كنت سمعت فيديو بيقول ان الاشخاص اللى بتدخل كذا علاقه و متكلمش و تنتهى بالفشل بسبب اننا مش فاهمين نفسنا لسه او مش عارفين احنا عايزين ايه و الموضوع دا انا حسيته فعلا مع نفسى انا اتخطبت مرتين اول مرة كان فى مخيلتى انى كل اللى عايزاه من الشخص انه يكون طيب و حنين و مش مهم حاجه تانيه يمكن دا بسبب انى الفترة دى طان عندى تروما بسبب حاجات و ظروف عيشتها كانت قاسيه عليا اوى لدرجه ان الحاجه الوحيده اللى كنت بدور عليها هى الحنيه و الحياه الهاديه البعيده عن القسوه فى البدايه كانت العلاقه كويسه بس مع الوقت بدأت أحس بالفروقات الاجتماعيه و الماديه لأنه كان اقل من مستوى عيلتى ماديا و اجتماعيا بس كان طيب وكان كويس اوى معايا و دايما كان بيحاول يرضينى بس ادركت مع الوقت انه الطيبه مش كفايه انها تعيشنى مبسوطه و فسخت خطوبتى وفى المرة التانيه كنت بدور على المستوى الاجتماعى و المادى اللى يناسبنى وفعلا اتخطبت لشخص غنى جدا و مستواه الاجتماعى و المادى كويس اوى يمكن اعلى من عيلتى كمان كان معاه شهادات كبيره و بيسافر بلد عملتها تعتبر من اغلى العملات العربيه و بيت كبير و عربيات وكل حاجه ممكن تدل انه فى مستوى كويس فى البداية بردو كانوا كويسين و المعامله كويسه بس مع الوقت اكتشفت انه شخصيته ضعيفه جدا مع اهله وكل حاجه بينا بتتقال لامه واخواته البنات حتى الشات بتاعنا كله كان مع اخواته وامه ودى جاجه صدمتنى وقفلتنى منه جدا لانه كان بيقولى ان كلامنا مستحيل حد يشوفه و محدش يتدخل بينا و دى خصوصيات غير كدا امه و اخواته كان بيختلقوا المشاكل ودا حصل بعد ما هو حبنى و بدأ يبان فى تعامله دا اخواته البنات غاروا من حبه ايا لانهم كانوا متعودين يدخلوا بيوت الناس و يقعد مع البنات و يرفضهم بس دا محصلش معايا لأنى الحمدلله شكلى حلو و شخصيتى هاديه ايه كمان بئا اكتشفته غير ان شخصيته مش قويه اكتشفت انهم مصدر غناهم دا مش حلال وانهم كانوا تجار فى ممنوعات واغلب الناس عارفه واحنا مش عارفين بسبب انه من بلد غير بلدنا وطبعا فسخت خطوبتى الخطوبيتين دول بجد علمونى حاجات كتير فى الحياه انا كنت محتاجه اتعلمهم وبجد اكتشفت حاجات كتير فى نفسى و عرفت الحاجات اللى مش عايزاها و الحاجات اللى ادور عليها وان الحياه مش بس فلوس و لا بس طيبه