ف مشهد كدا ف خيالى كان اول يوم ف ال KG لما حسيت نفسي وسط ناس اتولد شعور او فجوة..مكان فاضي جوايا لحد دلوقتي فاضي مكنتش عارفة اسمه وقتها اكيد بس ادركت مع الوقت ان دا شعور الوحدة.. هل هو مؤلم ؟ او بيخوف ؟ اكيد طبعا بس دا لما تكون جربت عكسه فلما تحس فجأة انك وحيد بتنهار.. لكن انا؟ هو كان صديقي الصدوق والى خلانى اكتشف حاجات كتير ف شخصيتي وابني ف خيالى حاجات كتير ونمى مواهب عندى لحد دلوقتي بحاول اشتغل عليها.. لكن مقدرش انكر انى حاولت كتير اطلع من دايرة وحدتى واحاول ارضى الى حوليا والبس شخصية مش شخصيتي لمجرد انى اكون وسط ناس .. حاولت اعبر حاولت حتى اتكلم عن افكاري الغريبة حاولت اشارك الى حوليا فيما يخصني وفيما يخصهم لكن المحصلة انهم حابين وجودى بس وبطريقتهم وحسب اهتماماتهم هما ..فلقيت ان دا شئ مرهق جدا انه لمجرد انى اكون وسط ناس اكون حد تانى غير نفسي.. فااا قررت انى اكون براوية ودا بقى لقبي وسط الى حوليا بتتقال بهزار بس انا عارقة انهم قاصدينها بس ع الاقل أحمى حدودى ببقى وسطهم لكن من غير ماأحس انى محتاجاهم او ان بعدهم هيوقعني..