ليه طول البنت دايما عامل أزمة؟ ليه البنت الطويله دايما مرعبه ولازم نبعد عنها؟ انا طويلة طولي ١٧٥ من و انا صغيرة دايما نقدر نقول بيتم إستبعادي، في المدرسة لازم اقعد في اخر ديسك عشان انا طويلة اوي، لو في عرض في المدرسة لا مش هينفع نختارك عشان انتي اطول من كل الي في العرض و شكلك هيبان مختلف فا مش هينفع. كبرت بقيت بيص للهيلز من بعيد كأنها حاجه حرام مقدرش ألبسها لان لو لبست كعب هكون طويلة اوي و هيبقا طولي مبالغ فيه بالنسبة لبنت. انا ذنبي ايه اني اتولدت في مجتمع ملئ بالبنات ال ١٦٠سم و ١٥٠سم مش قصدي إهانة ليهم، لاكن ليه لازم طولي حاجه استعر منها لاني اكتر من ١٦٠سم؟ لا و الجمله الاكثر إستفزاًز "متلبسيش هيلز يا حبيبتي عشان نلاقيلك عريس في طولك" ليه ملبسش هيلز عشان الاقي عريس بجد؟ هيفيد بأيه العريس لو هو اقصر مني اصلا؟! وليه امتنع عن حاجه بحبها عشان حاجه مش مضمونه؟ يعني اديني ملبستش هيلز و مفيش عريس جه يبقا كده انا ضيعت علي نفسي فرصه اني البس هيلز! و جملة "ايه زرافة معدية؟" ليه حاجه زي دي تتقال لطفلة؟ تخليها تكره نفسها و طولها؟ "ملقوش في الورد عيب قالوله يا احمر الخدين."
طولك ده ميزه مش عيب و المميز ف وسط العادي بيبان هو اللي غريب البسي هيلز و باني طويلة و اتبسطي انك طويله و كل حاجه فيكي بتبقي احلي بدليل ان اي عارض ازياء بيدور علي مودل طويله تظهر جمال شغله عادي في رجاله كتير طوال و مش واقفين ع الخمسه سنتي هيلز ربنا يكرمك بالاحسن و متشغليش نفسك بالناس
حبيبتي انتي لو طويله او قصيره تخينه او رفيعه هيتقالك كلام يضايقك بردو ف فكك وعيشي حياتك ومتسمعيش كلام الناس
الطول ميزه مش عيب بدليل بس المميز في وسط العادي بيبان غريب طولك بيخلي اي حاجه حلوه بدليل ان اي فاشون ديزاينر بيدور علي مودل طويله تظهر جمال شغله عيشي حياتك و اتبسطي بميزة طولك و عادي هتلاقي عريس طويل مش متوقف الموضوع خالص علي ٥ سم هيلز
البنت الطويلة ميزة طبعا طبعا ، بس احنا في مصر معدل الأطول للذكور ضعيف جدا ،
انا مش فاهم ليه بتحبوا الكعبة وتلبسوا حاجة بتخلي رجليكوا معوقة أصلاً؟😂
لا والله انا ولد وبحب الطويله بس متكونش اطول مني يعني وعلى موضوع الهيلز بتوقع يعني كعب فده اصلا عنصر جمالي واصلا بيوجع الرجلين وده بنسبالي مش عنصر جمالي اكتر ما انه بيخبي العيوب زي كريمات تفتيح لو حد مش محتاج تفتيح يحط كريمات زي دي ليه وكذلك الامر بالنسبه للكعب انتي طويله ليه هتحتاجي كعب وبيوجع رجلين كمان وعلى موضوع طفوله كلنا عانينا من كده بس لو انتي طويله بصي عليها انه هيكون ظلم انك تقعدي قدام ووراكي قصيرين اوي ١٥٠،عايزين سلم عشان يشوفو سبوره 😅
عشان القصرين خفاف