منذ 23 ساعاتيشعر بـ آسف
عندي مشكله نفسي اتكلم فيها بس خايفه اعمل فتنه لحد ضعيف زيي فا ياريت مش كله يقرا انا بجد بحس بشكل مش طبيعي ان ربنا مميز الولاد في كل حاجه مهما حاولت اتغاضى الشعور او اين كان فعلا مش بعرف حاولت كتير مش عارفه بجد بحس دا في كل حاجه قي كل كلمه وايه او حديث عن النساء بحس كان والله المثل الاعلي طبعا ام بتحب حد اكتر من حد بس مش عايزه تظلم فا بتدي للحد التاني دا منغير مشاعر الهو. من علي الوش دا لانه غصب عنها لانها بتحب الاولاني بجد انا بحس كدا اوي مش هقول حسه ربنا ظالمني كبنت لا بس حساه مبيحبنيش برضو والمسببلي الشعور المفرط دا كذا حديث وكذا ايه انا مؤمنه بربنا ايمان تام بس انا جسه اني مش مبسوطه ومش متقبله الدين دا ووالاحكام دي (بطبقها) ازاي بجد اشيل الشعور دا ازاي احس انه بيحبني انا كمان مش كشخص لا كبنت
بصي احنا كبنات ربنا مكرمنا لو في احساس مش كويس زي كدا فا دا بسبب تفسير غلط زي ايه التعدد ليها شروط مش بيذكروها في مجتمعنا وايات تانيه كتير زي واضربوهن برضو بيفسروها غلط فلو تضايقي تضايقي من المجتمع اللي الرجاله والعلم فيه قليلين لكن الدين بيرفكت ربنا اللي خلقنا اعلم بالصح الخلق هما اللي مش بيطبقو الصح
بالعكس ربنا كرمنا جدا وخلانا مميزين حياه الرجاله صعبه والله
يا ستي الشعور اللي عندك ده إنساني جداً وموجود عند بنات كتير، ومهم أول حاجة إنك متبلحيش على نفسك ولا تحسي بالذنب إنك بتفكري كده لأن ربنا مبيحاسبش على الخواطر اللي بتيجي في بالنا هو بيحاسبنا على أفعالنا ويقيننا في الآخر خليني أدردش معاكي بكلمتين من القلب وبالراحة إحنا كبشر بنشوف المميزات هي القوة الجسمانية أو السلطة أو الحركة لكن عند ربنا الميزان مختلف تماماً ربنا قال في القرآن {إِنَّ أَكْرَمَكُمْ عِندَ اللَّهِ أَتْقَاكُمْ} مفيش تمييز في الثواب ولا في القرب من ربنا بين راجل وست الجنة مفيهاش VIP للرجالة هي مفتوحة للي بيجتهد بقلبه لما بتسمعي آيات أو أحاديث وبتحسي إن فيها تمييز لازم نعرف إن الإسلام لما وزع الأدوار وزعها بناءً على المسؤولية مش الأفضلية يعني لما الراجل يكون هو المسؤول عن الإنفاق والحماية ده تكليف وتعب عليه مش تشريف وتدليل ليه الست في الإسلام مكرمة جداً كبنت وكأخت وكزوجة وكأم اللي الجنة تحت رجلها إحساسك إن ربنا مش بيحبك كبنت ده وسواس من الشيطان عشان يبعدك عن ربنا فكري فيها كده مين اللي خلق فيكي الرقة والحنان؟ مين اللي خلى قلبك بيحس وبيهتم بالتفاصيل؟
ده الواحد سعات يتمني يكون بنت من كتر ما ربنا كرمكم والله 😂