بص انا عارف الموضوع ده صعب قد ايه لان تقريبا اغلب الأشخاص اللي اعرفهم لو مش كلهم عندهم مشاكل مع ابوهم و دايما دول بيكون حياتهم صعبه انا عارف انك قد ايه في فتره ما كنت محتاجه و كنت عايز تحس بالحب منه بس هو دايما ما كان فيه فرق اذا كان هو موجود او لا و اراهن انك بردو احيانا بتحس بشعور مش حلو لما تشوف شخص علاقته كويسه مع ابوه او شعور انك عايز تكون زيه و دي حاجه طبيعية و انك لغايه دلوقتي مش عارف تتخطى الموضوع وانا اسف انك مريت ب ده عامة انا ما اعتقد انك شخص وحش و ابوك هيتحاسب على كل حاجه عملها فيك لا تقلق و مش عارف عشان ما اكونش بهبد بس حاسس انه مش هيبقى حرام لو ما اتواصلتش معاه في الحاله دي في بردو ابحث في الموضوع ده لو حلال او لا

بس من حته الزواج من رأيي الشخصي مش عارف لو هو صح او لا بس انا شايف كده صلي صلاه استخاره قبل ما تتجوز الاول و صلي و استعين ب ربنا لان هو حكيم اكتر مني و منك و من اي حد ، دي اول حاجه تاني حاجه حاول تروح عند دكتور نفسي او معالج نفسي او تحل العيوب اللي في شخصيتك او الحاجات اللي فيك اللي تحسها شبهه الاول قبل ما تتجوز لان ده ممكن يطلع في الجواز او تتصرف زيه احيانا من غير ما تحس للاسف و ده فعلا كان بيحصل مع أشخاص اعرفهم ، ف لو اتجوزت حاول ما تجيب اطفال قبل ما تحس ان لو فيه عيوب بشخصيتك تكون اغلبها اتحلت لان ممكن تأذي نفسيه الاطفال دي من غير قصد ، ف قبل الزواج مو لازم تكون مثالي لكن اتاكد انك قد المسؤولية مو بس من الناحية المادية لكن و كمان النفسية ، و بس

هو الصراحه انك تروح تتقدم لناس من غيره مش لاقي حل مناسب ليها الصراحه عشان ما اهبدش ممكن اقول مثلا حاجه جت في بالي مش عارف لو هتفيدك ولا لا بس قلت اقولها، انك مثلا تجيب شخص بدل ابوك زي مثلا الخال او اخ كبير او جد لو كان عايش ، هو الموضوع هيكون غريب شويه بس اعتقد هو ينفع شرعيا و قانونيا

الحل انك متزعلش كفايا هو جنبك ربنا يحفظه لك حتى لو مش بيساعد هو عمل ال عليه وكبرك انته بس اشتغل وساعد نفسك عشان تتجوز