22 Mar 2026يشعر بـ عادي
هو عادي ننزل برنامج بغرض الزواج ، نتعرف على ناس بغرض الجواز يعني ولا ده غلط ولا ايه عاوزه اعرف ..........................................................
هو عادي ننزل برنامج بغرض الزواج ، نتعرف على ناس بغرض الجواز يعني ولا ده غلط ولا ايه عاوزه اعرف ..........................................................
عادي يعني يعني بردو احسن الطرق لكدا ان يجي من طرف اهلك
لا مش عادي طبعا نصيبك هيجيلك لو انتي مبتخرجيش من بيتك خالص وانتي ف مساله الجواز مينفعش انتي اللي تتعملي يعني عارفه هيبقي عادي امتا؟ لو خليتي والدك هوا اللي ينزله و يبقي هوا اللي بيتعامل عليه و اكيد مش هتعملي كد بس حتي لو نيتك سليمه فخلينا واضحين احنا عارفين اللي فيها ودا باب فتنه كبير جدا و طالاماا باب فتنه يبقي طبعا مش عادي وغلط عشان مش كل اللي هيكلمك هيكون بغرض العفه و الجواز فعلا زيك ومحدش ضامن نفسه ممكن بعد فتره الموضوع ياثر معاكي وتلاقي نفسك وسط تعارف و كلام من دا فا احتسبي الاجر وقفلي الباب من اصله و ادعي ربنا و كد كد نصيبك موجود و مكتوبلك وهيجي ف معاده الخير و الصح ليكي
عادي طالما قدام أهلك وربنا يارب يكتبلك الخير
هو عادي بس ف نفس الوقت مش احسن حاجه علي الواقع جد اكتر من السوشيال كمان لازم تكون صريح جدا مع اللي قدامك و تحط النقط تمشي عليها من بدايه الكلام لو العلاقه سوشيال
اه عادي الجواز مش عيب بس المهم يبقا تعارف و اول ما تستريحو لبعض وتعرفو بعض تاخدو خطوه
متوهميش وتعلقي قلبك وتستنزفي مشاعرك هتدوا ثقة لبعض ازاي ف مكان زي ده لازم شخص تعرفيه حقيقي وتعرفي أخلاقه كويس وأهله هنا احنا من محافظات متفرقه ويمكن بلاد كمان
يعني هو عادي. بس 99.9 كلهم بيبقوا شمال يعني وانا مجرب مش الناس شمال ولكن الابلكيشت بتعرض حجات مش تمام في دا خيار مش كويس يعني صدقيني مجرب وتقدري تجربي انتي كمان
لو قصدك ده ف لا غلط لو قصدك الحجات المخصصه ل كدا ف اه عادي مدام مش في حاجه عيب