ازيكم ، هحاول اتكلم عن مشكلتي ف اكتر من رسالة لو ينفع والدي رحمه الله كان بعيد عننا معظم الوقت و انا كنت مع والدتي بعمل كل حاجه وبتحط ف مواقف اكبر من سني من ونا 10 سنين لحد الآن 21 سنة لما حصل وجالي كلية بعيدة و بدأت حياتي تتشكل ظهرت مشاكل البيت وفكرة اني بختار وبحاول اصمم حياتي لنفسي ، اللي هو ازاي يعني عايز تعمل مشروع جنب كلية الطب ، و ازاي انت بتذاكر جامد و بتتعب بس مش بتظبط جامد (مرة A مرة B) و ازاي ارتبطت بحد وعايز يبقى بينكم مستقبل واحنا ماختارناهاش (زميلتي ف الكلية ومشهود ليها بالاحترام والتفوق ، والشخص الوحيد اللي بيسمع مشاكلي وبيهتم بيها و بيراعي شعوري "اللي اصلا ماحدش عمره اتكلم معايا فيه من البيت ولا سأل عن حالتي النفسية اللي زي الزفت") و دلوقتي امي مقاطعاني و بتتلكك لعمل مشاكل و بتذلني بالمصروف اللي باخده عشان الكلية والسكن والسفر ، بالرغم من ان الكلية اختيار والدي و هو اللي قال روح وانا هصرف ، بس هي معاها طبعا المرتب بتاعها و معاش بابا الله يرحمه و انا قافل ع نفسي باب الاوضة بقت تقف عند الباب تزعق و تشتم الفاظ قذرة جدا وتشتم حبيبتي و تقذفها قذف محصن دلوقتي انا اعمل ايه
حاول تقرب منها انا مريت بحجات شبه دي وكنت شايفها صعبه معايا بس لما كبرت وهديت قربت منها واكتشفت أنو ده كلو كان وهم ف دماغي حاولي تنقاشها زي مابنتكلم صحبتك وتحكي معاها
بص انا والله الموضوع ده بقى بيحصل كتير اويي بس كل اللي اقدر اقولهولك انك تحاول تتكلم مع امك وتتناقش معاها وتقلها أنك مخنوق وعايز تفضفض معاها وكده وهتلاقي الكلام بيجر الكلام بس اختار وقت مناسب تكلمها في يعني تكون هديه فاهم