منذ 7 ساعاتيشعر بـ متعب
انا عايزه حد يكون مر بالتجربه دى و يشرحلى بالظبط انا المفروض اعمل اى ازاى اقدر اتخطى شخص حبيته من قلبى بجد، انا انفصلت عن الشخص دا بعد ما كنا مع بعض لفتره طويله، احنا انفصلنا و احنا لسه بنحب بعض، حتى هو انا عارفه انه لسه بيحبنى بس خلاص اللى بينا مبقاش ينفع يكمل، بدون دخول فى اسباب ف انا دلوقتي عايزه حد يساعدنى ازاى اتخطى الشخص لانى حاسه انى بموت من جوايا، انا مش بعمل حاجة غير انى بفكر فيه طول اليوم و اتابع حساباته، بصحى من النوم كدا، اول حاجة بعملها بمسك التليفون اشوفه باعت حاجة و لا لا و يجيلى لحظة ادراك انه خلاص مبقاش موجود، بنام كل ليله معيطه ع فراقنا اعمل اى بجد حد يساعدنى، حد يكون مر بحاجه زى كدا
بصي انا كنت كده فى فتره بس بصي حطى فى دماغك انها كده كده هتعدى هو اول اسبوع صعب ومش هتنسيه عادى بس بعدين لما تدركى انك اتوجعتى قد ايه هتشوفى ان نفسك متستاهلش كده ف الفتره دى حاولى تشغلى نفسك فى اى حاجه عارفه ان مفيش شغف ولا طاقه بس اعملى حتى لو حاجه مش محتاجه تفكير زى انك تطبخى ابدأى كورس او حتى اشتغلى اى حاجه حقيقي بلاش يبقي يومك فاضي بجد هتتعبى و متقعديش كتير لوحدك حتى لو انتى دماغك بتقولك كده و عايزه ده وعادي عيطي و ازعلى و ادي الحزن وقته بس مش اكبر من قيمته علشان بعدين هتندمي على كل ده وربنا يعلم انى بقولك الكلام اللى كنت محتاجه حد يقولهولى وبلاش تدخلى اي شخص جديد حياتك ولا حتي بنات صحابك لانك هتملى الفراغ ده بيهم و وقتها هتتعلقي بيهم بطريقه مرضيه و اهتمي بنفسك حتي لو حاجه بسيطه خدي شاور البسي بيجاما بتحبيها و اقعدي اشربي حاجه بتحبيها برضو فيلم بتحبيه وبلاش بلاش بلاش تسمعي. اغاني حزينه او تتفرجي على فيلم نهايته حزينه بلاش تعرضي نفسك لاي سلبيات حواليكي و متسمعيش حتي لمشاكل حد حواليكي اعملى لنفسك كوكب وردي جميل و لما تحسي انك حقيقي محتاجاه و هتبعتيله افتكري ليه بعدتوا و افتكري ان