في نوع من الرجاله ونوع من الستات غراب اوي اول حاجه هبدأ بالستات الغريبين ازاي بتكون واحده قادره تستحمل جوزها اللي بيزعق او بيهينها انا بحس اني بستشعر ده من بعد اي حاجه فيها سيطره اهانه او تقليل بحسها من بعيد اوي ف اللي هو اقل كلمه بتبان لو شخص كده،بحس مفيش حاجه اسمها مقصدش ف الكلام ف بستغرب ازاي واحده متجوزه واشطا مش فارق معاها يهينها هي ممكن تكون بتزعل وتضايق بس ازاي مستحمله وعادي، ده جواز بحسه بايظ،في موقف عصبني اوي وهو واحده متجوزه ف جوزها قالها انتي كنتي جعانه قبل ما اتجوزك انا لو منها ادوس زر الطلاق مفيش رجوع ابدا معرفش ده تهور ولا لا بس بحس في كلمات كده حتى لو خرجت بالغلط مستحيل تتنسي ومستحيل تتسامح ،وفي واحده مره قالتلي نصيحه لو اتجوزتي متحكيش نقط ضعفك ل جوزك ،وه يعني امال انا هتجوز ليه ،اللي هو حستتني اني هتجوز عدوي ثانياً الرجاله الغراب يعني بردو ودي حاجه بتضايقني اوي ،الست اللي مهزقه جوزها وبتعامله وحش رغم ان بجد بيكون في رجاله طيبين جدا ،وطالع عينهم ف الشغل ويرجع يلاقي مراته صوتها عالي وبتزعق وبطلب فلوس بالهبل ومش مهم عندها هو اهم حاجه هي تكون مبسوطه وملبي احتياجاتها وتلومو لو قصر بدل ما تقف جمبه ده غير ان بتخلي الاطفال يكونو معاها ويكرهو ابوهم ،يعني بجد تيتا وجدو انا مشوفتهمش ابدا بيحبو بعض معرفش ده بسبب انهم كبار ولا ايه احنا بجد عيليتنا كلها يعع يعع بجد قرف جدو كان تعبان جدا قبل ما يتوفى( ربنا يرحمه) مكانش بيقدر يقوم خالص وكان بينادي كتير ع اي حد تيتا بقى ماما اي حد حرفيا دايما كانو بيقعدو يزعقوله ويقولوله متناديش وبتاع وساعات اصلا كان يقعد ينادي ميردوش عليه ساعات من كتر ما هو محبوس حرفيا مش بيمشي خالص كان بيحاول ينزل المهم كذا مره حاول ينزل لوحده ويقع ويتعور كانو كلهم بيزعقوله اللي هو متنزل شايف صحيتنا من النوم عشان ننزل نخيطك او نجبسك ساعتها انا كنت صغيره يعني مثلا كنت ف اعدادي كنت بشوف الحاجات دي بحس ان كلهم قلبهم قاسي مش قاسي بس والله يعني حرام انتو ازاي بشر بجد لو حد تخيل نفسه كده، تخيل تكبر وعيالك يزعقولك تخيل تكبر ومراتك تعاملك كده حاجه بشعه بجد يعيني بجد هو ازاي كان مستحمل الكلام ده الاهانه والفكره انه مكانش قادر ،ده حتى مش قادر يتكلم مش قادر يعبر المهم مات وكلهم مثلو الحزن والعياط وهما اصلا مصبروش لما كان بيعاني كانو بيقوله اوحش كلام ،اختارو شريكة/شريك حياتكم بحرص❤️ انا دخلت الحوارات ف بعض بس عامةً طلعت افكار جوا دماغي❤️