مرتبط ببنت بقالنا سنة المهم المفروض كنت هخطبها هيا اصغر منى ب4 سنين كانت كل حاجة ماشية تمام ومعرفها ع أهلى وبيحبوها وامها عرفانى وكانت كل ماتشوفنى تقولى جوز بنتى المهم لحد اخر كام شهر دول والدنيا حسيتها بدءت تبوظ واحساسى بيقولى أن كل دى لعبة عشان ازهق وامشى ف مش عارف اصدق البنت ولا اصدق احساسى المهم اللى حصل ك الاتى اخر تلت شهور قالت عندها امتحانات وأبوها سحب منها الفون معنديش مشكلة ف دا لحد بعد مالنتيجة طلعت ونجحت وهيا مختفية وأبوها واخد الفون كانت بتظهر كل فترة كدة وسط التلت شهور تكلمنى دقائق وتختفى اسابيع الموضوع كان مشكوك فيه بالنسبالى بس كبرت دماغى لانى مش فاضى اراقبها أو اعرف فى اى بيحصل وف خلال التلت شهور دول امها اللى كانت بتكلمنى وتسأل عليا قطعت وبطلت حتى ترد عليا مش موضوعى امها اصلا المهم اخر اسبوع دا ظهرت بقا وأنها خدت التلفون خلاص والدنيا اتعدلت بس كان فى فتور ومش شايف لهفة واحدة مختفية عن حبيبها ولسة راجعة حسيت بحاجة غلط وأنها كانت مختفية بمزاجها المهم واجهتها بإحساسى قالتلى أن عندها خبر وحش مكنتش حابة تقولى عليه عشان مضايقش وعشان كدة شغفها نحيتى منطفى الخبر هوا أن ابوها جايبلها عريس وبيجبرها عليه وهيا عيزانى انا وهيعمل الخطوبة بتاعتها عليه خلال شهر ف النهاردة بعد ماكنت مشوفتهاش لمدة 3 شهور نزلت تقابلنى للصبح وهيا اللى حددت المعاد بس مجتش فتحت بليل وقالت إنه كان غصب عنها وان ابوها منعها تنزل ونزلت بليل تشوفنى قعدت معايا ساعة بعدها روحتها مكملتش ساعتين ولقيتها بتعيط وعايزة تنتحر عشان ابوها بيجبرها ع العريس كنت ف شغل سبت شغلى ورجعتلها فضلت قاعد تحت البيت عندها أراضى فيها واحاول امنعها تعمل كدة مع انى شاكك ف الموضوع م الاساس وبالفعل قالتلى أنها بلعت شريط برشام ودايخة ومش عارف اى وبعد مناهدة كتير معاها دخلت ترجع اللى بلعته وحاليا بتقولى أنها بقت كويسة بس الرد برضوا مش ثابت بترد كل ساعة مرة ف انا محتاج افهم اكمل ف العلاقة دى ولا انا بيضحك بعقلى و امشى