تحسن

كنت قاعد مع نفسي وبكلمها ك العاده ووعود بقا بالتغيير والتوبه واني ابقا احسن من كدا وخطط وخطط وخطط ولقيتها بتعاتبني ف كتبت دي وَمَالَ قَلْبِي كُلَّمَا صَالَحْتُهُ غَصَّ، كَأَنْ لَمْ يَفْرَحِ. وَعَاتَبَنِي وَقَالَ لِي: أَوَكُلَّمَا عَاهَدْتَنِي بِالْمَتَابِ خَذَلْتَنِي؟ أَوَكُلَّمَا حَلَفْتَ لِي بِأَنْ تَزِينَ كَذَبْتَنِي؟ إِلَى مَتَى؟ أَسَأَظَلُّ دَوْمًا هَكَذَا؟ مُهْلَكٌ، مُتْعَبٌ، مَخْذُولٌ، مُحَطَّمٌ، مُكَذَّبٌ، مَعْدُومٌ. فَعَاهَدْتُهُ بِأَلَّا أَظَلَّ هَكَذَا، وَإِنْ كُنْتُ لَهُ دَوْمًا خَاذِلًا، فَهَذِهِ الْمَرَّةُ لَنْ أَكُونَ. حاسس المستوى نزل شوية بسبب انشغالي في الامتحانات بس عامة حبيت اطور الهوايه دي لما اخلص ان شاء الله ف اعملوا نفسكوا مش واخدين بالكم وشجعوني 😂

مش عارفه فقط المزيد والمزيد من السكون عملت حجات بحبها النهارده كمان نزلت من بياتي الصيفي ف فيه تحسن حتي لو صغير مش عارفه بس حاسه ان الجو حلو دلوقت ولسه شاربه ايس كوفي ف شعور لطيف بالنسبالي جو يحسسك أن العالم وقف للحظه وانت بس مستمتع ب هوا شبه بارد صالحت بنت خالتي لعدم ردي ع رسائلها مؤخرا 😵‍💫اوكي اوكي انا شبه غلطانه عشان مش برد بس وقت ادايق مش بعرف اعمل ده بس اوكي دي حركه بتدايقها ف مش هكررها ان شاء الله يعني .ف العموم بكتب بلا هدف لاني حابه اعمل ده وبس مش عارفه بتيجي الاجازه وشبه بختفي عن علاقاتي ب صحابي سوشياال ومش برد ع حد حركه سيئه مني معرفش ليه بردو بس يعني صحبتي قالتلي ذات مره الدنيا تلاهي وملاهي وصدقت بعدين معناها بس لكل منا حياته الخاصه ومساحته الخاصه ونتايج قراراته كمان بالنسبالي بحب الناس لما احسهم هي قبول ف النهايه مش متقبله حد مش هتعامل معاه الحياه سهله وللاسف مش هعرف اعكس نظرتي هو مش حكم بس احساسي بيوجهني خلينا نسميها كد اختلاف المواضيع عندي :) مهم بتمني كل الخير ل اي حد شاف البوست أو مشافش بتمني الدنيا تكون اسهل ع الكل وربنا يجبر خاطر الجميع

I'm male by the way الفراغ فعلا حاجه مش سهله خالص ان الشخص يتساب لعقلو كدا بس، علشان كدا بطلت احكم على حد خالص لان مع الوقت بتنجرف للي بيعملو وبتعرف انو مكنتش كدا كويس غير بفضل ربنا anyway, also I wanna talk about another topic I tried to share learning a certain language with somone that was really productive and wanna try this again

يومي خفيف عشان بحاول اكون احسن و تقيل برضو عشان بحاول اكون احسن حد فاهمني في تقل علي قلبي و صوره باهته للدنيا بعيش اليوم بس عشان مستنيه لحظه النوم مش ندمانه اني بغلط كلنا لازم نغلط عشان نبقي احسن بس وانا بحاول اكون احسن بيهلك مني كتير اوي

ياااه حاسس بنغم كدا في الجو الي هوا انا مبسوط بتوبتي الحمدلله واني بطلت كل حاجة وحشه كنت فيها سعات كدا بيبق في شخص هوا السبب في انك وحش حاول تتخلص منو عشان تتوب بجد لان التوبة في وجودو صعبة جدا بجد

هشارك ده تاني عشان محستش وصلت لحل لسة من سنة تقريبا حصلتلي مشكلة زي ما بيقولوا كانت صحوة مش هيفرق احكيها المهم تعرفوا انها صحتني حرفيا بعد سنين كثير معاناة و مشاكل جوايا و رجعت بعدها بشوف الحياة من نظرة احسن كثير حقيقي من نواحي كتير اتغيرت حرفيا تماما لشخص احسن كتير كنت قريبة جدا للنسخة اللي حابة اكون عليها فعلا من نواحي كتير اتغيرت كفكر و كعادات و لكن واحدة واحدة انا معرفش حصلي ايه خالص ولكن انا بقيت ببعد عن اللي وصلتله يمكن لسة ماشية حابة عليه سواء اني بطبق حبة من الافكار اللي نتجت عن تعلم أو العادات اللي الافكار دي ساعدتني ابنيها و هنا بتكلم عن عادات روتينية اساسية بالنسبالي بس دا لان كنت متدمرة لدرجة مكنتش بتحرك اصلا و لكن مش عارفة ايه السبب بدات ارجع تاني زي الاول و هنا انا في دماغي كام افتراض لكن مش متاكدة ان بيقولوا ان العقل بيقاوم اي حاجة جديدة او كمان اني كنت بصراحة فعلا بحمل علي نفسي و شغفي وقتها حملني حاجات مش من طاقتي او يمكن اي سبب تاني معرفش

من سنة تقريبا حصلتلي مشكلة زي ما بيقولوا كانت صحوة مش هيفرق احكيها المهم تعرفوا انها صحتني حرفيا بعد سنين كتير معاناة و مشاكل جوايا و رجعت بعدها بشوف الحياة من نظرة احسن كتير حقيقي من نواحي كتير اتغيرت حرفيا تماما لشخص احسن كتير كنت قريبة جدا للنسخة اللي حابة اكون عليها فعلا من نواحي كتير اتغيرت كفكر و كعادات و لكن واحدة واحدة انا معرفش حصلي ايه خالص ولكن انا بقيت ببعد عن اللي وصلتله يمكن لسة ماشية حابة عليه سواء اني بطبق حبة من الافكار اللي نتجت عن تعلم او العادات اللي الافكار دي ساعدتني ابنيها و هنا بتكلم عن عادات روتينية اساسية بالنسبالي بس دا لان كنت متدمرة لدرجة مكنتش بتحرك اصلا و لكن مش عارفة ايه السبب بدات ارجع تاني زي الاول و هنا انا في دماغي كام افتراض لكن مش متاكدة ان بيقولوا ان العقل بيقاوم اي حاجة جديدة او كمان اني كنت بصراحة فعلا بحمل علي نفسي و شغفي وقتها حملني حاجات مش من طاقتي او يمكن اي سبب تاني معرفش

اكتر حاجه بايخه و بكرهها لما يكون اليوم ماشي كويس و فاكره اني بقيت كويسه فتحصل حاجه في آخر اليوم بتهد كل اللي بنيته زي مثلا شفت وحده عملت حاجه احسن مني شفت نفسي تافهة قدام حد معين كلمة غلط قلتها بتخليني احس اني عماله اوهم نفسي اني بتحسن و بطور من نفسي بس فالحقيقه لا و شخصيتي مش هتتغير و هتفضل كده شعور وحش اوي

فيه حد راح لدكاترة نفسيين ونجحت او على الاقل فيه تحسن شوية ؟ انا بقالي حوالي ٦ شهور بروح ومنتظم على العلاج و حاسس انه مفيش نتيجة او ساعات بالعكس اصلا بحس الموضوع بيبقى اسوا، هو قالولي انه رحلة العلاج طويلة وكده بس انا بدات اتعب للامانة وحاسس اني عايز اوقف خالص ومروحش وابطل علاج خصوصا انه غالي اساسا، بس في نفس الوقت معرفش اعمل ايه عشان اتحسن لاني جربت كل حاجة حرفيا ، ف ده يعتير الامل الوحيد بالنسبالي

معتقدش اني كنت عايزه ابقي كده بس معتقدش برده اني هستسلم للي وصلت ليه عشان مش ههدي لحد ما اكون راضيه عن نفسي وعن حياتي تاني واعيش حياه تستحق تتعاش بجد لان الصوره اللي بشوفها لنفسي اللي بجد كانت طول الوقت نضيفه وعلطول بتحاول تستحق تعيش حياة تليق بيها

ماما وبابا بيقولولي احنا ملاحظين تغيير فيكي بقيتي احسن ونفسيتك احسن شوفتي انك كويسه من الاول وكنتي بتوهمي نفسك (ميعرفوش اني تابعت مع ثيرابيثت ومع دكتور مخ واعصاب وباخد مضاد اكتئاب وبدأت رحلت علاجي في صمت عشان كده الحمدالله بقيت احسن ودا اكبر سر عندي لدرجه اهلي ميعرفوش )😂🙆‍♂️

حاسة اني اتغيرت اوي عن زمان للاوحش في كل حاجة يعني سواء دراسيا او اخلاقيا او دينيا حتى و كل حاجة و علاقاتي و كل حاجة حقيقي و عايزة ارجع للبرايم يعني انا كان معروف عني دايما اني محترمة جدا و شاطرة وكويسة و مليش في الحوارات و ف نفس الوقت علاقاتي مع الكل حلوة و اي حد بيتعامل معايا بتعامل معاه كويس وومحدش في علاقاتي بيقدر يمسك عليا غلطة و بيتي و اهلي كانوا خط احمر لو بيني و بينهم مصانع الحداد محدش يعرف و مشاكلي نفس الوضع محدش يعرفها غيري ولا يحلها غيري انا دلوقتي بجد كل شوية اتغير لباسوء بقى و نفسي ارجع تاني و مش عارفة اعمل ايه ابطل اشتم و ارجع اقرب ل ربنا و ارجع اذاكر و ابعد عن اي حوارات و اهتم ب صحتي و كل ده و اكتر حاجة ان اخباقي و مبادئي ترجع زي الاول و مش عارفة اعمل ايه

ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ .

انهارده اول يوم اخرج بعد اربع شهور نفسيتي فرقت الحمدلله وحسيت مش عايزه اروح . بس معرفش ليه بقا عملت في نفسي كده ودي مش اول مره تحصل ان اقعد شهور مبخرجش . غالبا جزء الاكبر سبب مني من نفسيتي و الاكتئاب و جزء تاني بسبب صحابي الطلعوا مش صحاب اصلا . بس هحاول هتخطي و اتعود انزل مع قريبتي وبس شوفوا كومنتات كدا هحكي حاجه فيها..

انا دونت مش نوتيلا انا غيرت الاسم بالغلط والله وهيرجع بعد 30 يوم حبيت بس اقولكو عشان متفتكروش اني غيرت اسمي عشان حاجه حابه اقولكو اني كنت ماسحه الابلكيشن من فتره ونزلته تاني عشان اعرفكو اني مبسوووطه من نفسي اوي اني قدرت ابعد عن حب عمري اللي كان معتبرني ف حياته موجوده زي مش موجوده قدرت ابلكه وقدرت امسح اي حاجه خاصه بيه محيته من حياتي خلاص كان دايما بيقولي هتغير وهو ولا اي حاجه فيه بتتغير اهمال منه وقله اهتمام ولما ببعتله بيعلق المسدج بالاسبوعين ووارد ميرودش عليا اصلا ولا بيرد ع مكالماتي ليه ولما بيظهر مفيش غير بحبك ووحشتيني وحقك عليا اللي بقيت بما بسمعهم مبحسش باي حاجه غير اني مش طايقه اسمع منه اي حاجه وصلت لمرحله اني خلاص لما بفتكره حقيقي مبقتش اعيط زي الاول ولا ازعل علي حد ميستاهلنيش رجعته غريب كإنه لم يكن ومتأكده ان بعد فتره هيرجعلي وهيعتذر وهيحاول يرجع باي طريقه ويبوظلي كل اللي انا بعمله بس انا مستحيل ارجع وان شاءالله محنش ليه تاني وواثقه ان ربنا هيعوضني بالاحسن منه كتير ، مفيش حاجه مستحيله ولا فيه حاجه بعيده عن ربنا ف زي م ربنا زرع الحب ف قلوبنا قادر انه يبدلها ف ثانيه حقيقي مبسووطه بالانجاز الكبير اللي انا عملته مبقتش افتكره ولما بفتكره مبقتش اعيط خلاااص انا بقيت كويسه الحمدلله بفضل ربنا عليا طبعاً♥️

احداث كتير اولها حبي الاول اللي مرينا مع بعض بحاجات كتير و وقفت جمبها ف أكبر محنة ليها و كانت داعم قوي ليا بس امها والظروف كانت أقوى مننا. من وقتها وانا مستنزف و اتحولت لنسخة مش حلوة مني ولحد دلوقتي بحاول اتحسن او اتخلى عن الوحاشة اللي بقيت فيها

بما اني كنت مضغوط جدا اخر فترة انا قررت اطبق النهاردة عشان اظبط نومي اعمل ايه عشان منامش خصوصا اني عايش لوحدي. عايز اقول حاجة برضو الحمدلله انا بقيت ملتزم في الصلاة اخر فترة ومبقتش شايف غير نفسي

كان عندي وسواس من النظافه كنت حاسه ان العالم كله حواليا عباره عن بكتيريا. بخاف اسلم على حد بخاف امسك اي حاجه او اقعد في اي مكان والكحول مبيفارقش ايدي لغايه ما جلد ايدي كان بيقشر من الكحول وغسل الايد كتير. الحمد لله اتعالجت بدرجه كبيره واقدر اتعايش معاها♥️

كان صعب اوي في الاول ، بس كنت بدعي ربنا انحسن ومكلمش حياتي كدا ، والحمد لله اردنشي للطريق اللي يساعدني في التغلب على الاكتئاب ، وقدرت افلت منه بس للاسف القلق لسة معالجتوش ، بي الحمدلله رغم الكرب اللي انا فيه دلوقتي الا اني حالي افضل بفضل الله وحده 🤍

هوا الناس الي كانت بتقول صعب نتوب ونتغير جربو فعلا يجدعان ده الخطوة فمسوار التوبة بالف خطوه ف الشر بجد انا توبت وبقلوقو ان الموضوع سهل جدا انت مجرد متاخد خطوة واحدة هتلاقي نفسك بقيت احسن حقيقي جربو تحبو بدون مقابل ربنا بس الي هيحبك بدون مقابل الحب بينضف القلب كانت مقصوده اننا لما نحب ربنا هوا كمان هيحبنا الحب حلو بس بلاش يكون بمقابل بجد

انا هنام ونفسى انام ومش عارف انام ونفسى اتحسن عن زمان واكون انسان جديد واكون طبيعى زى بقية الخلق وبحب اكون فى اى حاجة بعيد ومستنى فرج الله يكون معايا ويسندنى واكون بعمل حاجة بدل الفضاء ده

انا ما فهمتش اعمل ايه يا استاذ كلاود 🙂 بس عموما حاضر هسمع النصائح ان شاء الله و بإذن الله هبقي احسن و شكرا جدا بجد و فعلا ساعدتني و كتير و في ناس كتير هنا ساعدتني فعلا ابقي احسن شكرا ليكم كلكم و حقيقي فرقتوا معايا

كنت من شهر ١١ كدا نزلت هنا من حساب تاني معرفتش اجيبه ان فوني مشاكله كتيرة ومهببة وقارفني سخونة وتهنيج ومعايا لاب توب بتاع كلية بيعته قولت هنا اشتري فون ولا اجيب عجلة اشتغل طلبات وحد قال طلبات بجد متشكر جدا عشان خليتني ثقة ف نفسي ونزلت واشتغلت بس اول يوم فوني انسرق وفضلت اعيط ف الشارع وولاد الحلال جابولي فون احسن من اللي معايا ومع الشهور والايام جبت اغلب احتياجاتي وفاضل اني اجيب مكنة بس فاضل كام الف كدا ندعوا الله تكمل ع خير انا فعلا حياتي اتحسنت شوية من اول ما اشتغلت تسلم والله ياللي اديتني النصيحة ممتن ليك❤️❤️

وجدت لطبيبة النفسانية التي كانت تساعندي و تمنحني كلام ايجابي رغم اني كنت عنيدة و لاكن نجحت في توصيل كلامها لي و جعلي اشعر بتحسن ففي كل مرة كنت اخبرها هن اسوء الاشياء التي امر بها كانت تعطيني حلول و لا تغضب حين اخبرها بجرحي لجسدي و اذية نفسي بل تعطيني دليل انني لست وحدي و جسدا دوما يساعندي في الشفاء ايقاف الألم و انها دائما معي و ساعدتني في لدراسة و النوم في مكتبها و تشرح لي كل شيئ اتسائل حوله و ليس منغلقة بل متفتحة تتقبل النقد و الافكار و تنصح بطريقة بنائة. على العموم كانت طريقي الجديد الذي ساعدتني في بنائه🌑♡♡

جماعة عايزة اقولكم حاجة ايجابية انا بسبب البرنامج ده بدأت اتحرك ومقفش عند الحته اللي نقصاني كنت فاكرة ان حياتي واقفة بسبب عدم وجود شريك ف حياتي وكنت ع طول حزينة وزعلانة لكن بسبب كلامكم انا النهاردة مكنتش بعمل حاجة غير اني اتبسط باللي معايا اتفرجت ع بودكاست وحاولت اتعلم انجلش ولابست حلق "كان بقالي كتير شايلاه هو والسلسلة بتاعتي " وعملت شعري تسريحة حلوة اوي وحاسة اني i am just a girl اويي 💗💗 ادعولي اكمل ومرحعش انتكس تاني وحياتي تقف

الإكتئاب كان من اصعب التجارب الى مرت عليا في حياتى والي بالرغم انى متمناش انى اعيش التجربه دي تانى إلا انى خلال رحلتى للتعافي منه اكتشفت انها في الغالب هتتعاد مره تانيه اما رحله التعافي فكانت رحله مؤلمه خصوصا انى عديت بيعا وحيد لانى خسرت كل صحابي ومعارفي، دايره علاقاتى اتقطعت تماماً قد ايه المودوع كان صعب من المعرفه اني اصلا عندى إكتئاب للتصالح مع ده وان مفيش حاجه في ايدي اقدر اعملها عشان احسن مودي او احافظ على الناس حواليا ومحاولات تجنب الانتحار بس عشان اسكت الاصوات الى في دماغى لحد عدم اليأس او الاستسلام والمحاوله المستمره للتعافى من المرض ده حرفيا يمكن مش بنسبه ١٠٠٪ بس الحمد لله احسن بكتير ياااه اول مره اتكلم في الموضوع رغم ان عدا عليه كتير الكتابه حسستنى ان الى مريت بيه كان صعب جدا وحقيقي ممتن للي انا فيه انهارده 🫡 هههه "ممتن" 😅 انا و الكلمه دي كنا بعاد عن بعض جداا مكنتش حاسس بقيمه ولا طعم اي حاجه، مكنش في روح لأى حاجه والمشاعر زي متكون كلها اختلفت معظمها يا زعل يا ندم حتى الألوان مكنتش بشفها كانت كل حاجه باهته الحمدد لله للي انا فيه انهارده. حاسس ان وجود حد فاهم الي بمر بيه كان هيسهل عليا كتر في التعافى ولكن التجربه علمتنى كتير. حاسس الفتره دي انى برجع مش احسن حاجه ولكن المره دي انا عارف الطريق. ولو وصلت لحد هنا شكرا ليك ولو بتعدي بحاجه زي الي عديت بيها متستسلمش انا اكتر حد فاهم انتا بتعدى بايه وقد ايه الموضوع اصعب ما يكون خصوصا ان محدش حاسس ولا فاهم ولا شايف الدنيا من منظورك ولكن عيش حاول وطلاما بتحاول اتأكد ان لا مفر بكره احسن ✨

انا بقالي فترة ماسحة الآب بسبب الأشكال الي الله يهديهم الي كانت فيه نزلته النهردا عشان اشوف الدنيا وراي الناس في الي بيحصل في العالم الفترة دي وموضوع الاجازة الفجأة دا المهم قلبت شوية ولاحظت تحسن في البوستات الي نازلة ربنا يحفظكم ويبارك فيكم جميعا

كان مودي ابتدى يتحسن واحس اني افضل بس فصلت وبقيت متضايقة ورجعت لنقطة ماكنتش احبها وبدأت أحس اني في مكان مش شبهي وبعمل حاجات مش انا بس مع الوقت الإنسان بيكتشف في نفسه حاجات جديدة وبيتعلم من كل موقف بيعدي بيه مهما كان بسيط