منذ 2 أياميشعر بـ متعب
النهاردة اتحطيت ف موقف محرج ومؤلم اوي كان الاستاذ بيقول درجات امتحان الفيزيا بتاع الشهر اللي فات ف كان بينادي الاسامي ويقول الدرجات ف ماشاءالله اللهم بارك الفصل كله جايب فوق ال 7 من 9 لكن للاسف لما قال فلانه اللي هي انا 5.5 من 9 ف قال فين فلانه وقعد يقولي لي كده و م لي كده قدام الفصل كل وانا كنت محرجه جدااا وماسكه دموعي بالعافيه حسيت اني افشل واحده عل الكوكب مش قادره اتخطي نظرته ليا ولا صوت بنات كانو بيضحكو عليا ورا قلبي واجعني ومش قادره ابطل عياط من ساعتها انا مستوايا م وحش اوي كده انا كنت جايبه ف التاريخ 8.5 من 9 و ف الكيميا 9 من 9 بس النهاردة حسيت اني فاشله جدااا وفقدت الشغف وحاسه بخنقه ووجع ونغزه ف قلبي م قادره اوقف عياط
خدي وقتك في الزعل وشوفي غلطاتك في ايه والحاجه الي غلطتي فيها تزاكري الدرس بتاعها كلها وتحلي عليه علي قد متقدري وحطي قدامك تارجت الامتحان الجاي لازم يتقفل
كبري دماغك بجد وذاكري المرة اللى جايه هاتي احسن منهم كلهم وتجاهلى البنات دول خالص ولا كأنك شايفاهم واعملى كل اللى تقدري عليه المرة الجايه هتلاقي نفسك جبتي درجه كويسه ثقتك هترجعلك تاني ومتركزيش على البنات انا كنت زيك كده معنديش ثقه بنفسي بس بجد الحياه هتعلمك انك متحطيش اي حد ناقص ف دماغك فاهماني اللى عاوز يضحك يضحك المهم النهايه هتبقى ايه ده عبارة عن امتحان دروس ومش مقياس على اللى هتجبيه بعدين المهم الورقه النهائيه بجد خدي بنصحيتي لان انا نفسي معملتش بيها وندمت بعدين
ولا يهمك عادي مش معنى انك مش احسن حاجه في الفيزيا يبقى فاشله غيرك يجيب كويس في الفيزيا بس ينقص جامد في الجغرافيا او التاريخ وكويس انو بمجهودك غيرك جايب ٨ او ٩ بس ممكن غش احمدي ربنا بلتوفيق 😀
يا بنتي بتعيطي لي. انتي خايبه قولي المدرس ذا فين وانا اجيب صحابي واجي وبعدين يعني اي فيزيا يعني اخر الدنيا ولا اخر الكوكب مش قصة يعني انا كنت كذا ونقصت في ثانوية عامه ٥ درجات بس
انتي ممكن بس مش احسن حاجه في المواد العلمية مش اكتر متزعليش، خدي ده كإشارة مثلا انك اشطر في المواد الأدبية و كونك مش احسن حاجه في مادة واحده دي مش نهاية العالم عادي و بعدين مين بيحب الفيزيا اصلا😂
انا اكبر حبتين عندي ٢٥ سنه وانا ف اولي ثانوي رجلي انكسرت ومروحتش دروس او مدرسه ف المهم فكست الجبس ورجعت كانت امتحانات الشهر في مدرسين قدروا اني مكنتش بحضر ومدرسة واحده صديقة للعيله مقدرتش واصرت تمتحني جبت ساعتها نص من خمسين 😂😂💔 قامت مصوره الورقه وبعتها لبابا على البريد المصري كنوع من الاحراج وكده وطبعت الورقه بتاعتي وعلقاها ف فصول المدرسه وكتبت عليها ذاكروا متبقوش زيه 😂😂 وانا لغاية انهرده كل ما اشوفها اقولها ذاكري ل عيالك علشان مايبقوش زيي انا فاشل زيي بعملك كمونت حاليا وانا ضابط جيش 😁
والله ، لو قصرتي ازعلي شوية مش اوي لو مقصرتيش ، متزعليش ، لانك عملتي اللي عليكي
حصلت معايا قبل كده والامتحان إلى بعدوا جبت درجه أعلى منهم حطى الموضوع ده تحدى قدامك وحاولى تثبتى نفسك