امتحانات

بسم الله في كل بداية والى الله المصير والنهاية هححح حابب احكي عن موقف حصلي النهاردة واتمنى تسمعني بص يا باشا النهاردة كانت اول جلسة ليا عند دكتور نفسي بعد الكشف والتشخيص (اتشخصت اضطراب قلق عام ) عموما نسكيب حوار الكشف والتشخيص دة ونزوم على السيشن بجد الموضوع شاغل دماغي من اسبوع ومكنتش بنام بسببه قلقان هايسألني في ايه ولا هاروح هاقول ايه يسطا وانا الفترة دي عندي اكتئاب صعب ومش عارف اتكلم وبكتب البوست دة بالعافية كأني بفكر بصوت عالي عموما نرجع لموضوعنا بجد كنت عاوز اهرب وماروحش بس انا كدة كدة رايح بضغط من البيت وانا محتاج الحوار دة فعلا ف سيطرت على نفسي الى حد ما وروحت انا رايح يسطا قلقان ومرعوب (وحران بصراحة علشان مشيت كتير تحت الشمس ) +ان انا مخنوق من الاول روحت دخلت للدكتور وانا رجل جوا ورجل برا بجد سألني عامل ايه قولتله الحمد لله تمام (اجابة بديهية جدا ) اخدت بالي من ايده تحت التربيزة ماسك الكراسة والقلم وبدأ يغسلني اسألة من اللي هي عاوزاك تحكي في ١٠ سطور دي وانا بجد مش عاوز اتكلم مش قادر اتكلم خايف اتكلم ف كانت اجابتي مقتصرة جدا وكانت في بعض الاحيان غشيمة شوية (بدون دخول في تفاصيل علشان نسيت ) بس فاكر الاحساس اللي حسيت بيه اني محتاج اتكلم بس مش قادر هو فرفوش وجميل وكان بيحاول يهزر ويلطف قدر المستطاع بس انا بجد تعبان يسطا انا رايحله بقوله مش قادر اتكلم وهو عاوزني احكيله قصة حياتي عموما ف انا طلعتله اسود جزء مني وحاسس باحراج حاسس اني محتاج امسح الجلسة دي حاسس اني عاوز اهرب ومش عاوز اروح تاني واللي دايقني اكتر من كدة ان بعد ماخلصت وطلعت اختي دخلت تستفسر منه عالتشخيص ا*ا يسطا انا بجد خايف هي عرفت ايه ايا كان انا مش عاوز حد يعرف حاجة عموما طلب مني تاسك اني اكتب الموقف اللي اتعرضتلها عموما وبسبب التاسك دة افتكرت حاجات كتير كان نفسي انساها ومش طايق نفسي حرفيا عندي امتحان يوم السبت الجاي ومش قادر اذاكر بجد والمادة دي تقيلة والامتحان مقالي والابشع من كدة ان تاني يوم بعد المقالي فيه شفوي عااااه مش عارف ابص للكتاب ولا استوعب ولا اي حاجة بس عمال بعافر وبذاكر صفحة واقعد بعدها ربع ساعة ابص للسقف بس عالاقل احسن من مفيش خايف ماخلصش المادة قبل الامتحان خايف ماعرفش اكتب في الامتحان خايف من الشفوي خايف من الجلسة الجاية عاااااه المهم سيبك مني شكرا انك قريت كل دة بجد انت جميل وحقك عليا لو في لفظ ضايقك انت عامل ايه ؟

البوست ده عملاه لاي حد كان علمي رياضه او علمي رياضه حاليا عايزه اعرف ال كانوا علمي رياضه كانوا داخلين الامتحانات و هما بجد فاهمين كل حاجه و مفيش مثلا فرع او جزئيه كانت واقفه معاكوا؟ يعني مثلا انا حاليا كل لما براجع على فرع ببدء انسى ال قبله و حاليا بحاول الم التفاضل و التكامل و الاعداد المركبه انا بحل فيها كويس لكن في اسئله بحسها صعبه سيكا و الاومجا مثلا و الديناميكا بحس مفيش وقت اكون بيرفكت في كل دول رغم اني مذاكراهم بس لسا في اسئله مش بعرف احلها و المشكله خلاص نفيش وقت و بدات بجد ابانك جامد لاني عايزه اقفل الرياضه و خايفه

السلام عليكم غبت ورجعت اتوقع ما حدا رح يعرفني بس مش مهم المهم انو حاليا بأصعب فترة لأني ٣ ثانوي وبسبب الحرب يمكن افادة ويمكن امتحانات ويمكن نعمل امتحان ويمكن لا انا ما عم ادرس ما عم اقدر ادرس واسا المشاكل النفسية والتفكير والوحدة الي انا فيها والجفاف العاطفي خايفة خايفة من الفراغ الي ممكن يصير بالصيف شو اعمل خايف يكون في امتحانات وانا مش دارسة جماعة انا دارسة المنهج بس في اخر شي لا والباقيين لازم راجعهم بس عايشة على امل افادة (يعني تلتغى الامتحانات وانجح وصير جامعة ) مخنوقة اليوم صارت مشكلة خلتني اتمنى انو عنجد لو اني ما ولدت او لو وادت شب وقديش مجتمعنا دائما مع الذكر مهما كان معنا الحق نحن كبنات حرفيا كرهت كل الشباب كل ما شفت شب حس حالي قرفانة (قصة طويلة مش قادرة احكي بس لازم افش غلي شوي ) (اي انا من لبنان لا حد يعلق عالموضوع )

السلام عليكم انا ف تالته ثانوي وانا ف شهر ٤ كان المدرسين قربو يخلصو المناهج ويشهد ربنا ان انا من اول السنه بحاول مقصرش وبعمل ال اقدر عليه وتعب وسهر وشفت سنه مايعلم بيها الا الله وكله متاكد اني هبقا دكتورة ان شاءالله المهم انا طلع قدامي ناس بتعمل سيشن تنظيم مذاكرة ومنزلين اسكرينات لناس بتشكر فيهم واد ايه هما شالو من عليهم الضغط وساعدوهم وبقو بيذاكرو احسن ومستواهم اتحسن وكدا المهم لما المدرسين خلصو المنهج انا بطلت انزل دروس وقلت هراجع ف البيت وهشرك مع الناس دول وفعلا اشتركت وكانو كويسين وكل حاجه وقولتهم ان انا ازهر وامتحاناتي هتكون بدري وقدامي شهر بالظبط اراجع فيه واحل الكتب ال عندي قالولي هتراجعي وتحلي شوامل كتير جدا المهم بعدها بشوية حسيت انهم بيحطولي تاسك صغير اوي ف سالتهم انا هخلص امتا قالولي يوم 25/5 ف قلت كويس يعني مش مضغوطه وهخلص بدري بعدين لحد يوم 19/5 لاقيت ان انا لسا مخلصتش مراجعه اكتر من نص المنهج وقولتلهم قالولي مش لازم تخلصي بدري المهم تحلي كتير قولت ماشي ولحد ما خلاص شهر 5 بيخلص ولاحظت انهم مش عاملين جدول اصلا وبيحطو تاسك ف منتهى العشوائية حرفيا وحتى مش فاكرين انا راجعت ايه وايه لا وانا ال كنت بقولهم وقالولي هنظبطلك دلوقتى المواد الاولى ونكمل ف ليالي الامتحانات ف قلت ماشي وبعدين بدأت امتحانات والامتحانات تقيله وانا قلقانه من المواد ال متراجعتش ولما برجع من الامتحان بيقولولي عملتي ايه بس وواحدة منهم نزلت على الجروب احنا وقفنا شغل ازهر! يعني ايه بجد وانا كمان دفعت فلوس شهر وكمان شهر الامتحانات عشان يسالو عليها بعد الامتحان؟؟؟ اعمل ايه بجد انا حاليا بحاول مضيعش مجهود شهور بسبب ناس بتتعامل من غير ضمير انا طلعت من كل الجروبات وبعت للادمن بقول على كل ال عملوه مردش حتى

مساء الخير ، عندي حاله من فقدان الشغف و حاليا دي فتره امتحانات و خايفه و متوتره بس بحاول اهدي نفسي علي قد م اقدر بس أوقات مش بعرف و عايزه اضيع وقتي في اي حاجه غير اني اذاكر و بدأ يظهر عليا اعراض زي دراعي اللي بقي يوجعني من غير سبب و غيره

أحتاج لبعض النصائح والدعاء. انا امر بفترة امتحانات استدراكية في الجامعة هذه الأيام و امر بضغط نفسي كبير؛ لانو هناك مخاوف بسبب عدم التوفيق في السنة الماضية، وقلق من تكرار الأمر هذا العام وتراكم الخسارة لسنتين متتاليتين. أتمنى الدعاء لي بالثبات والتيسير

حاسة اني عنديenergy رهيبه عوزه استغلها في اي حاجة غير اني اذاكر بس مش عارفه اعمل اييي بجد عوزه اتجوز الواد عشان زهقنا وعوزه اخلص امتحنات وعوزه انزل جيم واعمل حجات كتير بحس اني طاقتي بتيجي في الوقت ده وتقولي بخ شطبنا انا فقر انا عارفهههههه

بيج مشكله استاذ في زنق نفسي بعد المرور بمرحله سيئه استمرت لكذا يوم وبالتالي معرفتش اذاكر اي حاجه ف الامتحان الصبح وفاضلي تلت اقسام وذاكرت قسم واحد المؤشرات بتقول هلحق ان شاء الله ذاكرت الاداره وفاضل الاقتصاد والمحاسبه والاحصاء المحاسبه والاحصاء عملي بحث ف سهله جدا تتلم المعضله في الاقتصاد والاداره ف يتم البصمجه وفي خطوه اكتر من رائعه جايه في رحلة التغيير بخصوص خطوة الاخ الحنين اختى خلصت امتحانات (اعداديه) ارجو تدعولها بجبران الخاطر (بنات بس اللي تدعي) وادعوا لاخواتي التوأم داخلين ثانويه عامه وطايشين ربنا يهديهم يارب وادعولي بالهدايه والصلاح هرجع بعد الفجر ان شاء الله مخلص خالص

أنا ثانويه عامه و امتحناتي كمان اسبوع و حرفيا بصحي من النوم اعمل قهوه و اقعد اذاكر و الم المتراكم و احل و بمسك التلفون ساعتين بكتير في نص اليوم بعيد عن السيرش الي بعملو أو أسالتي للai عن المنهج و بصراحه اهلي مطلعين عيني اوي بجد يعني احنا المفروض ننقل العفش عشان هنروح بيت جديد عشان بيعمل البيت ده عشان مشاكل ورث و كدا المهم انو المفروض نمشي بقالنا شهر و هما لا بيعملوا حاجه فشقه الي هناك ولا بينقلو حاجه من هنا و كمان راحوا يقولو لمالك الحديد يسيبنا شهر كمان رغم انو سابلنا 7 شهور لحد ما نلاقي بيت تاني فنا بقولهم خلونا ننقل عشان منجيش اخر الشهر ده ننقل بسرعه و تخلوني اعمل معاكم و اشيل و هيكون ورايا امتحنات قامو مزاعقلي انتا بتتحجج عشان لو مجبتش مجموع و ملكش دعوه و مش هنخليك تعمل حاجه نفس اليوم بليل بيقلولي انقل الشاشه بتاعت التلفزيون و انزل هات و روح اعمل و كدا و جيت انهارده أنا قافل علي نفسي بقالي 3 ايام و معنديش سوشيال مديا و ناسي الباسوردات اصلا فا حوار عشان ارجع اي اكونت و هيا امي جيالي تقولي انشر الغسيل و ريحه الاوضه وحشه و لو جيت قلت أنا محتاج حاجه حتي لو بسيطه يعملولي حوار رغم اني قعدت من الدروس بدري باسبوع تقريبا عشان اوفر عليهم و حاليا أنا زهقت بجد و مش عارف تلقيها منين ولا منين هل من المنهج الي عليا لسه و الحل الي قدامي و المذاكره و المراجعات و الجداول ولا منهم ومن حوار البيت ولا من مشاعري الي مبقتش فاهمها من كتر منا بقالي سنين دافنها

جماعه هيا ثانويه عامه ليه فيها كميت الضغط دي بجد بعيد عن المنهج الواحد مرا فيها بتجارب وحش جدا و هل فعلا بعد مذكره دي كلها امتحان هيجي ميتحلش و مستقبلي بقا يقف علشان امتحا جه صعب او اني اتوتر مثلا و ليه بحس اني مش في دماغي مذكره او اني مقصره انا مش عارفه اوصل الحاجات الي بفكر فيها بس هيا فتره المفروض تبقا ضغط بس انا مش عارفه اضغط نفسي و خايفه اعيد السنه بجد لاني مش هقدر اعيد كل ده تاني

انا شاب في اولي كليه قربت اخلص اول سنه ونا في ثانويه عامه كنت ملتزم ودنيتي تمام حصلتلي انتكاسه بعد النتيجه ولحد الان مش عارف ارجع حاسس بخنقه كبيره اوي اوي انا بمر باوحش فتره في حياتي مش عارف ارجع ازاي كل لما ارجع نش قادر مش عارف كل حاجه حوليا بتوقفني عندي امتحانات نفسيتي في الارض حرفيا وفي امتحان حليت فيه وحش وخايف منه مش عارف اعمل اي لا بقيت بصلي ولا عارف ازاكر ولا عارف اعيش ومش عارف اعمل اي لو حد مر بنفس التجربه وخرج منها ياريت يفيدني

انا مخنوق فشخ، لسه مخلص امتحانات انهارده و رجعت البيت وافتكرت ان في بروجيكت حلو كنت مستني الاجازه تيجي عشان اعمله المهم روحت اقول ل اهلي البروجيكت وبتاع محدش حتي اهتم انا هعمل ايه وقعدوا يتريقوا وبعدين دخلت الاوضه قولت بقولك ايه اشتغل من سكات وخلاص لقيت التوتوريال اتمسح قولت يعم ماشي وماله ف داهيه لقيت خطيبتي بتقولي امها تعبت و مش عارفه تعمل ايه وانا مش جنبها ولا قريب وكلمنا الاسعاف بعدها قالتلي حد ضايقها ف المستشفى و اليوم لسه مكمل علي نفس النمط و لسه الساعه معدتش اربعه، انا يومي اتقفل ومش عارف اعمل ايه فيه

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم الثاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم التاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

محتاجه انام 24h حرفيا 🥲 مطبقه يومين عشان امتحان و كان محتاج قبله ايام كتير مش يوم واحد بس بحاول ملومش نفسي انا عملت اللي عليا ، بس هيبقي في امتحانين بعد بكره كمان 💔 مش لاحقه انام ولا اراجع 😂 دعواتكم

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

انا كنت ثانويه عامه السنه اللي فاتت حصل عندي مشاكل مكنتش بذاكر شايله ٥ موات انجليزي فرنساوي احصاء وتاريخ جغرافيا مرعوبه بجد المفروض اول امتحان يوم ٢٣ وانا برضو معرفش اي حاجه في المنهج في المواد وضايعه فيهم خالص حد يعرف طريقه كويسه احل بيها خصوصا اني مش بعرف اقرا انجليزي او فرنساوي خالص بجد مرعوبه اوي

جماعه حابه بس اخد منك نصيحه لاني بجد تايه جدا انا بمر بفتره لزم اجتهد فيها جدا لاني همتحن قريب انا بس عايزه اعرف حاجه انا كل ما امشي في طريق صح و ابعد عن كل الذنوب ارجع تاني و يمكن برجع اوحش من الاول انا عندي صراع بيني و بين نفسي نفسي افهم شخصيتي دي عباره عن اي هل انا جويا وحش او انا منفقه اني بنصح الناس و بقع في نفس الغلط وله ده اي انا نفسي بجد اعقل او علي الاقل الصراع ده يروح

لسة زي ما انا لدرجة اني بقيت اتمني البلاء من ربنا عشان افوق نفسي بس تظبط المرادي المرادي بس عشان ابويا والله مش اكترر نفسي افوق مش عارف اذاكر مش عارف طيب وبدعي كتير انا اه مقصر فيي كلل حاجهه في حياتيي حرفياً كل حاجة بس بجد اهلي ملهمش ذنب انا ثانوية عامة وخلاص امتحاناتي كمان عشر ايام مش عارف اعمل اي وبدعي كتير وبعمل كل حاجة مش هكدب الصلاة مقصر فيها جامدد بس بنزل اصلي وادعي الغريبة اني لما بدعي برجع بكسل اكتر م الاول مش عارف الاقي تفسير ل دا ومش فاهم انا مش معترض علي قضاء الله بس المرادي بس تظبط اكسب ثقة ابويا والدنيا هتبقي تمام لو ع الذنوب والله هبطل ووالله هسعي اني اعمل كل صح وابطل الغلط انا اصلاً بسعي دلوقتي بس الجزاء يجي في الحاجة اللي بحلم بيها همووت ودي بس تعدي والنتيجة تبقي تمام مش اكتر نفسي ربنا يعطيني الهمه عشان اذاكر واعرف اجيب نتيجة مش طالب اكتر من كده بعد كده حياتي بقا انا هسعي فيها وربنا يقدم اللي فيه الخير بس دي تعدي مش اكترر وبس كان نفسي اقول كده ونفسي الاقي حد ارغي اقول الكلام دا بس ملقتش غير هنا والسلام عليكم

عموماً مبسوطه اني مش معتمده ع حد ك صحاب يعني اروح واجي براحتي بعيد عن اي حوارات اه ليا صحاب واه ليا ناس وحواليا كتير بس مش حابه اقرب حبايب كدا من بعيد مش لازم deep relationship يعني خصوصيه اولا وراحة بال مركزه مع نفسي بس اه الصحاب حلوه واه الصحاب متتعوضش بس اللمه الكدابة أوحش ثانيا موضوع ملوش علاقه بالي قولته حوار مستفز جدا اني ابقا حاله صح واجي ع اخر الامتحان اغير الإجابه واتكررت معايا ف كذا امتحان من الندم ببقا عايزة اقطع إيدي😡😡😡

جماااعه انا مش كويس خالص نفسيتي متدمرة ودي اهم فترة بسبب الامتحانات بجد مش قادر اذاكر ولا قادر اعمل الاحتياجات اليوميه الطبيعيه خصوصا اني مغترب وعايش لوحدي ازاي اتخطي. التركمات النفسيه اللي مسببالي اذي نفسي انا بجد معنديش طاقه ساعدوني

دلوقتي أنا الحمد لله توبت لربنا و م بقيتش اكلم اي ولد خالص و الموضوع انتهي خلاص الحمد لله و ربنا يثبتني ، بس دلوقتي كل فتره كده احس بندم كبير اوي اني عملت كده لان ده مش انا ولا هي تربيتي كان طيش شباب ، كميه الندم و القرف اللي بحس بيها تجاه نفسي لما افتكر اني عملت كده كبيره اوي لدرجه ان ممكن اليوم كله يضيع و أنا عماله افكر و اقول طيب ليه عملت كده ياريتني م عملت كده و بجد ندمانه اوي بس عندي امتحانات الفتره دي و بحاول اركز بس أوقات مش بعرف

حد عنده فكرة احسن من مذاكرتي ازاي؟ انا عارف انه مش وقته وانه الامتحانات خلاص موجودة بس هو تساؤل عشان انهاردة انا كنت بذاكر في مادة طول العيد و فيه احتمال اني اشيلها اصلا بعد كل ده انا خدت باغلب النصايح اللي على النت يعني ابعد المشتتات عني، اغير المكان من وقت للتاني، ابعد عن التليفون والسوشيال ميديا، اخليهم اهداف صغيرة و الحاجات دي كلها انا غالبا بتبعها فعلا بس مش حاسس بالنتيجة اللي تريحني، حاسس انه فيه حاجة ناقصاني دايما

كنت امبارح منزله بوست ان بيجيلي بانك اتاك لما بزعل او اتعصب وكده وفي كذا حد قال حلول بس اغلبهم مش هعرف اعملهم الفتره دي بس لو حد يعرف طيب حاجات اعملها لما يجيلي تهدى الاعراض و الحاجات اللي بتحصل ساعتها عشان الفتره الجايه هتبدا الامتحانات بتاعة ثانويه عامةً فاظن هيجيلي كتير فانا عايزه حلول ان ازاي اهدي الدنيا بذات في العرض بتاعه ضيق التنفس و في حاجه كمان عايزه اسال عليها حد يعرف ايه سبب ان مؤخراً بقيت بحلم احلام غريبه كتير و احلام يعني اللي هو ممكن تحصل عادي و ساعات بيكون في الحلم ناس عارفاها وساعات لا بس دايما بكون في الاحلام دي خايفه يعني اصلا بصحى و بكون مخضوضه ومش بعرف انام تاني يعني مجرد ما بصحى بكون خلاص مش عايزه انام تاني و بتحصلي اكتر في الايام اللي بكون فيها يعني مرهقه او مضغوطه اوي او يوم مفرهد عامةً بس الحلام بحسها قريبه انها تتحقق او انها تبقى واقع يعني فهل دي حاجات عادي عشان مثلا الفتره دي متوتره وكده ولا هل ممكن تتحقق فعلا ولا ايه بظبط

الماده صعبه جدا جدا حاجات كتير وبرانشات كتير ليها الامتحان بكره الصبح ودماغي وقت مش قادر حاسس مذاكرتي دلوقتي قرايه فقط مش حفظ انا عارف اني مقصر والله ومقصر ف كل حاجه ف مذاكرتي وف علاقتي مع ربنا وذنوبي كتيره وكمان اذنبت ف فترة الامتحانات دي انا برجع واستغفر بس انا زعلان من نفسي جدا وعلي نفسي جدا خايف علي نفسي وعلي مستقبلي خايف من عقاب ربنا ليا انا عارف ان ربنا مش بيعاملني ب ذنوبي يعني مش انا اذنبت ف مش هتوفق انا استغفرت ربنا ورجعت له وظني ف ربنا دايما خير انه مش هيضيعني ابدا ولا يكسرني دايما بيجبر بخاطري انا حاليا تعبت تعبتت جدا وطاقتي خلصت مش عارف اي دلوقتي الامتحان بكره وانا تايه تايهه جدا

انا تالته ثانوي و امتحاناتي خلاص بافي عليها حوالي ١٥ يوم و م عار اعمل أنا م ضايع ف كل المواد بس مذكرتي دي متجبش ٧٠ فلميه حتي فا هل حد هندو حل الله الله الله الله اكبر الله اكبر الله اكبر الله اكبر

سفر وشنط سفر ومزاكره وامتحانات وسهر 48 ساعه وشنط تقيله وشمس مستعره الجو حر نار بجد انا اسمريت اكتر 😂 حرام والله كل ده في يوم واحد وشي بيطلع نااار من الحر أنا بقيت بكره الصيف واحب الشتا خلاص

دايمًا بنقع فب غلطة الحق المكتسب والاستحقاقية دي أنا نفسي ببغض الموضوع دا جدًا ووقعت فيه مع حد المهم عندي امتحانات فاينال حاليًا ومشعاوز أبعت لليدر الدفعة عشان سيمب وشايل منه من كذا موقف بس محتاجله ومحتاج أسأله بس مشطايق أبعتله ودي مشكلة كبيرة لأني بحتاج أسأل ف حاجات كتير(مش ف المحتوى العلمي) لكن ف كام سكشن غياب بحرمان أو شفوي الدكتور دا نظامه ايه أو المحاضرات كاملة ولا مش كلها نزلت أو عن درجات معينة أو تظلم أو كدا ف العمل ايه؟

حلمت بواحد من اكبر كوابيسي واللي كنت بتخيله زمان وصحيت جسمي بيرتعش وبطني وجعتني زيادة على الصوت اللي شغال في ودني معرفش ايه دا بس هو مش auditory hallucinations وعندي امتحان بكرة و زهقت من المذاكرة بقالي شهرين مذاكرة وامتحانات وخلاص تعبت وكل شوية الاقي mouth ulcers في مكان مختلف وشوية وتختفي يمكن دا burnout او مجرد ارهاق

مشكله حاسس ان انا بجح اوي حقيقي قصاد كرمه عليا فجر الجمعه done اللهم الثبات مع كل بجاحتي هققلي حلمي وصليت امام مع كل ذنوبي خلاني مبقاش بتوتر على الميكروفون مع كل معاصيّ ولسه بيكرمني البوست الثاني من رحلة التغيير (بكتب الافكار دلوقتي على ما اشوف هشاركها ازاي بس اخلص امتحانات) كتير اوي وانا بصلي بقول اللهم ارزقني لذة الصلاح وحافظي القرءان انت متخيل يعني ايه انسان يبقا حافظ القرءان كله غيبا ويقدر يقرأ في اي وقت اي جزء يا الله جميله اوي بس جت لحظة ادراك انت فين وبتعمل ايه عشان الرزق دا والنعمه دي هل بتسعالها ؟ كداب في ايام مش بتفتح المصحف اصلا ف ازاي هيرزقك النعمه وانت هاجر القرءان نفسه ف قررت القرار الثاني من رحلة التغيير لازم ورد ثابت يوميا ورد تلاوه وورد حفظ بس كدا دمتم في امان الله ولو حد عنده نصيحه لا يبخل وله الاجر #رحلة تغيير

ادعولي عندي امتحانات ادعولي اجيب المجموع الي نفسي فيه ادعولي بجد محتاجه الدعاء خايفه اوي مش عارفه اركز مع حاجه ومش مبسوطه قلبي مقبوض ادعولي كتير يا جماعه يمكن حد فيكم دعائه مستجاب او الوقت الي دعى فيه ابواب السما مفتوحه وربنا يحققلكو الي بتتمنوه يارب انا وانتو

بوست مهم وفيه مشكله كبيره بتوجهني وبتواجه ناس كتير 📌 من. كام يوم شوفت اب بيخليك تبطل تضيع وقتك عالريلز ف بما اني استاذه تعفن دماغ ويومي كله ضايع عالريلز ف قولت انزله يمكن يساعد فتحته لقيته جابلي ان اخر 7 ايام انا استخدمت الريلز لمده 51 ساعه؟!!!! انتو مستوعبين الرقم انا سمعت صوت ضربات قلبي فاللحظه دي من الخضه وكمان انا ففتره امتحانات يعني فالاجازه بقعد أضعاف عدد الساعات دي ومش باخد بالي انا في 51 ساعه ضاعو من عمري بدون سبب وبدون فايده!! انا هتحاسب قدام ربنا على 51 ساعه ثانيه ثانيه فيهم وشوف سمعت كام اغنيه فيهم او شوفت حاجه مكنش ينفع اشوفها شئ مرعب جدا يعني دول 51 ساعه بس ف اخر 7 ايام امال لو جمعت على حياتي ال فاتت من ساعه ما بدأت اتحاسب هيكونو قد ايه؟ اتمنى انتو كمان تعرفو خطوره الموضوع دا وتحاولو تبطلو تضيعو وقتكو وادعولي ربنا يهديني ويهديكو انت كممان اسمه الاب stay free

انا ف تالته ثانوي ازهر وامتحاناتي هتبدا بعد بكرا الإنجليزي كنت وانا براجعه وبحل بس كنت مضغوطه اوي ومحاضرات مراجعه الحل طويلة ف مكنتش بسمعها ودلوقتي انا مش عارفه ال انا بحله دا صح ولا لا ف لو حد عارف اسم أي ابـلكيشن عشان مضيعش وقت ف المحاضرات

الواحد عمل كل حاجه صح والحمد لله كله بفضل ربنا بس عارفين ناقصني اي ؟ ناقصني بنت الحلال اللي اصحي علي صوتها وهي بتطمن عليا اه والله ناوي اخلص امتحانات واخطب علطول وبدعي ربنا الاقي بنت الحلال اللي بجد ادعو معايا يخواتي

سلام عليكم دلوقتي عندي مشكلة امتحاناتي كمان ١٨ يوم ثانوية عامة لغاية دلوقتي مبعرفش احل وبحاول وافضل احل ورا المدرسين وبردو مبعرفش الفيزيكس عندي مشكلة والكيمستري مشكلة اكبر والماث اكبر واكبر واكبر لسة فاتحو انهاردة عارف الصياح هنا ملوش حل ارجوك لو عندك نصيحة قولها بضيع وكل المواد عندي فيها مشاكل مش عارف اعمل اي والله بذاكر ومش بنام وبردو معرفش في اي بسعي ومفيش نتيجة في الحل وبنسي بسرعة ومش ملاحق الموضوع فارق معايا اوي عايز افرحهم والله انا كده كده مستاهلش وانا عارف نفسي

خلاص قربنا على الامتحانات اتبقى ايام خلاص انا ولله اي الايام دي من سنه انا كنت ف اعالم تاني انا كل شويه افكر نفسي علشان ازاكر اكتر ولله و اعمل الي عليا علشان مقولش معملتش انا ديما بقول الي كنت عايزه اعملو السنه الي فاتت و معرفتش هعملو السنه دي بقول ديما كده بس بقى اهو انا بدات اذاكر و الامتحان الخميس يعني انا قصادي النهارده و بكره النهارده فتحت التلات مواد قولت اخد خلفيه علشان بكره عندي مراجعه بقى و الحاجه الي مش فهماهه افهمها بس بجد حسه ان الشغف المزاكره بيقل

لى نتحمل مسؤولية مش مسؤوليتنا ونحاول نحل أمور اكبر من سننا ونعيش دور مش دورنا المفروض انى اركز على مذاكرتى وامتحاناتى لى اتحمل هم البيت كله مش كفايا امتحانتى وانى بحاول ارفع التقدير علشان اخر سنه علشان يرضوا ويكونوا فرحانين ولازم اذاكر كمان برا مذاكرتى علشان لما اقدم مع اختى اكون شاطره زيها ومكسفهاش قدام الشركه لى بجد كل الضغط ده

عاملين ايه يا جماعه ايه الاخبار يارب تكونوا كويسين ياريت اللي يشووووف البوست ده يدعيلي عشان انا في امس الحاجه لدعوه اي حد عارفه ان صياح ثانويه عامه بقى كتير الفتره دي بس انا مش جايه اصيح انا قاعده هاديه اهو و بشحت دعاوي بس 😂

انا متضايقة جدا ادعولي ربي يوفقني والله تعبت من الطب و بقالي يومين على الامتحان وانا ماحضرت الى النصف ولسى باقي اراجع لي فات والله اني احاول بكل جهدي ادرس بس مفيش فايدة اجلس ابكي و خلاص ما بعرف السبب لرجعني هيك بعد ما كنت جد شاطرة وافكر اني اترك هي السنة واعيدها من كثرت التعب ادعولي ❤️‍🩹

حاليا انا مضايقة اوى لعدة أسباب :ـ انا مش مذاكرة خالص وعندى امتحان على 14 شابتر وانا ولا اعرف كلمة وكمان باخد كوريات تانية مش ملتزمة فيها خالص وكذا مرة كنت هتطرد بسب أنه الكورسات مستواها أعلى منى بمراحل بس علشان دفعت فلوس فغصب عنى مضظر اكمل ده غير عايزة إمكانيات مش عندى مع التزامن فى المائة وامتحانات وصلت لمرحلة مش طائفة حتى حد اشوف حد فى وشى مضايقة اوى ومؤخرا مواقف كتير من. انى قطعت علاقتى مع أشخاص توكسك فى حياتى وبتخانق مع اهلى كتير مش عارفه اعلم اى بجد عايزة اعيط ومش عارفة اقول اى بجد

مشكلتي تافهه حبه انا امتحاناتي خلاص كلها 20 يوم وحرفيا معرفش حاجه ف الانجلش وم عارفه اذاكره او اعمل اي حاجه فيه ومكنتش بنزل دروس ليه وم عارفه اعمل ايه لو حد عنده حل يقولي ازاي كان بيذاكر الماده دي واليوتيوب م بعرف افهم منه وبتبقا كتيره اوي واكيد م هقدر اقعد كل الساعات دي ع يوتيوب فا ممكن اي حل يساعدني

زي النهارده من سنه انا طبعا معرفش ازاي السنه عدت بل سرعه دي هيا ف الاول مكنتش بحس انها بتعدي بس بجد هيا عدت بسرعه المهم يعني زي النهارده كده انا سمعت اوحش حاجه ممكن اسمعها اني هعيد السنه دي اوحش حاجه بجد بل نسبالي انا بجد اليوم ده انا معرفش ازاي عرفت اروح البيت ولله انا معرفش ازاي انا مكنتش عايشه ولله انا كنت عايشه شكل لدرجت اني مكنتش باكل و كنت لما باكل بحس ان الطعم الاكل مر ولله مش افوره مني كان اوحش صيف بجد كنت بحس بشفقه موووت من الي حوليا كنت بحس اني اقل وحده انا مكنتش بنزل كتير و مكنتش بحب انزل حته لما بدأت المدرسه مكنتش عايزه اروح علشان مش عارفه هتكون ازاي نظرت المدرسين ليا بجد و هنا بقى حسيت بجد بل شفقه ف عينهم رغم انهم عارفين انا قد اي زعلت بجد بسبب الموضوع ده و رغم ان معايا صحابي ف الفصل مكنتش بحس اني موجوده بارضو انا مش موجوده مابينهم او مش موجوده ف الفصل اصلا ف عالم لوحدي خالص هما لحظو ده و انا مش ب ايدي كل ده غصب عني هما يقولو فهمين بس لا مش بحس ب كده يلاه اهي عدت و ف الاخر هدخل الامتحان ❤️ و الي معملتهوش السنه الي فاتت هعملو السنه دي ❤️

انا حاسة اني واقعة خالص في كل حاجة الفترة دي يعني امتحاني كمان 7 ايام بالضبط وانا ضايعة عالآخر يعتبر في مواد معرفش فيها حاجة و مفيش حاجة متظبطة خالص ولا عارفة اضبط اكلي ولا نومي ولا انظم اي حاجة و حوار المذاكرة بالذات انا حرفيا بقالي 5 أيام مثلا كل ما اجي افتح كتاب دماغي بتصدع جامد جدا و عنيا بتوجعني و معرفش دا سببه ايه انا كان عندي مشكلة فعيني بس مش دا السبب لأني لو ماسكة الموبايل او مش بذاكر بيكون عادي و سمعت الرقية الشرعية برضو مش عارفة و خايفة اوي بجد و مش قادرة احدد ان دا يمكن من الضغط فا انا جبت اخري و مبقتش عارفة اذاكر بس دا يتحل ازاي لأن فاضل اسبوع مينفعش كدا

جماعه بتتخطو المدرسه ازاي حد فيكم خلص مدرسه ودروس خالص بعد 3ث ولسه متخطاش انا مش قد الي هيجي بعدها بجد خايفه اوي مش عايزه اكبر افضل بس ف 3ث حلم حياتي مش عايزه اخلص خدت رقم الجلوس خلاص وامتحناتي قربت كمان 9ايام رغم ان انا تجارة فني بس بجد اتعلقت ب صحابي اوي

دلوقتي فاضل على امتحانات تالته ثانوي اقل من شهر و انا حرفيا معرفش كلمه في الكيمياء و العربي ف لو حد يعرف طريقه بجد ازاي الحق نفسي فيهم انا مش عايزه اجيب درجه عاليه انا بس عايزه اعدي صافي في الكيمياء و العربي

مش عارفه انام م التفكير امتحاناتي قربت وانا معايا مادتين م الترم الاول يعني لو شلت ماده تاني كدة شلت السنه وانا اوريدي شلت سنه قبل كدة بجد مرعوبه م الفكره وخايفه اشيل حاجه تانيه في مواد صعبه اوي الانسان محبط اوي اوي اوي اوي بجد مش عارفه اعمل ايه

كل سنه وانتو طيبين ياخواتي وينعاد علينا جميعاً بالخير يارب مع اني مخنووووووووووقة جامد 😡 بسبب اني ملحقتش انزل اجيب سبلايز العيد ولبس العيد بسب الزفت الامتحاااااااااانااااااات😡😡😡 بس هحاول اعدي الموضوع وأبسط نفسي😔

نفسيتي تعبانة أوي اول مرة احس اني فعلا مستتقله كل حاجه امتحاناتي قربت، فاضل اسبوعين بس قلقانه، قلقانه اوي تركيزي صفر، بسرح طول الوقت، مهما اجبرت نفسي اركز مش بقدر من زمان مش دلوقتي بس بس دا مزود الهم عليا مش عارفه حتي اضغط نفسي عشان احس اني بذلت. مجهود ف الاخر ع الاقل بكرا يوم عرفة، هدعي ربنا اقول اي وانا مش بسعي بتجيلي افكار اني مينفعش. ادعي اساسا، وفي احساس جوايا ان ربنا مبيبحبنيش مفيش حد بيحبني بالمرة، انا عبء حسه اني تعبت ومش عايزة اعيش حساها من كل قلبي. مش قادرة احكي اصلا ولا امسك تلفوني، اغلب الوقت نايمه مش عايزة اصحي بقعد ع المكتب يعدي عليا ساعتين تلاته قدام صفحه، عقلي مش معايا كل حاجة ضباب مش بيبان عليا الزعل او التعب لاني مش ببين ولا بشكي ابدا بس ماما لاحظت، ولو ماما لحظت يبقا انا ف حته وحشة فعلا انا تعبت.

نفسي اعترف اني كذبت يوميها.. نفسي اعترفلها واقولها كدا اني غلطت لما قررت اكذب بس مش جاهزة اجرح انسان زيي بمجرد اني عايزة اريح ضميري، وان الشخص دا عالي عندي دي انانية.. مش كدا؟ بس الشخص التاني يفضل عايش بكذبة؟ حتى لو كذبة صغيرة في الحياة الكبيرة... هتفضل سايبة وراها جرح لو اتكشفت فات الأوان اني اعترف اصلا معرفش ليه فجأة الحوار القديم دا جه فمخي، بس اعتقد لاني شخصية حساسة اوي فاي حاجة بتعلق فدماغي خصوصا فترة التوتر والفضى قبل الامتحانات دي..

حاسه بوجع جامد جدا في قلبي و مش عارفه اعمل ايه حاسه الدنيا كلها فوق دماغي و ضدي ، امبارح حصل موقف واجعني اوي اخويا الاصغر مني بخمس سنين شك فيا و دي مش اول مره تحصل انا في تالته كليه امبارح كنت بعمل لصاحبتي ريكوردات وبنتكلم جه قالي بتكلمي مين قولتله فلانه و وريته الشات قالي وريني الcalls وريته اني مش مكلمه غير بابا و ماما قالي وريني باقي الواتس قولتله لا عشان دي خصوصيه غير كمان اني اتضايقت من الموقف جامد انت بتتعامل معايا كده ليه المهم راح قال لوالدي و والدتي وقعدنا نتكلم و انا قعدت اعيط عشان صعب عليا نفسي اوي انه ليه محطوطه دايما في موضع شك , خلاصه ساعة و نص حوار انه انا اللي غلطانه عشان قاعده في الصاله لوحدي واني حطيت نفسي في موضع شبهه يخلي اخويا يشك فيا و اسلوبه ده تبريره انه اخويا و خايف عليا و بيغير عليا و كل الكلام ده المهم انا مشكلتي اني مرتبطه بقالي سنتين وكام شهر بزميلي في الكليه ( عارفه انه حرام و بالفعل سيبنا بعض كذا مره بسبب انه حرام بس للاسف كنا بنرجع تاني و مبنقدرش نكمل شهر حتي) انا دلوقتي حكيتله اللي حصل في البيت قعد طبعا يعتذرلي و حقك عليا و انا السبب في كل ده انا اسف وقالي هما حلين ملهومش تالت يا نتكلم وتمسحي الشات اول باول وانا محبش الحل ده يا نسيب بعض لحد ما ربنا يكرمني واجي اتقدم و من ترك شيئا لله عوضه خيرًا منه ( احنا في كليه طبيه لسه فاضل سنتين و سنه امتياز) وكده كده احنا اصحاب في شله في الكليه كلنا و بنتعامل كلنا بس يعني مش هنتعامل برايفت في الشات او كده هنرجع زمايل بس اهلي و البيت كله عارفين اني عندي شله مختلطه وماما بس اللي عارفه بموضوع الحب و الارتباط ده المهم انا دلوقتي كنت تعبانه نفسيًا جامد قولتله خليني اهدي و ناخد القرار ده سوا و نشوف هنعمل ايه انا من امبارح كل ما اتخيل انه مش هيبقي موجود في يومي بتجنن و بقعد اعيط و قلبي بيوجعني رغم اني عارفه انه ده الصح بس مش عارفه هعمل ايه و مش عارفه طيب اخد القرار ده امتي انا عندي امتحانات هتخلص في نص يونيو ، هل اخذ الخطوه دي بعد امتحاناتنا ولا دلوقتي ولا استني بعد الامتحانات عشان اعرف انهار براحتي وميعطلش مذاكرتي ولا اعمل ايه طيب استني في الاجازه عشان كده كده مش هشوفه في الاجازه وفي الاجازه اشغل نفسي بحاجات و اتعود علي غيابه ولا اعمل ايه دلوقتي انا مش عارفه هو بيشتغل بقاله سنتين و بيحوش و عنده كمان شقه بس علي الطوب الاحمر في بيت عيلته و مش جاهز برضو يتقدم دلوقتي و حتي و لو معرفش رد فعل اهلي و بابا هيوافق ولا لا و مش عارفه بس انا قلبي واجعني

4408 مش عارفة اكتب ايه بس هو لازم اكتب اي هري علشان البوست يرضي ينزل و ادعولي بجماعة انجح فالامتحانات علشان لو منجحتش هطرد من البيت 😂 و رشحولي كتب حلوة اقرأها و تكون فانتازيا أو جريمة وشكرا جدا

عايزة أمل يخواتي أرجوكوا أنا تالتة ثانوي و واقعة في الكيمياء و الأحياء و حرفيًا خايفة إن أنا أدخل الامتحانات بسببهم محتاجة دعواتكوا بجد أنا خايفة آكل كمية شماتة آخر السنة ممكن أنت.حر منها

ليه الغربه والبعد عن الأهل بيغيرنا بيخلينا مفيش مشاعر المفروض بحب ماما و مش بحب ازعلها و لما بزعلها لاني بتنرفز بسرعه أو بسبب اني مش بنزل اجازه انا بكره المواصلات و الطريق طويل فمش بنزل كتير ، بقالي تلات اسابيع بمتحن و قعدت اسبوع زياده فلقيت اختي بعتالي مسدج طويله بتهزقني و التانيه متجنبه الكلام معايشان منزلتش واني مش حاسه بماما وأنها بتتعب عشاني وانا مفيش مقابل ومكلماتي محدوده مش بتعدي خمس دقائق ، انا مش بيبقي عندي كلام مش اكتر يومي كله بذاكر و ماسكه الفون بشوف فديو أو بشات حد فمفيش حاجه اقولها بس وهي مش بتقولي حاجه ف اعمل اي انا فعلا بقيت وحشه ومعنديش مشاعر وانانيه فمش هقدر ارد علي المسدج بتاعتها انا اصلا لسه مكلمه ماما ساعه بس وكانت كويسه ومش زعلانه بس حاسه بالذنب من ناحيتها كل مدي انا ببقي وحشه معاهم اكتر وأخلاقي بتبوظ اكتر و انانيه اكتر ومفيش فايده فيا جرب اكون كويسه بس برجع تاني ، انا مش حنينه عليها زيها بس بحبها ومش بحب اشوفها تعبانه المشكله فيا انا

عندي احساس بالزهق والفراغ العاطفي رهيب جدا رغم اني اصلا المفروض مشغول وعندي امتحانات ولكن للاسف وحيد حاليا جدا جدا ازاي الانسان يقدر يعوض وحدته وفراغه العاطفي وليه مفيش مكان نروحه ونفضل نشجع بعض ونقول كلام حلو فيه؟

تتم المرقعه الامتحان الاربع والماده مذاكرها وتمام فاضل محاضره واحده بس الامتياز يطبخ على نار هادئه بس هموووووت وانام بجد مش عارف ليه مع اني نمت تمام يعني بتاع ١٠ ساعات ف عايز حل للموضوع دا يا اما هنام واقوم بالليل واطبق بقا مش عارف ولا ننسى الافيه الايقوني 👇🏻

فقدان الشغف وقت الامتحانات ده حاجه فظيعةة بفتكر كل حاجه حصلت في حياتي ايام الامتحانات كل المحتوى اللي في الحياة بيبقى ايام الامتحانات كل النوم اللي بنامه بيبقى ايام الامتحانات كل حاجه بتبقى ايام الامتحانات طب ايه هنذاكر امتى والله 😂🫠

لحد دلوقتي منمتش، بزاكر بس عمالة أفكر هو ربنا هيديني ع تعبي ف ال 20 يوم اللي قبل الامتحان دول كإني مقصرتش قبلهم. ولا كل مزاكرتي دي دلوقتي مجرد هتلحقني، لكن مش هاخد اللي انا عيزاه لإني قصرت ف مستاهلش. هل ربنا هيديني عشان تعبي ف الايام القليلة دي ولا هيعاقبني ع تقصيري ف اللي فات مهما عملت دلوقتي. مش عارفه... مقصدش محسنش ف الظن ف الله بس حسه اني مستاهلش، او يعني انا فعلا قصرت ف لي ربنا يديني، حتي لو تعبت ف الاخر مش عارفه.

ماده قد الفيل حرفياً وكل مااحس اني لميتها تبوظ من حيث لا اعلم المهم دعواتكم ليا يا فواكه أن بعد بكرا افتكر حاجه من كل الروزم اللي كتبتها دي ودماغي تتغابي فأكتر وقت مش مطلوب فيه غير تشغلها وبفكر نفسي وبقولها أن دي اخر فرصه ومش هيجي بعدها تاني وعلي قد تعبك دلوقتي حتي لو كانت المحصله قليله بس علي الأقل لازم تعرفي ترفعي راسك... شكرا 🤍

الحمد لله على كل حال.. 🤍 بقالي فترة باجي على صحتي ونومي وبشيل فوق طاقتي عشان ببني مشروعي وبحاول أعمل حاجة محترمة تشرّف وكنت دايمًا بحاول أكون قد المسؤولية اللي شيلتها بإرادتي. امبارح حصل عطل مفاجئ وده طبيعي جدًا في أي سيستم و شغل ولأنه كان ليلة امتحان والضغط عالي فضلت صاحي للفجر ومغمضتش عيني غير لما المشكلة اتحلت بالكامل والسيستم رجع يشتغل والطلبة دخلت امتحنت الحمد لله ومحدش اتضرر. لكن وقت الأزمة الكلام القاسي واللوم اللي سمعته كانوا أصعب بكتير من المشكلة نفسها إحساس صعب جدًا إنك تستهلك صحتك وأعصابك عشان تحافظ على مصلحة الناس وفي لحظة تلاقي كل تعبك ومجهودك اتمسح بسبب غلطة غير مقصودة وبرا إرادتك وتلاقي هجوم بدل كلمة تقدير. أنا الحمد لله راضي بكل شيء بس يمكن دي أول مرة أحس فعلًا بثقل الحمل ده ضغط نفسي وعصبي كبير وصراع مستمر إني أوازن بين دراستي وسنة تخرجي ومشروع التخرج وبين إني أفضل ثابت وببني شركتي ومستقبلي. دعواتكم معايا الفترة دي تعدي على خير 🤍 وربنا يكتب لكم أضعاف ما تتمنوه ليا يا رب .

يا جماعة أنا طالبة في ثانوية عامة، وبمر بفترة صعبة جداً ومش عارفة أتصرف. بقالي فترة حاسة بـ (تجميد ذهني) تام أو إنهاك فكري شديد، لدرجة إني مش قادرة أركز ولا أستوعب المذاكرة خالص، وتعبت نفسياً من الإحساس ده والوقت بيجري وخايفة جداً من الامتحانات والمستقبل، بكون عايزه اذاكر بس لما بحاول أبدا مش بعرف وسواء بدأت او لا بحس اني كل ما بقدم خطوه برجع ورا.. وللأسف التواصل مع طبيب نفسي صعب حالياً في ظروفي، وأهلي مش مستوعبين حجم الضغط اللي بمر بيه. أنا حاولت كتير وعملت كل اللي عليا ومش عايزة أستسلم، بس بجد طاقتي خلصت.. مش محتاجة كلام إنشائي أو نصائح تقليدية، أنا محتاجة كلام واقعي وتجارب حقيقية تخليني أعرف أتحرك من مكاني وأكسر حالة التجمد دي. كمان في حاجة مسببالي رعب وتوتر حقيقي ومأثرة على أعصابي، وهي رهبة اللجان وأجواء الامتحانات والتفتيش.. أنا بسمع كلام مرعب بيقلقني جداً، فلو بنات من دفعات سابقة يطمنوني بشكل واقعي: إجراءات التفتيش للبنات بتم ازاي جوه اللجنة؟ وإزاي أهيأ نفسي نفسياً للأجواء دي عشان متوترش وأنا أصلاً ملتزمة ومش معايا أي حاجة؟ وازاي في بنات اعصابها بتكون بارده وعادي؟ وممكن بلاش الرد اللي هو متفكريش. أتمنى متتجاهلوش البوست ومحتاجة ردودكم الواقعية بجد، وشكراً

هل هلحق اذاكرهم ؟؟ تصحيحا للخطأ امتحاني ٩ مش ٦ كان فاضلي المحاضرة ٧، ٨، ٩ بس كان بقا 😂 الحمد لله بفتح في التاسعه اهو ، حاسس اني بكروت سيكا بس لا يعني هخلص التاسعه وبعدين اراجع عليهم كلهم تاني من الاول وهمسك الاسئله اللي الدكاتره هيجيبوا زيها في المواصلات نص ساعه هصمهم اللهم لك الحمد وباذن الله الماده دي تعدي بس

يا جماعه انا عايش ومش عارف انا عايز اي انا مخنوق جدا جدا وتعبان وموجوع من جوايا والله ألم وضيق صدر لا يعلم بيه الا الله وخوف بدون سبب معرفش من اي هل من الامتحانات اللي جايه ولا من اي بالظبط مش عارف بس انا حاسس اني مستنزف جدا مبعرفش احكي لحد انا حاسس ب ايه انا عندي ٢٢ سنه انا ولا مره ف حياتي جبت حد وقولتله انا مخنوق ومضايق وحاصل معايا كذا كذا معنديش صحاب كتير واحد من ايام ثانوي وواحد ف الجامعه ولا اتنين ومبعرفش اكسب حد مبعرفش اتكلم او اتصاحب علي ناس مبعرفش ابدا طول عمري من ابتدائي وانا كده لحد الجامعه المهم اني دلوقتي موجوع وقلقان ووحيد وحزين جدا مش عارف اذاكر ولا قادر اسافر للجامعه عندي سكاشن بكره والأحد عندي امتحانات عملي ومش طايق اعمل حاجه وقاعد ف صمت وسكوت ومستني السكاشن والامتحانات تيجي وتخلص حاسس اني معنديش طاقه بربع اقاوم بيها اللي دا غير الفاينل اللي بعد دا غير الفاينل اللي هيبدأ اخر الاسبوع انا تعبت يجماعه تعبت ضغط نفسي وعصبي انا مش مستحمل

في حاجه غريبه بجد مش عارفه اي ده بجد بجد فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش فاضل محاضرتين ساعتين ونص ولسه محلتش

الناس فاكراني اتجننت بس عادي عندي امتحانات الناس فاكراني اتجننت بس عادي عندي امتحانات الناس فاكراني اتجننت بس عادي عندي امتحانات الناس فاكراني اتجننت بس عادي عندي امتحانات الناس فاكراني اتجننت بس عادي عندي امتحانات الناس فاكراني اتجننت بس عادي عندي امتحانات

قاعدة من صباح ربنا عمالة اذاكر وجاية احل حاسة اني بهيمة بجد مش عارفة ايه ده فقدت الشغف بجد ومش عايزه اكمل انا بجد من بدريي وانا بذاكر بجد نفسي اغمض وافتح كده الاقي اسبوع الامتحانات ده خلص وبقينا ف الاجازة

السلام عليكم عندي مشكلة هي بسيطه بس مهمه بالنسبالي انا إمتحانات الفاينال قربت جدا و انا فاقده تركيزي و بنسي المعلومات بشكل ملحوظ اللي يعرف حاجه تقوي الذاكره و التركيز غير الاوميجا 3 ياريت يفيدني

انا في مشكلة كبيرة اوي الترم اللي فات انا ما كنتش مزاكرة برضو بس على الاقل كنت باخد دروس عديت والحمد لله الترم ده انا ما روحتش دروس من الاساس وكسلت و قعدت من الدروس اغلبيتها. يعني يعتبر ما كنتش بروح. انا يا جماعة عايزة انجح كنت بروح بس حرفيا يعني طول الوقت انا ما كنتش بروح وكنت قاعدة من من درس التاريخ وكنت قاعدة يعتبر من العلوم كنت بروح حصة واغيب عشرة يعني اصلا ماكنتش بفهم حاجة بروح والحصة اللي كنت بروحها مكنتش بفهم وعمري ما زاكرت حتى في امتحانات الشهر عمري ما زاكرت ما فتحتش المنهج او اعتبروني ما روحتش دروس ولا فتحت ولا كتاب في الترم خالص اعتبروني كمان مجبتش كتب بس هي معايا يعني. انا عليا امتحان خلاص بكرة يعنى انهاردة ليلة الامتحان انا مش عارفة اعمل ايه. حتى العياط مش عارفة اعيطه انا مش عارفة ازاكر يعني انا دلوقتي قدامي اني ازاكر ليلة الامتحان والم المادة كلها فيها وانا عندي 6 مواد انجليزي وعلوم متكاملة وعربي وفلسفة ورياضة وتاريخ بالترتيب وكلهم ورا بعض على طول يعني محتاجة اذاكر كل مادة في يوم واحد يا ريت لو حد عارف ازاي الم المادة كلها في ليلة الامتحان يقولي انا والله العظيم خايفة جدا جدا جدا See less💔💔💔💔💔

فضفضه كم مره قولنا هنبدأ مزاكره من أول بكره ومبدأناش ولا عملنا حاجه كلها كلام تريح بيه نفسك وضميرك عشان تتمرقع براحتك وفي الآخر كلو بيجي عليك ايام الامتحانات وها أنا الآن المفروض ازاكر منهج كامل في يومين مثلاً المشكله مش هنا أبدا أنا ممكن اجيب امتياز عادي المشكله اني مش هبقى فاهم زي الي جاب امتياز وهوا فاهم مش حافظ ملحوظه أنا مستوايا مش وحش وأنا فاهم الحمد لله وبزاكر بس دايما ببص للي احسن مني واحس اني قليل

جالي إحساس ملازمني بقالو كذا ساعة اني لازم اموت. حقيقي والله فعلا فاضل 22 يوم بس ع امتحاناتي وضايعه جدا جدا.. بشكل مأدركتوش اوي غير اخر كام يوم كإني كنت مغيبه في مادة ضايع مني فصلين كاملين ومادة تانيه تلت فصول والباقي منسي والمادتين التانيين منسيين ومتزاكرين مزاكرة نص نص وأنا مطلوب مني منقصش أكتر من 10 درجات ف المجموع يعني اخر من كل لجنة ناقصة درجتين تلاته بالكتير.. مستحيل. بوضعي دا مستحيل انا ضيعت كل حاجة.. بعد مأجلت. ضيعت سنتين وف الاخر مش هقدر اجيب المجموع المطلوب بردو. أهلي هيخسرو ثقتهم فيا مرتين. وهكسرهم مرتين. انا حقيقي مستاهلش اعيش واثقه ان اكتر حاجه خير ربنا ممكن يعملهت عشاني اني انام دلوقتي مصحاش. انا حقيقي حد ملوش لازمة انا بقولها م كل قلبي المرة دي يارب اموت عشان انا حقيقي مش هقدر ع اللي هيحصل.. وبس تصبحو ع خير. بالمناسبة كنت منزلة الصبح بوست بقول ادعولي بس انا مستاهلش حتي الدعاء والله.

عايزة اطلب طلب مش متعودة اطلبو أبدا حتي ل نفسي بنسي اعملها ل نفسي. ممكن تدعولي.؟ انا محتاجاة اوي الدعاء. محتاجة دعاء وسط صلاة وسجود كدا. بجد ادعولي اجيب مجموع عشان خاطري بجد هكون ممتنه اوي اوي اوي اوي لأي حد هيدعيلي ولو مرة واحدة. وطبعا عشان متقولوش يارب وفق فلانه اللي ع آب توهيل لا قولو يارب وفق خديجة وتجيب المجموع اللي هي عيزاه. بجدهكون ممتنه. ♡

الحمدلله بس انا حاليا بعيش اسوأ ابام حياتي ، باجي انام مبقاش عايز انام ولا عارف من كتر التفكير ، اجي اذاكر عشان الامتحانات اذزكر بطلوع الروح مع اني ف اول الترم كنت ماشي كويس ، يوم كامل يضيع ومش اي يوم ليله الامتحان واذاكر اخر ساعتين منه ، اسوأ ايامي بس مش اسوأ ماللي قبليها اقل سوء ، تايه ومش عارف اعمل ، داخل كورس مهم وفيه ديدلاين لو معرفتش اخلص المحاضرات ممكن يطلعوني منه وانا كما هو الحال مش عارف اذاكر لامتحناتي عشان اهتم بالكورس دا ، حقيقي محتار وتايه ، انا يمكن اكون واخد علي سوء الحظ ، بس السوء دا بييجي بطرب غير متوقعه وغير مفهومه

انا بنام نوم السنة كلها في اسبوع الامتحانات ده بس والله مش عارفه ايه ده 🫠 يعني ابسط مثال انهارده مثلا انا كان عندي امتحان رحت وجيت نمت لحد الساعة خمسه وصحيت ذاكرت للدرس ونزلت وجيت نمت ولسه صاحيه وهنام تاني عادي جدا(صاحية اخد بريك من النوم) محتاجين حد يتبرع ويدخل الامتحانات مكاني والله عشان الوضع كارثي

انا عندي مشكله انا بذاكر عشان اسبوع جاي عندي امتحانات فاينال خلاص هتخرج معرفش ليه نهارده فجأه قفلت خالص برغم اني عامل جدوا و كل حاجه قفلت مره ١ و مش عارف افتح كتب رغم اني حاضر و متابع طول ترم و عندي فكره و مستمر بس فالاخر كده دايما اخر اسبوعين بقفل خالص و مذاكرش خالص و درجاتي فالنازل تنصحوني بايه افك و احل موضوع ده

ايه الحل لو مش بذاكر من اول السنه والامتحانات يوم السبت؟؟؟ ارجوكو متتريقوش انا بعد امتحان الدين النهارده منهاره فا بلاش تأنيب فيا ومبتذاكريش ليه انا عارفه اني غلطانه ممكن بقا حل ف اللي انا فيه دا

انا عندي 17 سنه حلمي اكون رحل اعمال ناجح و معايا فلوس مش عارف هوصل ل دا ازاي و انا يومي كلها بيروح في عادات مبتفدنيش ف اي حاجه يعني لا بذاكر ولا بشتغل ولا بسعي ف حاجه كل دا طبعا وراه سبب اني في فترة امتحانات خايف افضل ااجل لحد م الوقت يسرقني يومي كلو عباره عن موبيل مش عارف ابدا امتا او ابدا ازاي و خايف من الفشل و خايف العمر يسرقني و الاقي نفسي بقيت 30 سنه ولا حاجه و محققتش اي حاجه بجد حياتي كلها متلغبطه

انا بجد بقيت حاسه اني بعيد اليوم كل يوم دروس مدرسه مراجعه امتحانات بقت حاجه صعبه حاسه اني بصحي بلاقي ان اليوم بيتعاد الوزير بيعاملنا كأننا عبد مش طلاب خالص و المناهج الكتيره انا جالي اكتئاب بسبب كده ان يومي بيتعاد كل شويه و في الاخر بعد كل ده الدرجه تطلع وحشه

قولو اللي انتم عايزينه عايزه اسمع😅💗 ♥♥♥♥♥♥♥♥♥ هقول شويه حاجات ف البوست لان لازم اكتب انهارده خلصت خلصت الفارما و قرأتها بسرعه للمره التانيه ( عشان اجمع الافكار ف دماغي) .. و ذكرات communications سعيده اوي اني عرفت صديق اونلاين نفسي تفكيري بس قررت ان علاقتي هتكون سطحيه لان مش حاجه اكون overthinking مىىره تانيه و اتعب و ازعل و اتعلق بحد.. ♥♥ و امتحاناتي هتبدأ يوم 18

يا جدعان عاوز مساعدة منكم دلوقتي انا طالب اخر سنه وامتحاناتي اخر اللسبوع الفمىوض ازاكر عشان اتنيل اشوف خياتي مفيش كل يوم بكره والحمدلله جالي شغل وفي فلوس حسيت بضغط كل ده مطلوب مني وروحت نمت انهارده نايم ولا 14ساعه واله بتاع 12 بجد واصحي اقول اليوم هيخلص وافصل اضيع باقي اليوم في اي محتوي وانام ومحدش يقةلي اكتب اهدافك ورقه وقلم بجد متعقد من الورقة والقلم حقيقي الشغل مش بيخلص لير وفي حد فوق راسي غير كده انسي اي الحل وشكرا

السلام عليكم ورحمه الله وبركاته مش عايزه اطول عليكم انا امتحاناتي الاسبوع الجاي كمان اسبوع خلاص هكون في اول امتحان والمشكله مش هنا المشكله اني مش عارفه كلمه في المنهج كله حرفيًا مش ببالغ ودلوقتي عايزه اذاكر المنهج كله انا عايزه اذاكر بس اللي هو احل اي حاجه في الامتحان عادي بس برده ببقى نفسي احل كويس يعني لان انا طول عمري شاطره المشكله مش هنا خالص المشكله ان انا مثلا لو بتفرج على فيديو مراجعه سبع ساعات مثلًا الربع ساعه اللي بتفرج عليها في الفيديو بتاخد مني ثلاث ساعات في الحقيقه يعني عشان اعدي ربع ساعه بس في الفيديو ده محتاج مني ثلاث ساعات بماطل بشكل غبي ولو اتفرجت مثلا على نص ساعه بس وبالكتير اوي اوي ساعه ممكن تاخد مني اليوم كله طبعا ده مستحيل ينفع معايا في الايام دي وانا مش عارفه اعمل غير كده انصحوني اعمل ايه علشان اكمل الفيديو زي الناس انا مش عارفه اعمل ايه الحقوني الحقوني الحقوني في امتحان اخر السنه بيقول لك انك لو حليت ست اسئله صح بس في الورقه تنجح بس انا حتى مش عارفه الست اسئله دول هحلهم ازاي من كتر ما انا مش عارفه حاجه خالص ارجوكم ما تتخطوش البوست وانصحوني اعمل ايه لاني فعلا فعلا متوتره جدا وعايزه احل المشكله الرخمه اللي انا بعملها دي ومش عارفه اسيطر على نفسي خالص

السلام عليكم ورحمة الله وبركاته عاملين ايه يشباب حابه اصيح شويه بس ✋ امتحاناتي هتبدأ يوم الاتنين اتفجأت بجد ادركت اد ايه انا كنت مقصرة بطريقة فظيعه مع اني كنت بذاكر بس مكنش كفايه حصلي ظروف ف اول الترم ورااكمتتت كتتير اوي قعدت من الدروس اصلا ف اني ارجع الم كل اللي اتراكم عليا كان صعبب اعر اداء دراسي ممكن اكون قدمته ف حياتي الفكره ان انا مثلا مش حاسه بالذنب او كده لا خالص انا كل اللي عيزاه حاليا اخلص واخد الاجازة واخرج وانام وبسس يلا تصبحوا على خير يشباب

الملل و تكرار الايام و عدم وجود اي حاجه جديده دي لوحدها حاجه تخليك معدوم الشغف مفيش حاجه جديده مش عارفه حتي اتعرف علي ناس جديده كل حاجه زي ما هي و اللي زاد و غطه كمان هو ان انا في ايام امتحانات 😩

كل يوم بغسل و اروق و امسح و اكنس و مش بعمل ده تفضلا بعمله عادي لأنه بيتي، بس مضغوطة اليومين دول بسبب الشغل و الامتحانات و عندي دور برد مخليني زي الفسيخة، مقدرتش غير على الأكل بس و يا دوب كنست، جالي كمية شتايم و دعا بالموت و المرض من أهلي و مفرقش معاهم و أنا بعيط من ألم الكلمات و إني مستاهلش الأكل أو البيت اللي أنا عايشة فيه، أنا بقالي شهرين بتحايل عليهم يخلو أختي تساعدني بس لا هي عندها إعدادية و مش بتغسل حتى طبقها، أنا تعبت.

صباح الخير فاضل علي امتحانات ثانوية شهر وحوالي 12 يوم كل ما الم حاجة المتراكم يزيد بحاول ازود مجهود انا معترف اني مش عامل اللي عليا بس مش عارف بجد اعمل اي تايه خالص حاجة زي الماث مفتحتوش من اول رمضان ومخلصتش حتي المنهج والفيزيكس مش عارف اعمل فيها اي حاجة لأني لسة بادئها عشان مفتحتهاش من اول رمضان بردو الكيمستري بدأت وراجعت خلاص والعربي زي اي حد فين بقا الحل مشكلتي حتي في مادتين مش عارف اعمل حاجة ولا لاقي مدرسين ولا فيه مدرسين اصلاً كل ما اكلم حد يا ميرضاش يا يطلب رقم يجيب بيه سبيكة دهب من حصتين والله عندي حلم نفسي احققو نفسي افرح اهلي والله ونفسي اعيش حياتي عندي احلام كتييير بس ثانوية عامة عاملة ازمة كبيييرههه وبس كده حاولت افضفض زي ما حد نصحني

يتم احتساء الندم اني مذاكرتش من اول السنه يلااااااااااهوي يارب والله اخر مره عديها معايا على خير يارب 😂 ماده صعرانه قسما بالله بقالي اسبوع في محاضرة ونص يعني ايييييييه الامتحان كمان عشر ايام ودول عشر محاضرات وفي ست مواد غيرك يا مفتريه حسبي الله ونعم الوكيل انا اللي جبته لنفسي ، وعقابا اقسم بالله العظيم ما هنام الا لما اخلص ماده من السبعه يارب افضل صاحي اسبوع مش نايم الا لما اخلص ويا انا يا الكليه اللي كلها حرام ف حرام دي

السلام عليكم اولا قبل اي شيء ادعولي يا جماعة ربنا يفك كربي وحالي يتحسن -- ممكن اعرف بتتعاملوا ازاي لما حالكم يتقلب؟ يعني انا حالي بقا بشع بشع بشع، عمري في حياتي ما وصلت لكده فعلا، انا طالبة طب ف سنة اولى، وكنت على مدار ١٢ سنة اللي فاتوا متفوقة موت وبعرف احفظ كويس وذاكرتي كويسة وكل حاجة فيا كانت تحفة فعلا، اول ما دخلت الجامعة مش عارفه احفظ وبنسى بشكل متخلف ورحت كشفت وكان عندي انيميا ونقص زنك، جماعة بعيدا عن اي شيء الضغط النفسي اللي انا فيه صعب انا بقيت اعيط كل شوية بشكل هستيري وفجأة، امبارح عيطت في العربية لمجرد بس اني افتكرت حالي بقا عامل ازاي انا بجد زعلانه اوي على نفسي ومش عارفه اعمل ايه؟ اللي عنده اي نصيحة بالله يقول، الوقت ضيق والامتحانات بعد شهر بالضبط والكمية بجد كبيرة وانا مش عارفه احفظ ، امبارح كان عليا امتحان حرفيا عكيت فيه كل معلوماتي نسيتها ده غير ان اصلا امتحانات الموديول الاول والتاني اللي امتحنتهم من ٣ اسابيع وكنت عاكه فيهم برضو علشان نسيت لسه مأثره فيا وانا محتاجة اعوض فعلا في اللي جاي فهل حد عنده نصيحة؟ + ادعولي بالله بالله ادعولي ومتنسونيش من دعواتكم.

تالتة ثانوي صعبة كده فعلا؟ يعني انا خلاص فاضل تقريبا ٤٥ يوم علي الامتحانات و دلوقتي الي بدأت اتوتر و بتوتر بطريقة وحشه و الحوار جاي عليا بالسلب اوي، و حاسه مش عايزة ادخل الامتحان. ناس كتير مستنيه نتيجتي و لو مجبتش مجموع هما اول ناس هيعايروني.

عندي امتحانين يوم الجمعه و ضايعه شويه بصراحه و عماله اعيط بس و حاسه ان خلاص كده و اصلا دي اخر محاوله ليا و لو مجبتش مجموع مش هدخل الكليه الي انا عيزاها انا اهلي تعبو كتير اوي عشاني وانا عايزه افرحهم انا بجد مرعوبه ممكن لو حد شاف البوست ده يدعيلي لوسمحت شكرا

عموما انا هافضي اللي في دماغي في البوست دة ف هايكون طويل والكلام مش مترتب ومش هايفرق لو ماحدش شافه حاسس بأيه؟ حاسس بحاجات كتير حاسس بالخوف من المستقبل سواء القريب او البعيد القريب علشان الامتحانات قربت وحاسس اني ماعملتش كل اللي عليا بحيث اني لسة بفتح المواد لاول مرة وخايف ماعرفش احل بس مايهمكش دي مش اول مرة نخاف من امتحان البعيد علشان انا شايف اني لا املك اي شئ (ماديا ) ولسة هابدء اكون نفسي ويا عالم هاوصل امتى او هاوصل عموما ولا لا حاسس بالارهاق من الضغوط الكتير اللي محطوطة عليا سواء البيت مؤخرا معادش مريح والضغط النفسي اللي خاسس بيه وضغط المذاكرة حاسس بالضعف وانا كل ما اوعد نفسي بحاجة مابعملهاش حاسس بالعجز وانا شايف شخص غالي عليا تعبان ومش قادر اساعده او شايف ظروف البيت اللي مش عجباني ومش قادر احسنها حاسس بالغرابة ودة ليه سبب ظريف شوية عندي بنت اختي الصغيرة بحب اغلس عليها واكيدها واني اكون دور الشخص القاسي في حياتها (البيت كله بيدلعها قوي ف بقت مدلعة بطريقة اوفر ) ومع ذلك اول ما صحيت من النوم النهاردة لقيتها بتحضني وبتقولي بحبك + واحدة من اخواتي اللي هي اكتر واحدة بتدلعها بتسألها ف قالتلها انها بتحبني اكتر منها ف بجد انا مستغرب ... ليه حاسس بكره الذات ودة مالهوش سبب بصراحة حاسس بالاحراج كل ما افتكر اي موقف او كلمة قلتها سواء كان صغير او كبير او عادية او لا وبقيت بتحرج اتعامل مع بشر حاسس بالفراغ العاطفي واني محتاج احب واتحب ، بس ليه يسطا، انت نفسك مابتحبش نفسك مين هايحبك فرحان الي حد ما علشان اخيرا ذاكرت من اول الترم + رجعت جيم حاسس بفقدان الطاقة لاي حاجة كأني bmw بس من غير بنزين اللي هو انا من برة اقدر اعمل اي حاجة بس في الواقع انا مفيش حاسس اني بشحت اهتمام عالابلكيشن دة بس في نفس الوقت فرحان اني بقيت في الtop10 حاسس اني زعلان على الشخص الغالي اللي قولت فوق انه تعبان واللي هو بالمناسبة اختي ام البنت اللي فوق وعلشان كدة بنتها عايشة معانا حاليا حاسس اني بعيد عن ربنا شوية ومابعملش حاجة صح غير اني بصلي حاسس اني بقالي كتير واقف في نفس النقطة ونفسي اتحرك بقيت كل يوم بقول يارب اليوم يخلص يارب اليوم يخلص وبنسا ان دة عمري اللي بيخلص ، نفسي اوصل لمرحلة اني اقول يارب اليوم مايخلصش لو وصلت لحد هنا احب اقولك اني اسف اني صدعتك معايا وانك شخص جميل قوي انك تقرأ كل دة بحبك 🫶

بصوا هو هتلاقوا الكلام م متناسق بس انا جوايا تعب مش متناهي حرفيا تعبت مامتي تعباني بطريقه فظيعه ومشاكل بيت اوفر وحصل حاجه كده من فتره وقعتني اكتر من الي انا فيه حرفيا شاطره جدا حاليا في فتره امتحانات وم بفتح كتاب عياط ٢٤ ساعه ونوم ٢٤ ساعه طبعا امي كل يوم تزود عليا دي غير اني اصلا معنديش صحاب لاني رافضاهم ممكن واحده ودي بكتيره كلامنا شات نفسي افوق من الي انا فيه دي حسه اني خلاص

حد عنده حل لوجع الرقبة عشان انا شوية وهنهار، كل مرة يكون عندي امتحان وابقى منزلة دماغي عشان اكتب حتى لو لربع ساعه بقعد طول اليوم في صداع و وجع رقبة و وجع في الفك لحد وممكن معرفش انام ولا اتعامل بقية اليوم من الوجع وعملت كمادات ماية سخنه وخدت باسط عضلات وحصل تحسن نص ساعه وخلاص

ازيكم يا جماعه محتاجه اتكلم ف موضوع او مشكله شاغله دماغي وبفكر فيها كتير اوي ....انا متقدملي شخص هو كويس دينيا واخلاقه كويسه جدا بس عنده مشكله معينه كدا وانا مش قادرة اتقبل المشكله دي ف عشان كدا رفضت بس اهلي بيضغطوا عليا وعايزني اوافق وبالذات ماما واختي وبيقعدوا يقولوا كلام بصراحه يجرح ويخليني افكر تاني واحس اني هوافق عشان خاطرهم هما مش عشاني وحاجه كمان وهي اني خايفه ان قطر الجواز يفوتني زي ما بنسمع ف مجتمعنا وعماله اقول لنفسي طب ما اقبل وخلاص بس انا عارفه ومتأكده اني هكون موافقه غصب عني انصحوني بجد مش قادرة اركز وعماله بفكر كتير وانا اصلا امتحاني بكرا مش عارفه اذاكر حاجه😭

طب ما have fun يسطا الحياه مره يعني ايه يعني مديون ب ٤٠٠ الف و الشغل باظ ومشاكل في البيت ومنتكس وحوارات كتير وامتحانات كمان عشر ايام بيس ي مان وهاڤ فان وعادي يعني وواحده واحده يعني ونيدا بالامتحانات بقا وبيس بقا ها بيس "اتجننت"

مخنوقه اوي اوي وحاسه الدنيا جايه عليا اوي انا المفروض فاتتني سنه ونزلت سنه ف الكليه فبجد حاسه نفسي كبرت اوي ع الامتحانات والخوف والكلام الفاضي ده بجد الفكره ان السنادي برضو لو شلت ماده الترم ده كدة انا هشيل السنه كلها تاني .. تعبت وبتعب مش بلاقي تعبي بامانه تعبت وزهقت اوي اوي الامتحانات تعبتي وارهتني نفسيا ااوي

هحححححححح اتخنقت فجاه مع اني كنت بادئ اليوم كويس ومحضر للفجر والدنيا فل دخلت اصلي وكانت نبرة صوتي تحفه واغرمت بيها اتلخبطت في الركعه الاولى وردوني قبل السجده مره وبعد السجده مره !!! اول مره تحصل ان حد يردني والحمدلله والركعه التانيه تمام وتخيل بقا ان ابويا كان بيصلي ورايا لاول مره ف حياتي في راجل سلم عليا بعد الصلاه بيقولي يعني مش جاي تغلط الا لما ابوك ييجي يااااه عارف اني كرفت لموضوع علاج التعفن الدماغي بس مضغوط في شغل وامتحانات ومذاكره والدنيا بايظه ف ادعولي ب اي دعوه تيجي على بالك ولك بالمثل يارب دمتم في امان الله

جماعه عايزه حاجه تفوقنى لنفسى كدا عشان حاسه ان كل حاجه وحشه حصلتلى راجعه افكر فيها دلوقتي ( عندى امتحانات وهو فعلا مش وقته ) واد اى انا متحبتش و اتخانت من اقرب الناس ليا ومين عاملتنى بأسلوب مش عارف اى واى اللى ممكن يحصل لو ف حاجه خايفه انها تحصل حصلت انا بجد اتضايقت منى ومش عارفه اعمل ايه

انا ف اسوء فترات حياتي كل حاجه باظيه بس اكبر و اهم حاجه ان جدو تعبان حبيبي بقاله شهر ف المستشفى و 3 عمليات كان عنده ورم ف القولون و لسه عنده ورم ع الكبد و متبهدل انا مش عارفه اعيش حياتي مرعوبه اوي مرعوبه اخسره انا عمري ف حياتي ما خسرت حد معنديش استعداد اخسر اي حد من الناس اللي بحبها انا طول عمري بدعي يبقى يومي قبل يوم اي حد بحبه انا اضعف من اني استحمل حاجه زي دي و المشكلة اني داخله ع امتحانات و انا مش جاهزه انا بس بطلب من اي حد هيقرا انه يدعيله بالشفا و ان ربنا يقويني لان قلبي بيتقطع عليه

عايز حل للقلق انا مراكم والامتحانات قربت ومن كتر القلق اني خدت حرمان أعمال سنه غير صعوبه المواد مش عارف ازاكر او انام وبصدع من كتر التفكير انا الحمدلله ممكن الم اغلب المواد بس بردو مش عارف اعمل ايه مع باقي المشاكل

احساس الفشل دا بقاا صعب اوي مفيش اوحش من اني شايفه مستقبلي بيضيع قدامي ومش قادره اعمل حاجه مفيش شغف اذاكر حاته امتحاني كمان10ايام والترم الاول جبت درجات وحشه اوي اقل من النص تعبت اوي معنديش شغف اعمل حاجه بقيت فاشله ف كل حاجه تعبت بحل لناس مشاكلها وبساعدهم يتغيرو وسايبه نفسي ومستقبلي معنديش طاقه اعمل حاجه 🙂

انا مش عارفة التزم مش عارفه التزم حقيقي وانا في أحوج ما يكون للاتزام الفترة دي فاضل شهر واحد بالظبط ع امتحاناتي ومراكمه اجزاء كتير في المنهج مش عارفه اخلي يوم واحد بس فيه انتاجية امبارح صحيت بدري زاكرت لحد 10 جيت من 10 مسكت الفون قلت نصايه بس هووووووب لحد الضهر جيت بعد الضهر نفسيتي ف الارض بقا م اللي حصل ف فضلت اتمرقع واتمرقع واتمرقع لحد المغرب انا لا بزاكر ولا بلعب ولا مرتاحه جبت بعد المغرب نمت صحيت بعدها ب ساعه ونص كل حاجة حواليا بتعمل صوت تششششش كد م الارهاق اللي ملوش سبب غير المرقعه ودلوقتي انا صاحيه كارهه نفسي الحقيقه انا عايزة التزم بجد وازاكر زي الناس مش ديما الفون بيبقا سبب التضييع اوقات ببعدو وبضيع ف اي حاجه تانيه

انا اول سنه جامعه اول ترم جبت GPA 2.57 مش وحش يعتبر بلنسبه لمزاكرتي واني كنت بره المحافظه وسكن والبيئه مش مساعده والترم التاني مقدرتش على السكن للأسف مبقتش اروح وتراكم عليا المنهج وفاضل اقل من شهر على الامتحانات ومش عارف الم ايه ولا ايه مبقتش عارف انام ولا. ازاكر من كتر الضغط ولا اركز في محاضرات الباقيه حتي لدرجه اني بدأت افكر اني أحول من التخصص عشان حاسو صعب ياريت تقولولي حل

انا حاليا في تانيه ثانوي وده اخر ترم ومعتش فاضل علي الامتحانات الا كلها اسبوع او اتنين وهمتحن المشكله مش في كده المشكله ان انا ابويا وامي كل شويه يتخانقوا معايا علي المذاكره وبيترجوني كتير اوي وانا ولا هنا بسمع من هنا وبطلع من هنا وانا حتي لو صعبت عليا نفسي واجي امسك اي كتاب اقعد اذاكر فيه شويه بحس أن انا عيني بتوجعني وعايز انام اوي ومصدع بطريقه بشعه جدا وبكون عايز ارجع وحاجات تانيه كتيره بس أنا بالنسبالي مش فارقه معايا المذاكره شويه دلوقتي عشان انا بروح المدرسه اعمل تقييمات وأحضر نفسي في ورقه الغياب بس أنا خايف بس من تالته ثانوي لان منظري وطبيعتي في المذاكره دي مش هتكون مساعداني خالص في تالته ثانوي لان انا فعلا بكره المذاكره بطريقه مش طبيعيه فا حد عنده حل ؟

انا حاليا ف 3 ثانوي و باقي 55 يوم علي امتحاني و انا مش مذاكر نص المنهج و ده جزء كبير منه بسبب اهلي، انا ابويا و امي منفصلين بسبب الاختلفات و المشالكل المديه و قررو للسنه دي بدون اخذ رائي اني هروح اقعد عند ابويا، و امي وافقت رغم انها عرفه عيوبه زي انو سكير و انو عايش ف شقه صغيره جدا43 متر حرفيا و انو عجوز 66سنه و صعيدي اي متحكم جدا و مش بيغير رايه و اكيد بالتابعيه سليط اللسان، و رغم كل القرف ده انا عشت معاه و صبرت و استحملت من17/8/2025 كنت بروح ازور امي خميس و جمعه بس كل اسبوعين، و علي النظر التاني امي برضو مش مريحه بس الاسوء انها غير مباشره زي ابويا لا هي ممكن تشتم ف نص الكلام ف متعرفش تعترض و حتي لو دخلت معاها جدال او خناقه بتستخدم اسليب وحشه زي ان احنا بنتعلي عليا بسبب فرق التعليم الي ف صلحنا و حاجات زي دي كتير، انا كنت صابر اخلص امتحنات و ارحع اعيش تاني عندها لحد ما جت القشه التي كسرت ظهر البعير، و مع بداية النراجعات طلبت منها اني ارجع استقر عندها بما ان مدرستي اقرب ليها و هي قلت لي بمنتهي الوقحه لا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، مكدبش انا قلبي اتكسر رغم اني كنت متوقع فعل زي ده بس مكنتش متوقعه ب الطريقه دي. بعيدا عن كل ده انا عايز مساعده هل انا لو دخلت جامعة ف محافظه هل هيكون الوضع احسن ولا لا اصل امي ف القاهره و ابويا ف الجيزه ف سهما حرفيا فقلب الشغل و الموصلات و الحاجات دي ف انا مش عارف هل لو رحت محافظه تانيه هل هيكون الوضع كويس ولا لا اقعد هنا و خلاص مع العلم اني ناوي انزل شغل من اخر ايام الامتحنات ف اكيد الشغل هيكون هناك احسن من المحافظات، ده عير ان هما اصلا كنا عيشين ف بدر بس بعد الطلاق ابويا راح الجيزه و عشت انا و امي و اختي ف بدر كام سنه تاني و حياتنا كانت مستقره بشكل كبير او علي الاقل حياتي كنت اعرف صحابي شوارعي مدرستي لكنه مره واحده عزلو من تانيه ثانوي يعني مكملتش مع المدرسين الي اعرفهم و رحت بقا السلام تانيه كلها و قاعد ف الجيزه ثالثه كلها، بس لحسن الحظ انا لسه مع تواصل قوي مع اصحاب بدر لانهم عشرة عمر، ف من رائيكم اروح خحافظه جديده خالص ولا اقعد و حياتي برا البيت هتساعد. و شكرا ليكم

I can't accept that I have to take more exams. الحياة حاليا صعيبة و كئيبة و تمشي بسرعة مش قادرة نستوعب اللحظة و نعيشها بلا قلق أو خوف بسبب الاختبارات اللي الحياة تختبرهالي من كل الجوانب، خايفة أني نبقا دائما عايشة في خوف و قلق و ما نستمتعش بالحياة.

انا في تاني سنة تالته ثانوي معايا اربع مواد كنت ماجلاهم هشرح حالي فيهم ب اختصار وعايزة رد منطقي وحقيقي منكو . من غير بقا تعاطف و تحفيز انا عاوزة اعرف هل ب وضعي الحالي دا. وانا قدامي بالظبط ع امتحاناتي 35 يوم لما اشيل اسبوع قبل الامتحان يعني ... يعني اي اقصي نتيجة ممكن اوصلها ؟ واي مستحيل ولا مش ممكن بصراحه ف وضعك دا ا الحق اظبط اللي فايتني واخش الامتحانات انقص ف كل مادة من درجة ل درجتين بس مثلا ؟ الفيزيا 4 فصول كهربية و 4 فصول حديثه فايتني نص الفصل 2 و نص 3 . و4 كاملا وفايتني فصل 7 و 8 يعني مزاكرة اول فصل و 5 و 6 والنص الاول من الفصل التاني والتالت الكيميا حالها احسن ..مزاكرة 70ف الميه منها لكن ناسيه بس ومش حله كتير بدات مراجعه وراجعت الباب 4 و نص الباب 5 ناقص باقي الباب 5 والابواب 1 و 2 و3 واللي يعتبرو اخف شويا الاحياء مزاكرة كويس فصل 1 و 2 ... 3 نص نص 4 متراكم ... 5 كويس و 6 متراكم الرياضة البحته نسياها .. وفايتني زي اربع دروس مثلا محتاجين سماع شرح لكن الباقي عاوزة مراجعه كدا لكل فرع وهتبقا الدنيا تمام التطبيقية كلها ع بعضها 12 درس مزاكرة منهم زي 3 او 4 دروس بس مش شايلة همها بصراحه لانها هتكون اخر مادة همتحنها وقبلها فاضي 10 ايام بالظبط يعني حرفيا عندي الشجاعه اسيبها اخلصها ف 10 ايام لانها مش اصعب حاجه يعني عادي

كبرت والله علي الامتحانات والبهدله دي 🙂💔 بقالي كتير اوي بمتحن و بقالي كتير قاعده بذاكر عندي امتحان بعد تلات ساعات و حاسه مفيش حاجه فدماغيي لو مقفلتش هعيط والله بس عامه انا استاهل لاني بسيب المواد لحد الديدلان 💔💔💔

اليوم الثاني من قرار عزاء المتراكم لسه زي ما انا معملتش حاجه تذكر بس تمام هبدا دلوقتي معايا قلم نصه قررت منامش الا لما اخلصه وعلى الاقل ابقا مخلص ماده واحده ( انا في تجاره ف الدنيا ايزي شوية) فاضل على امتحاناتي حوالى ١٨ يوم فاللهم المستعان نلتقي لما القلم يخلص او الماده تخلص

هاي سأتكلم بالعربية لأن غالبا ما يتم الرد عليها المهم حقا اريد شخص يعطيني نصيحة أو على الأقل يتكلم اذا عنده تجربة هع هذا الشئ انا بنت رسبت في الباك و الان راني نعاوده و مازالني لم اتخطى حتى اني لم ادرس حقا رغم اني نعاود و الان مازالني شهر و انا شبه لا علاقة يعني ممكن ارسب مرة أخرى 😭 و انا احاول كل لم اضبط نفسي و ادرس هذه الأيام المتبقية لكن الأفكار السلبية و القلق و الستراس ماخلانيش 😭😭و ابكي كثيرا لا استطيع التحكم و اهرب من الواقع ...و من الجانب الديني احاول اصلي لكن لست ملتزمة لكن دائما ارجع لتلك الدوامة السلبية و تلك الأفكار ...

السلام عليكم انا بقالي فتره غالبا اسبوعين ويزيد م بنام كويس وعندى ارق رهيب يعني كل يومين بنام ساعتين وم مركزه ف اى حاجه وم عارفه اركز ف المذاكره والامتحانات وم عارفه الحل اني اروح ل دكتور خايفه يديني ادويه منومات وتعمل ادمان مقدرش انام بعد كدا من غيرها حاولت اعمل حاجات كتير ع انام كويس م عارفه اقدر الاقي مساعده ؟وطبعا مأثر على اكلي ووزني قل

انا بقيت اني عايشه بلا هدف مع اني منستش حلمي ولا نسيت كليه احلامي بس انا بقيت مغيبه تماما ولا بكلم حد ولا بقعد مع حد انا امتحاناتي باقس عليها اسبوعين ومش عارفه اي حاجه في المنهج حرفيا + كمان شهرين او 3 هكون في 3 ثانوي بس انا مشتته اوي ومش عارفه اعمل ايه كل اللي عايزه اعمله هو اني ابعد عن اهلي الفتره دي واخرج او اتفسح او اسافر وانا اصلا مش معايا ولا مليم 🙂 بجد حاسه اني حته مش عارفه انا عايزه ايه وتعبانه ومرهقه جدا مع ان بصراحه مش ببذل مجهود 😔🫠.

السلام عليكم ورحمة الله وبركاته عاملين ايه بتعملوا ايه يجدعان لما تزهقوا وتفقدوا الشغف وتحسوا انكم مش عارفين تعملوا حاجه امتحاناتي فاضلها حوالي عشرين يوم وحرفيا مش عارفه اتلم على كتاب مش عارفه ليه مع اني مكنتش براكم ف اول السنه بس مره واحده كده بقيت مش طايقه افتح كتاب علطول بضيع وقت بطريقه مش طبيعيه وقاعده طول اليوم ماسكه الموبايل او نايمه ايهما يعني

ازاي اطلع من المود اللي انا فيه بقيت حساسه جدا و اي كلمة ولو من طفل بتأثر فيا و شايفه اني فاشله و دايما حاسه اني عايزه ابكي و انا دلوقتي ففترة امتحانات و نفسيتي بايظة خالص غير اني معايا اخ توحد ٢٤ ساعة صراخ فالبيت مش عارفه اتعامل مع الوضع خالص حاسه اني مش عايزه اكمل

النهارده ٢٥ ابريل امتحاني ١٦ مايو يعني بعد ٢١ يوم من دلوقتي (حاسس اني رجعت لايام ثانويه عامه ،هححح) المهم انا في ماده تقريبا بيرفكت فيها من سبعه وواحده ضامنها ان شاء الله والتانيه تتلم تمام وهبقا كويس فيها كدا فاضل اربع مواد تقريبا ميح فيهم قررت ابدا بالميح دول من النهارده ان شاء الله النهارده عزا المتراكم الخطوات ( يمكن تفيد حد) هذاكر من المحاضرات هذاكر من ملزمه خارجيه واخيرا هعمل اسئله ب notebook lm والنظام دا محاضره محاضره فاللهم عونك يارب اهديني يارب ابويا وامي يدخلوا الجنه يارب ويارب اهدي اخواتي يارب

الواحد مؤخرا بيحاول يلم نفسه مش عارف حرفيا دروس و مذاكره وامتحانات ده غير الرسم والروايات والانمي والكيدراما وعزف وشغل البيت 😭 ولا كأن الدنيا كلها بتجري وراك فجأه ونفسك تاخد اجازه من الحياه ضغط غريب من كل النواحي لدرجه الواحد مبيصدق يحط راسه على المخده امتى🥲

حاسه انى مخنوقه بشكل مش طبيعى مش عارفه اركز ومشتته جداا وعندى امتحانات ولازم اركز على مستقبلى اعمل اى انا كان فى حد فى حياتى وانا غلطت وحاولت اعتذر اكتر من مرة وهو مش قابل اعتذارى وانتهى المشوار ومحدش بقى بيتكلم بس برضو محدش قادر يعمل لتانى بلوك وبنراقب بعض طول الوقت بس هو بيثبتلى عن طريق الريبوستات واللايك انه خلاص مش فارقلوا احناا مع بعض فى كل حته مش قادره اتخطااه ولا قادرة اتقبل الواقع مش عارفه حياتى قبله كانت عامله ازاى حتى فى الجامعه موجود معايا

خارج من علاقه مكنتش متوقع اني اخرج منها واخر فتره قبل منبعد كنت متعلق بزياده والي كنت معاها لسه عندي ومعملناش بلوكات علي امل ان ممكن الدنيا تتظبط قدام في المستقبل بما اننا لسه صغيرين دلوقتي ومش عايزين نعلق بعض بزياده ومش عارفين المستقبل شايلنا ايه بدون دخول في تفاصيل بس من ساعتها وانا مش كويس وعلي طول بفكر وكنت كل شويه اخش اشوف فاتحه ولا لا حتي عارف ان لو فاتحه مش هنتكلم بحاول انسي ممكن اقعد يومين كويس وناسي او عامل نفسي ناسي بعدين اقوم مفتكر واقعد اجلد في ذاتي ودورت اني انزل اتعرف علي ناس جديده واغير جو بدل القعده دي وبالمره انسي بس مش عارف و واصل لمرحله اني مفيش اي حاجه ليها طعم ومفيش حاجه بتديني دوبامين المفروض امتحاني كمان شهر وده اخر ترم ليا واتخرج مش قادر اعمل حاجه ولا ليا شغف حتي اقوم اشوف الي ورايا يمكن مش ده الي مضايقني وتراكمات عليها ومشاكل نفسيه كتير بس اخر حاجه دي علشان مكنتش متوقعه فهي بهدلت معايا الدنيا المشكله اني متضايق من اني زعلان كده وليه ازعل علشان حد وفي الحاله دي حاسس انه مينفعش ازعل كده بس برضو مش عارف مزعلش

أنا في رابعة حقوق (English Section) وعندي مشكلة بقالها سنين ومش عارف لها حل… كل مرة أقرر أظبط حياتي وأبدأ أذاكر… أتحمس يوم أو يومين وبعدين فجأة… كل حاجة بتقع مش بكمل 15 دقيقة بلاقي نفسي بسرح في خيالات أو الماضي أقوم أتمشى أو أمسك الموبايل بدون سبب طاقة غريبة ومش عارف أتحكم فيها ببقى عصبي جدًا… أي كلمة تضايقني وأقطع مع الناس مع إني أصلًا بحب الكلية والمذاكرة! الغريب بقى… طول الترم أكون ماشي كويس أول ما جدول الامتحانات ينزل… كأني بتشل مبعرفش أذاكر، أو أفتح قبلها بنص ساعة بالعافية الموضوع ده بدأ معايا من ثانوية عامة ولسه مكمل… حاولت أسأل أهلي، محدش عنده إجابة وحاسس إني تايه بين إني عايز أنجح… ومش عارف أتحرك لو حد مر بحاجة شبه دي… أو فاهم ده إيه ممكن يقولي أعمل إيه؟ حتى لو نصيحة بسيطة… هتفرق معايا 🙏

عندي مشكله ف مذاكره انا ٤ حقوق لغه كل ما احاول انظم دنيا و ابدأ اذاكر و استمر الاقي نفسي مكملش ١٥ د الاقي نفسي قايم متمشي او اكلم نفسي فخيالات اي حاجه ف ماضي طاقه كبيره اوي بدون سبب تنطيت فبيت ملو عصبي متحملش اي كلمه من اي حد و اقطع مع كل ناس مع اني بحب كليه و مذاكره طول ترم اذاكر و اتابع اول باول لحد ما ينزل جدول امتحانات كاني عليا عفريت او ملبوس مذاكرش كلمه او اذاكر اخر نص ساعه بالعافيه ليله امتحان موضوع ده معايا ف ثانويه عامه و اثر فيا بردو اول ما جدول نزل حالي باظ مع اني كنت وقتها من ٨ بادئ سالت اهلي معندهمش اي حاجه يقولوها لو حد عارف اي ده او اي حل ياريت يقولي

هاي يا جماعه او السلام عليكم انا بجد زهقانه و حزينه و امتحاناتي يوم التلات الجاي و مش مذاكر و بجد حاسه نفسي مخنوقه مووت مش عارفه اقول ايه تاني علشان الكلام يخلص استغفرالله الحمدلله سبحان الله لا إله إلا الله

كل حاجه مش مظبوطه مش عاوزه اذاكر مش عاوزه اعمل حاجه عاوزه اعيش في فراغ في الشعور دا من اخر اسبوع في رمضان عارفه أن دا غلط بس مش عاوزه أخرج منه و عاجبني بس ضميري مش سايبني الامتحانات أقل من شهر بجد مش عاوزه اتحرك عندي تبلد غريب

جه على بالي ذكرى اول ايام الاكتئاب وانا ولا اهلي كنا عارفين ان عندي اكتئاب ووسواس قهري كنت في فاينل ٣ كليه تربية قسم بيولوجي وكل المواد صعبة مش عارفة اذاكر ولا عارفة احفظ واول مرة افتح معظم المواد الذاكرة صفر وضيق الصدر في السما كنت بقرا سورة البقرة كل يوم حرفيا وممكن مرتين في اليوم كمان عشان اهدى بس كنت بهدى بنسبة بسيطة جدا ووداني كانت بتحمر ووشي بيسخن واروح اقيس الضغط يطلع واطي وكل يوم كدا مكنتش باكل ولا ببلع خسيت ١٥ كيلو في اسبوعين ووقتها كنت بتقلب على الأرض وانادي اخواتي واخبط دماغي في الأرض بسبب التوتر والوسواس القهري و كنت خايفة مجبش امتياز زي كل مرة لدرجة ان في يوم مادة معرفتش اذاكرها خالص بسبب الي بيحصل دا كنت بموت حرفيا وماما ضربتني عشان اذاكر ونا قاعدة خايفة عشان الامتحان الصبح وانا مذاكرتش وتجيبلي اكل بحبه ومعرفش اكل فتضربني 💔كنت بقول ابدأي وابدا وبنسى مش عارفة احفظ حتى حرف بس مكملة كنت بقعد ساعات في ٥ صفحات وبرضه انسى واجي الصبح اراجع قبل الامتحان ناسية كل حاجة كنت ببقى مرعوبة واروح الامتحان احل مش عارفة بحل صح ولا غلط واجي على المقالي انسى كل حاجة كنت بكتب اي حاجة تساعدني وارجع مش عارفة حليت ولا هشيل المادة و لما خلصت امتحانات ورحت للدكتور النفسي قالي انتي ازاي سيبتي نفسك كدا دا وسواس قهري شديد أدى للاكتئاب

زهقانة اوى ومش بعمل حاجة غير انى ماسكة الفون 24 ساعة بجد والمفروض امتحاناتى قربت بس انا مش قادرة اذاكر وبهرب من كل حاجة وبقيت بتعصب على اتفه الأسباب وكل يوم اعمل جدول وملتزمش عليه واضيع اليوم كله

الامتحانات خلاص قربت و هخد الاجازه و فرحانه اني اخيرا هخدها🤦🏻‍♀️بس نسيت اللي مستنيني السنتين الشهاده اللي جين 😂🤦🏻‍♀️عماله ادعي ان الحرب تقوم او يحصل اي حاجه بس مدخلش تانيه ثانوي و تالته خااالص😂😭🤦🏻‍♀️ ــ

الشت قفل يا قهوه بجد تلاته ثانوي صعبه جدا جدا جداً ربنا يعين ونعدي الايام دي ع خير ربنا يهون الايام صعبه صعبه بحد بكره تلاته ثانوي بجد ربنا يكون في عون الانسان ع تلاته ثانوي بجد رب يعين ع الايام دي

مشكلتي ف مذاكره انا فكليه نظريه امتحان فيها فاينال بس معرفش لي طول ترم متحمس و قبل امتحانات باسبوعين بهبط بامد و ببقا عصبي و بتخنق و متدايق و مبعرفش اذاكر خالص موضوع ده نزل تقديري حبه حلوين تنصحوني اعمل اي انا فاخر سنه و عايز احافظ علي مرتبه شرف و شكرا

انا حرفيا عندي مذاكره كتيييير اوى ومش عارفه اعمل اى ولا الم المتراكم ازاى وكمان عندي امتحانات بعد اسبوع وبشرب قهوه كتير كدا لدرجه ان بقى عندي خلل ف النوم ومفيش تركيز كمان يعني لا بقيت اعرف انام ولا بقيت اعرف اركز

عندي طاقة للكلام بنت لذينة الفكرة انه مش وقته يعني ورايا كم مذاكرة بنت لذينة وبجد يعني عاوزه حد من اللي بيقول عليا دحيحة وبتاع ياجي يشوف حالي بس وهو هيقول الحمدلله الفكرة ان ورايا امتحان ومحاضرات اسمعها و مراجعة كل حاجة ممكن تتعمل انا مفروض اعملها الفكرة ومشكلتي في شئ واحد ان كل مدرس مادة في كوكب لوحده يعني بتاع الكيمياء لسه مخلصش شرح المنهج ولا الفيزيا ومنزلين مراجعات علي اللي فات طب انا اراجع اللي فات ولا اركز في الشرح الجديد ولا اقطع بعضي عشان ترتاحو ده الشغلانه دي انا لو بقبض مش هبقا عبده كده ياجدعان انا محرومة من ابسط الحاجات خرجت مع ماما بالعربية ولله نزلت بكتاب الفيزياء معايا قولت اتسلي في الطريق ده غم ونكد بجد يعني

أنا في ثانوية عامة، حاسة بضغط رهيب، الوقت بيضيع وخايفة جداً ملحقش، والكل بيقول هيعدي وأنا شايفة حلمي بيتهد. محتاجة حل عملي للي زيي وبدأ متأخر، مش مجرد كلام تصبير.. وبقالي فترة حاسة ان الوقت بيجري مني وخايفة جداً اني ملحقش أخلص اللي ورايا أو اني مجبش المجموع اللؤ بتمناه والإحساس ده مخليني مش عارفه اذاكر ومشلولة عن الحركه وكل ما أفكر في الامتحانات ببدأ اعيط وبحس إن كل مجهودي ضاع. محتاجه حل

بسم رب البدايات نبدأ اصبحنا واصبح الملك لله (منمتش اصلا) بقالي كام يوم بنام من ١٢ ل ٢٠ ساعه في اليوم ومش ببالغ انا فعلا نايم امبارح ١٨ ساعه متواصلين ومراكم الترم دا كله تقريبا ، كنت مترجت ان الامتحانات في نص سته يعني قدامي شهرين والدنيا ايزي لقيتها غالبا نص خمسه يعني شهر واحد افتكرت ايام الثانويه (الله لايعودها ايام ويسامحني عليها وعلى اهمالي فيها ) بس متفائل يعني ان اليومين الجايين خير وخير كتير اوي حاسس مذاكرتي هتتظبط وفكرتي هتتنفذ وتنجح ورزقي هيزيد ، وحفظي هيزيد وابقا متقن حاسس حاجات كتير حلوه جايه وجايه قريب اوي فاللهم اعني لها واجعلني اهلا لها صباحكم فل H

طيب صليت والحمدلله قيامي وعاوزه افضفض شوية قبل ما شوف المدعكة اللي ورايا في الحقيقة ياجدعان لو حد سالني نفسي في اي دلوقتي هاقوله كوباية حمص شام علي الكورنيش مع الحجة و نفسي جدا جدا ارخم علي بابايا بقالي مدة طويلة منعزلة في اوضتي كل يوم والدي يسالني اخبارك اي اقوله كله تمام يقفل الباب اشد في شعري لان بصراحة بحرق بنزين كتير في المذاكرة والفايدة بتكون قليلة ده اللي لاحظته و مضايقاني بكره فكرة اني اذاكر حاجة واخرج بفايدة 60% تايهة اوي ومش عارفة هاعمل اي الفترة دي امتحاناتي قربت ومواعيد نومي بايظة وحاسه مراجعتي نص كوم بس في نفس الوقت وسط كل الاحاسيس بلاقي ان درجاتي مش بطالة بس برضو مش احسن حاجة بس كله هيعدي ان شاءالله

بقيت مش حاسس بحياتي ولا ب فرحه ولا سعاده ولا اي حاجة مش عارف في اي ومفيش عندي مشاعر ل اي حد حتي ابويا وامي مش عارف اعمل اي انا حاسس اني متكسر من جوايا جامد وعندي امتحنات ث ثانوي ومش عارف اذاكر خالص اي حاجة

بقالي يومين بشتم ف الهستولوجي عشان مش عارف اذاكره وعلي اساس اني مبصمج الاناتومي والفسيولوجي وان الهستو مشاكلي كلها ف الحياه ف الاخر دخلت الامتحان حليت الهستولوجي صح وغلطت ف الاناتومي اللي مذاكره😂😂😂

طيب دلوقتي انا محتاجه حد يفاهمني اي دا انا وهو المفروض صحاب بس احنا مش صحاب احنا اطتر من كده بكتير يومنا كله سزا وبنعمل كل حاجة سوا بنخرج سوا وفعلا يمكن في مقام المتجوزين بس انا دلوقتي بحس ان لسا بكتشفه او اول مره اعرفه لان ازل مره يحصل بينا كده بقالنا تالت ايام مش بنتكلم عشان قبلها كان عندي امتحان وانا كنت بذاكر مكنتش ماسكه تلفوني بس عارفه ومتأكده انه بعت بس كنو حبه احس انا مهمه عنده وهيحس بغيابي ولا لا فمفتحتش زلا رديت عليه بس هو رن عليا قولته اسفه كنت مشغوله في المذاكره وماختش بللي هو قالي بجد وزعل وقلب المكلمه علي طول اما بصراحه كنت مبسوطه انه فاكرني ومهتم وكده واستنيت وبعتالي تاني مسدج قالي براحتك وبكفيك وكده قزلته ان فعلا مشغزله عشان عندي امتحان قالي تماام انتي حره وقولته مش هبررلك اكيد انا عرفتك متكبرش الموضوع راح رن تاني وقالي بكيفك انتي هنبدائي الشغل ده انت حر وانا هعرفك وبتاع قولنله اقفل بلاش هبل وقفلت في وشه ومتكلمتش تاني شويه اخر الليل رنيت تاني عشان اصالحه ومكبرش الموضوع مردش عليا تاني يوم رنيت مردش بعتله قولتله تمام مردش عليا واحنا كده تالت ايام مش بنتكلم معا انه كام كل يومي وكل حاجة بشركها معاه مش عاوفه اعمل اي بجدعوزا حل وفي نفس الوقت اما مش هكلمه تاني عشان هو اصلا معبرنيش كل ده ولا اطمن عليا وهو عارف ان انا في فتره امتحانات اعمل اي بجد حد يفدني

طول عمري ب ذاكر بس عمري ما حسيت ب كدا بس انا بقعد على المكتب كتير واروح مش مذاكر واجيب بردو وحش في الامتحانات وكل مره اخد بريك ومرجعش منه واراكم كتتير وارجع اتزنق في الاخر مش عارف ليه الصارحه يعني ال عنده حل او تجربه يفيدنا ربنا يفرحه

جدعاان انا في ورطه انا في تالته ثانوي وبدأت في شهر ٨ بدأت نوعا ما كويس مش ١٠٠ ١٠٠ بس شغال و تاني شهر الي هو ٩ مشى عادي شهر ١٠ كروته مانا بدأت ازهق شهر ١١ كسلت وراكمت كتير وحتى الي بذاكره مش فاهم فيه حاجه ف بطلت اذاكر خالص لسه فايق دلوقت في شهر ٤ ان انا هدخل كليه وهقعد فيها ٤ سنين ولا حاجه طيب كدا كدا هروح يعني لازم اروح كليه كويسه مش كليه محدده بس تكون كويسه ونا حاليا ضايع و المذاكره صعبه عليا وحاسس اني عايز اعيد السنه وابدا جد وخايف اتخازل تاني واضيع سنه كمان ومش هسال اهلي عشان هما ميعرفوش حاجه عني انا متلخبط قوي قاعد شهرين على الامتحانات اعمل اي

عندي مشكلة وهيا لو نزلت اي تطبيق اعيش فيه حرفيا انستا فيس واتس تلي حتى ذا التطبيق واقعد لنتظر اي اشعار او مسج وهتذي اهم فترة في حياتي كل مرة احذق التطبيقات وخلي واخد واقول راح ادخل وقت قصير فاليوم بس مايحصلش كحتى ذا التطبيق صرت اعيش فيه افكر احذف كل تطبيقات التواصل لغاية ماخصلص الامتحانات بس مترردة انا شخص يعرف ينظم وقته يايوم اسود فاشل بامتياز يا يوم ابيض ناجح بامتياز

ماده رخمه بجد كلها حفظ وكله في الاخر علشان ٧ درجات ، ربنا يستر وتعدي علي الخير ونخلص الامتحانات دي بقي بس ده ميمنعش ان في اجواء لذيذه شويه و الحمدالله كل حاجه بدأت ترجع طبيعيه تاني ، تكمل ع خير ان شاء الله 🥰

اليومين دول الواحد حاسس انه محتاج حد يشاركه كل حاجه يحكيله اي اللي مضايقه يرجع ف اخر اليوم يحكي اي اللي حصل ف يومه يعني شخص يكون ونس ليك ويطمن عليك وكدا وطبعا مفيش الشخص دا ف حياتي حاسه الموضوع مأثر عليا أوي ومخليني حاسه اني مش مبسوطه وكدا مش عارفه اتعامل ازاي الموضوع شاغل تفكيري ومش عارفه اركز ف أي حاجه وعندي امتحانات بس تركيز صفر انصحوني اعمل اي

النهاردة سبت مكان كنت فيه من اربع شهور كنت شغاله دينتال اسيستنت في عيادة أسنان وانا اصلا بدرس تمريض وبحب اوي الاسنان من صغري بس انا قررت أن دا يكون اخر شهر ليا هناك لان الامتحانات قربت فاضل بس شهر قلت اقعد في البيت علشان المزاكرة وكدا . اخدت خبرة كبيرة من المكان دا حبيت المكان جدا لاني كنت هناك من يوم الافتتاح عرفت كل حاجه موجودة تقريبا اعترفت على ناس حفظت المكان كويس اوي عن حب والله لا انا كنت مجبره اني اشتغل أو حاجة بس انا بجد كنت حابة اوي . هل انا ساعات كنت بحس أن وقتي ضيق اوي ؟ اه هل كنت ساعات بحس بضغط نفسي ؟ اه هل ساعات كنت بحس أنه كان قرار غلط من الاول ؟اه هل كان ساعات بيحصل مشاكل ؟ اه هل انا بحب المكان دا ؟ اه اه اه 💔❤️‍🩹 بحبه بس مش عارفه عندي احساس بيقول اني لو كملت فيه هندم ولو كملتش بردو عندم 😖 كل اللي بس عايزة اقوله اني جمعت ذكرايات حلوة اوى بالمكان دا ❤️‍🩹❤️‍🩹🥺

عامة انا خلصت مذاكرة الكيمياء ( خلصت الاساسي مفروض احل كتاب كمان) بس فعليا فاصلة طيب انا اي اللي مصحيني؟ في الحقيقة انا صاحية لهدفين الاول اني اصلي الفجر حاضر لان بقالي عشر ايام مواعيد نومي بايظة و جدولي كله معتمد علي اني هصحي وانام في وقت معين المهم ياجدعان الهدف التاني اني ازود ساعات مذاكرتي لان الدنيا باظت عندي من اول رمضان بقيت بذاكر في النهار 5/6 ساعات بس من وقتها بعد ما كنت بذاكر 8 ساعات والامتحانات قربت ولازم اشد( انا ثانويةةة عامة) المهم ناوية اصلي وانام 5 ساعات واصحي اشرب قهوة واكمل اليوم بدون نوم ( لو عليا مش عاوزه أنام بس مطبقة من امبارح ) المهم للمرة المليون اللي عنده طريقة اصحي بيها يفدني عشان بقيت خم نوم

انا حاسس اني مش عارف اعمل اي حاجه عندي امتحان ميد ترم يوم التلات وحرفيا مش عارف اذاكر حاجه غير اني ف رمضان غبت كتير في سكشن رحته مره واحده بس ف رمضان واول سكشن بعد رمضان كان امبارح مرحتهوش انا كليتي ف محافظه تاني غير محافظتي عمري ما قدرت اتأقلم ع البلد قربت اخلص كليه ومعرفتش احب او اتأقلم ع البلد اطلاقا المهم الغياب اللي غبته مخلي قلبي مقبوض دا غير ان كليتي عمليه السكاشن مهمه وفيها شغل وتسليم شغل اعمل اي خايف جدا جدا والمذاكره الترم دا انا مفتحتش حاجه خالص غير من يومين وانا بحاول اذاكر اللي خلصته بسيط جدا جدا جدا وامتحانات الميد ورا بعض وبحاول اني اذاكر من كذا ماده انا تعبت وحاسس اني مأنجزتش حاجه خالص تعبت ومش عارف اعمل اي ف المذاكره والغياب اللي غبته حرفيا بتاكل من جوه بسبب دا😓

بكل بساطه انا مفتحتش كتاب من اول السنه وانا اصلا مأجل تلته ثانوي هخش تلت امتحانات بس فيزياء وكيمياء ورياضة وانا زي ما قولت مفتحتش كتاب وفاضل تلت شهور وعايز نصيحة في الوقت دا عشان متشلوحش

الميد تيرم بتاعي كمان أسبوع و مذاكرتش اي حاجه وعارف إن دا مش وقت صياح وشكوي سوو انا جاي اطلب حلول عمليه منكم اقترحو عليا techniques للمذاكره و الاهم تكون حلول مجربه ولها نتائج ملموسه طبعا

انا عندي 19 سنه بس في تلته ثانوي هتقول ازاي هقولك انا مأجل سنه يعني السنه الاولة دخلت امنحان الانجليزي والعربية والسنه دي هدخل رياضة وفيزياء وكيمياء والمفرود ان انا بعد عن كل حاجة وحشه انا كنت بعملها والناس الكنت بتورط معاهم في مشاكل وحاجات من دي واحنا فاضل ٣ شهور علي الامتحان وحاليا دماغي مشتت جدا باللاب توب عايز اجيب واحد جديد وانا لما احب اجيب حاجة دماغي مش بيطلعها من دماغي لدرجة ان انا حاليا بحلم ان معايا لاب جديد بس لما اصحي انصدم وانا مش عارف اطلع الموضوع دا من دماغي غير لما اجيب اللاب عشان اللاب دا هيساعدني بشكل كبير في البرمجة والهاك والاستريم عشان عايز اكون استريمر هتقولوا ركز في الدراسة الاول حولت بس مش عارف انا بجد موهوم اوي ودماغي مركز عليه هو لوحده

ازاي اقعد علي المذاكره اكبر وقت ممكن ، عندي امتحانات و مش عايزه اذاكر كأني اللي هحط الامتحان المشكله بستخدم الفون لأن بسمع ريكورد المحاضره لاني مبعرفش اكتب ورا الدكاتره يعني يا اسمع واركز يا اكتب و الفحالتين لازم اروح البيت اسمع الريك تاني لاني بنسي الطريقه اللي اتقالت بيها المعلومه و الفهم نفسه ، بس حاليا المشكله الأكبر اني مش بقعد علي المذاكره وقت طويل والمقصود بالوقت الطويل ده مثلا اربع ساعات او تلاته من غير موبايل و اكمل تاني مش عارفه اعمل كده

يمكن الدنيا مش احسن حاجة بس اديها ماشية يعني تقريبا هو اه الدنيا ملغبطة و كله داخل في كله بس هتتحل؟ إن شاء الله يعني و يمكن برضو اني خايف من النتيجة و الامتحانات و خايف اجيب مجموع مش حلو بس إن شاء الله هتتحل و يمكن خايف من المستقبل بس اديها ماشية و هتتحل إن شاء الله

نزلت الابلكيشن عشان حيست اني محتاجه اتكلم مع ناس بعيد عن حياتي انا معنديش مشكله معينه بس طول الوقت تايهه ومش عارفه انا عايزه اي وكل م ببقا تمام برجع ل نفس النقطه بخس ان كل حاجه ف حياتي ملغبطه وانا مش عارفه اعمل حاجه شايفه ان كل حاجه ماشيه عادي بس انا مكاني مش بتحرك بقيت بكره البشر مش عايزه اتعامل مع حد عايزه ابقا لوحدي وحاليا ف ٣ ثانوي فاضل كام شهر ع امتحاناتي وانا مش بروح دروس ولا اعرف المنهج ولا حتا بتحرك ولا بعمل اي حاجه عندي لا مبلاه انا نفسي مش فهماها هوا تقنيب ضمير بس كدا معرفش انا عايزه اي ولا مستنيه اي من حياتي اصلا عايشه بلا هدف

انا تالته ثانوى وبجد مش عارفه اذاكر خااالص قدامى بس ٣ شهور وانا مش عارفه المنهج كله بيقول ايه انا ادبى بس اصعب حاجه قدامى حاليا الانجليزى والعربي وحرفيا لا اعلم فيهم شيئ ومش قادره ابدأ خالص كل م اقول هبدأ انام اقعد ع الفون المهم انشغل ومذاكرش وحاسه انى بضيع خالص ومش عارفه ابدأ عربي ولا انجليزى منين حد عنده حل؟

تعبتتت عندي مذاكرة ونايمة من امبارح وانا فتالتة وعايزة أطلع م اوائل الجمهورية ومراكنة شوية فيزيا محترمين وجيولوجيا وأحياء وخايفة أرجع افتح الفيزيا أحييه احييه احيه حد كبير يساعدني بليز اكبر بشوية صغيرين

وانا صغيره كنت بتوتر جامد خصوصا وقت امتحاناتي بس حاولت اغير الموضوع ده وفعلا بقيت بحس اني واثقه اكتر وهاديه بس الفتره الاخيره دي رجعت أتوتر جامد ومن غير سبب واوقات بيجيلي خنقه وقلق كده مش مفهومين خالص ، مش فاهمه دي هرمونات ولا توتر امتحانات ولا انا مكنتش عالجت المشكله اصلا ولا اي ، بجد حاسه التوتر بياكل في روحي ومش عارفه اواجهه لوحدي ولا أحل المشكله

"حد بيفهم medical microbiology؟ أنا بذاكر وبفهم الشرح بس لما أجي أحل بتلغبط جدًا، خصوصًا في الميد والفاينال قربوا ومش عارفة أطبّق المعلومات. حد عنده طريقة أو نصيحة تساعدني؟ 😭"

عندي مشكلة وهي اني بذاكر في الصيام بس مش بنجز حاجات كتير وبعد الفطار حرفيا بنام واصحي علي السحور غيبوبة نوم ومفروض اخلص كل اللي ورايا من حل ومراجعة قبل العيد المهم اني خططت بعد الفطار انزل اذاكر برا بس في عاصفة والجو من امبارح اصلا مش كويس فانا اعمل اي في همي الاسود ده بجد يعني حاجة فضوية علي الاخر 😭😭😭😭😭

انا ف تالته ثانوي والحمدلله ماشية كويس تقريبا ف كل المواد وانا من اول السنه دايما بحاول مقصرش ف حاجه واعمل ال عليا وكل المدرسين بيميزوني عن الباقي مع ان يمكن فيه اشطر مني واحسن مني بس انا بالنسبالهم مختلفه المهم ان فيه مدرس منهم دا احسن مدرس بالنسبالي واكتر واحد بحبه فيهم وهو مشهور اوي وكان ف اول السنه جالي وسالني عن اسمي وقال ف المايك ان هو بيعزني وبعدها بحصتين سالني وجاوبت ومدحني كتير اوي اوي حرفيا ساعه كامله بيتكلم عني بس وقال ان انا ممتازة ومحترمه وكل الصفات الحلوه فيا وان الطالب المحترم بيجبر كله انه يحترمه وكان بيقول لمجموعه غير مجموعتي ان انا ضوفري برقبتهم وكدا وعلطول بيخليني اجاوب مش ف دوري وحاجات كتير المهم ان انا ف الإمتحانات ببقا متوترة شويه وبتسرع ف بجيب درجات مش احسن حاجه ف فمره جبت ٥٢ من ٦٠ وهو كان مستنييني اقفل ولما عرف درجتي قالي عادي فكك لسا فيه امتحانات جايه كتير لعل وعسى متتظلميش فيها والامتحان ال بعده جبت ٥٣ ويومها بقا فضل يقول كلام يجلد ذاتنا حرفيا وانا كنت بعيط من الكلام وبعدين بدأ يشرح ووقف الشرح وقالي السنه الجايه هقولك ي دكتورة وانا عارف انا بقولك ايه وبعدين بص للباقي وقال بقولها كدا عشان شايفها مهزوزة شويه ف بتعيط وعشان احط عليها ضغط انها متخذلنيش عشان مش هبقا متعشم فيك خير وتخذلني وبعدين كمل شرح وبعدها بشويه وقف الشرح تاني وقال لبنت متفكريش عشان مش بكلمك ف الحصه يبقا انا مش مهتم بيكي لا انا عارف انك واثقه ف نفسك ف مش عايز اشتتك وسايبك تكملي طريقك انا بكلم ال انا عارف انه بيتهز!! المهم ان انا من وقتها وانا زعلانه اوي اوي بجد ال هو انا مش مستنيه من حد حاجه يعني ايه ال بيتهز دي بجد كلامه اكيد كان بيشجعني شويه بس انا ف الاول وف الاخر بذاكر عشان نفسي ولو هو مكنش عارفني من الاول كل دا مكنش هيفرق معايا بحاجه حرفيا انا محستش اني اتهزيت فعلا غير لما قال كدا كانه بيكلمني شفقه ! وفضلت فتره بخاف اجاوب الدروس وبقالي فتره بحاول اجاوب وارجع احل زي الاول بس علطول بفتكر الكلمه دي واعيط

khawti khsni advice ll bac rani 7asl w ba9i 3 mois w mn3rf walo fi physics w math n3rf ghir science ida kch wahd y9dr y3tini nasi7a yketbha hna y3awni

انا حاسه اني معنديش شغف لمذاكره الكليه وفنفس الوقت ببقي محتاسه اوي لما بلم الدنيا فليالي الامتحان وسعات بطلع بماده او مادتين سمر رغم انوا مكنش مستوايا فالعادي وبقي وقتي كلوا بقلب عالسوشيل ميديا ومش عارفه اطلع من الدوامه دي