انا ست ملتزمة بقالي ٣سنوات الحمدلله وبحافظ علي صلواتي وورد القرأن ومنتقبة بس مؤخرا بقيت احس اني عشان جميلة ومتدينة جوزي بيعاملني وحش والفكرة دي مترسخة في مخي لأني قبل الاتزام مكانش كده معايا وهو شخص مش بيصلي اصلا ولما خاني مع بنت قريبة مني في الملامح ونفس استايل لبسي القديم اتهزت ثقتي في نفسي وحسيت اني لازم اثبتله اني زيها واجمل مع اني كده اصلا قدامه في البيت بس هو مش مقدر مؤخرا بقيت بحس بوحشة صعبة وماليش صحاب خالص وفي محافظة بعيد عن اهلي بصراحة بقيت احس اني عشان عفيفة وبنت اصول بتعامل وحش قولولي بالله عليكم اثبت ازاي في الوحدة دي كل مرة بيقتل فيها انوثتي بكلامه ويكسرني بحس من جوايا اني عايزة اقوله انا قادرة اعمل زيك بس بخاف ربنا انا حاليا بكتب وببكي من القهر ليه راجل يعمل في ست كده ليه مفيش رجالة صالحة تقدر العفيفة اللي زي ليه مفيش ولاد اصول حاسة اني عايزة اسيب الدنيا وامشي من كتر القهر وكسرة النفس
اتكلمي معاه بصراحة ووضحيله اللى مزعلك واوصلي معاه لحل
مش عارفة اقولك ايه بس هنا بسبب كلامك ممكن يتفتحلك ببان للشياطين اشباه الرجال فحاولي ماتتجريش وتنساقي ورا اي كلمة حلوة وخلاص من اي حد منهم وبما ملتزمة فاكيد بتصلي ادعي ربنا يصلح حاله وماتخليش كلامه يأثر عليكي بما انك عارفة نفسك وشايفة انك جميلة فعلا المشكلة عنده مش عندك لما يبعد عنك ابعدي عنه ماتحوليش تقربي في كتاب جه على بالي حالا وانا بكلمك الكتاب دا بيعلمك ازاي تتعاملي مع النوعية اللي زي جوزك واسمه لماذا يحب الرجال العاهرات بصي بيعلمك سياسة الشد والجذب وازاي تخليه يقربلك بمزاجك يعني اعتقد في حيل كويسة وممكن يفتح عينك على حاجات تانية انا ماقرأتوش كله بس اعتقد انه هيفيدك
النرجسيه وحش بس هنعمل ايه حولي مره كمان
هو ايه المشكله وليه ثقتك بنفسك قلت رغم ان انتي بتقولي انك جميله وانتي اكيد ف البيت مش قاعده بالنقاب يعني ف هي المشكله فيه هو ك شخص مش فيكي انتي كده كده حتى لو مش منتقبه كان خانك بردو المشكله فيه هو ولو حاسه انه مش كويس ومش قادره تستحمليه سيبيه
بصي مهمه يكون فيه ضغط استحملي عادي اتعملي عادي ثقي بي انو فيه ربنا بيجيب لي اي حد حقوربنا الي بيعدل مبين الناس تمام و متخليش الشيطان يوسوسلك بي الحجات دي تمام ربنا معاكي ولله انا شب علي فكره و كمان صغير بس بفهم في الكلام ده عشان عدي عليا انا عندي 20 بس بفهم تمام خليكي وثقه في ربنا أن شاء الله خير ❤️🙂🫰
لا كده غلط الي بيحب بيحب بي القلب عمر مكان الشكل كل حاجه و الحلوه حلاوت الروح الدنيا مش مستهله خلاص كل ده أن شاء الله خير بس انتي ثقي بي نفسك بس