حقها فى الفرح ماتفرضش عليها رايك بالرغم ان رايك صح

يعني اي يعني كل ده كان غلط😭 بس قدر ولطف الحمدلله إنك لسة على البر وعموما بجد ربنا يهدي الناس اللي بالتفكير ده

بناءً على ردك انت كده مشكلتك مع تفكيرها و كان المفروض من البداية وقت الرؤية تتكلم معاها في كده و تشوف دماغها زيك ولا لا بس حاول تاني تتكلم معاها في الموضوع ده و عرفها إنه منتهي عند رضا ربنا و فهمها بردو إن مش غرضك تحكم ولا سيطرة بس انت عايزة تبدأوا حياة سوا ترضي ربنا و ربنا يوفقكم و يبارك في حياتكم وكده و بإذن الله هي تقتنع

أولاً مش كل حاجة أنت شايفها بديهية والنقاش فيها منتهي انها تطلع كده فعلاً ثانياً مهما كانت الناس رأيها غريب من وجهة نظرك فده ميدكش الحق أنك تتكبر عليهم وتقلل احترامك ليهم هما لا مجانين ولا Ai ثالثاً في الإسلام أهم شيء لإتمام الجواز هو الاشهار ودي وظيفة الفرح مش العمرة رابعاً مش معنى أن الأفراح أصبحت تقام بطريقة لا ترضي الله أنه يتم استبدالها بالكامل بشئ تاني لما ممكن ننقحها من اي شئ لا يرضي الله وتتعمل عادي خامساً لو ربنا رزقك ببنت ووفقت على الكلام ده لازم تتأكد أنها مقتنعة بكده فعلاً مش مجرد بتهودك وبترضيك وخلاص لأنها هتفضل طول العمر ندمانة وشايفة أنك حرمتها من ليلة العمر اللي بتحلم بيها اي بنت تحياتي.

هي العمره جميله بس ممكن تتعمل في أي وقت لكن الفرح لو هي نفسها فيه فهو مره و احده في العمر من حقها انها تشوف هي نفسها فايه

انتو لسه صغيرين كل بنت نفسها فى يوم الفرح دى غريزة فطرية عارف لما تكبر شوية هتقول لنفسها ياريت كنت عملت عمرة

بس برضو عقليات يعني منعرفش القدامك دي بتفكر في ايه

ايه ده اكيد العمره احسن يعني الفرح كله ذنوب و مش هتبقى مشكلة لو عزموا عيلته و عيلتها و اتجمعوا في مطعم ولا كافيه ياكلوا كيكة و اي حاجة و يعملوا حفلة على الضيق كدا و بس انما مش لازم فرح فرح و العمرة هتبقى بداية للحياة الزوجية تكون افضل طبعا و مُباركة مش صح كدا؟