27 Mar 2026يشعر بـ ضاق ذرعاً
دوري كان دايما therapist friend الشخص اللي بيسمع الكل وبيحاول يحل مشاكلهم ويواسيهم وبيدي طاقة كويسة للي حواليه. لاحظت اني برضو بدي mommy attitude للي حواليا بمعنى اني اراعيهم كأني امهم لدرجة صحابي ساعات كانوا بيقولوا لي ماما من كتر ما انا بقوم الدور دا. الدور اللي محدش طلبه ولا حد عاملني بنفس الاسلوب، الموضوع بقى اني لما بنسحب شوية أو ببطل ادي نفس الطاقة واسكت لظروف بتحصل معايا مش بلاقيهم بعدها وبطلع انا اللي مؤذية وأنانية
بطلى تعملى كدا علشان الموضوع دا مميت اصلا مرهق لاقصى درجة والله
هم بعدوا عشان هم معندهمش خلق لنفسهم حرفيا عشان يحلوا مشاكلهم ويقعدوا مع نفسهم يدوروا على حل ليها ف هم مش هيعملوا كدا معاكي ، غير كمان انك بالنسبالهم شخص بيسمعني من غير مقابل مش عايز مني حاجه بيسمعني ويواسيني وخلاص والمقابل ان احنا صحاب
انا فاهمك ، بس انا قصدي انهم مكسوفين منك لما تسمعهم وتنصحهم وتقولهم اعملوا كدا وكدا عشان تطلعوا مالمشكله ده ، ف بيحسوا ان عليهم ضغط انهم ينفذوا كلامك ، ومعظمهم اصلا مش بيبقوا عايزين حلول معظمهم عايز يفضفض مع حد ميطلعش الفضفضه بتاعته برا ، ف هو مش ناوي يعمل خطوه هو عايز يفضفض بس لحد
المشكله الكبيره واللي محدش هيقولك عليها ، انك لما تواسيهم او تديهم حلول لمشاكلهم ، بيكونوا مكشوفين قدامك انهم بيعانوا من المشاكل ده ومش عارفين يحلوها ، ومش هيحبوكي عشان هيحسوا انك كسره عينهم وعارفه مشاكلهم وبلاويهم واسرارهم كلها معاكي
بعمل زيك كدا و لسه لحد دلوقتي كدا و دا سببلي اني مش عارف احكي مشكلتي مع حد اعرفو خايف انو يقولي معلش أو هتعدي هتعدي و بطل تعيش دور الضحيه فا معتش بحب اعمل كدا بنفس الأسلوب دا و بحاول اسمعلهم و احط نفسي في موقفهم عشان اعرف احل المشكله 🙂 و المشكله لما تعاملهم نفس المعامله يكرهوك و يبطلو يتعاملو معاك و يئذوك كمان لما يشوفو حد غيرك🙂
انا كنت زيك بالظبت مع صحابي معظمهم قطعو علاقتهم بيا اول ما ارتبطو أو خطبو لاسباب تافهه ف بطلت أعاتب وريحت دماغي