جماعة كنت بفكر اخد سكن جنب الكلية بالظبط أنا داخلة تالتة زراعة و المسافة بيني وبينها ساعة بس طريقها مش أحسن حاجة ف برجع مهدودة و مش بعرف اذاكر في نفس اليوم و بخرج من البيت ٨ برجع ٥ أو ٤ و اليوم بيضيع ف فكرت اخد سكن عشان اركز في الدراسة شوية لأن مستوايا مش كويس و سألت واحدة على سكن جنب الكلية و دي تفاصيله ف شايفين اي ؟ كلمت واحدة على السكن حاسة الدنيا لذيذة موت بس ممنوع مروحة و مكوة عشان الكهربا الترم ب ٢٥٠٠ تقريبا هو سكن خارجي تبع واحدة بس برج كبير جنب الكلية علطول الدور فيه كذا شقة و الشقة فيها كذا اوضة بس على حسب العدد ممكن الشقة يبقى فيها ٤ أو ٥ مثلا كل واحدة ليها سرير و ضرفة دولاب، انا مشكلتي حوار المروحة البنت قالتلي خدي اوضة تكون كويسة من ناحية الهوا و بردو حوار المكوة أنا مبعرفش انزل و النقاب أو الخمار مش مكويين و كمان قالتلي مفيش سخان تقريبا مركزتش في الحتة دي ف مش عارفة هعمل اي فيهم هي كل شقة فيها تلاجتين و فريزر و بوتجازين بأنبوبة فلوسها من البنات مع بعض و الاكل خاص بيكي بردو و النت مش فاكرة الست بتشحنه ولا البنت بس هو واي فاي و كل واحدة ليها شبكة لوحدها مش فاهمة ازاي لكن الكهربا و الماية على الست ف مش عارفة هل عيوبه تتعوض مثلا او تتحل ولا اي أنا أول مرة اخد سكن ف عايزة مكان يكون كويس من ناحية مسافة للكلية و يكون فيه ناس كتير عشان مكونش لوحدي أو حتى يكون معايا بنات من الكلية و يبقى اهلي متطمنين عليا
ساعة؟ انا كان الفرق ساعة بردو وكنا بنروح كل يوم قبل كروونا كل يوم من السبت للخميس😂
تعديل بس الشقة فيها كذا اوضة و كل اوضة فيها ٤ أو ٥ بنات و كمان شوفت إنه رخيص شوية مش هتقل على أهلي يعني
السعر مناسب بس العيوب كتير اوي
حوار انك تسكني وتطبخي لنفسك وترتبي غرفتك وتغسلي هدومك هيرهقك اكتر من المواصلات بجد وحقيقي هتحسي انك مش عارفه تعملي حاجة في يومك ولا عارفه تذاكري فأنا شايف انك توفري الفلوس دي او تستثمريها في كورس وهيكون راحة ليكي وكمان مش هتعرفي تذاكري وسط زمايلك ولا هتعرفي تآخدي راحتك واديكي شايفه انهم حاطين قيود عشان المروحة وحوارات مش هتخلصي منها
هو كويس عالسعر بس العيوب فيه كتير وممكن متستمحليش ف دوري على مكان تاني واكيد هتلاقي ان شاءالله
2500 مش وحش بس دا سكن فقط فيه مصاريف اكل و حجات من دي وبعدين السخان مش موجود دي ازمه ممكن تعدي بما انه احنا فصيف لكن مفيش مروحه فدي ازمه اكبر وهوا اصلا انتي رايحه عشان تذاكري وتركزي اكتر و موضوع الحر وكد دا هيبقي ضغط كبير جداا وهيصعب الموضوع لكن ممكن تروحي تشوفي الدنيا عامله ازاي من ناحيه تهويه المكان او الاوضه و تتاكدي من اللي هيكونو معاكي يعني فيه اكتر من عنصر تركزي عليه مش سعر السكن بس
دوري اكتر و اعملي ترتيب حتسألي عن شقتين بالكتير في كل يومين متغطيش تدوير في فترة قصيرة حتتعبي اعصابك
بحب المنتخبات اللي بيكون لبسهم شيك قوي
لا طبعا سيبي المكان ده على طول شوفي لك مكان ثاني لازما مروحه كويسه ولازما المكواه عشان تكوي فيها انت هتشغليها 10 دقائق في اليوم شكرا على كده كبري مخك انت منين صح بحب المنتقبات جدا ❤️
تقدري تشوفي بيت تاني يكون في مميزات
السكن حاجة مش حلوة