السلام عليكم ورحمه الله وبركاته مش عايزه اطول عليكم انا امتحاناتي الاسبوع الجاي كمان اسبوع خلاص هكون في اول امتحان والمشكله مش هنا المشكله اني مش عارفه كلمه في المنهج كله حرفيًا مش ببالغ ودلوقتي عايزه اذاكر المنهج كله انا عايزه اذاكر بس اللي هو احل اي حاجه في الامتحان عادي بس برده ببقى نفسي احل كويس يعني لان انا طول عمري شاطره المشكله مش هنا خالص المشكله ان انا مثلا لو بتفرج على فيديو مراجعه سبع ساعات مثلًا الربع ساعه اللي بتفرج عليها في الفيديو بتاخد مني ثلاث ساعات في الحقيقه يعني عشان اعدي ربع ساعه بس في الفيديو ده محتاج مني ثلاث ساعات بماطل بشكل غبي ولو اتفرجت مثلا على نص ساعه بس وبالكتير اوي اوي ساعه ممكن تاخد مني اليوم كله طبعا ده مستحيل ينفع معايا في الايام دي وانا مش عارفه اعمل غير كده انصحوني اعمل ايه علشان اكمل الفيديو زي الناس انا مش عارفه اعمل ايه الحقوني الحقوني الحقوني في امتحان اخر السنه بيقول لك انك لو حليت ست اسئله صح بس في الورقه تنجح بس انا حتى مش عارفه الست اسئله دول هحلهم ازاي من كتر ما انا مش عارفه حاجه خالص ارجوكم ما تتخطوش البوست وانصحوني اعمل ايه لاني فعلا فعلا متوتره جدا وعايزه احل المشكله الرخمه اللي انا بعملها دي ومش عارفه اسيطر على نفسي خالص
اهدي ومتتوتريش واسمعي بتركيز وافصلي عن اي حاجة تشتتك
روحي اي سنتر و احضري مراجعة المستر ده هيخليكي تحضري المراجعه كلها من غير ما ما تخرجي بس حاولي تركزي و تلحقي اي حاجه و حلي اسئلة من غير ما تذاكري وانتي بتحليها ارجعي شوفي الدرس وحلي و انتي بتشوفي حل السؤال اقرئي مثلاً نص الصفحه ولا حاجه و بالنسبة لفيديو المراجعه انا عندي نفس حالتك ف بقيت اسرعه و اكتب المهم في ورقة
وعندي تعفن دماغي ما بقدرش اقعد دقيقتين على بعض بتفرج على حاجه لازم اخرج اعمل اي حاجه ما بقدرش اسيطر على نفسي نهائي
الحقوني