متحكمش نفسك عامة ف انها حالة اكتئاب الامراض النفسية ليها كذا نوع و كذا شكل و كل حد حالتو غير التاني بس ممكن تجرب حد كويس و ان شاءالله تكون تجربة كويسة بس عامة مادام هي خطوة هتساعدك حتي لو بجزء بسيط او هتفؤق معاك للأحسن متأجلهاش و متأجلش اي حاجة ف صالحك ف العموم و ربنا يصلح حالك و يوفقك

اسمع بودكاست لأمجد سمير ود. عبد الرحمن ذاكر الهاشمي ولو مش عندك حد تشا كه وتتكلم معاه شاركنا هنا وانا هحاول اتفاعل واستمع دايما إن شاء الله انت مش لوحدك لو مفيش حد حواليك إحنا هنا

الحمد لله اني شوفت البوست بجد لا لا لا نهائي أسوأ تجربة مريت بيها في حياتي دي مش علاج أصلا ا متروحش لطبيب نفسي روح لمعالج نفسي أو معدل سلوك انه يركز انه يسمع ويحلل ويفهمك نفسك ومشكلتك ويديك حلول تطبقها مش عقاقير بجد دي زي المخدرات وحشة جدا أختي عانت منها فترة كبيرة وصحتها لحد دلوقت مرجعتش زي الأول عانت سنين حرفيا وانا جربت العلاج ده يومين بس تالت يوم حاولت انتحر مش عارفه اشرحلك شعوري كنت بنام زي في غيبوبة وصاحيه مش واعيه وعصبية وسبت البيت ومشيت حرفيا كان عندي قدرة تحمل رهيبة بس لما اخدته اتصرفت زي المجانين مش فاهمه إي ده بس متأكده انها بتسكن في البداية وتعدل المود وبعدين تدمرك نفسيا وصحيا ..صلح علاقتك بربنا ده مش مجرد كلام مارس رياضة وانجز مهامك اليومية اخرج اتمشى حاول تمارس هوايات وتشغل نفسك ومتركنش للكسل والخمول والله عن تجربة هتتحسن جدا اه المشاكل مش هتتحل بس هتبقى أهدى وراضي ومتأقلم بدل ما تأجل ونستنى تبقى كويس ابدأ وجاهد نفسك تنجز عشان تبقى أحسن وادعي بجد ربنا كريم وخير معين مش مجرد كلام نهائي انا حاسه ده وبعيشه كل يوم بفضل الله اهم شيء تعبر بكل صراحه عن مشاعرك

بص على حسب حالتك وتشخصيتك الدكتور هيحدد انت محتاج علاج ايه وممكن متحتاجش علاج اصلا. الأدوية النفسية تأثيرها اه ملحوظ ولكن آثارها الجانبية بتكون شديدة في الاول وممكن يبقي في دوخة وتحس انك مش قادر تتحرك مثلا او أعراض تانية وبتختلف من شخص لتاني ولكن لو جسمك اتعود عليها خلاص الدنيا بتبقى أهدى وبيدي ايفكت كويس وبيحسن الأعراض اللي عندك. دا على حسب استجابة كل جسم لان ممكن تتحسن من غير اعراض جانبيه اصلا بس المهم انك تكشف وتتكلم مع دكتورك والف سلامه

اهم حاجة متاخدش من نفسك عشان هي ليها اعراض انسحابية ووقت ما تحب توقفها غالبا مش هتعرف لوحدك ومينفعش تحدد حالتك محتاجة دوا ايه عشان دا غلط لكن لو هتروح لدكتور ماشي

انا بدون علم طبيب