هشارك ده تاني عشان محستش وصلت لحل لسة من سنة تقريبا حصلتلي مشكلة زي ما بيقولوا كانت صحوة مش هيفرق احكيها المهم تعرفوا انها صحتني حرفيا بعد سنين كثير معاناة و مشاكل جوايا و رجعت بعدها بشوف الحياة من نظرة احسن كثير حقيقي من نواحي كتير اتغيرت حرفيا تماما لشخص احسن كتير كنت قريبة جدا للنسخة اللي حابة اكون عليها فعلا من نواحي كتير اتغيرت كفكر و كعادات و لكن واحدة واحدة انا معرفش حصلي ايه خالص ولكن انا بقيت ببعد عن اللي وصلتله يمكن لسة ماشية حابة عليه سواء اني بطبق حبة من الافكار اللي نتجت عن تعلم أو العادات اللي الافكار دي ساعدتني ابنيها و هنا بتكلم عن عادات روتينية اساسية بالنسبالي بس دا لان كنت متدمرة لدرجة مكنتش بتحرك اصلا و لكن مش عارفة ايه السبب بدات ارجع تاني زي الاول و هنا انا في دماغي كام افتراض لكن مش متاكدة ان بيقولوا ان العقل بيقاوم اي حاجة جديدة او كمان اني كنت بصراحة فعلا بحمل علي نفسي و شغفي وقتها حملني حاجات مش من طاقتي او يمكن اي سبب تاني معرفش
حددي أهدافك، أبدأي من جديد عادي مفيش مشكله، حتي لو هتكتبي أهدافك في ورقه وتعملي جمب كل حاجه مفروض عليكي تعمليها خلال اليوم صح صغيره كده مره علي مره علي مره هترجعي احسن من الأول
فهمتك فيه حاجة اسمها أعراض الإنسحاب.. دى ببساطة عقلك بيقاوم كل حاجة بدأتى فيها خصوصًا لو كانوا كلهم مع بعض بالتوازى الفكرة مش فى إنك تستمرى على نفس العادات او روتين يومك كل يوم الفكرة إنك تعملى الحد الأدنى من اللى تقدرى عليه فى أكتر وقت جسمك بيقاوم ده وإفتكرى إن "مش كل تقدم يعتبر نجاح، الثبات احيانًا بيكون نجاح جدًا"
خليكى محددة فى كلامك أكتر علشان نمسك المشكلة معاكى (قولى أمثلة او تجربة أو افكار مريتى بيها فعلًا)
واية الجديد اللى حصل وعقلك بيقاومه ؟