8 Apr 2026يشعر بـ قلق
السلام عليكم ورحمة الله وبركاته امبارح نزلت بوست قلت فيه اني قطعت مع كل البنات والعلاقات المحرمة واختفيت فجأة في نفس الوقت انا دلوقتي بدأت اقرب من ربنا وحاسس ان اليوم انهاردة جميل اوي لإني فعلا عملت فيه لحد دلوقتي عبادات مكنتش بعملها في اسبوع المهم عايز اعرف ازاي يبقى عندي استمرارية وميبقاش مجرد حماس بدايات وبس زائد حاجة انا مدمن إباحية وقررت اني اتعافى منها برضو ف ازاي اتعامل مع اعراض الانسحاب في الفترة الجاية وبغض النظر عن الصلاة والاذكار والقيام عشان بعملهم الحمد لله بس بدور لو في نصائح زيادة
ممكن تعمل حاجات بسيطه بس مع استمراريه يعنى تصلى قيام الليل كل يوم حتى لو ركعتين اى حاجه عموما هتلاقى نفسك واحده واحده بتزود فيها
متضغطش نفسك اوي ف العبادات والسنن لأن بجد انا بعاني من كدا ، فجأه بيجيلي نوبه إلتزام وفجأه بعدها انتكس وحتى الفروض مقدرش عليها ، بس طمننا عامل ايه دلوقتي؟
في سلسلة اسمها سلسلة التعافي لدكتور عماد رشاد اسمعها لو عالاقل وانت ماشي فالطريق فالمواصلات ف اي وقت فراغ فالعموم هتساعدك كفاية
ما شاء الله تبارك الله حاول اشغل وقتك بحاجه مفيده وقت فراغك مثلاً في شيوخ وناس محتواهم ممتع اسمعهم وتابعهم اهو تسمع وتتعلم دينك دول اسمائهم: - الشيخ زين خير الله ، ده تحفه والله قدوه - الشيخ عمرو نور الدين - معاذ عليان -محمود داوود وغيرهم كتير بس دول اللي بسمعهم كتير
الحمد الله و انشاء الله ربنا يتبثك و انا بظن من غير العبادات لي هي مفروضة و اجتهادك اذا كان بدك تقوم الليل الخ..... مارس رياضة اطلع مع صحابك يعني من الخير اشغل نفسك فلي تشوفو يريحك ومتغلقش على نفسك منشان متزهقش
القليل المستمر خير من الكثير المنقطع ، الصحبة ثم الصحبة خليك حوالين بيئة و صحبة خصبة مش فاسده ، غض البصر اكبر دافع للإستمرار و هيخليك تتحمل أي شئ غض البصر واقعياً أو سوشيال ، انقطع عن السوشيال بشكل كبير في نهاية اليوم اكتب في ورقه مهام اليوم التالي هتصحى كل يوم و عارف ان عندك أهداف و مهام عليك ، القرآن استماع و ترتيل اذكارك ثم اذكارك ثم اذكارك ، ربنا يوفقك و يثبتك🤍
نصيحة كمان علشان انت راجل محترم و انا حبيتك في الله يخويا ❤️ ابقى حاول أنك تسجل الإحساس بتاعك لما تدخل في حالة من الهدوء مثلا وانت بتتأمل عظمة الله سبحانه وتعالى في بديع خلقه وتحس بان قد إيه ربنا عظيم ، سجل الاحساس و الفعل علشان تفضل فاكر الإحساس دا ❤️
اللهم بارك ❤️ مبروك يا صديقي ❤️ ربنا يثبتك و يبهج قلبك وربنا يرزقك حبه و حب من يحبه وحب الأعمال التي تقربك منه ، فخور بيك يخويا ❤️ ربنا يهدي الشباب و البنات كلهم يارب ❤️ بس لاجل الإستمرارية تجنب أنك تبقى قاعد فاضي اشغل وقتك بذكر الله وانت رايح تتمشى في مكان هادي و رايق اجمع حواليك اصحاب من اهل المسجد اللي بتلاقيهم في الصفوف الأولى اسمع دروس علم و اتعلم لا ترهق نفسك بكثرة العبادات و اعمل على قدر استطاعتك بحيث إنك تقدر تستمر لحد م اثبت فترة وبعد فترة زود شوية و هكذا مثال : بتصلي الحمد لله الفجر حاضر و كل الصلوات بعد فترة و لم تطمن أنك بفضل الله ثابت ابدأ تصلي النوافل و الذكر مثلا لو بتقول اذكار الصباح والمساء بس حاول تدخل ورد ثابت من الذكر سبحان الله او الحمدلله او لا اله الا الله و الصلاة على النبي لحد م تعتاد و يبقى الأمر سهل معلم زيد شوية وهكذا ❤️ ربنا يثبتك يا حبيب ❤️