حاسه اني دا أكتر موضوع حابه أتكلم فيه، أنا شايفه أني مش محتاجه أستعجل في خطوه الجواز ومتيقنه أني عند سن معين هكون بالنضج الكفايه أتي اختار بعد مكون حققت بعض اول كل أهدافي، بس الحاجه إيلي متأكده منها وعارفه أني مهما كبرت وجهتي مش هتتغير عنها هي شريكي، فوسط المجتمع إيلي أحنا فيه إيلي بدرجه كبيره بيقمع المرأه وحقوقها بشكل أو بآخر ولو مش كل الناس فأغلبيتهم فبناءً على دا مبقتش هبص لشريكي على فلوس أو شكل بس في حاجات تانيه وسبب أني بتكلم عنها أنو انا شايفاها مش سهله أو ممكن واحد في المليون بس عاوزه لما الاقيه يكون بني أدم، اه والله، عايزه حد مش منساق ورا افكار المجتمع بدون وعي ولا تفكير، عاوزه حد شايفني شريكه مش أم الأولاد أو البيت، حد عندو الأستعداد انو يشاركني افكاره وأشاركه افكاري ونتناقش، مش حد شايف انو لو غلطت نلجأ للضرب أو العنف، حد شايف انو واجبات البيت مشتركه وأنا مش دوري التنظيف والأكل بس، حد هيحترم مشاعري، ونيجي للسؤال إيلي عشانو كتبت البوست دا، ليه أحنا مش كدا، كل واحد فيكو يقدر يتحرر من قيود العادات والمعتاد ويبني بيت سوي كتابتي لدا كان بناءً عن الحوادث والصراعات إيلي بنشوفها حاليا في البيوت ولو مش هتقدر تعمل كدا، أرجوك متتجوزش، ولو مش هتقدري تعملي كدا متتجوزيش، أرجوكم متكتروش، طلعو اطفال اسوياء وبيت سوي ومجتمعات سوي.