منذ 6 ساعاتيشعر بـ مكسور القلب
مش عارف اتخطي ، بقالي سنة و كل حاجه بايظة ، كُل حاجة باهتة و ملهاش طعم ، مش عارف أعيش ولا عارف اخد خطوة واحدة في حياتي ، مبقتش عارف ، احساس ان الواحد رجع لوحده تاني بعد 5 سنين منهم سنة ونص خطوبة صعبة جدا ، حاولت اتخطي بس كنت بكدب علي نفسي ومش عارف و مش قادر انسي و مش عايز انسي ونفسي الموضوع يكمل تاني ..
يسطا طول ما انت بتقول كده مش هتتخطى لكن لما تحسس نفسك انك مش فارق مش هيبقى فارق معاك بجد و لما تشغل نفسك برضو هتنسى متستلمش و تبقى انهزامى كده عمر الحياه ما بتقف على حد
والله كله نصيب .. عارفة اكيد احساس صعب جدا خد وقتك وماتستعجلش وان كنت زعلان على الوقت اللي عدى .. ماتخليش الوقت الجاي يتسرق منك
احسن جمله سمعتها بخصوص اللي انت حكيته ، متخليش حد طلع من حياتك يبقا مبسوط وحاسس ان حظه حلو انه خرج ، والحاجه اللي هتخليك تنسى هي رغبتك فالنسيان ، يعني متقولش مش عايز انسى اصل هتعمل اي بالذكريات والشخص مش موجود ، بس طور من نفسك على قد متقدر منه الحياه هتشغلك شويه وتنسى ومنه متخليهاش تقول كويس اني خرجت من حياته
بص هو مش زار ازعل وخد وقتك ف الزعل بس حاول تتأقلم وافتكر إن ده النصيب .. مش لازم يكون ع مزاجنا