شك

السلام عليكم ورحمة الله وبركاته 🌸. الفترة الحالية بالنسبالي هي المرحلة الرابعة، حسب تقسيمة معينة قسمتها لحياتي بعد ما حللتها. تصرفاتي افعالي تصرفات اللي حواليا علاقاتي وحتى مشاعري؛ كانوا كلهم معايير عشان اقدر احدد كل مرحلة وافصلها عن المرحلة اللي قبلها واللي بعدها. المرحلة الرابعة، اللي هي الحالية، بدأت من حوالي شهر، او اقل قليلا. المرحلة دي من بدايتها كانت تقريبا كلها مشاكل، وكلها تقريبا مصايب سودة يعني الحمدلله، ودي اصلا المرحلة اللي بدأت التفت فيها لنفسي وقسمت حياتي بالشكل ده. المشكلة في الفترة الحالية دي، ان انا فعلا فعلا معدتش عارفة اتعامل مع البشر. هو لكذا سبب، اولهم اني فعلا معنديش طاقة، هما كم شخص يتعدوا على الصوابع حرفيا اللي نوعًا ما طايقاهم، ف مش عارفة. ده غير ان بداية المرحلة دي كانت بداية قلبت حياتي فوق تحت اصلا، بقيت بشكك ف كل ذكرى عشتها ف يوم، ف اي حد واي شعور بحس بيه، حتى في المستقبل، بقيت بشك فيه واحس اني مش هكون حد كويس بما ان حالتي متقدمة شوية. فاا بس، مش عارفة بقى، هو تفريغ افكار يعني من الآخر.

فانا في واحدة كنت بنتناقش معاها النهاردة علي الذنوب وكدا وكانت بتقولي يعني في شيخ بيستنكر يعني بعض البنات المنتقبه اللي بينزل صورهم أو ايدهم أو النقاب المتدلع يعني وبيلفت شوية من حلاوته يعني الهم قولتلها اه بس ليه كل حاجه هتمشي مظبوط يمكن هي بتجاهد من جواها قالت لا مفيش حاجه اسمها كدا لازم تعمل قول يمكن هي بتعملها خطوة خطوة قالت لا الحجات دي بتجي مرة واحده او عمرها ما بتيجي... المهم الموضوع فجأه اتحول بقي عليا وانا بقول لا ماانا بردو لنا غيرت لبسي كان خطوات من نفسي قالت لا دا انتي باباكي اللي جبرك ودا والله ما حصل ... وبدأت بقي تحكم عليا اني بسمع اغاني كتير اوي وكدا ومستحيل ربنا يوفقني قولتلها يمكن انا يجاهد في حته تانيه مين عارف ... تاني حاجه الشخصيه دي مش بتقبل النصيحة ابدا ولا النقد كان نقاش غريب فعلا مش عارفه هل انا كلامي فعلا صح ولا ايه انا شايفه طول ماانت بتحاول وترجع وتحاول تاني وكدا دي في حد ذاتها حاجه كويسه حتي لو مش باينه للناس

عمر حد كان عنده شك ناحية الدين؟ ممكن تحكولى قصتكم، قدرتوا تتغلبوا ازاى عليه ازاى او غلبكم ازاى انا عندي من وانا ١٦، اللى هو سن البلوغ العقلى، ولغاية دلوقتي مش قادر اتخلص منه، ولا منى مؤمن ولا مل7د، وبعامل كل اللى حواليا على انى شخص غير اللى انا عليه

غريبة ازاي بحط كل طاقتي في حاجه مش قادره استحملها ومعرفش شايفه نفسي فيها ولا لا. بجتهد وانا مش عارفه هوصل لفين ومعرفش دا اللي انا عايزاه ولا لا. عايزه اعمل اللي عليا طالما دا مكاني بس برضو في ضغط نفسي رهيب، ومحدش يقولي هتتعودي عشان هو هيزيد مع الوقت مش هيقل حتى لو اتعودت

انا مش عارفه اعمل اى بجد، انا بنهااار بعد الرساله دى 😭😭😭😭😭 موضوع ان انا قلبت وراكي وقصة الشك الكبيره دي انا قولتلك ان انا مش بشك فيكى بس انا كنت بقلب عندك عادي بشوف المتابعين عندك مين ومين صحابك ولقيت في صورة مش طبيعيه فقولت اي دا لما دخلت علي الاكونت بتاع الولد ودخلت عنده علي المتابعين لقيتك انا كنت فاهم غلط بين اتبع ومتابعين ففكرت انه انتى اللى متابعه الولد فقولت لي سهيلة بتابع الولد دا وكلمتك في الموضوع دا انا بقا ساعتها كنت متعصب وعم لقيتك بعتي اسكرين لمحادثه بينك و بينه ع اساس انك كنتى فكراه انا و بحور فكرت ان هو اللي بعت صوره ليكى قولت هو جاب صورتك بمايو البحر ازاى ففهمت منك ان دي استورى انتي كنتى نشراها وهو دخل يعلقلك والكلام دا قولت هي اللي منزله صورها وانا معمولي اخفاء وتقريبا هي دي الصور اللي كانت نازله علي الواتس برضو اللي ايه اختي شفاتها وانتي كنت عملاليى اخفاء فعادي يعني الغريب يتفرج على الاستوريهات بتاعتك واحمد لا 😂 و اصلا اكتشف بعدها انك كنتى عامله بلوك فقرفت منك خالص وخلاص اللي هو انتى كنتى حاجة كدا في حته كبيرة ومره واحده الحاجة دي مبقتش تعنيلي اي حاجة دا غير ان انا والله والله والله حولت انه معملش مشاكل اثناء فترة الامتحانات بتاعتك علشان تفضلى مركزه علي الامتحانات وبس واول ما انتي خلصتى عملتي اي جيت تتكلمي معايا قولتلك اصبري يا سهيلة لحد ما اخلص امتحانتي ونبقا نشوف الدنيا بينا زعلانه مني في اي واي اللي مضايقك والكلام اللي زي العسل دا فضلتي ساكته 😂😂😂 انا همشي ومش عاوزه اكمل وانا عمال اقولك اكيد عايزه تمشي اكيد ياسهيلة مكنش فيا قدرة ساعتها انه افضل اتحايل عليك وارضيك فقولت مدام هي قررت دا ف انا هحترم قرارها وربنا يصلحلها حالها ويرزقها باحسن مني ميت مره جيتى بعدها تتخانقي معايا علشان انا كمان روحت ركزت علي حياتي في الامتحان لانه اول ماده لوحدها ناقص فيها حوالي اربعين درجة فالحمدلله نفسيتي متعبتش اوي بسبب الموقف دا والحمدلله حليت حلو وقضيت يوم من احسن ما يكون مع صحابي وفي المعهد وفرحنا كلنا الحمدلله وقعدتي بقا تطلعى من جواكي الشخصية الزباله وتشتمي فطلعت انا كمان الزبالة الي جوايا وشتمت بس بعدها قولت يابني دا في بينكوا عشره حلوه وفي ايام كتيره حلوه بينكوا ازي يحصل منك كدا فجيت اعتذرتلك علي اللي قولته وقولتلك تشوفي حياتك بعيد عني واتوكلت علي الله ودعتلك ساعتها انه ربنا يوفقك في حياتك يكرمك باحسن منى باذن الله الفتره اللي فاتت بقا لقيتك بترني كتير عليا وتبعتلي هنا وهنا وهنا لي انا سيبتك لما جيتي تمشي مغصبتكيش انك تفضلي معايا غصب عنك فانا لما اجي امشي انا كمان لي عاوزه تغصبيني الحياة مش هتقف لا عليا ولا عليكى اه هزعل عليكى ومش زعل طبيعي بس الاحسن انى افضل كدا بعيد عنك انا مش ناقص قلة احترام ليا في يوم من الايام بسببك امبارح بقا فاتح التاب ع التليجرام ومستني اشوف الكلام اللي عندك واللي انتي عاوزه تقولي ملقتكيش اتكلمتي في اي حاجة مهمه غير الرسالة بتاعت اصل كنت مخنوقه وخنقتي جيت فيك يعني هي دي الحاجه اللى اتكلمتى فيها وكانت مهمه شوية طيب لما انتي تبقي مخنوقه من حاجة و تيجي تطلعيها عليا، انا معنديش مانع بس اكون فاهم علشان اريحك لكن انتي اصلا بتقولي كدا ككلام وبس انتي كنتي مخنوقه من حاجات بسببي انا كل ما افتح الخط بتاعي القي ميلون مكالمة طب لي بقيت اقفله و صاحب الشغل مش بيعرف يوصلي و بقا يروح عليا نومه ومروحش الشغل وتجي امبارح بقولك انا عاوز انام علشان عندي شغل بدري ونبقا نتكلم بكرا وكنت حطط التلفون جنب دماغي انا وابويا مش عارفين ننام من الرن وفي نفس الوقت مش هعرف اقفل الخط علشان الرجل هيرن عليا تقومى قيلالى كلمتين علي دعوتين والنهاردا القي كمية دعى عليا انا بجد مش فاهم انا عملت اي لكل دا طب لي لما انتي بتمشي وبتغلطى كتير مش بدعي عليكى لي تدعي عليا وتحسبني عليا

عندي مشكلة إني بفضل أشأل نفسي هل دا اللي الواحد حابب أو كان مخطط إنه يبقا فيه؟ طب هل دا أحسن طريق كان يسلكه؟ طب والحزن والحياة اللي مبقالهاش طعم والزهق والدماغ البايظة دول هما كانوا الطريق الوحيد اللي الواحد هيوصله حتميًا؟ فعلًا مشعارف

ممكن حد يقولي الحل ايه في الوسواس واني مش متاكده دايما من اي حاجه الموضوع عادي بس لما بيزيد بيكون متعب انا مش قادره اشخص لو دا وسواس قهري او لا بس علطول مش متأكده من اي حاجه وممكن اروح اتأكد من الحاجه عشر مرات و اجي ادخل انام مثاا اقعد افكر بردو قفلت الباب ولا لا مع اني متاكده اني قفلته وكدا في كل حاجة بقى وانا صغيره كنت كدا و اكتر من كدا بكتير كنت ممكن اقوم من النوم مخصوص عشان مش متاكده مثلا البلكونه مقفولةولا لا و اقوم اتاكد و ارجع تاني واروح اتاكد و الموضوع وقتها يعني والدتي قالتلي لو قعدتي تعملي كدا هنوديكي ل دكتور و هيديكي حقنة و خوفتني من الموضوع فا سكتت شوية و الوقتي حاسه بدات ارجع كدا تاني الموضوع مرهق

عايزه نصيحه يا جماعه ازاي واقف شك في لو شخص دخل حياتي ع طول بحس أنه بيخوني أو بشك ع طول ودا بيخنق الشخص اللي قدامي عايزه حل من فضلكم يعالج الموضوع دا لاني مش عارفه اتخلص من الإحساس دا خالصصص

أنا كل ما بيكون فيه شخص في حياتي دايما بكون شاكه أنه بيخوني أو مش انا الوحيده اللي في حياته وبناءا بردو ع حاجات غريبه هما بيعملوها مثلا حد يخفي ظهوره فجأه أو حد يخرج من الشات وانا مش بقدر استحمل و بواجه وطبعا الأشخاص بتهرب بعدها بسبب شكي فعايزه اعرف الحل واتصرف ازاي

جماعه عايزه اخد رايكم في حاجه ليا واحده صحبتي انا و هيا كنا صحاب اوي يعني بس انا مش برتاحلها كدا المشكله ي جماعه بقا بقالها فتره بلاقيها بتصورني صور غريبه و القيها واخد صوري اسكرين من استوري و بفتح الموبايل بتاعها بصدفه لقيت صور ليا كتير و كل شويه تصورني لوحدي و كدا يعني مش مثلا انا و هيا سوا لا و بجد ببقا وقفه بلف القيها وقفه بتصورني انا مبقتش مطمنه و خايفه تكون بتبعت الصور دي لواحد مثلا او بتكلم حد علي اساس اني انا و كمان بقالها فتره بتزن عايزه تيجلي بيت وانا مش بحب ادخل حد بيتي خصوصا و شكه فيه يعني فا انا مش فاهمه حاجه بجد و مش عارفه اعمل اي و كمان فكره اني ابعد عنها كدا فجاه من غير مبرار مش هينفع و كمان هيا بتبقا موجوده علطول في مكان الي ببقا فيه

محتاج اقولكم شئ هل بجد بتقتنعو بالدكاتره النفسين انا بحسهم اغلبهم فيك ومششششش بحسسسسس انهم بيعالجو لاني دايما اي شئ تحكيلهم بيخدو كانه مرض مش شئ جواك محتاج يتسمعععع صححح ولاااااا انااااا غلط

كنت بحب واحدة.اوي الفكرة ان مكنش في ثقة ما بينا خالص هي ديما شاكة اني هخونها او بخونها شاكه اني هسبها الفكرة ان معملتش اي حاجة تدل علي دة انا من اول يون قولت ظروفي و قولت هاجي اتقدم امتي و كنت،ديما مستحملها هي رابطة علاقتها القديمة بيا ان هعمل زيهم المهم اني لسة بحبها اخر مكلمة قالت ليا امسح صورنا و الشات قعدنا شهر مش بنكلم بعدها بعتلها مسدج بقول فيها اد اي. اني كنت بحبها قالتلي و انا كمان مشاعري كانت حقيقة بس احنا مكناش مطنين بعض محولتش حتي تقولي تبقي تعالي نكلم او اي حاجة كانت بتفتح كلام الشغل عامل اية و انتت عامل اية و انا الدنيا في الشغل مش مستقرة قولتلها ربنا معاكي و قفلنا الكلام المهم اني كنت ديما شاكك انها هي الي بتخوني طريقتها غريبة و تقلبتها اغرب جوايا حاجات كتير متلغبطة بعد ما بعتلها المسدج دى بعتلي مسدج علي لينكدان شغل مردتش عشان ابدء اموف اون منها بعد يوم بعتتلي تقولي انت اكدتلي اني خدت القرار الصح انا مش عارف خدت القرار الصح بناء علي اية حاليا عدا اكتر من ١٥ يوم من الموقف دة انا لسة بحبها و لسة عايز اكلمها عملت unfollow & unfriend من كل حاجة مش بلوك اكلمها ولا لا ابعتلها ولا لا

انهارده حصل معايا موقف.. ذي ماقولت انا كنت بقدم علي شغل فـ فوسط الطلوع والنزول وبما اني شخص مش مياله اني اروح اتعرف علي حد أو اتكلم عامةً فطول الوقت ببوص لأفعال الناس من حوليا ومنها افهم هل دا شخص جدير اني اتعامل معاه أو لأ وكان معايا صحبتي اللي علي النقيض تماماً هي بتحب تتكلم وتسأل عكسي تقريبا فكل حاجه المهم تعرفنا علي بنت كانت بتعمل نفس الورق بتاعنا وكل الكلام دا المهم فآخر اليوم لاقيت صحبتي بتزعق فيا لما قولتها نستني البنت الجديده دي عشان نعمل مع بعض بقية الإجراءات زعقت فيا هو انتي لحد أمتي هتفضلي ساذجه كدا معقول مش واخده بالك أنها عايزه اللي يعملها كل حاجه هي حتي مش عايزه تجري ورا ورقها هتستنيها انتي ليه خلصي عديت الموقف وخلصت بس لما خلص اليوم قعدت افكر هل انا بجد ساذجة للحد ده يعني معقول مش عارفه افرق بين الناس الكويسه والمؤذيه أو المستغله ومع شويه تفكير اتضحلي كذا جمله اتقالتي من كام يوم فاتو مع أن صحبتي والدها كان رافض شغلها بس نزلت عشان تخلي بالها مني 💔

السلام عليكم 🌸. ليه مثلا لما بتعامل مع حد، اهلي مثلا، انا متيقنة انهم بيحبوني وعايزين مصلحتي ووو.. اني اقعد ابني خيالات او اقنع نفسي انهم بيكرهوني؟ وده مع اي حد عموما، مش شرط اهلي، ف مثلا ابقى بتعامل مع حد، وانا جوايا دوامة تفكير عن قد ايه هو بيكرهني وبيتعامل معايا رغمًا عنه مثلا، او لاني اتعودت ان اي حد حواليا بيكون مصلحة مثلا؟ وده بعيدا كمان عن ان طاقتي للعلاقات بقت شبه معدومة، ف ده بيبعدني اكتر عن اي حد انا فعلا بحب اتعامل معاه، وبيخليني اتصرف تصرفات فعلا متطلعش غير من بني ادم مختل. فاا بس.

الحاجه اللي اكدتلي اني مش هحاول تاني اني دايما انا اللي بحاول اصلا و بسعي عشان كل حاجه تمشي بحس ان الشخص اللي معايا عمره ما حاول يتمسك بيا و سايب الدنيا كده اللي هو لو انا سكت هو هيسكت و هيجيب الغلط عليا اني سكت بس هو ميحاولش يسال هو يمكن بردو مقدرش احاول تاني عشان مش واثقه ف حب الشخص ده ليا ف هحاول ازاي

من فتره مش بعيدة ليا واحدة صحبتي قالت جملة خلتني اشوفها بشكل تاني غير اللي انا كنت شايفاها بيه كنا خارجين من امتحان هي في الطبيعي اشطر مني وبكتير بس اناطلعت مبسوطه وهي طلعت مش عاجبها المهم براجع معاها لما لقت اني حليت احسن منها لاول مرة (هو انتي ليه عايزه دايما تحسسيني اني قليلة؟) انا كنت بتعامل بشكل تلقائي ومصدرش مني أي حاجة تحسسها بالقلة جمبي وسابتني ومشيت فضلت اتسائل هو فيه ايه؟ امال لو كنت اشطر منها بجد؟

اتسائل في أحيان كثيرة ماذا سيحدث عندما أجد غايتي، عندما تحدث الأمور كما أريد، ماذا لو كان هذا هو الشخص المنشود، هل سأستطيع التيقن من أنه هو، وهل سيكون لدي ما أقدمه له بعد كل هذه الخسارات، أسيكون بجبعتي طاقة له أو وقت أعطيه إياه، ماذا إن كان هذا المكان لي وهؤلاء الأشخاص هما مأمني حقا هل سأستطيع أن أكون نفسي معهم. أخاف من أن يفوتني ما هو لي لخوفي من النجربة، أن أخذهم ذنب أناس آخرين. ولكن أعلم يقينا أن ما أقدارنا تساق إلينا

انا خايف ااووي ليكون نصيبي مع حد شبه الناس الي ظهرت ف الشرkيه ومستغرب اووي من الي حصل في الشرkية ازاي كل الناس حصل معاه كدا معقوله برضاهم كمان دا وما خفي أعظم كمان يعني اي مكان بتتردد عليه الست يبقي محل شك انها بتعمل كدا ولا لأ والمجتمع كمان بيمجد في البطل

عندي trust issues واضحة ارتبطت مرتين فى فترتين زمنيين مختلفين ونفس الاحساس القلق، الخوف انها تكون بتعمل حاجة غلط او من ورايا مش لدرجة بتخوني، بس انها تكلم حد زى ما بتتكلم معايا او تبعت فويس بصوتها دى حاجة بحسها بتؤذيني ومن كتر شكي ديما دا بيكون السبب اننا نبعد، مع ان مفيش اى مشاكل تانية فقط الشك، وانها متحبش تطمني او تسمع كلامي انها تمسح حد معين او حاجة زى كدا فلما متعملش انا بتعصب، عشان دا دليل ع عدم الاحترام وطبعا بتبدأ تدور فى بالى ان طالما وافقت تكلمني هتكلم اى حد ويمكن انا مش اول واحد وكل الافكار تبقى سوداوية مش عارف اعبر اوى بس انا عارف انى مش ناضج عاطفيا مع انى خلاص ٢٤ سنة

انا كنت اعرف حد من ٣ سنين و في الاول كنا بنتكلم و كان بيقولي كلام حلو كتير بس علشان انا كنت عرفاه online فا مكنتش قولتله سني الحقيقي و لما قولتله سني الحقيقي فضل عادي زي ما هو بس بعدها بكام شهر قالي انا فقدت الشغف و خلينا صحاب احسن و انا فضلت معاه على امل انو هيرجع يحبني و كان بيتعامل معايا بمزاجة يعني مثلا يرد وقت ما يحب و يتبارد معايا و اقوله لو مش عايزني عرفني لكن متعاملنيش كده قالي لا و انا لو مش عايز اتكلم معاكي مش هتكلم و المهم مامتي عرفت و بهدلتة و رمى اللوم كله عليا قعد يقولها دا هي اللي بتكلمني دا هي اللي عيزاني و بعدها انا اتصدمت فيه جامد و فضلت عايشه مكتأبه و قعدت الوم نفسي اني في الاول لو كنت قولت لمامتي مكانش كل دا حصل و لو كنت قولت سني الحقيقي مكانش دا حصل المهم بعد تلات شهور من لما والدتي كلمتة كلمني تاني وقعد يقولي انو صعب عليه الموضوع زي ما هو صعب عليا و انو اسف و انا تقبلت اسفة و بعدين برضو بعدنا تاني و فضلت اراقبهزو كلمته و مامتي عرفت تاني و بهدلتة تاني و بعدين هو اتقفل مني خالص حاولت اوصله كتير اوي لكن كان بيعاملني وحش و خلاص يأست بعد كام سنة و اولهم من شهر بعتله رساله عتاب لاني كنت فعلا متعلقة بيه و هو تقبل و اتكلم معايا و بقينا نتكلم و حكالي على كل الفتره الوحشة اللي مر بيها و انا حكيتلة برضو عن حياتي و بدا يبقى واضح يعني بقى يقولي انا بحبك و وحشتيني و يا حبيبتي زمان مكانش بيقولها خالص كان بيقولي احنا صحاب و بنستهبل لكن دلوقتي هو مقالش كده انا اتغيرت و هو اتغير و لما قولت لمامتي علشان ميحصلش زي كل مره قالتلي ممكن يكون اتغير بس اللي فيه طبع مبيتغيرش انا عايزه حد يقولي اعمل ايه معاه او انتو شايفين هو فعلا اتغير و بقى احسن ولا ايه و مش عايزه كلام من نوع دا حرام و الكلام دا انا عايزه نصيحة

حاسه بوجع جامد جدا في قلبي و مش عارفه اعمل ايه حاسه الدنيا كلها فوق دماغي و ضدي ، امبارح حصل موقف واجعني اوي اخويا الاصغر مني بخمس سنين شك فيا و دي مش اول مره تحصل انا في تالته كليه امبارح كنت بعمل لصاحبتي ريكوردات وبنتكلم جه قالي بتكلمي مين قولتله فلانه و وريته الشات قالي وريني الcalls وريته اني مش مكلمه غير بابا و ماما قالي وريني باقي الواتس قولتله لا عشان دي خصوصيه غير كمان اني اتضايقت من الموقف جامد انت بتتعامل معايا كده ليه المهم راح قال لوالدي و والدتي وقعدنا نتكلم و انا قعدت اعيط عشان صعب عليا نفسي اوي انه ليه محطوطه دايما في موضع شك , خلاصه ساعة و نص حوار انه انا اللي غلطانه عشان قاعده في الصاله لوحدي واني حطيت نفسي في موضع شبهه يخلي اخويا يشك فيا و اسلوبه ده تبريره انه اخويا و خايف عليا و بيغير عليا و كل الكلام ده المهم انا مشكلتي اني مرتبطه بقالي سنتين وكام شهر بزميلي في الكليه ( عارفه انه حرام و بالفعل سيبنا بعض كذا مره بسبب انه حرام بس للاسف كنا بنرجع تاني و مبنقدرش نكمل شهر حتي) انا دلوقتي حكيتله اللي حصل في البيت قعد طبعا يعتذرلي و حقك عليا و انا السبب في كل ده انا اسف وقالي هما حلين ملهومش تالت يا نتكلم وتمسحي الشات اول باول وانا محبش الحل ده يا نسيب بعض لحد ما ربنا يكرمني واجي اتقدم و من ترك شيئا لله عوضه خيرًا منه ( احنا في كليه طبيه لسه فاضل سنتين و سنه امتياز) وكده كده احنا اصحاب في شله في الكليه كلنا و بنتعامل كلنا بس يعني مش هنتعامل برايفت في الشات او كده هنرجع زمايل بس اهلي و البيت كله عارفين اني عندي شله مختلطه وماما بس اللي عارفه بموضوع الحب و الارتباط ده المهم انا دلوقتي كنت تعبانه نفسيًا جامد قولتله خليني اهدي و ناخد القرار ده سوا و نشوف هنعمل ايه انا من امبارح كل ما اتخيل انه مش هيبقي موجود في يومي بتجنن و بقعد اعيط و قلبي بيوجعني رغم اني عارفه انه ده الصح بس مش عارفه هعمل ايه و مش عارفه طيب اخد القرار ده امتي انا عندي امتحانات هتخلص في نص يونيو ، هل اخذ الخطوه دي بعد امتحاناتنا ولا دلوقتي ولا استني بعد الامتحانات عشان اعرف انهار براحتي وميعطلش مذاكرتي ولا اعمل ايه طيب استني في الاجازه عشان كده كده مش هشوفه في الاجازه وفي الاجازه اشغل نفسي بحاجات و اتعود علي غيابه ولا اعمل ايه دلوقتي انا مش عارفه هو بيشتغل بقاله سنتين و بيحوش و عنده كمان شقه بس علي الطوب الاحمر في بيت عيلته و مش جاهز برضو يتقدم دلوقتي و حتي و لو معرفش رد فعل اهلي و بابا هيوافق ولا لا و مش عارفه بس انا قلبي واجعني

يا تري ايه الوضع لما الواحد يوصل لما يتخطي كل الصعاب ويحقق هدفه وينجح ايه هيبقي مختلف وقتها هل هنلاقي الدنيا احسن ؟ هل هنتكافئ علي تعبنا ده ؟ السؤال المهم هنا هل اصلا هنوصل هل مكتوبلنا ننجح ونلاقي الراحة ولا بنضيع وقت في الفاضي ؟

انت ممكن ماتكونش بتحب الشخص انت بس بتحب فكره وجوده يمكن بتحب النسخه اللي في خيالك من ناحيته بس الحقيقه الشخص دا ممكن يكون مختلف تماما يمكن انت اتعلقت بالشعور الحلو اللي يخليك تحبه بس انت مش عارف تحبه ممكن انت تعلقت بالشعور الحلو اللي بيجيلك لما بتفكر فيه او بتكون معاه يمكن انت بتهرب من الواقع اللي في خيالك معاه حصلهالك مشاكل نفسيه او مشاكل قبل كده فبتهرب مع الشخص دا بتهرب بمشاعرك عامه بمعني اصح يمكن لو كنت في ظروف مختلفه عن اللي انت فيها دلوقتي ماكنتش حبيته ولا كنت كلمته في يوم من الايام حاول تعرف انت بتحب الشخص دا فعلا ولا بس مبسوط من فكره وجوده ان هو مسليك او منسيك حاجه في حياتك

سمعت دلوقتي اغنية what was i made for بتاعت بيلي اليش معيطتش بقالي فترة طويلة غير دلوقتي. لمستني وعبرت عني جدا.. "اتعودت اطفو..دلوقتي بغرق اتعودت اكون عارفه.. دلوقتي مش متأكدة، انا اتخلقت لي، اي الحاجه اللي انا موجودة عشانها. " "اعتقد اني نسيت ازاي بكون سعيدة، شيء انا مش عليه، لكن اقدر اكونه.. " "راحت فين السعادة.. اللي كنت بحس بيها؟ انا حزينة تاني.. متقولوش لحبيبي.."

انت لما بتقولي كلمه وانا اصدقها علشان ده الطبيعي مش علشان انا طيب وبصدق أي حاجه، علشان الكدب مش هو الحاجة اللي المفروض تبقى سايدة، لما تيجي تحلفلي بربنا، انا عمري ما هكدبك ولا هفكر انك بتضحك عليا، علشان انت بتحلفلي باللي مفيش أعظم منه علشان انا اتربيت على أن مينفعش حد يحلف بربنا كدب، فمتخلوناش على طول نسأل نفسنا هو ياترى اللي قدامنا ده كداب ولا صادق

اوضه نظري في الموضوع الصراحه ان هي تجربه فاشله مش بتنجح كثير واحد من مليون بس اللي بتنجح والكل بيبقى فاكر ان هو الواحد مليون مليون بالرغم منه مش الكل بيبقى الواحد من مليون صح كده ولا غلط اا

بتعملو ايه لما بتكونو حاسين ان في حاجه غلط بجد و قلبكم مصدق دا فعلا بس مفيش دليل واقعي حقيقي تقدرو منه تتأكدو اذا كان احساسكم دا صح ولا غلط و حتي مش عارفين تتجاهلو الاحساس دااااااااااااا

لاحظت اني مبقتش عارفه ادي الامان لحد بمعني اني علطول منتظره الشخص اللي معايا يخون او يسيب او يغدر بقيت بصنف اي حركه حتي لو عاديه انها لا دا اكيد بيخوني دا اكيد بيقول عليا كذا حقيقي مش عارفه اتخلص من النقطه دي ازاي لاني حاسه انها مأثره عليا اوي

تعبت وانا كل شوية بتكلم في الموضوع دا وكل يوم يزيد عن حده بس غالبا اتعودت يعني انا اتكلمت كذا مره عن صحبتي ودايما بحس في غيرة حصل موقف انهارده بردو كنت بعتالها حاجة ع الواتس وكدا بقولها ايه رأيك وعجباني اوي وبتاع المهم هي حرفيا معملتش اي ريأكشن او مدحتني بربع جنيه بعدها راحت قالتلي انا كمان عندي زيها والله مش فاهمه في ايه يعني دا فعلا غيره ولا انا بيتهيقلي ولا انا اللي بفتري عليها يجماعه يريت حد يقولي عشان بدأت اشك في نفسي اني بظلمها وهي تعاملها معايا عادي!!!

شوفت فيديو بيقول ان مشاهده المسلسلات حرام وفيديو تاني بيقول لما فيها طيب لو مثلا بشوفها بس الحجات الحرام بغض بصري ومبشوفهاش دا يبقي حرام برضو يعني لو في موسيقي بوطي ومبسمعش ومبتأثرش بيها هل كدا يبقا حرام برضو لو حرام ايه ممكن دليل علي ده

أنا عرفت حد وقرب مني بسرعة جدا وفي وقت قليل كان بيقولي إنه مرتاحلي وبيحبني بعدين اكتشفت إنه قابل الاكس بتاعته ومقاليش ولما رجع كان بيحكي بس غير الموضوع في آخر لحظة وبعدها برضو كان بيقولي وحصل حاجة وخلاص سكت بعد ما سألته تالت مرة اعترف وقالي إنه فعلًا شافها ونزل معاها وهي اللي اتخايلت عليه بس هو اتكلم معاها وحش وشتمها وبعدها قفل الموضوع ومبقاش عايز يتكلم فيه تاني هو حاليًا في مصحة وبيتعلج من الإدمان وأنا واقفة جنبه فعلًا ولسه بحبه وهو بيقولي إن دلوقتي معايا أنا وبيشوفني أنا بس المشكلة إن الشك دخل قلبي وأنا لو فقدت الثقة في علاقة صعب جدًا أكمل من غير overthinking حاسه بين إني أقدّر ظروفه وإنه بيتعالج وهيكون أحسن وكده وبين إني متضايقة من إنه خبّى وكذب في الأول شايفين أكمل وادي فرصة ولا ده بداية مش مريحة؟

انا نعاني من مشكلة نتمنى نلقا حل انا فقدت ثقة تاعي في ناس لدرجة كبيرة بزاف وخاصة في رجال وحاليا انا اعترفت على واحد يبان شخص كويس يقول انو يحبني وانو راح يفعل اي شيء على شاني احيانا كلامو يفرحني واحيانا نخاف يكون يلعب بغيت طريقة نكتشف صحة مشاعرو ولا نيتو

اختي دائما بتلعب دور الضحية و مبتعترفش بغلطها أبدا و لما واجهتها معترفتش و قالت إن انا ال كدا و دائما طريقة كلامها ..انا بردو ال كدا ؟؟.. يعني مثلا هي ال عملت الفعل و انا عملت رد الفعل مين الغلط هي لا هي مش شايفة دا نهائي و بتهاجم و انا بدأت اشك فنفسي حتي لو معايا حق بسبب طريقتها انا قرفت و مش عايزة عقلي يتلعب بيه

صعب تحب شخص وتكون ماتدري اذا هو جد يحبك وفعلا يحاول عشانك او بس يكذب عليك فالبدايه بس بعدين وبعد مايتاكد انك تعلقت فيه يصير يقلل كلام معك ومايرد بالساعات انا انسانه اعطي اعذار كثير للشخص وانه مافي بس انا بحياته واتفهم انه ممكن تعبان ممكن مشغول وعنده حياه غيري بس يقدر يوقف شغله خمس دقايق يطمنني انه بخير وانه مشغول مو تروح وتجي وتسحب ساعه اثنين ثلاثه وحتى 8ساعات وبدون تبرير وانه فجأه تحكيلي اسف عشان سحبت اسف عشان خليتك تشكي بحبي الك وبعدها ترجع تختفي حتى مااستنيت ردي طبعا رح اشك ورح ازعل ويعني مستحيل كل ذا طبيعي في شخص اتدخل وماخذ وقته لان مهما صار يقدر يكلمني يحكيلي اني مشغول بس هو اختار يسكت وانا رح اختار اني اختفي من حياته حتى لو الوضع يوجععع يوجع بشكل لدرجه دعيت انه علاقتنا تبقى وبحياتي مادعيت كثير زي هيك بس انه اكثر شخص تحبه وتتعلق فيه هو اكثر شخص رح يأذيك

هل مبرر كافى للانفصال أنه بيشك فيا ليل نهار وميقدرش ساعات ينام من كتر الشك والموضوع بقى ضغط عليا من كتر التبرير والتفتيش والمراقبة وأنه بيمد أيده وأنه علطول محتاج ارد عليه على التليفون يشتكيلى من مشاكل شغله أو إحساسه بعدم الراحه وكل يوم او يومين تهديد بالطلاق وكلام فى تفاصيل الطلاق وفى ساعة الجد يرجع فى كلامه مع العلم أن دى جوازتى التانيه وهو شايف أنه الست كده كده هتتحمل عشان دى جوازتها التانيه مينفعش تتطلق تانى .

ساعات كتير اوي بقعد افكر مع نفسي هل احنا فعلا خير ام.ة اخرجت للناس ؟؟ هل فعلا نستاهل ان كبار الصحاب ه يستعجبوا من ايمنا هل نستاهل النصر في بقاع الارض بافعالنا اصل هو مش هيغير ما في قوم حتي يغيروا ما في انفسهم

حاسه اني بحب حد عرفته بسبب شغلي وخدنا علي بعض بسرعه اوي بنتكلم كل يوم معايا علطول وكده ومهتم وكل الحاجات الحلوه دي وبعدين كان بيفتح البيزنس الجديد بتاعه وانشغل عني ةمن وقتها معدناش بنتكلم زي الاول جماعه انا كنت بحسه بيبادلني نفس الحاجه حتي هو ال كان بيبارد ويقول وحشتيني مثلا ويفلرت والحاجات دي بس دلوقتي لما مبقيناش بنتكلم رجعت شكيت في كل حاجه تاني ومش عارفه اتعامل معاه ازاي؟ جيت علي نفسي كلم مره وكلمته انا اطمن عليه وكده اتعامل معاه ازاي مبانش اني مدلوقه وفي نفس الوقت اكون جنبه

السلام عليكم انا كوكيز هانم ممكن تقولو كوكي المهم مشكلتي اني بحس اي حد بيحبني عاوز مني حاجه او مش بيحبني لشخصي يعني انا لو اتخطبت و خطيبي قالي بحبك و الحاجات دي عامة مش هصدقه و هحس انه بتاع بنات و بجد هتقفل منه جامد و كذالك اى حاجه في حياتي

انا عمري 18 سنة حلمي اصير حارس مرمى محترف و اتعاقد مع اندية كبيرة و انا اعمل عليه كل يوم سواء من التدريب في الصالة على تمارين كارديو و مقاومة و قوة التحمل و القوة الانفجارية و قليلا رفع اثقال و كذلك التدرب مع مدرب حراس و انا مع نادي صغير في ولايتي حاليا لكن هل هذا كافي ؟

أنت متخيل إن دكتور طلع في كام بودكاست على كام لايف أثر في أكلك ونظام يومك وخلاك تشُك! انت متخيل إن رجل دين طلع في كام لقاء على كام فيديو أثر في عبادتك وتعاملك مع دينك وخلاك تشُك! انت متخيل إن أديب أو كاتب كتب كام مقال أو عمل كام رواية أثر في مفاهيمك و طريقة تفكيرك وخلاك تشك! أنت غير واعي وغير مُلم بالأساسيات الخاصة بيك لدرجة إن " صحتك ودينك وتفكيرك " أسهل حاجة لأي شخص يلعب عليك بيهم!! أسهل حاجة بيتم التلاعب بيك عن طريقهم؟ انت مش عارف الأكل دا كويس وتاكله ولا لا انت مش عارف رجل الدين دا تاخد منه علم ولا لا انت مش عارف الكتاب دا هينفعك ويفيدك ولا لا انت مالكش مرجعية مربوط بحبل من رقبتك وفي حد بيسحبك منه انت مش عارف مرضك ولا علاجك انت مش عارف دينك مش قادر يكون عندك أفكار خاصة مبنية على مبادئ مقتنع بيها إحنا طلعنا فاضيين وبنتساق في أبسط الأشياء بكل سهولة وبدون مجهود

كل ما باجي اتوضي لازم اعيد الوضوء بتاع ٣ او ٤ مرات عشان بحس اني نسيت خطوه ف ارجع اعيد من الاول وانا مركزه عشان وضوئي يكون صح الموضوع بيضايقني بس بفضل اقول حسنات اكيد ومش بعرف اقول عادي وكملي الا نادرا

هحاول اختصر رغم أن الموضوع في قلبي اكبر من أنه يختصر بس محتاجه حد يساعدني عشان خلاص هتجن انا كل ما احب حد دماغي تسوحني من حاجات بسيطه انا بغيير بشكل رهيب وللاسف كمان بقيت شكاكه ومش شك رايح فين وجاي منين انا مستحيل الشخص اللي في حياتي يشك اني كدا وعمرها ما اتقالتلي بس انا الموضوع تاعبني ومش بس الشك انا كل ما يبقا في حد في حياتي مهما الشخص ده كان كويس وبيتمنالي الرضا بيأخرني في حياتي انا عمري ما حسيت مع حد اني بطلع قدام اكتر ما برجع ورا ولما بحس بيبقا شعور فتره وبيخلص كل ما بيحصل حاجه بسيطه سواء شك أو غيره بقلب واحده تانيه وبتطلب معايا عياط وقلبي يوجعني وممكن توصل معايا ل اني اروح المستشفي انا مش عارفه ده ايه رغم اني واثقه في نفسي جدا ومشغوله وعندي حياه ومليون حاجه لدرجه اني مفيش وقت للتفكير بس بقصر في كل حاجه ودماغي تسحلني كدا وده تاعبني نفسياً جدا في حياتي خصوصاً أن انا في علاقه حالياً وقلبي مقبوض وواجعني عشان حاسه ان هو بيعمل حاجه رغم أنه عامل كل حاجه تطمني وزيادة انا عايزه حل والله ومش عارفه احلها ولا أتجنب العلاقات اصلا

السلام عليكم، ابي اكلمكم عن شي صالي فتره افكر فيه وابي وجهت نظركم عنه قبل اسبوعين تقريبا كنت يوميا في الفسحه(الصرفه) اجلس مع خويتي من الفصل الثاني يوميا نجلس نسولف طبيعي بعدين مره جت سلمت علي ومشت مع خويتها اللي هم بعد خوياتي بس من نفس فصله طبيعي ماكان شي غريب واليوم اللي بعده سوت نفس الحركه سلمت ومشت مع اني لاحظت بس ماقلت شي كان عندي سوالف بس قلت بكرى ان شاء الله بس بكرى مرت سلمت ومشت؟! طيب طبيعي خله كيفه اللي بعده نفس الحركه؟؟ انا بديت اشك بنفسي هذي خويتي مرره احبها واعرف انه تحبن مره فهذا الشي خلاني مرره افكر واتوتر ليه ماتسولف معي هي بالعاده ماترد علي اذا تواصلت معه خاص الا بعد مده وانا اعرفه واعرف ظروفه فكنت افضل اتكلم معه اذا تقابلنا بس الحين هي ماتجلس معي واذا ارسلت له ما ترد وانا اخاف اواجه وعلاقتي معه من 3 سنين مو بسيطه ومااعرف اسوي علاقات زي العلاقه الي انا معه اسولف معه عن اشياء كثيره ويعني هي بايخه السوالف بس معه تحلى، انا بديت اشك فيني هل انا سويت شي ازعجه هل انا ضايقته بكلمه او حركه؟ طيب يمكن المشكله منه اكييد عنده ظرف وكانت تتجنبني بسبته، المهم انا صار ببالي كييف سنريوهات وخفت كثير وخايفه تجي تقولي نقطع العلاقه من بعض وكل واحد يمشي بطريقه الزبده تهاويل لدرجه اني فكرت انه اهله تطلقوا وهي تمر تمشاكل نفسيه بسبته وما تبي توريني ذا الجانب منه، بعد فتره الي هي قبل كم يوم كانت المدرسه مسويه فعاليات وحاطه ركن بيع وفيه اهداء (تعطين شخص داخل المدرسه هديه تكون من مجهول الركن يعطيها اياه) وانا جاني اهداء ففكرت بخوياتي وشكيت انه هي بعد ف رحت سألته فلانه وش مسويه، ابي اشوف هي او لا وبقدرت قادر ردت علي بعد كم دقيقه كانت فاهمه غلط وجايه تقولي لا والله ما سويتي شي بس فلانه وفلانه كانوا يبوني امشي معهم واستحيت اردهم، مااوصف لكم كميه الفرحه اللي شعرت فيها يوم درت غير انه تكلمت عن ذا الموضوع الزبده سولفنا شوي وبس يعني امم مدري وش اقول صراحه، ابي اعرف وجهت نظرك في الموضوع حبا لو انتي بنت وابي اقول يعني في بعض الاحيان نكبر موضوع معين ويكون ابسط من مايبدوا بسنين ضوئيه ¯\_(ツ)_/¯ لحضه 1430 حرف؟!؟ شكلي زوته شوي؟😭😭😭

انا عندي زمايلي شباب في الجامعه شاكك انهم بيعملوا مع بعض افعال لوطية لاني حصل قدامي كذا موقف منهم اني قبل كدا لقيتهم بيمسكوا بعض من اماكن حساسه و يعقدوا يضحكوا ، دلوقتي حد منهم عزمني علي فرح قريبته و انا معنديش صحاب و يعتبر تقريبا اول مرة حد يعزمني اروح معاهم و مليش دعوة باللي بيعملوه بحيث اني مفقدش فرصة ان يبقي عندي صحاب ؟

كنت رايح اقابلها امبارح ف المهم وانا راكب ف السكة قالتلى واقفة مع صحابها البنات ف المهم وانا معدى شوفتها وكان معاها بنتين وشب وبعدها ب شوية شوفتها طالعة البيت عشان تغير هدومها وتنزل تقابلنى وكدة ف المهم وهيا ف البيت كانت بتعمل نفسها بتكلم اخوها وأنه قاعد معاها فوق مع انى مسمعتش صوته المهم اتمشيت شوية لحد المحل بتاعهم وانا يكلمها لحد ماتنزلى لقيت اخوها اللى عامله نفسها بتكلمه واقف قدامى حرفيا انصدمت ومبقتش مصدق أنها تعمل عليا الفيلم دا المهم وانا يكلمها بعد ما شوفت اخوها قلتلها انا ماشى وبكرة ابقى اشوفك قالتلى لا نازلة اهو وقالت لاخوها أنها نازلة مع أنه لسة شايفة. ف الشارع ومتأكد أنها لوحدها ف البيت ف لما نزلت وقفت معاها حبة وواجهتها باللى كانت واقفة معاه هيا وصحابها أنكرت وقعدت تحلف وتقولى لو هقف مع حد هقولك مكانى لى وواجهتها بموضوع اخوها دا تحلف ايمانات الله أنه كان فوق وانا مسمعتش صوته اصلا وهوا كان قدامى ق الشارع ولما قلتلها انى شوفته قدامى وهيا بتكلمه فوق تحلم وتقسم أنها قافلة الاوضة ع نفسها وبتكلمه من ورا الباب ف مبلعتش الكلام وختها روحتها قولتلها لما تبقى صريحة وأوضح من كدة ابقى قررى عايزة اى وكلمينى وروحتها ومشيت لقيتها بتتصل بيا بليل وبتقولى مش حابة اخسرك ومش عارف اى وبرضوا مصرة أنها صح وانها مكنتش واقفة مع حد قلتلها ماشى يمكن نظرى ضعيف طب واخوكى دا اللى كان قدامى تقولى لما كلمته قالى أنه نزل وطلع تانى طب نزل أو طلع بتكلميه ازاى وهوا ق الشارع وانا قدام بيتك مشفتوش ازاى وهوا نازل أو طالع والمحل بعيد عن البيت اصلا شوية المهم من هنا لهنا وعماله تحلف أنها مبتكدبش ولا بتخبى عليا حاجة كبرت دماغى والمفروض هنتقابل كمان ساعاتين عشان نصفى الموضوع دا بس انا حاسس أن فى حاجة مش مظبوطة

دماغي هتنفجر معتش فاهم حاجه محتاج رأيكم بكل حياد 100% انا كنت اتعرفت علي بنت من 8 شهور في لعبة و اتكلمنا انستا وبنلعب علطول وارتبطنا بس جيت بعد اول شهر حبيت اتأكد هي بنت او ولد ،لأنو انا مكنتش متأكد ،وخصوصا انا كنت بعمل مقالب زي دي زمان ومتأكد انها ممكن تحصل ،فمحبتش اكمل في الحوار ويطلع مقلب في الأخر ،ف وقت كلام معاها خالص لمدة كام شهر ،بس اتأكدت انها بنت بسبب كام سببب ف بعد م بعتلها تاني رجعنا عادي ،لاني كنت وقتها متأكد انها بنت خلاص ف عدى كام شهر وجينا اخر اسبوعين من انهردا ،لقيتها ابتدت تبعتلي ڤديوهات لهيا وهي بتغني ،بس بتكون مغطية الكاميرا وصوتها بس هو اللي طالع وكانت لما بتبعتلي صورة ليها ،صورة عادية جدا ،ب وشها يعني كانت تحذفها بعد كام ثانية فالحوار دا انا خلاني رجعت متلغبط تاني شبه الأول ،خصوصا بعد م قلتها غني بصوتك بس ڤويس مش ڤديو ،رفضت وقتها بحجت انها بتحب يكون معاها ڤديو لصوتها وهي بتغني ك توثيق لحظات وبتاع هنا نا مكنتش شاكك يعتبر لحد دلوقتي ،بس شكيت لما طلبت اسمع صوتها ڤويس ،ف رفضت ،ف اسألها عن السبب تقولي انها مش حاجه مفيش أي سبب ،السبب انها مش بتحب تسجل ڤويس او مش بتحب صوتها في الڤويس فقلت لها اني عاوز اسمع صوتك عادي ،قلتلها تكتر من مره ورفضت ،وعلفكرة انا قلتلها تسجل ڤويس تقول اي كلمها عشوايية ،اي كلمة حتى لو بدون معنى، انا بس عاوز اسمع صوتك مش اكتر فطبعا هنا انا بدات اشك تاني زي الاول من بعد موضوع الصور اللي بتحءفها و انها رافضة حتى تسجل اي كلمة فقلت لها خلاص سجلي ڤديو زي م بتعملي كل مره بس بدل م تغني ،انا هكتبلك كلمة عشوائية تقوليها ، وطلبت منها تقول الساعا كام وقتها يعني تقول عدد الساعة ،انا عارف انها حاجه غريبة بس حبيت الطلب يكون خفيف خالص مش اكتر ف لقيتها اتأخرت 10دقايق ،اصلاا الجملة مش هتاخد ثانيتين ،وكانت رافضة حتى سجل الفديو ،بس الاقيه سجلت الفديو فعلاا بس الصوت نفسة صوت مش حقيقي يعني كأنه صوت متعدل ومش صوتها اللي هي بتغني بيه بتقولي انها غيرت الصوت لصوت مهرج!!! ولما سألتها علي الڤويس ليه مش عاوزة تبعتي قالتلي انا مش ببعت ڤويسات غير لقرايبي او اصحاب معينيين ،وانو بيكون لو الموضوع مهم عشان ميطولش وسألتها عن الصور اللي بتحذفها قالتلي عشان باباها قالها متبعتيش صور لحد فعشان كدا كانت بتحذفها ،فقلت لها علفكرة انتي فعلاا بعتيهم؟؟حتى لو بباكي قالك متبعتيش صورك ،ف هو قالك متبعتيش مش قال لما تبعتيهم تحذفيهم ؟؟؟قالتلي انت مش فاهمني واني كنت واثقة انك هتحذفهم ،وكلام مدخلش دماغي صراحة طبعا انا وقتها شكيت فشخ بطريقة كبيرة ،اي الحركات اللي هي بتعملها دي ،فقلت لها سجلي بصوتك عدل ،ف طلعا قالتلي لأ ،خليني ابعتلك فويس بالنجليزي ،حاجه غريبة جدا بصراحة ،بتقولي بحب صوتي بالنجليزي انا كنت حاطت احتمالات انها لو ولد ممكن تستخدم AIاو حاجه ف عشان كدا أصريت انها تقرأ كلمة معينه عشوائية هقولها ف ال من دقيقتين ،الخوار كلو اصلاا مكنش هياخد منها دقيقة فقلت لها اني مش عاوز اكمل في العلاقة لأني شاكك انك ولد بسبب الحركات دي وانك انتي اللي خليتيني اشك فيكي بسبب أفعالك ،وانو اصلاا اي يثبت انك بنت؟ فطبعا شافت الكلمة من هنا زعلت اني شكليت في انها ولد واني كدا شكيت في جنسها واني كدا بقل منها وان كدا كرامتها ضاعت ،ف لقيتها بتسجلي ڤديو وهي داخلة الواتس جروب البنات في المدرسة بتاعها ف هنا يعتبر الشك كان راح وعرفت انها بنت ف طبعا بعد ما قلت لها اني شكيت انك ولد ،قالتلي اني مش عاوز أكمل خلاص مش هينفع وحلفت انو خلاص مش هينفع وقالتلي اني كسرتها واني لو بحبها مكنتش شكيت انها ولد ،واني كنت بضحك عليها لانو في اول العلاقة وقفنا كلام بسبب اني شكيت انها ولد ومكنتش متأكد ،واني كنت بضحك عليها وان لما رجعنا انا كنت شاكك لسه فقلت لأ احنا لما رجعنا نتكلم اول مره كنت بتأكد 100%انت بنت ،بس جيت في اخر فترة فأنتي خلتيني اشك بسبب الحركات اللي بتعمليها دي ،انتي السبب ،ليه زعلانه علي رد فعل انا عملتو وانتي اصلاا السبب في رد الفعل دا؟؟! فطلعا قالتلي انا مش غلطانه في حاجه وانك انت الغلطان وانك كسرتني ،واني مكنتش متوقعاها منك ،واني كنت عاي طبيعتي معاك زيادة عن اللزوم ف انا عاوز افهم يا جماعة بالله عليكم لأني حرفيا بقيت 90%مصدق كلامها ،واني كسرتها واني انا الغلطان ،بقيت شاكك في نفسي ،بس برجع وبفكر في الموضوع بلاقي انها السبب اصلاا، هي لو كانت تفكر في كل حاجه بتعملها واني ممكن افكر ف اي مكنش دا حصل وقلت لها فعلاا كدا ،انو انتي مفكرتيش فاللي بتعملية دا ممكني يخليني افتكر اي؟ قالتلي لأ لاني كنت واخدة راحتي معاك ومتوقعتهاش منك فنهينا العلاقة وبعد 3ايام الاقيها عملت بلوكات وخلاص الحوار خلص الفكرة مش فكرة ان انا عاوز ارجع ،اافكرة فكرت عاوز اغهم انا غلطان او لا ف بالله عليكم عشان انا ضميري مأنبني جامد ودماغي هتنفجر ومعتش فاهم حاجه ،هل انا غلطان ولو انا غلطان عرفوني بجد يعني اي شخص طبيعي يشك زيي او الا خصوصا اني اعرفها من 8 شهور ،وشكرا لكل شخص قرأ للأخر.

رأي أي حد مهما كان مختصر هيفرق معايا الموضوع تاعبني انا وشخص صحاب من سنه وحبينا بعض رغم رفضي للحب واقتناعي التام اني مليش نصيب فيه وأنه بيطفيني مهما كانت العلاقه كويسه من شهر تقريباً وقولنا لبعض وهو من قبل ما ده يحصل حنين اوي عليا وجميل معايا والمرات اللي زعلني فيها يتعدو وفي كل صفات الرجوله سواء من جواه أو سطحي وكويس جدا من جواه وغلبان لدرجه انه دايما بحس أنه بيصعب عليا ومش عايزه حد يقول جنبه حرف يضايقه بيصد اي واحده تكلمه بدليل وغير رقمه من غير ما اقول بيراضيني حتى لو هيولع في الدنيا وأهله عرفو وهيجو نقرأ فاتحه قريب بخاف اتكلم عليه مع حد من صحابي علاقتنا تتحسد حقيقي من كتر ما هو كويس بالصدفة واحنا بنتكلم افتكرت الفتره اللي اول ما عرفته فيها والشات بتاعنا معايا من ساعتها واكتشفت أن انا في الاول الشخص ده كان مستحيل اتخيله جوزي وان تفكيره كان وحش جدا ودماغه شمال علي طول حتى في الكلام العادي لأعلى درجه بطريقه رهيبه بجد وأنه بيهزر مع البنات والدنيا معاه هلس بس انا مكنتش شايفه لأن وقتها كان زي اخويا ومش فارقلي اللي بيعمله كنت ساعات بغيير بس مش غيره حب وبقوله ونشد مع بعض رغم أنه كان بيقولي أنه مش بيتضايق وانا مش بعرف اسيطر علي نفسي وتاني يوم اعرف أن هو هزر مع واحده جديده اخر ما زهقت قطعت علاقتي بكل حاجه ممكن توصلي موضوع أن هو هزر مع بنت او اتكلم معاها حتى صحابنا المشتركين لأن الموضوع بدأ يكبر معايا ودمي يتحرق واعيط من غيرتي عليه وقتها وريحت دماغي وقولت علي الاقل معرفش فا ابقا مرتاحه والدنيا مشيت كويسه جدا بعدها لدرجه اني نسيت خالص أن ده كان بيحصل في يوم اصلا كان شخص غير امين عليا نهائي لأنه كان حتى ألفاظه ودنيته مش مناسبه معايا من ساعتها وانا مقريفه وخايفه انا حتى معرفش هو ممكن يكون بطل ده امتى وبطل ولا لا بس هو قدامي بيحصل أن بنات من اللي كان عارفهم يبعتولي أو يبعتو لصحابه عشان ياخدو رقمه بيصد اي واحده مهما كانت مين بالطريقه اللي ترضيني وشايلني في كل حاجه بس تخيلت كل ده يطلع تمثيل عليا وشخصيته الحقيقه اللي عرفته بيها انا عندي استعداد اسيبه لواحده غيري بس متصدمش فيه قدام انا متعلقه بيه جدا ومش فارق معايا علاقتنا قد ما خايفه اكتشف أن هو شخص تاني هو ممكن حد يمثل فتره كبيره كدا؟وهل ممكن يكون اتغير فعلا انا بتعب جامد في الموضوع ده مش هستحمل اتصدم في ده بالذات أو يتغير عليا ويرجع كدا بعد ما يضمني ممكن وقتها اعمل حاجه في نفسي للأسف اتعلقت بيه بشكل مش طبيعي رغم أنها فتره قصيره انا عايزه الحق الدنيا قبل ما الموضوع يكبر انا حاسه ان هما شخصين مختلفين تماماً انا نسيت الشخص اللي كنت عارفاه بيه والله لما افتكرت قعدت استوعب

متلغبطه اوي يجمتعه لو بالصدفه عرفت حد.ع المديا وقالي انه معجب بيا وهيتقدملي انا رفضت لان قلتله لازم يتقدملي رسمي قالي ان اهله مسافرين ومش هيعرف يفاتحهم غير اما ينزلو هل قلقي طبيعي طول الوقت خايفه يكون كلام وخلاص ارجع احس انه جاد اقول يمكن خلال الفتره دي يزهق ويغير رايه او يحصل اي حاجه واتعلق بيه ع اافاضي هل قلقي مبرر مش عارفه صح ولا غلط بس هو شخص كويس اوي ومحترم

جماعه هو حرام ان ولد وبنت بتكلمو على الاب هنا يحلو مشكله يعني مثلا انا حطيت مشكله وحد رد عليا ودخلنا نقاش لحد محد يقنع التاني منغير حاجه كدا ولا كدا دا حرام ولا لا مع اننا منعرفش بعض ولا حاجه غير الموضوع بتاع البوست من ساعه مدخلت الاب هنا والحوار دا بيتكرر بس بحس ب قبضه في قلبي كدا عمري ما اتكلمت مع ولاد قبل كدا ومش عارفه دا كدا محسوب عليا اي مع العلم ان في ناس كتير فادتني على الاب سواء من نصايح او مشاكل قالولي على حلول ليها ولو حد حاول يغير مجرى الكلام بقفل واعمل بلوك وريبورت على طول الذات ان في ناس بيبقو مقتنعين بحاجات غلط تحسهم معميين عن الصح وده بيبقى هدف النقاش اصلا بس مش عارفه بردو

مستحيل انسا اخر رمضان ، اول رمضان بدون ماما و رمضان بدون منزل اللي بابا طاردني واعيش عند حبيبتي الي خطبتها بعد مشادة بيناتنا ، اخر رمضان كشف لي ان مستحيل يكون بيتها مثل بيتي مهما هي قالت ومهما هي كانت حبابة ، كنت اخرج من البيت اول ما اصحة من النوم اروح الجم وابقة بالجم من اول الصباح للضهر ومن الضهر للمغرب اني بالورشة مع اصدقائي, فقط على اساس ما يسقط الصيام ؟ بيني وبينها انا اصلا اشكك باسلامي ما اقصد بالدين اقصد بالتزامي كل الي اسويه اصلي الفرض واصوم الفرض بس لا اكثر ولا اقل ، وهية؟ هية ما فرق معاها لانها اصلا من الديانه الصابئيه

في واحد اتعرفت عليه مؤخراً بقالي اربع شهور ومعجبة بيه جداً وهو قال انه بيحبني بس انا مش مصدقة ده حاسة انه في حاجة غلط بسبب سرعة الوقت وبسبب انه كويس اوي فا حاسة انه في حاجة غلط وانا مش عارفة اصدقة ولا لا او لو في طريقة اعرف بيها مثلا ممكن تقولولي؟

حجات تجربتي فلحب علمتهالي متكدبش احساسك متصدقش كل الي يتقالك مش ديما الي بتسمعو صح مش ديما بيحزنو بجد ممكن تعمل زعلانه عادي ممكن تمثل انها بتحبك بس حقيقي اكتر حاجة بتوجع انك تشك في مصدقية كل لحظه حلوة عشتها مع الشخصية دي

ازاي يكون عندي ثقه بنفسي؟ انا مش ببين للناس اني معنديش ثقة بنفسي لما حد يمدح حاجه بعملها بحسها مجامله ومش بحس اني موهوبه مع ان كل الناس بتقولي بحس بالعكس بزعل عشان كأني بيجبرو بخاطري وخلاص ولما حد بينتقدني بتعقد يعني ف مره كنت لابسة طرحه بطريقة معينه وصاحبتي قالتلي متزعليش مني بس شكلك تيته اوي وضحكت ودايمًا صحابي بيتريقو على طولي لأني اقصر منهم + لما حد بيطلب نصيحتي بتكلم بكل عقل وعارفة كل حاجه الحمدلله بس بستغرب من نفسي وانا بقول كلام انا مش قادرة اعمله وصعب عليا

جماعه انا عند 16 سنه و ولد ديما بعاني اني مش بحس شكلي حلو او فيا حاجه غلط او ناقصه علشان كل ما اعترف بحبي ل بنت بترفضني و ده بيخلي استغرب و اشك أن العيب فيا دلوقتي انا عايز وحده تفهمني ليه ده بيحصل

انا شاب عمرى 20 سنه وانا طفل كنت بحس دايما انى مميز وذكى بس لما كبرت شويه الموضوع اتغير بقيت بحس دايما انى قليل وان كله احسن منى لدرجه ان لما حد بيمدحنى بحس ان انه بيتريق عليا او بيستهزا بيا بدخل نفسى ف مقارنه مع كله لدرجه بمشى فى الشارع بقارن نفسى مع كل الناس سواء اعرفها او لا

Why do I romanticize everything I feel everything deeply لكن موخرا سالت نفسي ، هل انا فعلا كنت حاسه بكل ده عشان هي مشاعر حقيقيه؟ ساعات بحس اني انا اللي بخلق الحاجات دي في دماغي يمكن اللي حواليا مش حاسين زيي انا فعلا بخلق من اي شى عادي حاجه رومانسيه لو كنت بموت قدام حد و جابلي كوبايه مايه هقول بيحبني مع انه تصرفي بس آدمي و ده خلاني اسال كل اللي انا حسيت معاهم بحاجه هل فعلا كانت حقيقيه؟ ولا مجرد خيالي هل فعلا انا حبيتهم هل فعلا مشاعرهم اللي انا طايره بيها للسما حقيقيه يمكن مشاكلي النفسيه طالعه على الموضوع ده حبيت ناس لمجرد دماغي سوحتني وانهم مضغطوش عليا نفسيا بس 🤷🏻‍♀️

مش مفهومة حتى لو قالتلك إنها بتحب الراجل الحنين ساعتها هي بتقسي وساعات يتقالك بتحب الغيرة أو غيرتك بس بتتخنق بعدين ثق فيا وأنا بجد مش هخذلك وبرضو بتخذل أنا بتعلق بيهم بسرعة لأن ف الأول بستقبل الي يقولوه وببقي سمعته ومش هعرف اثق ف بنت بس أول م أبدآ ابقي خلاص بحس ب ده جدآ بيتغيرو بيخلوك تشك ف احساسك بتستني المسدچ بتاعك يترد عليه تشوف الشخص فاتح ولا لأ تستني تسمع صوتها أو تشوف صورة ليها عشان متعلق بوجودها وحابب ده مع اني شخص متعود ع الهذلان بس ولا مره خدت نص الي اديته

عندي مشكلة مع خطيبي ، مش عارفة ماذا يحدث معه ، عنده 3 ايام لت يتكلم معي و كل ما يقوله ان حالته النفسية ليست بخير و انا انتابني الشك يمكن يخون فيا او يريد ينهي العلاقة ،هل مررتم بهذه التجربة من قبل بنات

هو ممكن ن heal مع بعض ؟ يعني احنا الاتنين نكون احسن نفسيا صحيا دينيا عمليا ماديا.. بفكر مدلهوش فرصه رغم اني معجبه بيه .. بس خلاص مبقتش حمل احتمالات اصل احتمال كبير منكونش مناسبين فليه نحاول و نستهلك مجهود و وقت . ركزوا عالوقت لانه معروف كل ما وقت يزيد كل ما هنتعود و هنتأذي لو بعدنا

هل فعلا شاب ٢٣ سنه ممكن يحب واحده منفصله،وعندها ٤ اطفال،واكبر منه ب ١٣ سنه لمجرد ان شكلها مش باين عليه سنها وانه حبها من اول ماشافها ولا دي اشتغاله قولولي بالله عليكم لانه قال انه قال لاهله ولما طلبت منه اكلمهم قال انتي مش مصدقاني ليه

انا بحب واخد ومن زمان قووى من خمس سنين وهو كمان بيحبنى بس عمرنا ما اتكلمنا ابداا وانا بقعد افكر فيه كتير قوووى واقعد انى هتجوزو وانا بقى مفكراه انو زى وكدا بس عرفت انو هو بيكلم واحدة صحبتى بس واضح قوى يعنى انو مش بيحبها وعندى احساس كبير ب دا وفى نفس الوقت حاسه انو ممكن يكون نسينى بس لما بنتقابل فى الموصلات بيسترق النظر ليا وانا بفرح قووى لما بشوفو ف م عارفا هو بيحبنى ولا لا بس الى تأكدت منو إن انا بحبو قووووووووووى ولما عرفت انو بيكلم زعلت واكتئبت بس لسه بحبو 😔

هل لو فى اتنين كانوا بيحبوا بعض اوى و اللى بينا قعد خمس سنين بس اخر سنه دى انا نقلت من بلد ل بلد تانيه فمقيناش نشوف بعض فهل دا يعني يخليه يبطل يحبنى او انشغاله بالحياه اللى هو شغل مع دراسه " دى حاجه برضو تخليه يبطل يحبنى " او خوفه من ان هو حاسس ان المشوار لسه طويل عشان يوصلى فهل دا برضو ممكن يكون سبب يخليه يبعد عنى؟ انا مبقتش عارفه احدد سبب بعده و لا عارفه احدد هو بطل يحبنى و لا لا بس كل اللى انا متاكده منه ان هو كان بيحبنى اوى بجد و انه مستحيل تغيره و بعده دا يكون بسبب ان فى حد تانى دخل ل حياته

كنت مرتبطه بحد كنت بحبه فشخ بس قررت ابعد عنه عشان بحس شعور غير متبادل او بيحب اني بحبه مكنتش قادره احس انه عنده شغف يعمل حاجة بس بيقول انه بيحبني وانا مكنتش عارفة اتأكد بيحبني بجد ولا كلام يعني ف كنت بدينا فرص بس كل الدنيا قفلت ف وشي و سيبته عشان بيسكب مشاعري هو اعتذر بس انا مش عارفه هو كدا انا ظلماه ولا افضل بعيد

انا كنت مرتبطة بزميلي في الجامعة انا كنت رافصة فكرة الارتباط بس احنا كنا في السنة الاخيرة وقالي انو لما نتخرج هيجي يتقدملي بس كانت بتحصل بينا مشاكل دايما في جزء الغيرة والتحكم رغم اني كنت بحاول اسمع كلام في كل حاجة المهم بعد التخرج حصلتله مشكلة وهو ان بعض الاوراق كان عايز يطلعها و كان في مشكلة وكان بيتعامل معايا وحش جدا و متجاهلني و كان بيتعامل مع بنات كتير وانا مستحملة انها فترة وهتعدي راح قالي انو بيحبني بس مش عارفين نتعامل ونسيب بعض الموضوع دا حصل من ٦ شعور وانا مش قادرة افهم هل هو كان بيتسلي وبيخلع كدة ولا دا حقيقي لاني كنت بحس بوعوده ليا حقيقية انو هيحارب كل الظروف وعمره ما هيسبني وكدة

كان عندي اصحاب بنات ع السوشيال ميديا وبحبهم جداا بس اهلي مكنوش هيتقبلوا الفكره فمعرفتهمش المشكله ان من قريب بدأوا يشكوا فيا وكل شويه يفتشوا الموبايل وبقيت حاسه اني متراقبه مع اني مش بعمل حاجة غلط تفتكروا اتصرف ازاي؟

كنت في علاقة واكتشفت إن كل حبي واهتمامي كان مركز على الشخص ده لدرجة إني نسيت نفسي... لما العلاقة خلصت ،، حسيت بفراغ كبير ،، دلوقتي بحاول احسن من نفسي وابطل اتعلق بالاشخاص بس عندي مشكلة اني مبقتش اصدق حد وشايف انه كلمهم كدابين المفروض اعمل ايه وادي فرصه لتاس تقرب تاني ازاي ؟؟

هل صعب الانسان يتغير ؟ التغير انه يحب نفسه وانه يقرب لربنا اكترررر و يبطل شتيمه و يهتم بصحته و يلغي معارفه البنات لو تركزوا ان كلها سلوكيات مش حاجات فالشخصيه مثلا ولا اي رأيكم وهل ممكن تتغير ؟ هل يا جماعه ابعد ولا طلامه بيحبني نحاول مع بعض. انا كان نفسي بجد زوج صالح وهو اليشجعني ويكون سابقني فكل حاجه

هل عادي ان نشعر بعد 6 سنوات من دراسه الطب انه كان قرارا خطأ منذ البدايه ؟ فكره ان تكون حياتي وسيله لشفاء شخص اخر و ان اتخلى عن صحتي بسبب التخصص نفسه ؟ هل هذا عادي ؟ ام البلد خطأ ؟ الاشخاص خطأ ؟ هل من شخص راوده هذا الشعور؟

حصل معيا موقف هاوز اعرف رئيك كنت ماشي مع حد في الشارع وفي طفل صغير سلم عليها بيقول يعني هاااي وبيهزر وهي هزرت معاه فهي بصيت لي وانا عملت نفسي مختش بالي من الموقف تمام فانا عاوز اعرف في المستقبل لما بقا ماشي بقا معا خطيبتي او مراتي اي احسن حاجه اعملها ؟ اسئلها مثلا مين ده او كدا ولا لا انا في الموقف ده استنتجت يعني ان هو حصل ما بينهم موقف قبل كده او هزروا مع بعض قبل كده فقلت تمام يعني ما اسالش بس (عايز اعرف بقى ايه الصح المفروض اعمله من وجهه نظر كل واحد وليه)

هوا ممكن الشك يقتل الحب؟ يعني حتي لو الولد مثلا بيحب بنت اوي وبعدين هوا راح شغل فيه بنات وكتير وهيا طريقتها معاه اتغيرت من الغيره وأنها خايفه أن ممكن بنت تحاول تلف عليه وكده لانه شخص حلو وسيم يعني بعيدا عن كل ده هل فعلا ممكن طريقتها معاه اللي تغيرت وكل يوم تنكد عليه وهوا راجع من الشغل تعبان طول اليوم وكده بس هوا عارف انها بتغير جامد فاهمين حاجه 🙂🙂

ليش كل ما جرب اوثق بحدا بلاقي نفسي دائما انا يلي بعطي كل الاهتمام وكل الثقة وببقى متل الكتاب المفتوح والمكشوف حرفياً انا عمري دلوقت 19 سنة من حوالي السنتين وثقت ببنت وحبيتها وافتكرتها بتحبني ووعدتها اني بل النهاية رح اخطبها واطلبها من اهلها وحفضل واقف معها وبقيت اشتغل اضافي عشان انا بل اساس كنت بشتغل وكانت البنت دي تعطيني دفعة امل بل النهاية اختفت ولما اختفت لقيتها مكملة حياتها طبيعي فانا خدني الفضول اعرف ليش بطلت ترد عليي او على مكالماتي ورسائلي حاولت ادخل حسابها ولما دخلت لقيت اكتر من شب كانت بتكلمهم وبتكلمهم اكتر مني وطول الفترة يلي كانت ما بتكلمني فيها كانت مع واحد منهم بل النهاية بلكتها من كل المواقع وقطعت علاقتي فيها ودائما كل ما اتذكرها بحكي الله يسعدها ويبعدها ويبعتلها ايام حلوة بس انا لليوم واقف بمحاي ماعم اقدر اتقدم ولا حتى خطوة وحدة ياريت يلي بيقدر يساعدني يحاول معي

فيه موضوع عايزة اسأل عنه انا وشخص يعني بنحب بعض جدا جدا يعني بس الفرق بيني انا وهوا أنه معندوش ثقه ف نفسه نهائيا ودائما شايف اني كبيرة عليه المهم فضلت اعاني من الموضوع ده عشان صحابه كانو بيتريقو عليه وهوا شخص حساس شويه ف الكلام اثر عليه مع أنه اقسم بالله اجمل حد ف المنطقه وبنات كتير معجبه بيه وبتتخانق عليه المهم حبني انا وهوا مكانش ف بالي ف الاول لغايه اما اتكلمنا وانا كنت حبيته قبلها بفترة بس مبينتش حبيته عشان بدأت اركز معاة لانه كان بيعمل المستحيل عشان ابص بصه كده حتي لو من غير قصد المهم انا فضلت أقوله لا انت حلو وقمور و غيرة وببالغ اوي ف الكلام لغايه امبارح كده كان ف شغل المهم بقوله عايزة اشوفك واجي الشغل اسلم عليك وامشي قال لا خليكي عشان الناس هتحسدني عليكي بجد وكده وانك ازاي بصيتي لواحد زيي مش عارفه حسيتها تريقه ولا انا اللي بيتهيألي بس زعلت يعني اللي هوا ممكن بقا شاف نفسه عليا عشان نفخت فيه ولا ممكن بيتهيألي وبيتكلم جد

هوا طبيعي واحنا ف اجمل لحظات حيتنا نخاف من الغدر طيب هوا طبيعي ان احنا نخاف من الخيانه ده احنا بيتقال علينا شكاكين كمان دنا بقيت مش فاهم الصح من الغلط لما اسبها برحتها ابقي مش بغير وي وحش ولما ازعق واعيطها ابقي بخوفها تحكيلي اي حاجه ف بتخبي انا عشان محدش يحلل واحد حبيت مره واتخنت فبقيت مثقش ف اي حد

عليا امتحان لماده سهله وعارف انها سهله والدكتور قال كمان متقلقوش ، وانا مذاكرها قبل كدا وسامع كل المحاضرات مره تانيه ومبيض ورا الدكتور وملخص تلخيص عامله لنفسي كمان ، وبالرغم من دا قاعد متقدر ف ليله الامتحان وبذاكر زي اللي مذاكرش خالص ولا فتح الماده ، حاسس اني محبوس جوا دماغي وجوا المعتاد ، مدام الامتحان بكرا يعنني ذاكر جامد حتى لو مذاكر تاني ، المشكله اني بتدايق جدا ان بعد المجهود دا كله بلاقي ان معظم الامتحانات سهله واللي مذاكرش غير ليله الامتحان بيحل وطالع مبسوط ، واللي اصلا مش بيحضر حل ، واللي مش بيفهم الماده ده حل ، ف بندم على المجهود اللي بعمله وبتدايق جدا ، وف نفس الوقت مش عارف اخد قرار حازم واقول اني خلاص مذاكر ، حتى وانا براجع كل المعلومات عارفها بس برده الشك ماسك فيا ، والشك ده للاسف ف معظم جوانب حياتي بس الفتره ده عشان امتحانات ف بعاني منه فالنقطه ده بالتحديد ، وياعالم بعد الامتحانات هيطاردني ف انهي مكان تاني

بحب بنت أنا من القاهرة و هي من اسيوط مستواها المدي اعلي ابوها شغال في مهمدس الامارات و عمها شغال في البترول و عمها التاني مقاول فا عيله كبيرة شويتين البنت محترمه جدا و بحبها اوي أنا 25 هي 19 شغال كول سنتر عندي شقتي في بيت اهلي مش عارف هل ده فرق طبقات ولا أنا اللي عندي حاجة في دماغي ولا أي فا حد يفهمني يا جدعان

عارفين احساس انكم متعلقين بحد اوي و عايزينه اوي و بتحبوه اوي لكن كل حاجة تمنع انكم تكملوا مع بعض هي اصلا علاقة مستحيلة وانتوا معترفين بده و محشورين في situationship مش مفهومة بس علشان تكونوا مع بعض عارفين بقي احساس انكوا تكتشفوا ان الشخص ده كذب عليكم في حاجة فبقيتوا بتشكوا فيه شك مش طبيعي و مش عارفين ايه في كلامه كان حقيقية و بعدها ده يتبعه موقف غير ملهوش تفسير حرفيا غير انه الشخص ده ممكن يكون بيستغلك مع انه ما استغلكمش عارفين بقي احساس ان انتوا لسة مش عارفين تبعدوا و مش عارفين تكرهوا الشخص ده عارفين بقي كل ده وانتوا عارفين ان الشخص ده مضغوط و طالع عينه بس بردو عايزينه جنبكم و عايزين تبقوا جنبه بس هو عايز يفصل من كل الناس و بيعمل تصرفات مش مفهومة بوست ملهوش لازمة سلام عليكم يا شباب

انا مخطوبه بقالي خمس شهور بظبط و عندي شك كبير ان خطيبي بيخوني لان كذا مره القيه مخبي تيلفونه مني و هو ماسكه او يقلب الموبايل على وشه لما حد يتصل او يبعت رساله ...او مغير باسورد الاكونتات بتاعته منغير ما يقول غير انه اكتر من مره يكدب عليا و يقولي انه فالشغل و اكتشف انه مش فالشغل ولا حاجه انا مش عايزه انفصل لاني بجد عايزه اتجوز الشخص ده لاسباب شخصيه و مش بحبه الحب الي يخليني اغير او اضايق من خيانه كل مشكلتي ان خايفه بعد الجواز احبه و هو يكمل خيانه اعمل ايه؟

هو ازاي ممكن حد يرجع ثقته بالناس، ازاي ممكن تبقي كقتنع ميه في الميه ان صوابعك مش زي بعضها وبردو مش عارف تفرق انا اتعرض لحاجه اشبه بالكهربه حرفيا، اتصدمت فاكتر حد كنب بحبه وكنت شايفه انو مستحيل يغلط ومستحيل يعمل حاجه غلط، اتصدمت فبابا الي كان بالنسبه ليا نموزج مش للاب المثالي دا كان للانسان المسالي، اتصدمت فيه مع واحده كنت شايفه انها بتعوضني قسوه ماما وانها احن حد عليا لغايه مع عرفت انها حربايه بتتلون علشان تقرب من ابويا من خلالي وانها استغلتني وان اومي القاسيه الي كنت شايفه انها مبتحبنيش، طلعت اطيب انسان في الدنيا واستحملت كل حاجه علشانا، اتصدمت في اكتر اتنين كنت بحبهم وبعتبرهم امان ليا، مش عارفه اثق في حد من بعدهم، انا كنت طفله سعتها كان عندي 11 سنه وانا حاليا 19 ولسه مش عارفه اثق في اي حد بالزات بعد ما عرفت اني عمري ما هعرف اتخطي اني اتخدعت وكنت غبيه لدرجه ان واحده تستغل احتياجي لحنانها علشان توقع ابويا من خلالي. نفسي روح لماما واقولها انا اسفه اني كنت شايفاكي قاسيه علشان بتربيني وكنت شايفه واحده بتستغلني وبتستغل مشاعر طفله علشان تحقق اهدافها الزفت زيها. نفسي اروح لبابا واقوله طب انت ازاي انا هونت عليك، بلاش ماما وبلاش انك متجوز بس انت ازاي تكسر ثقتي فيك كدا، انا طول الوقت بحاول اتعامل مع بابا عادي بس مش عارفه دايما، بشك في حد صحابي واهلي، مستنيه انهم يبقوا بيستغلوني هما كمان، عندي صحاب كتير والمفروض شخصيه قويه بس انا مش عارفه اثق في حد فيهم وبصدرلهم دايما اني متعصبه واني مش فارقلي اي حد علشان ميخزلونيش هما كمان... بجد انا مش عارفه اخرت دا ايه، طب هو انا ممكن يحصل فيا زي ماما؟ طب هو انا لو حبيت حد هعرف اثق فيه ويبقي قد الثقه، ولا هيكسرني ويستغلني ويستهون بعقلي ويكسرني تاني، كرهت الحب الي خلي الست دي تعمل فيا كدا علشان حبت بابا، كرهت العلاقات علشان ممكن في الاخر تسيب فيك حاجه تفضل نحاول تداويها لغايه ما تتحول لحاجه بتجرح الي حواليك علشان تحمي نفسك. انا تسفه اني كولت عليهم بس دول كانوا كلمتين كنت محاتاجه اقولهم لاي حد حتي لو مش هيسمعني

عارفين فيه احساس كده دايما يخليك تشك ف كل حاجه يعني انا مثلا حد قريب مني قالي جمل تفرحني وان انا وصلت لمرحله ف قلبه حلوة اوي وقالها فجأه والمفروض تبقا مبسوط لانه من شخصك المفضل فجأه انت تحس ان ممكن بيلعب عليك لعبه أو حاجه خايف لو فيه حاجه دايما حاسه اني عايزة اعيط من الخوف دايما الاحساس ده عندي فرحانه مثلا ببقا مستنيه المشكله ف اي وقت نفسي احس بفرحه كامله

كنت انهارده بقرأ في الكتاب المقدس وانا مسلمة عامة المهم اني قولت اركن عقيدتي علي جنب واقرا بكل انصاف وعدل وبجد ياجماعه الكلام المكتوب ميدخلش عقل يعني بدات بالتكوين وكان في شوية عبث قولت عادي دخلت علي انجيل يوحنا وعلي رسالة يهوذا ويالله علي العبث اللي قراءته خليني اشاركم شوية في رؤيا يوحنا اللاهوتي الاصحاح 12 بيتكلم عن المراة والتنين بالله ياجدعان أقرأوه و اللي عنده شك في القرآن ولو واحد في الميه الشك ده يعني كفاية الاسم المرأة والتنين!! اي دههههه او أقراو التكوين اول حاجة لوحده فيصل يعني اختصار التكوين بيقول ان ربنا خلق الكون في ست ايام وفي اليوم السابع استراح يعني بكل عقل في رب هيتعب عشان يرتاح بالعقل والمنطق والفهم !!! ولو انا غلط او اللي قرأته ده اي كلام عدلوا عليا مش عيب لو انا غلط قولوا انا غلط وده مش موجود

"التقدير الحقيقي مش موجود في الكلام… موجود في الأفعال اللي تشوفها بعينك." جربت قبل كدا احساس التقدير الحقيقي مش الكلام ولا كلو في الاخر بيطلع كلام عشان نعدي بيه الموقف مش اكتر يعني هل فيه تقدير حقيقي ولا وهم

تعمل ايه لو انت لواحدك ضد اكتر ناس كنت فاكرهم اقرب الناس ليك لا دا بالعكس كمان دول بيخلوك تشك في كل الناس حتي بعد ما انت شوفت كل دليل قاطع بس نعمل ايه انت للاسف عندك ضعف المواجهه علشان مش عاوز تجرح حد و في المقابل بتجرح نفسك عادي

اتعامل ازاي مع حوار التراست ايشوز والشك ف كل حاجة وفي كل الكلام واني مش بعرف اكمل في ريليشن بسبب الoverthinking واني دايما شاكه في مصداقيه الشخص اللي قدامي ودماغي بتسوحني كتير وشك دايما وكنت مفكره ان ده الطبيعي لحد مصحابي قالولي ان ده اوڤر بس برضو مش بعرف اصدق وبتعامل بتراست ايشوز دايما ونظريات المؤامره دايما

بابا زمان كان شايفني غبية، لمجرد انه لما بيطلب مني الحاجة بيكون عاوزها بسرعة فأنا بتوتر جدا وبتلغبط عشان معصبوش فبيقولي إني غبية، أنا أه كبرت دلوقتي وأه شايفني دلوقتي حاجة كبيرة عشان في كلية طبية بس لسه لحد دلوقتي بشكك في نفسي وأشكك في قدراتي حتى لو اللي حواليا أجمعوا اني فعلا شاطرة وفعلا بعرف أمل الحاجة دي كويس

استكمالا للي نزلته من شوية انا لقيت اني لما مبتكلمش هو مبيتكلمش ..مش حاسة اني متقدرة ف العلاقة دي ..دايما حاسة اني مضغوطة مع العلم ان هو عنده قدرة عالية على استفزازي لان انا شخص بستفز بسرعة وبتعصب .. عندي عيب اني وقت النقاشات ممكن نبرة صوتي تعلى وساعات بعيط ..احنا معملناش خطوبة وقتها وقولنا هيبقى تلبيس دبل على قد الاسرتين وخلاص حتى مجبناش شبكة كان دبلة ومحبس بس مع اتفاق ان في شقة تمليك والشبكة بعد سنة بس اللي حصل عكس كدا وحصله ظروف وساب شغله( اللي مكنش مجاله) فترة وتقبلنا الوضع وبالعكس شجعناه يشتغل ف مجاله وياخد كورسات وبناء عليه مفيش شبكة جت ولا بقى في امكانية نجيب شقة تمليك بس تغاضينا عن الموضوع ده ... بعد يجي ست شهور رجع اشتغل ف مجاله بس بمرتب تلت اربعه يتصرف فواتير والباقي ميفتحش بيت وساب الشغل بعدها بتلت اشهر ... المهم اني بقيت بحس ان انا هشيل العلاقة دي وهتبقى عليا لوحدي لانه من النوع اللي مبيعملش حاجة لنفسه ومتعود ان مامته اللي تعمله كل حاجة ..لقيت ان تفكيره ان الست ف البيت والراجل برا البيت ...لما اكلمه ان مثلا نسافر وكدا يقولي لو حد طالع يعدي علينا انا مش هفرهد نفسي ف سواقة اقوله طب مواصلات يقولي لا فرهدة بردو دايما يقولي انه بيحب الانتخة ... وساعات كتير بحس انه عايز يلغي حياتي الاجتماعية بعد الجواز ... اخر مرة اتكلمنا ف الحاجات دي قال انه مبيروحش لحد عشان محدش يجيله وإنه مش عايز حد يجيله اصلا وقال نفس الكلام ده قدام بابايا ومامتي ... جينا اتكلمنا ف تربية الاطفال قالي انه هيتعامل مع الطفل ان اللعبة دي مش اولويات وهيعلمه يحوش من صغره بس لما فكرت قولت لما اللعبة لطفل مش اولوية يبقى حاجاتي الخاصة مش هتبقى اولوية بردو وبقى يجيلي احساس انه بخيل شوية مع العلم انه مبيستخسرش ف نفسه حاجة بس ساعة ما نزلنا نبص ع العفش ونشوف الاسعار وكدا حسيت انه بيبص ع الاقل سعرا مش الافضل من ناحية الخامة ف انا فعلا مش عارفة انا صليت استخارة كتير ودي الحاجات اللي حسيتها بتظهر قدامي ف هل دي اشارات ولا ايه انا مبقتش عارفة وبقيت محتارة اكتر من الاول مع العلم ان انا فكرت كتير اوي ف قراري ده هو شايف ان انا قماصة وبتقمص من غير سبب وانا قولتله اكتر من مرة ع الحاجات اللي بتضايقني وهي انه ممكن يقعد بالتلت اربع ايام ميتصلش عليا يشوفني كويسة ولا لا وبردو اتكررت فبقيت بحس انه ملوش لازمة اتكلم تاني وباخد جنب من نفسي فهو بيشوف ان ده قمص من غير سبب اسفة ع الاطالة للمرة التانية

مش عارف كنت بفكر لقية اعلان الاب دا المهم بفكر اروح لثيربي ! هل حد عنده تجربه سابقه وهل هي حاجه هتكون كويسه ولا مع العلم ان ديما كنت بقول لكل الناس اللي بيروح للناس دول والدكاتره النفسيه بيبقوا مرضى اكتر من الاول وبيصدقوا مرضهم 🙂 زي مثل الجراح كده الجراح لو ملقاش مريض يعمله عمليه هيعمل للممرضه 😅 فهل حد عنده تجربه مع الثيرابي عدله؟

السلام عليكم هو انا محتاج رائيكم في حاجه انا شغال مدرس دي ثاني سنه بحس ان النجاح بعيد واني هتعب عقبال ما اتشعر ويبقي عندي طلبة كتيررر سعات بقارن نفسي بالي حوليا بحس اني متاخر قووووي واني عمري ما هوصل ده طبيعي ؟؟

انا بنت وليا اختي الكبيرة من ساعة ما اتجوزت وهي حرفيا كل مادا بتبعد عني بسبب جوزها دايما يوقع بيننا واحنا من زمان متعودين أما حد مننا بيجيب حاجه جديده بيوريها للتاني لكن دلوقتي بقت بتخبي مني الحاجة وأما اشوفها لابسة حاجه جديده تخبيها تقولي اخاف حد يشدها مني أو ديه مقفولة والقفل ف البيت وبتحسسني اكني حرامية أو هسرقها وموقف تاني كنت بنضفلها اوضتها واول ما جيت ف درج الدهب جريت و اخدته من قدامي بسرعه وخبته .. انا حرفيا وقفت مصدومة و مش عارفه انسي الموقف ده بالذات .... هو كل ده طبيعي ؟! والمفروض اتعامل معاها ازاي بعد كدة