انا عندي مشكلة كبيرة اوي بجدد، ف ياريت تساعدوني وتدوني حل (مقدمة ي شباب). السلام عليكم اولا 🌸. رجعنا للوردة تاني باي ذا واي؛ اللولـي بـوب معجبتنيـش. المهم، انهاردة الصبح قررت اني هعمل نوع معين من الديزيرتـس كـده مش عارفة اسمه، بس هي كنافـة وفوقـها طبقة كريـمة وفوقـها جيلـي. المهم، وانا بحمص الكنافـة في الفرن عشان احطـها؛ ما هي لازم تتسـوى الاول عشان نَية، رحت حرقتـها.. قلت عااااديي، وشلت المحروق لان كان جزء بس هو اللي اتحرق والباقي سليم. المهم، حطيت الكنافة وفوقها الكريمة، والكريمة انا متأكدة والله ان قوامها ثقيلل، والجيلي بارررد، بس جيت احط الجيلي راحوا داخلين ف بعض. سبت الحاجة وقعدت اعيط، ورحت لماما قولتلها انا آسفة، ف بتقولي مالك فيه ايه؟ رحت معيطة اكتر وبقولها انا بوظت الحاااجة. المشكلة هي كانت قاعدة تضحك وتقولي م ف داهية يبنتي ومكملة ضحك وانا اعيط اكتررر. المهم قامت، ولما شافت المنظر ضحكت اكتر قمت انا معيطة اكتر وكانت حفلة بجدد. المهم هي اخدت طبقها وكلته معرفش ده جبر خواطر ولا هو بيتاكل بجد زي الاكل الطبيعي ولا ايه، بس هي هتروح المستشفى شكلها كده. وانا اعيطط وهي تضحك وتقولي عايزين انتيناال، وكانت حاجة صعبة بجدد. المهم يعني، دي احد عبثيات واحدة مينفعش تقرب للمطبخ تاني بجد، يعني انا بشفق على زوجي المستقبلي مش هيعرف ياكل اكل بيتي تاني. بس والله يعني فيه شيء ايجابي؛ دي اول مرة من بداية الاجازة اعمل حاجة مختلفة او اقوم اعمل نشاط بجد بدل التلفون، فاا بس يعني. ربنا يحميني بقى ادعوا لاهلي ميجيلهمش تسمم لا قدر الله 👈🏻👉🏻.