مش عارف أبدأ إزاي وبجد حاسس بكسوف كبير وأنا بكتب الكلام ده بس أنا قررت أكسر حاجز الصمت اللي خانقني بقالي سنين أنا شاب عندي 18 سنة لسه مخلص امتحانات تالتة ثانوي وبدل ما أعيش أجواء الإجازة أنا غرقان في وحدة وفراغ مش عارف أوصفه فقدت أمي وأنا صغير والوجع ده بيكبر معايا كل يوم سايب جوايا جوع عاطفي مش عارف أشبعه ولا عارف أتعامل معاه طول عمري بحاول أكون قوي وأعتمد على نفسي ومبطلبش مساعدة من حد بس بجد أنا جبت آخري بصارع كمان إدمان الإباحية اللي بقاله 7 سنين وبحاول بجد قدرت أوصل لـ 75 يوم تعافي في فترة وده كان إنجاز عظيم بالنسبة لي بس التوهان بيرجع يسيطر عليا تاني مفيش حد حواليا يسأل عني ومفيش رسالة بتطمن عليا وبقيت حاسس إني لوحدي تماماً في معركة مع نفسي مش منتظر حياتي تبقى زحمة بناس كتير أنا بس محتاج روح حقيقية حد يسمعني حد يحس بوجعي حد يشاركني اللحظة دي عشان أقدر أكمل لو فيه حد مر بتجربة شبه تجربتي أو حد عنده الاستعداد بس يسمع أنا بجد محتاجكم الحمدلله على كل حال وممتن لأي كلمة طيبة هتطلع من قلوبكم