"تخيل تطلع عينك سنين في دراسة الهندسة، وتسهر وتتعب عشان تبني مستقبل، وفي الآخر تلاقي نفسك في وسط معركة ومشاكل عائلية متواصلة بتهد فيك مش بتبنيك.. الضغط والنفسية الوحشة من أقرب الناس ليا مكانوش مجرد زعل عادي، دول كانوا جبل شايله فوق كتافي لوحدي، لحد ما جسمي قال خلاص مش قادر.. وجتلي جلطة فجأة وقفت حالي ووقعتني على الأرض في عز شبابي. لحظة صعبة قوي لما تلاقي نفسك بتصارع الموت بسبب صراعات وضغوط ملهاش أي لازمة. بس أنا مش كاتب الكلام ده عشان أصعب على حد.. أنا مهندس، وعقلية المهندس مابتعرفش الاستسلام. أنا قومت على رجلي تاني، وقررت إن الوجع ده يكون هو البنزين اللي هيحركني ويخليني أنجح. أنا حالياً بدور على فكرة مشروع قوية ومحترمة، حاجة أطلع فيها طاقتي وعقلي الهندسي، وأبدأ بيها حياتي من جديد بعيد عن أي طاقة سلبية. شاركوني بأفكاركم🌹🌹