اقولكم سر ؟؟ انا من كتر م سمعت كلمة "انتى متستاهليش" من أهلى بقيت لما باجى أدعى ربنا مبعرفش اقول "يارب عوضني بكذا" لانى بقى من جواية حاسة انى مستاهلش العوض ايوا بطلب من ربنا انه يتفضل ويجود عليا بس مش عشان انا أستاهل او انى مريت بأى شئ يستحق العوض لأنهم دايما حسسونى ان كل شئ مريت بيه وحسيت انه صعب كان مبالغة منى او وهم محدش مرة أحترم مشاعري وقالى عندك حق او انااسف انى وجعتك .. انا مش بقول انى ملاك بس انا كنت انسان احسن من كدا بمراحل.. عارف لما تحس انك فاقد للهوية مش حاسس بالانتماء للمكان الى انت فيه بس الظروف خلتك تفضل ف نفس المكان وقت اطول بكتير من الطبيعي كان عندك أمل يكون لك حياتك الخاصة بس دا محصلش وانت عارف انه غالبا مش هيحصل .. ساعات كمان بس انى لما بدعى والإجابة بتتأخر ان هى دى الإجابة انى منفعش او ع الاقل مش دا الخير ليا كل حاجة جديدة مش خير ليا الى ف عمري مروا بمراحل كتير وانا واقفة مكانى حاسة ان الموت أقرب من أى أمنية بس انا لسة مش مستعدة ..
الزعل حقك ومحدش يقدر يقلل من وجعك بس الأكيد إنك غالية وتستاهلي كل حاجة حلوة ربنا يجبر بخاطرك، ودايماً هتلاقي باب مفتوح وكتف تتسندي عليه من غير أي عتاب أو ضغط
والله انك تستهلي متقوليش كدا بجد انا زيك و والله هتحسي قد ايه انك كنز لما هتقبلي حد يبرز الحاجات الحلوه اللي فيكي هتحسي قد ايه انك مهمه
تفاءلي بس و خلي ابتسامتك موجوده.. و صدقيني ربنا هيرزقك خير كتير مهما كان الطريق 🩵🩶
على فكرة انتي مش لوحدك.. و مش هقول كلام لمجرد اني اهون عليكي.. اوقات لما الدنيا تقسى علينا اوي.. ربنا بيكون عنده حكمه من دا.. بيعلمنا و يربينا.. عشان مش كل العلم و التربية بتكون من الاهل.. ربنا عايزك اقوى و بيعلمك تصبري و تتحملي.. و انك تعيشي في ظروف صعبة عشان لو مهما مر عليكي تاني.. يكون امره سهل.. انتي هتكوني في يوم من الايام ام.. و اللي متعلمتهوش من اهلك.. ربنا بيزرعه فيكي من دلوقتي عشان ذريتك.. تفاءلي عشان كل دا خير.. مهما كان صعب بس والله خير 🩵🩶
ربنا معاكي يارب ويعوضك عن كل الي مريتي بيه وبتمري بيه