عايزه احكيلكو حاجه مزعلاني اوي ومخلياني بكره نفسي بجد لما كنت في أولى جامعه اتعرفت على شخص سوشيال وحبينا بعض واتقابلنا كذا مره وكان شخص جميل اوي حقيقي وحبني فعلا وحاول عشاني كتير اوي وانا كنت لسه صغيره وفكرت اني كنت بحبه برضو سيبنا بعض كذا مره عشان الحرمانيه وعشان أهلي وكلم بابا وماما وقالوله لما تتخرج نشوف هنعمل ايه وقررنا نبعد خالص وكان بيتطمن عليا كل فتره بس مع الوقت ولما بدأت أشوف شخصيات مختلفه وعقليتي بدأت تتكون من جديد بدأت مشاعري من ناحيته تقل، بالإضافة اني حسيت انه مهمل شويه في نفسه وبخيل إلى حد ما ف بقيت مش قادره اتقبله خالص وبقيت أصده ومش قادره حتى اتكلم معاه حاليا انا في رابعه جامعه وهو كلم بابا تاني عشان يتقدم رسمي واتقابلو وبابا كان موافق لكن انا رفضت لأن فعلا بقيت احس بتقل على قلبي مش طبيعي لما بنتكلم معرفش سببه هو كلمني وحاول يفهم وكنت صريحه معاه وهو مكانش مقتنع ومصمم اني بحبه لسه بس بكابر واضطريت اخلي طريقتي واضحه اوي عشان يفقد الأمل ويكمل حياته وينساني انا عارفه انه ميستحقش مني كدا بس الصفات اللي اكتشفتها فيه دي حقيقي قفلتني منه خالص بس حاسه بالذنب اوي ناحيته لأنه فعلا حاول عشاني كتير ويمكن اكتر حد حبني فحياتي وتعب معايا كتير برضو لما كنا بنسيب بعض ونبعد كل مره ونرجع